RTCG - Radio Televizija Crne Gore - Nacionalni javni servis :: Lajmet http://www.rtcg.me/shqip/lajmet/rss.html me http://www.rtcg.me/img/logo.png RTCG - Radio Televizija Crne Gore - Nacionalni javni servis :: Lajmet http://www.rtcg.me/shqip/lajmet/rss.html Lajmet 16.01.2018 http://www.rtcg.me/shqip/lajmet/227622/lajmet-16012018.html 16.01.2018 ]]> Të fokusuar për kualitet më të madh të jetës në veri 

Qeveria e Malit të Zi, çdo ditë është e fokusuar në përmirësimin e kualitetit të  jetës së qytetarëve, sidomos  në Veri të vendit, është kumtuar në Guci, në takimin e kryeministrit Dushko Markoviq, me udhëhqjen lokale në krye me kryetren e Komunës, Anella Çekiq. Për këtë arsye, për Gucinë janë ndarë 30 për qind më tepër mjete nga buxheti se sa në vitin e kaluar, është thënë gjatë takimit. Mjetet nga buxheti kapital prej 1.34 milion euro, janë paraparë për disa objekte në Komunën e Gucisë pej të cilëve si më të rëndësishmit janë theksuar projektet e rregullimit të hapësirës  të Burimeve të Ali Pashës si dhe rikonstruimi dhe modernizimi i objekteve administrative , është theksuar gjatë takimit. Kryeministri Markoviq, i cili qëndron për vizitë pune në Guci ka theksuar edhe faktin se për rikonstruimin e rrugëve lokale në Komunën e Gucisë janë ndarë 200 mijë euro ose 3 harë më tepër se në vitet e mëparshme. Ai ka shtuar se është çështje kyçe për zhvillimin e shtetit është çështja e zhvillimit të veriut. Të përkujtojmë se nga buxheti kapital më së tepërmi mjete janë ndarë për veriun dhe se nuk mund të ketë zhvillim pa përparimin e infrastrukturës.

Markoviq, ka theksuar se komunave më pak të zhvilluara, në mesin e tyre edhe Gucisë, do ti ndahen më tepër mjete nga buxheti dhe në këtë kontekst ka apostrofuar ligjin e ri për financimin e administrave lokale. Në takim është vlerësuar se është me rëndësi që komuna dhe ministria e zhvillimit të qëndreushëm dhe turizmit, brenda afatit sa më të shkurtër, të zgjidhin problemin e dokumentacionit të planifikimit në Guci sepse ky është kusht i zhvillimit të mëtejmë të komunës, i projekteve të reja, në mesin e të cilëve edhe salla shkollore dhe sportive me vlerë afro 3 milion euro.

Ndërkohë, Markoviq ka hapur sor qendrën e re administrative në vlerë mbi 1.2 milion euro.

 

Këshilli, më 18 debaton kërkesën e PSD 

Këshilli për siguri dhe mbrojtje do të shqyrtojë të premten kërkesën e Partisë Social Demokratike, për dëgjimin kontrollues të udhëheqësve të Prokurorisë supreme të shtetit, të Prokurorisë speciale shtetërore , të Drejtorisë së policisë dhe të Agjencisë për pengimin e korrupsionit, me rastin e informatave të cilat i ka kumtuar për opinionin pronari i Atllas Grupit, Dushko Knezheviq. Klubi i deputetëve të kësaj partie ka kërkuar që në kët seancë të dëgjohen Ivica Stankoviq, Milivoje Katniq, Veselin Veloviq dhe Sreten Radonjiq. Në Partinë Social Demokratike, konsiderojnë se për shkak të rëndësisë sistematike dhe joligjshmërive ndaj të cilave ka reaguar Knezheviq, është e domosdoshme që Kuvendi të ketë informatë të plotë dhe me kohë lidhur me reagimin e organeve shtetërore.Deputetet e kësaj partie konsiderojnë se ështëe domosdoshme që Kuvendi, në kuadër të realizimit të rolit të vetë kontrollues në ç’gjë insiston opinioni i brendshëm dhe partnerët ndërkombëtare, të informohet për punën e Prokurorisë , Drejtorisë së policisë dhe të Agjencisë për pengimin e korrupsionit, kur është fjala për këtë çështje.

 

Në shkurt pritet rritje e pensioneve 

Pensionistët e Malit të Zi, do të marrin në mujin shkurt pensione më të larta , ka paralajmëruar për Radion e Malit të Zi, drejtori i Fondit përë sigurimin invalidor e pensionist, Dushan Peroviq.

Ai, megjithatë, nuk e ka precizuar  shumën e rritjes së pensioneve. Ligji për sigurimin pensionistë dhe invalidorë akoma është duke u harmonizuar dhe gjatë vitit, siç ka shtuar, do t’i dërgohet Komisionit Evropianë për të dhënë mendimin. Në vitin e kaluar janë rritur të ardhurat nga kontributetet  dhe është zbritur deficiti rreth 1 për qind . Në vitin e kaluar, numri i pensionistëve është rritur rreth 3 mijë e 200, kështu që tani në Mal të Zi, ka diçka mbi 130 mijë  pensionistë. Analizuat aktuale  tregojnë , ka theksuar drejtori  i këtij fondi, se pensionistët shtesën do ta marrin me pensionin e shkurtit. Të dhënat preliminare tregojnë se në vitin 2018, është shënuar rritje  e të ardhurave burimore të fondit 4.6 për qind, në bazë të kontributeve, krahasuar me një vitë më parë.

Sekuestrohet  mall me vlerë rreth 4.42 milion euro 

Nëpunësit e drejtorisë së doganave, në vitin e kaluar kanë sekuestruar mall në vlerë prej  rreth 4.42 milion euro dhe kanë shqiptuar 380 fletëpadi për kundërvajtje. Siç theksohet gjatë vitit të kaluar më së tepërmi ka pasur kundërvajtje të zbuluara nga usha e tregëtisë jolegale me mallra siç janë cigaret, duhani i pa përpunuar, pijet alkoolike dhe të gazuara etj.

Në bazë të këtyre sekuestrimeve, drejtoria e doganave ka shqiptuar 148 urdhëresa për kundërvajtje dhe ka paraqitur 25 fletëpadi penale në prokurorinë kompetente të shtetit .

Nga ky institucion, kanë theksuar se me qëllim të forcimit të etikës dhe integritetit në shërbimin doganor, përveç masave preventive të cilat para së gjithash kanë të bëjnë me dukimin e nëpunësve e po ashtu, është vepruar edhe me mas represive pasi ndaj 20 zyrtarëve doganor është ngritur procedura për të vërtetuar përgjegjësinë displinore

Nesër do të ndahen çmimet “Oktoih” 

Çmimet shtetërore OKTOIH, mirënjohja më e lartë për rezultate të shquara në fushën e edukimit dhe arsimit, standardit studentorë dhe të nxënsve për vitin e kaluar, do të dorëzohen nesër në Vilen Gorica në Podgoricë. Laueratë të këtij çmimi prestigjoz, janë profesorët ordinarë të Akademisë së muzikës nga Cetina Senag Gaçeviq dhe profesorja e mësimit klasor në shkollën fillore “Oktoih” , Sllavica Lekoviq. Çmimet, siç është kumtuar nga Ministria e arsimit, do ti dorëzojë ministri përkatës, Damir Shehoviq.

Çmimi “Oktoih”, u ndahet qytetarëve të Malit të Zi ose personit juridik me seli në territorin e shtetit për arritjen e rezultateve të larta në fushën e edukimit dhe arsimimit dhe të standardit studentorë dhe të nxensëve.

Siç theksohet, vendimin për ndarjen e mirënjohjve e ka sjell në pajtim me ligjin për çmimet shtetërore, juria për ndarjen e çmimit shtetëror “Oktoih”.

 

Shpallet konkursi për drejtorë të Televizinit dhe të Radios  

Radio Televizioni i Malit të Zi, ka shpallur konkursin publikë për emërimin e drejtorëve të Radios dhe Televizionit, në këtë shtëpi mediatike. Kandidatët duhet të jenë shtetas të Malit të Zi, vendbanimin në territorin e këtij shteti, duhet të kenë së paku 5 vjetë përvojë pune në media dhe përgatitje superiore shkollore. Pjesëmarrësit në konkurs, duhet të paraqesin programin e punës dhe zhvillimor të Radios, gjegjësisht televizionit për periudhën mandatore. Mandatet e drejtorëve të Radios dhe Televizionit, janë 4 vjetë, me mundësi të rizgjedhjes. Kandidatë për drejtor të Radios dhe Televizionit të Malit të Zi, nuk mund të jenë deputetët dhe këshilltarët, personat të cilët i zgjedh dhe i emëron ose i vendos parlamenti, pastaj presidenti i shtetit dhe Qeveria e Malit të Zi. Afati për paraqitjen e kandidatëve është 15 ditë. Drejtori i përgjithshëm i RTMZ, Bozhidar Shundiq, do të sjellë vendimin për zgjedhjen e drejtorëve të Radios dhe Televizionit, siç theksohet në konkurs , brenda afatit 30 ditorë nga dita e skadimit të afatit për dorëzimin e fletëparaqitjeve.

 

R.Haradinaj; Marrrëveshja me Serbinë, kusht për heqjen e taksës 

Kryeministri i Republikës së Kosovës, Ramush Haradinaj ka përsëritur edhe sot se taksa s’do të tërhiqet asesi pa marrëveshje finale me Serbinë.

Këto komente kryeministri i bëri gjatë një vizite që pati në Agjencinë Kosovare të Privatizimit.

“Sot e heqim nëse ka marrëveshje për njohje. Por mundemi mos me hekë asnjëherë nëse Serbia s’është e gatshme. Kjo s’ka të bëjë me Amerikën,  por ka të bëj me Serbinë dhe Rusinë”, ka deklaruar Haradinaj.

Kryeministri Haradinaj duke theksuar se ky vit do të jetë vit i ekonomisë, ka thënë se do të krijohen kushte për investime.

Përveç kësaj, ai ka folur edhe për drejtorin e ri të AKP Valon Tolaj, i cili ka qenë nga radhët e AAK-së, për të cilin tha se e ka pasur koleg në parti dhe kërkon punë në AKP.

