NOVA STUDIJA

Pivo ne goji

Umjerena konzumacija piva ne podstiče gojenje, kao ni vino niti čokolada. Velike količine, savakako imaju drugačiji efekat.

Dr Ketrin O’Salivan, nutricionista sa 20-godišnjim iskustvom iz Velike Britanije tvrdi da nema naučnih dokaza da pivo konkretno izaziva gojenje. 

Zapravo, stomačić je posljedica prekomjernog unošenja kalorične hrane, bez obzira na to da li je to pivo, vino ili čokolada. 

Štaviše, pivo ima nešto nižu kalorijsku vrijednost u odnosu na druga alkoholna pića, pa čak i hranu. 

“Umjerena konzumacija piva ne vodi dobijanju na kilaži ili abdominalnom nakupljanju masnih naslaga”, jasna je O’Salivan. 

Ona tvrdi da velike količine svakako izazivaju gojenje, ali to čini i prekomjerna konzumacija bilo kog drugog alkohola ili hrane. 

Komparativno, vino je čak pogubnije po liniju, pa bi zamjenom čaše vina, čašom piva, mogli da uštedite čak 40 kalorija. 

“Umjereno uživanje u pivu, kao i u vinu, može tijelo snabdjeti mnogim važnim vitaminima i mineralima. Pivo ima vlakna, antioksidanse i minerale koji snižavaju rizik od osteoporoze”, kaže nutricionista.