Këshilli për çështje kushtetutes edhe legjislaturë përkrahu sot ndryshimet e ligjit për fshehtësinë e të dhënave me të cilat parashihet procedurë më e thjesht e qasjes të dhënave sekrete për personat fizikë dhe juridikë. Me ndryshimet e propozuara parashihet se nevojitën më pak vërtetime për të lexuar të dhënat sekrete.

Parashihet edhe zgjerimi i kompetencave që kanë të bëjnë me drejtorin për mbrojtjen e të dhënave sekrete nga lëmi i sigurisë informative. Me ndryshimet parashihet që i punësuari në këtë drejtori nuk mund të jetë anëtarë i organit të partisë politike dhe as të veprojë në ndonjë parti.

Këshilli vlerësoi se deklarata për rezolutën e Asamblesë parlamentare të Këshillit të Evropës prej 25 janarit të vitit 2006 për mbrojtjen e lumit Moraça të cilat i ka propozuar demokracia e re serbe janë në pajtim me Kushtetutën e Malit të Z.

Rezoluta e Asamblesë parlamentare të Këshillit të Evropës ka të bëjë me dënimin e krimeve të regjimit totalitarë komunist kurse me deklaratën për mbrojtjen e lumit MOraça i propozohet qeverisë që të heq dorë nga ndërtimi i Hidrocentraleve në këtë lum. Këshilli vlerësoi se ndryshimet e propozuara të ligjit për mbrojtjen e personave dhe të pronës janë në pajtim me aktin më të lartë juridikë të Malit të Zi.