 

T.Xhaferi; Mbështetja e shqiptarëve ka afruar vendin drejtë NATO-s 

Kryetari i Kuvendit të Maqedonisë Veriore, Talat Xhaferi, ka bërë me dije se falë mbështetjes së shqiptarëve Maqedonia ka arritur në prag të anëtarësimit në NATO.

Në këtë intervistë dhënë për gazetën “Epoka e re”, ai ka deklaruar se pa mbështetjen e deputetëve shqiptarë nuk do të mund të ratifikoheshin ndryshimet e nevojshme kushtetuese të parapara me marrëveshjen e Prespës e cila ia hapi perspektivën euroatlantike Maqedonisë.

Kryeparlamentari i Maqedonisë ka vlerësuar se ka vepruar në bazë të kompetencave kushtetuese kur ka nënshkruar Ligjin për përdorimin e gjuhëve.

Kreu i Kuvendit të Maqedonisë ka mohuar mundësinë që tani ky shtet të shkojë në zgjedhje të parakohshme.

Sipas Xhaferit, Maqedonia nuk e ka luksin të shkojë në zgjedhje në kohën e nisjes së negociatave për integrimet euroatlantike.

 

Shënohet njëvjetori i vrasjes së O.Ivanoviq 

Në Mitrovicën Veriore është shënuar përvjetori i parë i vrasjes së politikanit serb të Kosovës, Oliver Ivanoviq.

Familjarët, bashkëpunëtorë të afërt dhe qytetarë në Mitrovicën Veriore, kanë vënë kurora dhe kanë ndezur qirinj në vendin ku është vrarë Ivanoviq.

I pranishëm ka qenë edhe ministri i Tregtisë i Qeverisë së Serbisë, Rasim Ljajiq.

Të pranishmëve u është drejtuar vetëm bashkëpunëtorja e ngushtë partiake, Ksenija Bozhoviq, e cila ka theksuar që përveç fjalimeve politike dhe polemikave ndërmjet Beogradit dhe Prishtinës, me ndërmjetësimin dhe mbikëqyrjen e bashkësisë ndërkombëtare, vrasësi mbetet ende i panjohur.

Ajo ka falënderuar ministrin serb Ljajiq, i cili që nga vrasja e Ivanoviqit, u ka qëndruar afër, por edhe përfaqësuesit e tjerë të serbëve të Kosovës.

 

Dorëzohet njëri nga trafikuesit më të kërkuar të drogës në Shqipëri 

Klement Balili, një nga trafikuesit më të kërkuar të drogës në Shqipëri, është dorëzuar të martën te autoritetet, pasi janë bërë gati tre vjet që ai është në arrati, duke iu ikur akuzave për kontrabandim të narkotikëve në Greqi, transmeton agjencia e lajmeve, Reuters. Balili është thënë t’iu ketë ikur autoriteteve nga maji i vitit 2016 me ndihmën e rrjetit të tij në Sarandë dhe lidhjeve të supozuara politike, duke shtuar kështu dyshimet në vendosshmërinë e vendit anëtar të NATO-s në luftimin e të akuzuarve për krime të rënda.

Në shkurt të vitit 2017, presioni nga aleatët perëndimorë ka detyrur Shqipërinë që të mbledhë Këshillin për Siguri Kombëtare dhe të kthejë kapjen e Balilit në prioritet.

Ministri i Brendshëm shqiptar, Sander Lleshaj u ka thënë gazetarëve se arrestimi i Balilit nënkupton se policia shqiptare, që ka dështuar në dhjetëra raste për ta kapur atë, ka shënuar “kthesë historike” duke tejkaluar “mendësinë e të dëshuarit” në kapjen e bosëve të mëdhenj të krimit.

 

Parlamenti Britanik refuzon marrëveshjen për Brexit 

Ligjvënësit në Britani të Madhe, kanë kundërshtuar planin e kryeministres britanike, Theresa May për largimin e Britanisë së Madhe nga Bashkimi Evropian, me 432 vota kundër dhe 202 në të mirë të planit. Pas votimit, kryeministrja May ka treguar qëllimet e saj për të vazhduar procesin.

May kishte shtyrë votimin për Brexit nga muaji dhjetor për datën 15 janar, pasi i ishte bërë e qartë se nuk ka mbështetje për planin e saj.

Plani i kryeministres May është kundërshtuar si nga deputetët pro-Bashkimit Evropian, ashtu edhe nga ata pro-Brexitit.

Pas procesit të votimit, lideri opozitar nga Partia Laburiste, Jeremy Corbyn e ka quajtur këtë rezultat si mposhtje “katastrofike” për May dhe ka kërkuar organizimin e një vote mosbesimi në Qeverinë e saj Konservatore, gjë për të cilën do të debatohet më 16 janar.

Në përgjigjje ndaj këtij rezultati, presidenti i Këshillit Evropian, Donald Tusk ka thënë se zgjidhja e vetme pozitive është që Britania të vazhdojë të qëndrojë në BE, derisa shefi i Komisionit Evropian, Jean-Claude Juncker ka thënë se blloku evropian do të vazhdojë përgatitjet për skenarin e Brexitit pa marrëveshje.

Ekspertët kanë paralajmëruar se nëse nuk arrihet ndonjë marrëveshje, ekonomia e Britanisë do të përballet me kaos.

 

Të paktën 15 njerëz kanë vdekur nga sulmi në Nairobi

Disa militantë të dyshuar kanë sulmuar një hotel luksoz në kryeqytetin e Kenisë, Nairobi duke lënë të paktën 15 persona të vdekur.

Ndërtesa, e cila gjendet në distriktin Westlands, është sulmuar të martën nga disa persona të armatosur.

Deri në orët e vona të mbrëmjes zyrtarët kanë thënë se rrethimi ka përfunduar mirëpo të shtënat me armë zjarri dhe shpërthime janë dëgjuar edhe gjatë ditës së mërkurë. Grupi militant me bazë në Somali, al-Shabab ka thënë të ketë qenë mbrapa sulmit.

Burimet policore kanë thënë se të paktën 15 persona janë vrarë mirëpo ky numër nuk është konfirmuar ende nga Qeveria.

Disa civilë është raportuar se janë ende të bllokuar në ndërtesë dhe disa të tjerë u kanë nisur mesazhe familjarëve teksa janë fshehur.

Kenia është përballur me një varg sulmesh terroriste në vjetët e fundit, sidomos në zonat afër kufirit me Somalinë.

 

Turqia e gatshme të ngerjë një zonë sigurie në Siri 

Presidenti Recep Tayyip Erdogan njoftoi sot se Turqia është e gatshme të ngrejë një zonë sigurie në Siri mes kufirit të saj dhe pozicioneve të milicisë kurde të mbështetur nga Uashingtoni, një vendim që shihet nga Damasku si një agresion.

Ky dispozitiv u përmend në një bisedë telefonike të zhvilluar të hënën në mbrëmje mes Erdoganit dhe Donald Trump që kishte për synim të ulte tensionet pasi presidenti amerikan kishte kërcënuar se do të shkatërronte ekonominë e Turqisë nëse ajo sulmonte luftëtarët kurdë në Siri.

”Kreu i Shtabit të Përgjithshëm të Turqisë do të takohet me homologun e tij amerikan sot në Bruksel për të përcaktuar modalitetet e kësaj zone sigurie që do të jetë nën kontrollin e Turqisë”, sipas zëdhënësit të presidentit turk, Ibrahim Kalin.

 

Nesër mor i ndryshueshëm

Sot në Mal të Zi, ka mbajtur mot me vranësira të ndryshueshme por i thatë. Frynë erë e dobët nga drejtimet lindore.

Temperaturat: Budvë 10 gradë, H. Novi e Tivar 9, Ulqin 7, Podgoricë 6, Rozhaj 4, Plavë 3 , Kollashin e Shavnik 2, Bjello Pole 1, Zhablak 0, dhe në Nikshiq e Plavle -2 g.

Për nesër parashihet të mbajë mot  me vranësira të ndryshueshme dhe intervale të gjata me diell. Do të fryjë erë e dobët deri mesatare, vende -vende, deri e fortë, nga drejtimet e jugut. Temperatura e mëngjesit prej -10 deri në 3, kurse më e larta e ditës prej 0 deri në 12 g. C.

]]>
Lajmet http://www.rtcg.me/shqip/lajmet/227622/lajmet-16012018.html
Lajmet 15.01.2019 http://www.rtcg.me/shqip/lajmet/227508/lajmet-15012019.html 15.01.2019 ]]> Pa njohuri të reja nuk mund të ketë progres shoqëror

Pa njohuri të reja, në lidhje të ngusht me zbatimin e të arriturave bashkëkohore teknike dhe teknologjike, nuk mund të ketë progres për asnjë shoqëri, kanë vlerësuar presidenti i Malit të Zi Millo Gjukanoviq gjatë bisedimeve me ministrin e arsimit të Emiratëve të Bashkuara Arabe, Husain Bin Abrahim All Hamadi. Gjukanoviq, siç është kumtuar nga kabineti i tij, e ka njoftuar mikëpritësin me të arriturat bashkëkohore të Malit të Zi dhe me pozitën që ka në rajon dhe ka shtuar dhe se deficiti i njohurive të reja dhe i zbatimit të teknologjive të kohës janë identifikuar si përkufizime kryesore për zhvillim të mëtejmë dinamik të vendit. "E kemi të njohur se Emiratet e Bashkuara Arabe kanë bërë hap të madh përpara në këtë drejtim andaj për ne është shumë e rëndësishme që raportet e mira miqësore ti shfrytëzojmë, mes tjerash, edhe për transferimin e përvojave tuaja në Mal të Zi", ka theksuar Gjukanoviq. Ai ka theksuar se përgjigje afatgjate ndaj kësaj munges në Mal të Zi është reforma rrënjësore e sistemit arsimor, për të cilën nevoitet kohë dhe ka shtuar se ndërkohë duhet punuar seriozisht në tejkalimin e këtij problemi. Në kumtesë theksohet se Gjukanoviq e ka njoftuar ministrin All Hamadi se së shpejti do të formohet Fondi special me të cilin do të sigurohen mjetet që një numër i studentëve më të talentuar për nevojat e vendit të fitojnë bursa për aftësim në Univesitetit me prestigjoze të botës. All Hamadi ka theksuar se në reformën e arsimimit e kanë nisur nga pika zero, të vetëdishëm se ky është një proces i cili do të zgjas tërë jetën dhe i cili nuk ka të bëjë vetëm me Universitetin, por me tërë sistemin, duke filluar nga kopshti. All Hamadi ka theksuar se janë të gatshëm që menjëherë të ofrojë bursa për studentët malazezë në Univesitetet e atjeshme ose të pranojë grupe të nxënësve të shkollave të mesme nga Mali i Zi që të mësojë në shkollat e tyre.

