Kryeministri i Republikës Serbe, Milorad Dodik, ka shprehur synimin e serbëve për shkëputje nga federata e Bosnjës e Hercegovinës.

Në një intervistë për agjencinë Reuters, Dodik ka thënë se, aktualisht, prioritet i tij është fitimi i një autonomie sa më të madhe të serbëve, brenda kornizës së Marrëveshjes së Dejtonit. Por, nëse kjo dështon, atëherë ai ka thënë se do të kërkojë pavarësimin e Republikës Serbe nga pjesa tjetër e Bosnjës e Hercegovinës.

Ai ka thënë se bashkësia ndërkombëtare duhet ta trajtojë rastin e Republikës Serbe njësoj sikur rastin e Kosovës. Dodik ka thënë se shkëputja e Republikës Serbe nga Bosnja e Hercegovina mund të bëhet brenda katër vjetësh.