Presidenti i Kosovës ka ri-përsëritur kërkesën për pjesëmarrjen e FSK-së në misione paqeruajtëse dhe humanitare të NATO-s, kudo në botë.

Këtë kërkesë Presidenti Sejdiu e bëri në takimin e parë që zhvilloi në zyrën e tij me komandantin e ri të KFOR-it, Erhard Buhler. Sipas Sejdiut, "Kosova është e gatshme të marrë përgjegjësitë e saj, si çdo shtet tjetër sovran, për paqen dhe prosperitetin e të gjithë popujve."

Ndërkaq komandanti gjerman i KFOR-it, Buhler, sipas njoftimit të zyrës së Presidentit të Kosovës, e konsideron si një privilegj të veçantë udhëheqjen e misionit ushtarak të KFOR-it.

Komandanti Buhler premtoi vazhdimin e përkushtimit të plotë të NATO-s për të siguruar një mjedis të qetë dhe stabil për të gjithë qytetarët e Kosovës.