Sheiku i interesuar për Portin e Tivarit

Presidenti i Malit të Zi Millo Gjukanoviq, gjatë qëndrimit në Abu Dabi është takuar edhe me një anëtarë të familjes mbretërore, sheikun Haza Bin Zajed All Nahian, i cili në rolin e zavendësit të princit mbretëror Mohamed e udhëheq Qeverinë në Abu Dabi. Mikëpritësit kanë shprehur intresim të veçantë për Portin e Tivarit, si dhe për realizimin e një numrit të projekteve në sferën e turizmit, thuhet në kumtesë. Përveç bisedimeve të drejtpërdrejta, në përbërje të zgjeruar është bërë fjalë edhe për përvojat zhvillimore dhe mundësit e joshjes së mëtejme të investimeve nga Emiratat e Bashkuara Arabe në Mal të Zi. Të theksojmë se Gjukanoviq nga Abu Dabi udhëton për në Dubai, ku do të takohet me një numër të duhur të investuesve potencial nga Emiratat e Bashkuara, thuhet në kumtesë.

 

Banka Qendrore ka reaguar në kohë të duhur

Banka qendrore e Malit të Zi në rastin Atllas dhe IBM Banka, të gjitha masat i ka ndërmarr në formë të duhur dhe në kohën e duhur, ka deklaruar guvernatori Radoje Zhugiq. Zhugiq në mbledhjen e Këshillit parlamentar për ekonomi, ka theksuar se futja e administratës së përkohshme në Atllas Bankën dhe të falimentimit në IBM, ka qenë e vështirë, por është me rëndësi se është ruajtur stabiliteti financiar, transmeton Portali CDM. "Në periudhën e kaluar kemi tërhequr vërejtjen në formë të butë ndaj vështirësive të tri bankave dhe pastaj në dhjetor kemi futur administratën e përkohshme në Atllas dhe IBM bankën. Gjendja në IMB është përkeqësuar, andaj është futur falimentimi, kurse Atllas Banka ka gjasa që të përmirësohet. Bankat e tjera janë stabile dhe shënojnë hapa përpara", ka theksuar Zhugiq sot në fillimin e dëgjimit konsultativ. Anëtari i Këshillit, Branko Çavor, e ka pyetur guvernatorin Zhugiq nëse Banka Qendrore mban përgjegjësi për ndonjë hap të gabuar në rastin e këtyre dy bankave. Zhugiq është përgjigjur se Banka Qendrore ka bërë çdo gjë nga kopetencat e veta dhe ka tërhequr vërjetjen. Duke u përgjigjur në pyetjen nëse Banka Qendrore ka reaguar me vonesë, Zhugiq ka theksuar se çdo gjë varet se nga cili këndë vërehet e gjithë kjo veprim]tari.

Bashkëpunimi me agjencinë evropiane vjen në momentin kyç

Bashkëpunimi më i ngusht me Agjencinë evropiane të mjedisit në pikpamjen e mbylljes së kapitullit 27 e inkurajon Malin e Zi, ka deklaruar Ministri i zhvillimit të qendrueshëm dhe turizmit, Pavle Radulloviq, duke shtuar se e gëzon fakti se Agjencia do ta përkrah Malin e Zi në këtë drejtim. Forcimi i bashkëpunimit ndërmjet Malit të Zi, gjegjësisht Agjencisë për mbrojtjen e natyrës dhe të mjedisit dhe të Agjencisë evropiane për mjedisin, ka qenë tema kryesore e takimit të sotëm të Ministrit për zhvillim të qëndrueshëm dhe turizmit, Pavle Radulloviq, me drejtorin e Agjencisë evropiane për mjedisin, Hans Brenings. Ministri Radulloviq është shprehur i kënaqur me rastin e vizitës të delegaconit të Agjencisë evropiane për mjedisin, duke shtuar se Mali i Zi me këtë institucion bashkëpunon tash 10 vjetë me radhë. Radulloviq ka shtuar se Mali i Zi tash tri vjetë merr pjesë në hartimin e raportit për gjendjen e mjedisit në nivelin evropian,i cili hartohet çdo pesë vjet. Drejtori i Agjencisë evropiane të mjedisit, Hans Brenings ka deklaruar se është i kënqur me bisedimet për forimin e mëtejme të bashkëpunimit dhe me avancimin e punës të Agjencisë në Mal të Zi dhe në Ballkan.

Të mos përzihet rasti "Atllas" me blerjen e votave

Lëvizja qytetare URA e ka ftuar prokurorin supreme të shtetit që të përcaktohet ndaj rastit të inçizimit në të cilin biznismeni Dushko Knezheviq i jep kovertën me të holla ish kryebashkiakut të Podgoricës, Sllavolub Stjepoviq. Prokuroria e shtetit ka kumtuar, se në pajtim me Kushtetutën dhe ligjin, do ti ndërmarr të gjitha masat e domosdoshme me qëllim që në rastin e aferës "Atllas" të vërtetohen të gjitha faktet e domosdoshme. Nga URA kanë kumtuar se prokuroria supreme e shtetit në kumtesën e vetë ka arritur të demantojë vetën e tyre lidhur me përdorimin jo selektiv të shtetit juridik, duke theksuar se do të hetohet vetëm afera "Atllas", kurse aferën "Koverta" as që e ka përdmendur në reagim. Në kumtesë theksohet se prokuroria kryesore e shtetit deri tani ka pasur rastin të tregojë se sa ligji është i njëjtë për të gjithë dhe se këto më së miri e tregojnë afertat që kanë të bëjnë me PDS.

 

Fillon aftësimi profesional i personave me arsimim të lartë

Rreth 3 mijë e 300 persona me shkollim të lartë e kanë filluar sot aftësimin profesional tek punëdhënsit në kuadër të ciklit të VII-të të programit të aftësimit profesional të personave me arsimim të lartë. Siç është kumtuar nga Ministria e arsimimit, aftësimi 9 mujor profesional gjatë të cilit shfrytëzuesit do të marrin një kompensim prej 50 për qind të rrogës neto mesatare në Mal të Zi gjatë vitit të kaluar dhe kjo është përkrahje për të rinjët në aftësimin e tyre të mëtejmë dhe nxitje që pas fitimit të përvojave në mjedisin real punues të punësohen më lehtë. Në këtë mënyrë njëkohësisht edhe punëdhënësit motivohen përë hapjen e vendeve të reja të punës, thuhet në kumtesë. Sipas fjalëve të punëdhënësve, interesimi i shfytëzuesve ka qenë përafërsisht i njëjtë me atë të vitit të kaluar. Për pjesëmarrjen në program janë paraqitur 3 mijë e 604, kurse 3298 kanë rastin e aftësimit profesional tek punëdhënsi i zgjedhur.

 

Në Kosovë përkujtohen viktimat e masakrës së Reçakut

Përfaqësues të institucioneve të Kosovës kanë përkujtuar 20-vjetorin e masakrës së Reçakut, në të cilën u vranë 45 civilë shqiptarë nga forcat paramilitare serbe. Në shënimin e përvjetorit të kësaj ngjarjeje, kryeministri i Kosovës Ramush Haradinaj, ngjarjen e Reçakut e ka cilësuar moment historik.

Haradinaj është shprehur tejet kritik ndaj Serbisë dhe faktorit ndërkombëtar sa i takon hetimit të vrasjes së shqiptarëve në luftën e fundit në Kosovë. Ndërkohë, presidenti i Kosovës Hashim Thaçi ka thënë se 15 janari i vitit 1999 ishte një ditë shumë e rëndë për Reçakun dhe Kosovën, por sipas tij, ishte edhe një kthesë e madhe në ndërkombëtarizimin e luftës së drejtë të popullit të Kosovës.

 

Në shkurt do të ketë një takim në Bruksel

Delegacioni Shtetëror për Bisedimet me Serbinë të mërkurën do ta paraqesë platformën për dialogun e Brukselit, në të cilën do të qartësohen edhe temat që do të diskutohen ndërmjet të dyja vendeve.Në mesin e temave për të cilat përgatitet të përfshihen në këtë platformë janë të zhdukurit, të zhvendosurit, trashëgimia kulturore, të drejtat e minoriteteve, pronat, çështjet ekonomike dhe po ashtu edhe drejtësia tranzicionale, shkruan “Zëri”.Kjo është konfirmuar nga bashkëkryesuesi i Delegacionit Shtetëror, Shpend Ahmeti, pas takimit koordinues për temat e dialogut.Megjithëse ende nuk dihet data se kur do të mbahet takimi i radhës ndërmjet Kosovës e Serbisë, zëvendëskryeministri dhe njëherësh anëtari i ekipit negociator Enver Hoxhaj ka thënë për gazetën “Zëri” se një takim tjetër do të zhvillohet gjatë muajit shkurt.Hoxhaj ka thënë se ende nuk kanë marrë ndonjë ftesë nëse do të jenë pjesë e takimit të radhës në Bruksel në kuadër të dialogut, megjithatë ai ka thënë se në muajin shkurt do të jetë një takim.

 

Vuçiq dhe Putin do të diskutojnë për Kosovën

Presidenti serb Aleksandar Vuçiç tha se pret që gjatë vizitës së presidentit rus Vladimir Putin në Serbi më 17 janar, të nënshkruhen 21 marrëveshje për të ardhmen e Serbisë dhe se çështja e Kosovës do tëjetë pjesë e diskutimeve. Të hënën në mbrëmje, në një intervistë për Pink TV, ai tha se është thelbësore për Beogradin të sqarohet vrasjen e kreut të Iniciativës Qytetare, Oliver Ivanoviq, por autoritetet e Serbisë nuk mund të kryenin një hetim në vendngjarje dhe nuk kanë pranuar materialet e kërkuara.

Vuçiç shtoi se ai u tha shërbimeve serbe që të mos paraqisnin të gjitha njohuritë para përvjetorit. "Ivanoviç u vra në ditën kur ishin zgjedhjet e Beogradit, a do të ishte e përshtatshme për dikë në Beograd kjo, vetëm nëse dikush është i çmendur", tha Vuçiç.

