NEOBIČNE TEGOBE

VIDEO: Kanađanin tri godine živio sa zabodenim nožem

Kanađanin Bili Meknili, živio je tri godine sa nožem u leđima, prije nego što je otkrio da je uzrok neugodnog probadanja u leđima oštrica dugačka sedam centimetara, objavili su u nedjelju kanadski mediji.

Bili Meknili (32) svako malo je osjećao probadanje u leđima, ali su mu ljekari govorili da mu je samo povrijeđen živac. Nakon tri godine, počešao se i osjetio metal ispod kože, a kasnije se pokazalo da je riječ o nožu koji je ostao u njegovim leđima nakon jedne tučnjave u lokalu.

„Nikad mi nisu snimali leđa, samo su zašili ranu i to je bilo to“, kazao je Meknili kanadskim medijima.

Uzrok probadanja otkrio je u zatvoru.

„Svaki put kad bi mi se čuvari približili sa detektorom metala, on bi reagovao“, rekao je Meknili.

Nož, koji je bio duboko u leđima, s vremenom je izbio na površinu.

„Bili, u leđima ti je nož!“, rekla mu je prijateljica nakon što ga je pregledala.

Meknili je morao na operaciju, nož mu je napokon uklonjen iz tijela, i sada namjerava tužiti zdravstvene vlasti, jer ranije nijesu otkrile uzrok njegovih tegoba.