Ligji për përdorimin e gjuhëve edhe në Gazetën Zyrtare

Kryetari i Kuvendit të Maqedonisë përmes një statusi në faqen e tij në Facebook, ka njoftuar se Ligji për përdorimin e gjuhëve do të shpallet edhe në Gazetën Zyrtare dhe do të hyjë në fuqi.“Ligji për përdorimin e gjuhëve edhe në Gazetën Zyrtare”, ka shkruar Xhaferi, zyrtarizimi i të cilit ka ardhur pas miratimit dhe shpalljes së amendamenteve për ndryshimet kushtetuese në Kuvend, njofton Telegrafi Maqedoni.Ligji i gjuhëve, i cili pritet të avancojë përdorimin e gjuhës shqipe në Maqedoni, u miratua në mars të vitit të kaluar dhe nxiti debate dhe reagime të shumta tek opinioni në vend, madje ai nuk është dekretuar nga presidenti i shtetit Gjorge Ivanov.Gjatë seancës në të cilën u miratua ky ligj, pati edhe një incident mes kryetarit të Kuvendit Talat Xhaferit dhe ish-kryeministrit Nikolla Gruevski.Reagimet më të ashpra kanë qenë nga partia e tanishme opozitare maqedonase OBRM-PDUKM dhe presidenti i shtetit Gjorge Ivanov. Ata në vazhdimësi kanë thënë se ky ligj është në kundërshtim me Kushtetutën e vendit dhe cenon gjuhën maqedonase si të vetme zyrtare dhe të pranuar sipas tyre.

Maqedonia e veriut të marrë ftesë për BE dhe NATO

Rajnhart Butifoker, kryetar i “Të Gjelbërve” evropianë dhe eurodeputet, në Twitter ka shkruar se Maqedonia e Veriut ka përmbushur të gjitha obligimet dhe se tani është radha e Greqisë të mbajë premtimin dhe ti mundësoj vendit marrjen e ftesës për anëtarësim në NATO dhe BE.“Maqedonia e Veriut e ka plotësuar pjesën e saj! E falënderoj kryeministrin Zaev dhe shumë të tjerë, duke përfshirë edhe RDM! Shpresoj se edhe Greqia do t’i respektojë premtimet e kryeministrit Cipras. Të Gjelbërit do të punojnë që t’i bindin qeveritë në BE se Maqedonia e Veriut duhet t’i marrë të dy ftesat për BE dhe NATO në vitin 2019!”.

 

Britania vendos për një Brexit me ose pa marrëveshje

Ligjvënësit britanikë do të mbajnë sot një votim historik mbi propozimin e Qeverisë për të dalë nga Bashkimi Evropian përderisa kryeministrja Theresa May edhe në minutat e fundit po bën përpjekje që votimi të jetë pozitiv. Votimi i 15 janarit në Parlamentin britanik është i fundit në përpjekjen e njohur si Brexit dhe shumë ekspertë politikë kanë parashikuar se do të dështojnë.Përpara votimit, kryeministrja May paralajmëroi se mosvotimi rrezikon të minojë procesin e largimit të vendit nga Bashkimi Evropian. Ajo tha gjithashtu se një votim kundër do të ishte "tradhëti ndaj votës së popullit britanik".Data 29 mars është afati i fundit kur Britania e Madhe është caktuar të tërhiqet zyrtarisht nga Bashkimi Evropian.Një disfatë në votën e së martës do të hidhtë planet e Brexit në rrëmujë. Ekspertët paralajmërojnë se pa ndonjë marrëveshje, ekonomia e Britanisë do të zhytet në kaos.Kritikët e planit të May, duke përfshirë shumë ligjvënës në partinë e saj, thonë se kjo marrëveshje do ta lërë vendin të lidhur me rregullat e BE dhe të paaftë për të krijuar një politikë tregtare të pavarur.

Turqia urdhëron arrestimin e gati 200 personave nën dyshimet për lidhje me Gulenin

Turqia ka urdhëruar arrestimin e 192 personave, nën dyshimet për lidhje me rrjetin e klerikut mysliman që jeton në Shtetet e Bashkuara, Fetullah Gulen, i cili është akuzuar për organizim të tentimeve të dështura për grushtshtet në vitin 2016, ka raportuar gazeta Hurriyet të martën.Operacionet policore që kanë shënjestruar përcjellësit e Gulenit janë kryer rregullisht prej tentimeve të dështura për puç.Autoritetet në Stamboll dhe Adana kanë urdhërar arrestimin e më shumë se 100 të dyshuarve ushtarakë javën e kaluar.Zyra e Kryeprokurorit të Ankarasë ka thënë se ka urdhëruar arrestimin e 50 të zyrtarëve të dyshuar ushtarakë, ndërsa 55 persona janë akuzuar se kanë përdorur aplikacionin për komunikime ByLock, ka raportuar gazeta.Turqia ka ndaluar përdorimin e këtij aplikacioni pas tentimeve të dështuara për puç, duke thënë se përcjellësit e Gulenit kanë përdorur atë për të komunikuar në natën e 15 korrikut të vitit 2016, kur një grup ushtarësh kanë tentuar të përmbysin qeverinë.Si pasojë e këtij organizimi janë vrarë 250 persona.Gulen, ish-aleat i presidentit turk, Recep Tayyip Erdogan, që ka jetuar në ekzil në Shtetet e Bashkuara nga viti 1999, ka mohuar akuzat dhe ka dënuar puçin e dështuar.Më shumë se 77,000 persona janë burgosur dhe janë në pritje të proceseve gjyqësore, derisa 150,000 shërbyes civilë, pjesëtarë të ushtrisë dhe persona tjerë janë përjashtuar apo puna e tyre është pezulluar si masë ndëshkimore.

Talibanët marrin përgjegjësinë për sulmin që la katër të vrarë

Talibanët morën përgjegjësinë për sulmin afër një kompleksi, ku pas shpërthimit të një makine bombë, mbeten të vdekur katër persona ndërsa 113 të tjerë u plagosën.Zëdhënësi i grupit militant, Zabihullah Mujahid, tha se sulmuesit e shpërthyen eksplozivin para se të hynin në zonë duke “vrarë shumë të huaj”

Ministria e Brendshme tha se tre njerëz nga personeli ushtarak dhe një civil janë vrarë pas shpërthimit nderkaq 12 gra dhe 23 fëmijë janë në mesin e të plagosurve. Autoritetet po hetojnë nëse në mesin e viktimave ka edhe të huaj që banonin në kompleksin e quajtur “Fshati i Gjelbërt”.

 

"Malësia e Madhe" nga Nju Jorku edhe sivjet ndan bursa për studentët malësorë

Shoqatat Malësia e Madhe nga Nju Jorku edhe këtë vit ka ndarë 20 bursa për studentët malësorë të cilët studiojnë, si në Universitetet jashtë Malit të Zi, ashtu edhe për ata të cilët studiojnë në vend, por me një dallim prej 300 dollarësh. Kështu, studentët të cilët studiojnë jashtë Malit të Zi, si në ato shqiptare ashtu edhe ato në vende tjera, për këtë vit kanë ndarë nga 1000 dollarë amerikan, kurse për studentët të cilët studiojnë në Universitetet dhe Fakultetet e Malit të Zi kanë ndarë nga 700 dollarë. Bursat kjo shoqatë i ka ndarë në bazë të konkursit të shpallur që nga viti i kaluar, në muajin tetor, kurse për to kryesia e kësaj shoqate ka vendosur në mbledhjen e mbajtur kah mesi i muajit të kaluar. Për këtë qëllim, Shoqata për aktivitet nga buxheti ka ndarë 15 mijë e 500 dollarë amerikan. Këto mjete, Shoqata “Malësia e Madhe” nga Nju Jorku, siç thuhet në njoftimin e tyre, i ndan në bazë të kushteve të parapara me konkursin e shpallur për këtë vit akademik, ndërsa për të realizuar këtë aktivitet në vendlindje, ka autorizuar kryetarin e shoqatës, Ëjllo Berishaj si dhe Agron Berishaj e Kristian Dukaj, aktivistë të kësaj shoqate në vendlindje, që me 20 janar, të dielën, të zhvillojnë ceremoninë e ndarjes së bursave, që do të bëhet solemnisht në Sallën e kuvendit të Komunës së Tuzit. Aktiviteti do të zhvillohet pra të dielën që vjen në ora 11 e 30. Shoqata Malësia e Madhe të gjithë studentëve përfitues të kësaj burse, por edhe të gjithë të tjerëve, ju uron suksese në vazhdimin e studimeve.

Senad Gilaj, gazetar

 

Nesër mot kryesisht me diell

Sot në Mal të Zi ka mbajtur mot kryesisht i kthjellët. Frynë erë mesatare deri e fortë veriore. Temperaturat: Ulqin, Tivar, e H. Novi 8 gradë, Podgoricë 7, B. Pole 3, Beranë 2, Nikshiq, Cetinë, Shavnik e Plavë 1, Plluzhinë 0, Plevle e Rozhajë -1, Kollashin -3 dhe në Zhablak -8 gradë.

Meteorologët edhe për nesër parashohin të mbajë mot kryesisht me diell. Do të fryjë erë e dobët deri mesatare nga drejtime të ndryshme. Temperatura e mëngjesit prej -14 deri në 0, kurse më e larta e ditës prej -1 deri në 11 gradë celsius.

]]>
Lajmet http://www.rtcg.me/shqip/lajmet/227508/lajmet-15012019.html
Lajmet 14.01.2019 http://www.rtcg.me/shqip/lajmet/227393/lajmet-14012019.html 14.01.2019 ]]> Gjukanoviq në tubimin ndërkombëtarë në Abu Dabi

Presidenti i Malit të Zi, Millo Gjukanoviq, merr pjesë sot më tubimin e madh ndërkombëtarë në Abu Dabi, në të cilin do të ndahet çmimi prestigjioz për qëndrueshmëri që ndahet nga princi Zajed, për vitin 2019. Ndërkohë është edhe takimi i presidentit Gjukanoviq me princin e kurorës, Mohamed Bin Zajed al Nahjan, nën patronazhin e të cilit mbahet edhe ky ceremonial. Princi Mohamed ka thënë me këtë rast se për Emiratet e Bashkuara Arabe është shumë domethënëse se Gjukanoviq ka pranuar ftesën që të marrë pjesë në ceremonialin e ndarjes së çmimit për këtë vit, ndërsa presidenti Gjukanoviq e ka njoftuar nikoqirin me situatën politike në vend dhe rajon dhe ka konstatuar se mali i Zi po zhvillohet në kontinuitet dhe në mënyrë stabile. Dje Gjukanoviq ka biseduar me Ministrin për inteligjencën artificiale të Emirateve të Bashkuara Arabe, Omar Al Ollama. Gjukanoviq e ka falënderuar bashkëbiseduesin dhe ka propozuar që sa më parë të vendoset bashkëpunim ndërmjet dy qeverive në këtë plan, gjë që, siç ka theksuar ministri arab, do të ketë efekte pozitive për të dy vendet.

Brajoviq në Andorë

Kryetari i Parlamentit të Malit të Zi, Ivan Brajoviq qëndron sot për vizitë zyrtare në Andorë, me ftesën e kryetarit të Këshillit të përgjithshëm të këtij shteti, Visens Mateu Zamore. Siç është kumtuar nga Parlamenti, vizita është organizuar me qëllim të shkëmbimit të përvojave ndërmjet vendeve të vogla të suksesshme, me të cilat Mali i Zi bashkëpunon në kuadër të Konferencës së kryetarëve të parlamenteve të shteteve evropiane me më pak se 1 milion banorë. "Mbretëria e Andorës ka raport të veçantë me BE, por realizon edhe rezultatet të mira, mes tjerash nëse sektorin financiar, si dhe në fushat e tregtisë dhe të turizmit", thuhet në kumtesë.

Rritja e ekonomisë do ti tejkalojë planifikimet

Rritja e ekonomisë gjatë vitit rrjedhës do të jetë dukshëm më e madhe se 2,8%, sa që ishte prognozuar nga Qeveria, respektivisht do të jetë rreth 4%, ka vlerësuar profesori i Fakultetit ekonomik në Universitetin e Malit të Zi, Bozho Mihajlloviq. "Jam absolutisht i sigurt se trendet pozitive do të vazhdojnë edhe gjatë këtij viti. Të gjithë treguesit çojnë drejtë këtij pohimi", ka thënë Mihajlloviq për gazetën "Pobjeda", i cili njëheri është edhe kryetar i Lidhjes së ekonomistëve të Malit të Zi. Ai ka shtuar se rritja duhet të bazohet në investimet në bujqësi, energjetikë, në turizëm dhe në tërë sektorin real.

 

Damjanoviq u dërgon letër udhëheqësve të BB

Deputeti i pavarur, Aleksandër Damjanoviq ka kërkuar nga udhëheqësit e Bankës Botërore (BB) informatën kthesë lidhur me faktin se Zyra e tyre e obliguar për Malin e Zi ka pasur, siç thekson ai, tolerancë të lartë të sjelljeve problematike të Bankës Qendrore të Malit të Zi. Ai u ka dërguar letër, mes tjerëve, nënkryetarit të Bankës Botërore, Kirill Murell, drejtores rajonale të Bankës Botërore për Ballkanin perëndimorë, Linda van Gellder dhe shefit të zyrës të Bankës Botërore për Malin e Zi, Emanuell Sallinas. Damjanoviq ka deklaruar për gazetën, "Vijesti" se shkresën e ka dërguar në disa adresa të Bankës Botërore dhe institucionet tjera financiare ndërkombëtare i shqetësuar si qytetarë dhe deputet, me rastin e ngjarjeve aktuale në sektorin bankar, gjë që kanë rezultuar me falimentime, masa të përkohshme dhe me akuza për pastrim parash në disa banka.

 

Milloviq dhe Spaiq dekan të fakulteteve juridik dhe ekonomik

Këshilli administrativ i Universitetit të Malit të Zi ka vendosur që Dekani aktual i Fakultetit ekonomik, Nikolla Milloviq, ta ushtrojë këtë detyrë edhe në mandatin e ardhshëm 2019- 2022, dhe njëkohësisht e ka emëruar Aneta Spaiq, Dekan të Fakultetit juridik. Siç është kumtuar sot, Këshilli administrativ i Universitetit të Malit të Zi në mbledhjen e fundit ka vendosur që Milloviq ta ushtrojë këtë detyrë kurse vendimi hynë në fuqi me 28 maj. "Me propozimin e Fakultetit juridik dhe përmes mendimit paraprak të Rektorit të Universitetit të Malit të Zi, Danillo Nikoliq, Këshilli administrativ ka emëruar Dekane të Fakultetit juridik Aneta Spaiq, profesoreshë inordinare në këtë fakultet, e cila do ta marrë detyrën me 20 maj, thuhet në kumtesë. Siç theksohet, në mbledhje është miratuar edhe rregullorja për ndryshimet dhe plotësimet e rregullores për organizimin e brendshëm dhe sistematizimin e vendeve të punës në Rektoratin e Malit të Zi.

Shtyhet afati për paraqitje për shkollën verore, CERN

Ministria e shkencës e ka shtyrë afatin për fletëparaqitje në konkursin për shkollën verore të studentëve- CERN, deri me 21 janar. Siç është kumtuar nga kjo Ministri, fjala është për bursa atraktive për qëndrimin e studentëve malazezë në laboratorin udhëheqës botëror, të cilat janë mundësuar falë marrëveshjes ndërmjet Qeverisë dhe Organizatës evropiane për hulumtimet bërthamore- CERN, për bashkëpunimin shkencor dhe teknik nga fusha të fizikës të energjive të larta. Ministria e shkencës, pas përfundimit të konkursit të shpallur me 15 nëntor të vitit të kaluar do të zgjedh katër kandidatë kurse më vonë CERN-i do të realizojë zgjedhjen finale deri në fund të muajit prill. Përndryshe shkolla verore e studentëve, CERN, organizohet çdo vit dhe zgjat prej 8 deri në 13 javë gjatë korrikut dhe gushtit dhe përfshinë trajnime teorike, pjesëmarrje në punëtori, në seminare, në ekspozita dhe punën eksperimentale.

 

Knezheviq; "Çka di unë, do ta dinë i tërë Mali i Zi"

Kryetari i Atllas Grupit Dushko Knezheviq ka deklaruar se çdo gjë që e din ai do ta dinë i tërë Mali i Zi dhe nuk do të lejojë që ti merret lehtë ambienti afarist dhe prona e kësaj kompanie. Funksionari i lartë i PDS, Sllavolub Stjepoviq i ka ftuar organet kompetente shtetërore që ti hetojnë pohimet të cilat Dushko Knezheviq i plason me këmbëngulje duke u përzier gjithnjë e më tepër, siç ka theksuar, në rrjetin e komploteve dhe të pavërtetave personale. Ai ka përkujtuar Knezheviqin se gjendet në Podgoricë dhe nuk ka për qëllim që të largohet, duke pasur qëndrim të përgjegjshëm ndaj opinionit malazez, ka theksuar Stjepoviq. Partitë parlamentare kanë reaguar ndaj inxhizimit të cilin e ka publikuar kryetari i Atllas Grupit, Dushko Knezheviq, dhe në të cilin shihet se si ia dorëzon kryebashkiakut të Podgoricës Sllavolub Stjepoviq, kovertën me para. Përndryshe Prokuroria e shtetit, në pajtim me kushtetutën dhe ligjin, do të marr të gjitha masat e domosdoshme me qëllim që në rastin e njohur në opinion si "afera Atllas", të vërtetohen të gjitha faktet e domosdoshme, thuhet në kumtesën e prokurorisë supreme të shtetit.

Fillon marrja në pyetje e ish pjesëtarëve të UÇK-së në prokurorinë e posaçme në Hagë

Një nga ish komandantët e Ushtrisë Çlirimtare të Kosovës, Rrustem Mustafa, sot u paraqit në prokurorinë e posaçme për krime lufte në Hagë, për t’u intervistuar, me çka edhe filloi puna konkrete e këtij institucioni. Mustafa i njohur me emrin e luftës i komandant Remi, drejtonte Zonën Operative të Llapit, një rajon në veri të Prishtinës gjatë luftës në Kosovë. Para se të hynte në ndërtesën e përkohshme të prokurorisë së posaçme tha se është këtu “për t’u përgjigjur në pyetjet e prokurorit në lidhje me rolin e tij në pretendimet e prokurorëve”. Pas tij, pritet të vazhdojë intervistimi i Sami Lushtakut, ish komandant i Zonës Operative të Drenicës gjatë luftës në Kosovë dhe intervista do të zhvillohen edhe më një numër ish pjesëtarësh të Ushtrisë Çlirimtare. Në mesin e atyre që kanë marrë ftesë është edhe Remzi Shala, i njohur me emrin e luftës si “Molla e kuqe”, i cili u ka thënë medieve lokale se nuk do të paraqitet në intervistë meqë nuk i beson Gjykatës së Posaçme që do të trajtojë pretendimet për krime lufte në Kosovë. Në fillim të muajit gusht të vitit 2015, parlamenti i Kosovës miratoi me shumicë votash ligjin për Gjykatën e Posaçme, që me emrat dhomat e specializuara, do të veprojë në Hagë, nën ligjet e Kosovës dhe me prokurorë e gjykatës ndërkombëtarë.

 

Diskutohet platforma e dialogut pa opozitën

Udhëheqësit e institucioneve të Kosovës dhe Ekipi negociator për dialog me Serbinë, kanë zhvilluar takim të përbashkët për t’i diskutuar temat e dialogut, në kuadër të fazës finale të bisedimeve në Bruksel, që po lehtësohen nga Bashkimi Evropian. Takimi ishte thirrur nga kryetari i Kuvendit të Kosovës, Kadri Veseli. Kryetari i Veseli tha se marrëveshja përfundimtare me Serbinë do të jetë në interes të Kosovës. Ai është zotuar për një proces transparent, duke besuar se rezultat i dialogut duhet të jetë njohja e Kosovës nga Serbia, si një lloj parakushti që i mundëson Kosovës më pas anëtarësimin e saj në Organizatën e Kombeve të Bashkuara (OKB) dhe përshpejtim në anëtarësimin e vendit në Bashkimin Evropian dhe NATO. Shpend Ahmeti, bashkëkryesues i Ekipit negociator, bëri të ditur se arsyeja e krijimit të Ekipit negociator është të ndërtohet një konsensus herët në proces dhe të flitet me një zë. Në këtë takim, ndonëse të ftuar, nuk kanë marrë pjesë edhe liderët e dy partive më të mëdha opozitare, nga Lidhja Demokratike e Kosovës dhe Lëvizja Vetëvendosje. Të dy këto parti po refuzojnë që të bëhen pjesë e procesit të dialogut me Serbinë.

SHBA paralajmëron pasoja për Kosovën, kërkon pezullimin e taksës

Këshilli i Sigurisë Kombëtare të SHBA-ve dhe Departamenti i Shtetit Amerikan kanë formësuar pozicionin e tyre lidhur me zhvillimet aktuale në Kosovë, respektivisht çështjen e taksës së vendosur nga qeveria dhe dialogun ndërmjet Kosovës dhe Serbisë. Burimet e Klan Kosovës kanë siguruar mesazhin e qartë i cili tashmë iu është transmetuar edhe në formë të shkruar autoriteteve shtetërore kosovare. Ky qëndrim i prerë i administratës amerikane është përmbledhur në tetë pika kryesore. Ndër to përfshihen edhe dy për taksën, ku siç thuhet, se kërkojnë pezullimin e menjëhershëm të tarifës. Sipas administratës amerikane, e njëjta tarifë mund të rivendoset në rast se dështon marrëveshja me Serbinë. Në të kundërtën, siç thuhet, se nëse tarifa nuk suspendohet urgjentisht, SHBA-të do të suspendojnë asistencën në fushën e sigurisë, pra mbështetjen për FSK. Klan Kosova gjithashtu e ka të konfirmuar që me kërkesë të Shtëpisë së Bardhë, ky mesazh është përcjellë tek pesë institucionet relevante shtetërore të Kosovës nëpërmjet kanaleve diplomatike.

 

Tarifën e heqim vetëm pas garancës për njohje të Kosovës

Kryeministri i Kosovës, Ramush Haradinaj, ka theksuar se Qeveria e Kosovës do ta pezullonte përkohësisht tarifën, vetëm pas garancës ndërkombëtare, për një marrëveshje përfundimtare, e cila duhet të rezultojë me njohjen reciproke. “Përderisa kemi vetëm sugjerime për takime dialoguese të pafrytshme, pa objektiv dhe pa afate qartë të përcaktuara, pa kontratë të para-dakorduar dhe garancë ndërkombëtare, që do të nënshkruhet marrëveshja përfundimtare që rezulton me njohje, taksa vazhdon të mbetet në fuqi”, ka shkruar ai ne rrjetin social Facebook. Ai ka thënë së është thellësisht i bindur për mundësinë e arritjes së marrëveshjes gjithëpërfshirëse ligjërisht obliguese me Serbinë, që rezulton me njohje. Qeveria e Kosovës, më 6 nëntor të vitit 2018, pati vendosur tarifën prej 10 për qind për produktet nga Serbia. Me një vendim tjetër, Qeveria e Kosovës, më 21 nëntor, vendosi tarifën prej 100 për qind për produktet nga Serbia dhe kjo u bë shkak që autoritetet serbe të vendosin që të mos vazhdojnë dialogun në Bruksel, deri në heqjen e kësaj tarife.

Institucionet arsimore nisin grevën në Kosovë

Të gjitha institucionet arsimore në Kosovë prej sot kanë nisur grevën e përgjithshme derisa si kërkesë kyçe është përmendur rritja e pagave në të gjitha nivelet arsimore. Këshilli Qendror Grevist në sektorin e arsimit 'kërkon që të ngritën koeficientet e parapara në projektligjin e pagave për punonjësit arsimorë dhe të kulturës, të barabartë me sektorët tjerë që janë nëpunës të shërbyesve publikë ose ngritje koeficienti për punonjësit e arsimit së paku 30 për qind’. Po ashtu kërkohet të zbatohet në tërësi kontrata kolektive për arsimin e Kosovës, e nënshkruar nga Ministria e Arsimit Shkencës dhe Teknologjisë dhe Sindikata e Bashkuar e Arsimit, Shkencës dhe Kulturës e Kosovës. Projektligji për pagat aktualisht është duke u shqyrtuar në Komisionin për Administratë Publike, Qeverisje Lokale dhe Media në Kuvendin e Kosovës dhe me procedurë të shpejtë pritet të kalojë për miratim në njërën nga seancat e para të Kuvendit.

 

Kryeministri Rama do ta ushtrojë edhe postin e ministrit të Jashtëm

Kryeministri i Shqipërisë Edi Rama ka bërë të ditur se ai vetë do te ushtrojë detyrën e shefit të diplomacisë së vendit, në mungesë të një ministri të Jashtëm. Ai, përmes një postimi në rrjetin social Twitter, ka bërë të ditur marrjen e përgjegjësisë së ministrit të Jashtëm, duke kritikuar presidentin Ilir Meta. “Presidenti e ka çdekretuar Ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese. Deri atë ditë që vjen shumë shpejt, do të jem de jure në këtë rol sepse s’kemi kohë për të humbur në kërkim të Presidentit”, shkruan Rama. Vendimi i kryeministrit shqiptar u mor pas mbledhjes së kryesisë së Partisë Socialiste, ku u diskutuan hapat e ardhshëm për të zgjidhur ngërçin Qeveri-President. PS do ta dërgojë çështjen në Gjykatën Kushtetuese, e cila do të shprehet vetëm kur të mund të bëhet funksionale, çështje që do të marrë kohë.

Partneri i kryeministrit Tsipras, del nga koalicioni për shkak të Maqedonisë

Kryeministri grek, Alexis Tsipras po bën thirrje për një votëbesim për qeverinë e tij, pasi aleati i tij doli të dielën nga koalicioni qeveritar, në shenjë proteste ndaj marrëveshjes së Prespës me Maqedoninë për çështjen e emrit. Me largimin e tij nga koalicioni Panos Kammenos e ka lënë kryeministrin pa një shumicë parlamentare dhe shton gjasat për zgjedhje të parakohshme. Ai dha dorëheqjen nga posti i Ministrit të Mbrojtjes dha tha se po i tërhiqte edhe gjashtë ministra të tjerë. Maqedonia miratoi të premten ndryshime kushtetuese që ia ndryshojnë emrin vendit në Maqedonia e Veriut, sipas marrëveshjes me Greqinë, që do të bënte të mundur hyrjen e Maqedonisë në NATO dhe Bashkimin Evropian. Por marrëveshja duhet të ratifikohet nga Greqia që të mund të hyjë në fuqi. Nëse Tsipras e humb votëbesimin, Greqia do të mbajë zgjedhje të parakohshme para tetorit kur ishin planifikuar. Sipas anketave, Syriza është 8-12 pikë prapa partisë konservatore Demokracia e Re. Kryetari i Parlamentit ka propozuar 16 janarin si datë për votëbesimin.

May paralajmëron parlamentin rreth bllokimit të planit të saj për Brexit

Kryeministrja britanike, Theresa May ka thënë se ligjvënësit britanikë do të dëmtojnë besimin e publikut në demokraci nëse kundërshtojnë marrëveshjen për Brexit me Bashkimin Evropian, në votimin që pritet të mbahet nesër. Në një koment të publikuar në Sunday Express, May ka thënë: “Mesazhi im për parlamentin këtë javë është i thjeshtë, është koha të harrojmë lojërat dhe të bëjmë atë që është e drejtë për shtetin”. May ka thënë se disa anëtarë të parlamentit britanik janë duke luajtur lojëra politike lidhur me debatin për Brexit. Sipas saj, ligjvënësit duhet të respektojnë rezultatet e referendumit të vitit 2016, në të cilin 52 për qind e votuesve kanë mbështetur largimin e Britanisë nga BE-ja. May pati shtyrë votimin për këtë marrëveshje, të planifikuar në muajin dhjetor, pasi i ishte bërë e ditur se nuk ka përkrahje. Aktualisht, ajo është duke i bërë thirrje parlamentit britanik për të mbështetur planin e saj për Brexit, në mënyrë që Britania të mos largohet pa pakt nga BE-ja më 29 mars, meqë një gjë e tillë mund të kërcënojë tregtinë, vendet e punës dhe rritjen ekonomike.

Kujdes në rrugët rrëshqitëse dhe me ngrica

Në pjesën më të madhe të Malit të Zi sot rrugët janë rrëshqitëse kurse në viset e larta janë të mundshme edhe ngricat për shkak të temperaturave mjaft të ulëta. Nga Lidhja Auto- moto e Malit të Zi kanë deklaruar se në disa rajone malore dhe në luginat e lumenjve, dukshmëria është e kufizuar kurse në disa vende janë të mundshme edhe rrëshqitjet e dheut. Të theksojmë se pajisjet dimërore janë të detyrueshme deri me 31 mars, në të gjitha akset rrugore ku kjo është theksuar me sinjalizimin e komunikacionit, pa marrë parasysh kushtet atmosferike.

 

Nesër mot kryesisht me diell

Sot në Mal të Zi ka mbajtur mot kryesisht i vranët, në viset qendrore dhe veriore me reshje të borës, kurse në jug dhe bregdet me shi të dobët. Frynë erë e dobët deri mesatare nga drejtime të ndryshme. Temperaturat në orën 13 u shënuan: në Tivar e Budvë 8 gradë, Herceg Novi 7, Podgoricë e Ulqin 3, Cetinë, Kollashin, Rozhaj e Beranë 1, Zhablak 0, Nikshiq e Plevle -1 dhe në Bijello Pole -2 gradë.

Për nesër parashihet të mbajë mot kryesisht me diell dhe pa të reshura. Do të fryjë erë mesatare deri e fortë nga drejtimet e veriut. Temperatura e mëngjesit prej - 10 deri në 3, kurse më e larta e ditës prej -8 deri në 9 g. c.

]]>
Lajmet http://www.rtcg.me/shqip/lajmet/227393/lajmet-14012019.html
Lajmet 11.01.2019 http://www.rtcg.me/shqip/lajmet/227116/lajmet-11012019.html 11.01.2019 ]]> Ulqini dhe Tivari 27 ore pa rryme elektrike

Siç u njoftuam nga Sistemi elektropërçues i Malit të Zi, pas angazhimit të gjatë të ekipeve në terren, sot në orët e vona të pasditës u riparua largëpërçuesi Podgoricë 2- Virpazar, ku ishte identifikuar avaria dhe banorët e Ulqinit, Tivarit dhe Sutomores u furnizuan me energji elektrike. Përndryshe, prej dje pasdite rajoni i Ulqinit,Tivarit dhe Sutomores ishin pa rryme elektrike. Siç kishin njoftuar më parë nga Sistemi elektropërçues i Malit të Zi, ekipet nga Nikshiqi dhe Podgorica ishin ne terren  ne trasen e largepercuesit Podgorica 2- Virpazar ku ishte identifikuar avaria. Krahasuar me motin e mëparshëm të lig sot rrethanat ishin diçka më stabile, andaj ekipet në terren edhe pse më vështirësi, arritën ta sanojnë avarinë në këtë largpërçues.

 

Bora sjell kaos në disa pjesë të Evropës

Reshjet e dendura të borës edhe sot sollën kaos në disa pjesë të Gjermanisë dhe Suedisë , duke bllokuar rrugë, ndaluar trena dhe mbyllur shkolla. Kryqi i Kuq i ndihmoi vozitësit në një autostradë në landin gjerman të Bavarisë, ku një djalë 9 vjeç humbi jetën nga rënia e një druri. Në Zvicër, një ortek goditi një hotel, duke plagosur tre vetë, ndërsa në Norvegji disa rrugë u bënë të pakalueshme. Në Austri moti sot u qetësua, pasi bora në ditët paraprake arriti në tre metra. Shtatë njerëz vdiqën atje javën e kaluar, ndërsa dy alpinistë u raportuan të humbur qysh të shtunën. "Sasi e tillë e borës në mbi 800 metra lartësi bie një herë në 30 deri në 100 vjet", tha Alexander Radlherr, nga Instituti Qendror i Austrisë për Meteorologji dhe Gjeodinamikë. 

Në vitin 2018 është rritur siguria e qytetarëve

Ministri i punëve të brendshme Mevludin Nohoxhiq ka vlerësuar se Mali i Zi gjatë dy viteve të kaluara ka shënuar rezultate të mira në luftën kundër kriminalitetit të organizuar. Kjo, konsideron Nuhoxhiq, ka kontribuar dukshëm në rritjen e sigurisë së qytetarëve. Ai ka shtuar se beson që në vitin 2019 do të shënohen rezultate akoma më të mira. Në vitin e kaluar, siç ka theksuar ministri, kemi përparuar sistemin e mbrojtjes dhe të shpëtimit nga fatkeqësit elementare dhe e kemi bërë më  efikas konceptin e ofrimit të shërbimeve  për ndryshimin e dokumentacioneve për qytetarët e Malit të Zi.

 

Do të ndahen deri në 50 specializime për mjekët

Ministria  e shëndetësisë gjatë këtij viti do të ndajë 40 deri në 50 specializime  dhe përparësi  do tu jepet aftësimeve të mjekëve në Nikshiq, Plevle, Bjello Pole dhe Kollashin me qëllim që kapacitetet kadrovike të ekuilibrohen, ka deklaurar drejtorja e përgjithshme e drejtorisë për kontrollin dhe avancimin e cilësisë Vesna Miranoviq. Ajo ka theksuar se në vazhdim janë përgatitjet e planit për aftësimet e specializuara për këtë vit dhe jane grumbulluar të gjitha nevojat e institucioneve shëndetësore të cilat do të analizohen me kujdes, duke respektuar mungesat kadrovike në disa rajone të Malit të Zi. Ajo për agjencinë Mina ka theksuar se gjatë këtij viti është paraparë të ndahen prej 40 deri në 50 specializime. Ajo ka theksuar se do të kihet kujdes që shpallja e konkursit për specializime të mos e rrezikojë funksikonimin e segmenteve të ndijeshme të sistemit shëndetësor, siç është Enti për ndihmën e parë mjekësore ose disa shtëpi të shëndetit. Miranoviq ka theksuar se prej vitit 2013  në sistemin shëndetësor të Malit të Zi janë futur 350 mjekë dhe se vetëm gjatë dy viteve të fundit janë lejuar 150 specializime dhe 20 specializime  të veçanta. Sipas fjalëve të saj, në Qendrën klinike të Malit të Zi aktualisht gjenden 200 mjekë.

 

Ekonomia e Malit të Zi do të shënojë rritje 3.5 për qind

Ekonomia e Malit të Zi gjatë këtij viti, pas rritjes së dukshme në vitin e kaluar, do të shënojë rritje diçka më të vogël, ka kumtuar zavendës guvernatori i Bankës Qendrore të Malit të Zi Nikolla Fabris. Prognozat tona janë se shkalla e rritjes të bruto prodhimtarisë së brendshme gjatë këtij viti do të jetë 3.5 për qind, ka theksuar Fabris  në intervistën dhën agjencisë Mina Busines. Sipas fjalëve të tij, sektorët për të cilët Banka Qendrore pret se do të jenë bartës të rritjes ekonomike gjatë këtij viti janë turizmi, energjetika dhe ndërtimtaria si rezultat i vazhdimit të ndërtimit të autostradës, të objekteve turistike dhe objekteve energjetike. Si pengesa të mundshme nga tregu ndërkombëtare të cilat në formë indirekte mund të pasqyrohen edhe në ekonomin e Malit të Zi, Fabris i sheh në rritjen potenciale të shkallës së interesave  të cilat mund të vështirsojnë huazimin dhe rifinancimin e detyrimeve, si dhe në tensionet aktuale gjeopolitike si pasoj e tensioneve ndërmjet  SHBA dhe partnerëve  të saj tregëtarë.

  

Opozita duhet të jetë unike

Opozita e Malit të Zi duhet të jetë unike, sepse kjo është e vetmja mënyrë që të rrëzohet pushteti i PDS, ka deklaruar kryetari i PSP, Vlladimir Jokoviq. Opozita e Malit të Zi nuk ka kohë të mendojë nëse don ose jo të ulet pas të njëjtës tryezë dhe nëse do të marrin pjesë së bashku, por ajo këtë duhet ta bëjë, sepse vetëm në këtë mënyrë mund të largohet PDS-ja, ka thënë Jokoviq në intrevsitën për gazetën "Dan", duke shtuar se nëse nuk veprohet kështu, zgjedhësit e tyre do ta dënojnë opozitën në zgjedhjet e ardhëshme. Sa i përket bashkëpunimit me opozitën, siç ka theksuar ai, PSP gjithmonë është e hapur për bashkëpunim me të gjitha subjektet politike drejt arritjes së qëllimit, respektivisht drejt ndryshimit të pushtetit në Mal të Zi. Ai konsideron se Këshilli për reformën e mëtejme të legjislaturës zgjedhore duhet të inicojë ndryshime.

 

Lidhjet ndërmjet të rinjve të rajonit është proces afatgjatë

Lidhja e të rinjeve dhe puna në pajtimin e rajonit paraqesin proces afatgjatë, që nënkupton pjesëmarrjen e shumë akterëve me qëllim që situata në Ballkanin perëndimor të ndryshojë, ka theksuar shefi i zyrës  rajonale për bashkëpunimin e të rinjve në Mal të Zi, Edin Kolenoviq. Ai në intervistën dhënë agjencisë Mina ka theksuar se qeveritë, politikanët, instiucionet arsimore dhe mediat duhet ti nxisin të rinjët që të marrin pjesë në aktivitetet të cilat ndërtojnë dhe forcojnë mirëkuptimin reciprok dhe pajtimin në të gjitha sferat e shoqërisë. Siç ka theksuar, kjo zyrë përmes programeve të shkembimeve intelektuale ndërmjet të rinjëve nga rajoni i Ballkanit Perëndimor dëshiron të kontribuojë në krijimin e kushteve për uljen e distancës etnike, stereotipeve dhe të paragjykimeve, Kolenoviq ka theksuar se si rezultat i ftesës së parë të hapur për dorëzimin e projekteve, në vazhdim është implementimi i 33 projekteve të cilat i realizojnë 117 shkolla të mesme dhe organizat shoqërisë civile.

  

Janari muaji i heronjve

Presidenti Hashim Thaçi ka thënë se në historinë e re të Kosovës, janari hyri si muaj i heroizmit dhe lavdisë, në saje të sakrificës së vëllezërve Gërvalla dhe Kadri Zekës, më 17 janar 1982. “Ndërkaq, sot e 35 vjet më parë, në një qëndresë heroike përballë aparatit policor serb e jugosllav, ranë trimërisht dy veprimtarë të shquar të lëvizjes kombëtare: Rexhep Mala dhe Nuhi Berisha. Rënia e tyre u bë motiv shtesë për brezat që kishin ideal çlirimin e Kosovës. Lavdi heronjve të Janarit”, shkruan Thaçi.

 

Nuk i nënshtrohemi Brukselit, as Serbisë për heqjen e taksës

Pas mbledhjes së parë për këtë vit të Qeverisë, kryeministri Ramush Haradinaj ka thënë se derisa nuk ka njohje nga Serbia, taksa 100 përqind do të jetë në fuqi. Kryeministri Haradinaj ka thënë se nuk do t’i nënshtrohen kërkesës së Serbisë dhe Brukselit për heqjen e taksës 100 përqind që ndërlidhet me dialogun Kosovë-Serbi.Haradinaj ka përmendur edhe personat e zhdukur dhe të kidnapuar gjatë luftës nga ana e Serbisë.Ai ka thënë se edhe LDK dhe LVV duhet ta fuqizojnë dialogun Kosovë-Serbi, sepse e kanë rolin e tyre në këtë drejtim.Për sa i për ketë grevave në arsim, shëndetësi dhe Trepçë, Haradinaj ka thënë se për rregullimin e pagave, Qeveria për herë të parë ka dërguar projektligjin për Pagat, projektligj ky cili rregullon dhe nivelizon pagat në sektorin publik.

  

Marrëveshja e Prespës është në dobi të gjithë Evropës

Vëmendja e mediave greke pas takimit të Angela Merkel dhe Aleksis Cipras e monopolizoi qëndrimin e kancelares gjermane në lidhje me Marrëveshjen e Prespës, dhe duket se pikërisht zgjidhja mes Maqedonisë dhe Greqisë ka qenë një ndër temat kryesore në bisedimet në pallatin e kryeministrisë në Athinë. Në konferencë për media pas takimit me Cipras, Merkel e përdori emrin Maqedonia e Veriut dhe tha se Marrëveshja e Prespës nuk sjellë dobi vetëm për “Maqedoninë e Veriut” e cila mund të bëhet anëtare e NATO-s dhe BE-së, por është në dobi edhe të Greqisë dhe Evropës, transmeton Portalb.mk“I jam mirënjohëse Aleksis Ciprasit i cili punoi në zgjidhjen e problemit të emrit, duke u përpjekur të gjejë zgjidhje së bashku me kryeministrin e vendit fqinj, Zoran Zaev. Mendoj se këtu bëhet fjalë për diçka që çdonjëri nga ne e dinte se nuk është zgjidhje e lehtë, por tani me emrin Maqedonia e Veriut, shtetit i jepet mundësi të bëhet anëtarja e 30 e NATO-s, si dhe anëtare e Bashkimit Evropian. Por, kjo nuk është e mirë vetëm për Maqedoninë e Veriut, por edhe për vetë Greqinë”, tha Merkel.

 

Së shpejti mund të shpall emergjencë për sigurinë kufitare

Presidenti i SHBA Donald Trump sinjalizoi të enjten se së shpejti mund të shpallë një emergjencë kombëtare dhe se do të përdorë fondet e ndërtimeve ushtarake për ngritjen e një muri përgjatë kufirit me Meksikën.Deri tani, ai e ka patur të pamundur të bindë Kongresin që t’i japë fonde për këtë qëllim.Presidenti Trump shkoi të enjten në Teksas për të parë nga afër përpjekjet që synojnë pengimin e imigracionit të paligjshëm në kufi."Unë kam të drejtën absolute për të deklaruar një emergjencë kombëtare," u tha zoti Trump gazetarëve. "Nuk e kam bërë akoma, por mund ta bëj.  Presidenti Trump tha se ekzistojnë fonde të mjaftueshme në dispozicion për murin, nëse ekziston një emergjencë kombëtare.

 

Në Rusi propozohet ligji për të qëlluar avionët e pasagjerëve

Ministria e Mbrojtjes e Rusisë hartoi një projektligj që do t'iu lejonte forcave ruse të qëllojnë avionët e pasagjerëve civilë brenda hapësirës së saj ajrore. Draft-dokumenti, që iu propozua qeverisë, thotë se avionët e pasagjerëve që hyjnë në hapësirën ajrore ruse pa autorizim dhe nuk iu përgjigjen sinjaleve të paralajmërimit apo të shtënave paralajmëruese, mund të rrëzohen nëse konsiderohet se përbëjnë kërcënim për vdekje masive, katastrofë ekologjike ose sulm mbi caqe strategjike. Projektligji po ashtu thotë se Minstria e Mbrojtjes e Rusisë duhet të fillojë të reagojë ndaj avionëve të paidentifikuar kur ata janë brenda 50 kilometrave të hapësirës ajrore ruse.

 

Nis tërheqja e trupave amerikane nga Siria

Një zëdhënës i ushtrisë amerikane tha se koalicioni ushtarak në Siri, i udhëhequr nga Shtetet e Bashkuara, ka nisur procesin e tërheqjes së trupave nga ky vend. Koloneli Sean Ryan tha se "procesi i tërheqjes sonë të kujdesshme nga Siria ka nisur", edhe pse nuk dha detaje specifike.

"Për shkak të shqetësimit për sigurinë operacionale, nuk do të diskutojmë për kohën specifike, vendndodhjen apo lëvizjen e trupave", tha Ryan. Vëzhguesi Sirian për të Drejtat e Njeriut, grup që monitoron luftën në Siri, tha se koalicioni ka nisur ta ulë praninë në aeroportin Rmeilan, në provincën verilindore të Sirisë, Hasakeh. Presidenti i Shteteve të Bashkuara, Donald Trump, ka njoftuar më 19 dhjetor se do të bëjë tërheqjen e të 2,000 trupave amerikane nga Siria. Njoftimi i tij i ka befasuar aleatët dhe është kritikuar brenda administratës.

  

Nesër mot kryesisht me diell

Në viset jugore dhe qëndrore sot ka mbajtur mot kryesisht me diell, kurse në veri kryesisht i vranët dhe pa të reshura. Frynë erë mesatare, vende vende deri e fortë veriore dhe veri lindore.

Temperaturat: Herceg Novi e Budvë 10, Tivar 8, Ulqin 7, Podgoricë 6, Cetinë 5, Nikshiq 2, Shavnik 1, Bijello Pole e Beranë 0, Kollashin, Plevle, Plavë e Rozhaje -2  dhe në Zhablak -7 gradë.

Për nesër meteorologët në tërë Malin e Zi parashohin të mbajë mot kryesisht i kthejllët. Do të fryjë  erë e dobët deri mesatare nga drejtime të ndryshme. Temperatura e mëngjesit prej -14 deri në 0, kurse më e larta e ditës prej -4 deri në 10 g. c.

 

]]>
Lajmet http://www.rtcg.me/shqip/lajmet/227116/lajmet-11012019.html
Lajmet 10.01.2019 http://www.rtcg.me/shqip/lajmet/227026/lajmet-10012019.html 10.01.2019 ]]> Shërbimet janë në terren dhe pastrojnë borën

Shërbimet e qytetit gjithnjë janë në terren dhe punojnë në pastrimin e borës pas rreshjeve të djeshme në Podgoricë dhe rrethinë. Nga zyra e Kryeqytetit për marrëdhënie me opinion, theksojmë se punët në pastrimin e borës në trotuare në të gjitha pjesët e Podgoricës të cilat kanë përfunduar mbrëmë pas orës 22, kanë vazhduar edhe në orët e mëngjesit të sotëm. Borëpastruesit dhe makineria tjetër kanë shkuar në Lijeva Rijek, Opasanic dhe Brskut , pastaj në Tuz - Kremzë, dhe kjo komunë e ka në dispozicion edhe një makineri të kombinuar për pastrimin e borës dhe helljen e kripës. Borëpastruesit, kanë shkuar në drejtmin rrugor Podgoricë-Radovçe, Kuç në drejtim të Koritës, si dhe në drejtim të Stravçës si dhe në qendra të qytetit.

Kombinimi i zallit dhe kripës është hedhur sidomos para institucioneve por është punuar edhe në pastrimin e borës nga korsitë e treta nëpër bulevarde, kanë kumtuar nga zyra për informim të Podgoricës.

Shpallet konkursi për kryetar të KSHZ 

Këshilli administrativ ka shpallur konkursin e përsëritur publikë për emrimin e kryetarit të Komisionit shtetëror të zgjedhjeve (KSHZ),  është publikuar në ueb sajtin e Kuvendit. Konkursi për zgjedhjen e kryetarit të KSHZ, është shpallur pasi që në mbledhjen e Këshillit administrativ, të mbajtur me 27 dhjetor, kandidati i vetëm, Amer Shukurica, nuk e kishte fituar shumicën e nevojshme. Kryetari i KSHZ, më parë nuk është zgjedhur as në seancën e shtatorit të Parlamentit pasi që asnjëri nga kandidatët nuk e kishte fituar shumicën e duhur. Në konkursin publikë atëherë kishin konkuruar, Zharko Gjurishiq dhe Amer Shukurica. Të theksojmë se kandidati duhet të ketë përgatitje të lartë profesionale - jurist i diplomuar, së paku 10 vjetë përvojë pune në profesion dhe duhet të ketë të drejtë vote. Për kryetar të KSHZ nuk mund të konkurojë kandidati i cili ka qenë anëtarë i organit drejtues të ndonjë partie politike gjatë tri vjetëve të kaluara.

Vazhdon përkrahje SHBA në fushën e sigurisë dhe sundimit të ligjit 

Rezultatet e mira në projektet e përbashkëta të Malit të Zi dhe SHBA ,janë vërtetim i bashkëpunimit cilësor ndërmjet dy shteteve , kurse raportet miqësore në rrugën integruese, kanë rëndësi të veçantë. Kjo është theksuar në takimin e ministrit për punë të brendshme, Mevlludin Nuhoxhiq, me ambasadoren e SHBA në Podgoricë, Xhudi Rajzing Rajnke. Siç është kumtuar, takimi ishte rast që Nuhoxhiq, ta njoftojë ambasadoren Rajnke, me rezultatet të cilat Ministria e punëve të brendshme dhe Drejtoria e policisë, i ka shënuar gjatë dy vjetëve të kaluara në planin e luftës kundër kriminalitetit të organizuar  dhe formave tjera të kriminalitetit, në harmonizimin e kornizave normative, pastaj në sferën e sundimit të ligjit dhe në përparimin e ambientit të sigurisë. Nuhoxhiq, ka falenderuar në përkrahjen të cilën ambasada e SHBA ,ia ofron Ministrisë së punëve të brendshme dhe Drejtorisë së policisë, përmes projekteve të ndryshme donatore, sidomos përmes programit të ndihmës humanitare në trajnimin e policisë dhe programit për kontrollin e eksportit dhe sigurisë së kufijve.

Efektet e autostradës do të vërehen pas ndërtimit të saj 

Borxhi publikë i Malit të Zi, është rreth 3 miliardë euro, ose 70 për qind të bruto prodhimtarisë së brendshme dhe është në nivelin e shumicës së shteteve. Rritjen e borxhit publikë e ka kushtëzuar huazimi për ndërtimin e autostradës. Eksperti ekonomik Mojmir Mrak, ka thënë për TVMZ, se efektet ekonomike nga ky projekt mund të priten pas përfundimit të tij. Specifik e rritjes së borxhit tonë publikë, gjatë viteve të fundit, sipas fjalëve të tij është huazimi për ndërtimin e autostradës. Ai, konsideron se pas këtij vendimi qëndron logjikë e qartë ekonomike se një gjë e tillë në të ardhmen do ti kontribuojë rritjes ekonomike. Efektet ekonomike nga autostrada, konsideron profesori Mrak, shteti mund ti pres vetëm pas përfundimit të sajë, ka theksuar ai. Vetëm atëherë, sipas fjalëve të tij, Mali i Zi do të ketë lidhje më të mira brenda vetë shtetit por edhe lidhje më të mira me Evropën. Autostrada , përmes politikave tjera ekonomike, do të ndikojë edhe në standardin e qytetarëve, ka pohuar profesori Mrak.

 

Fletëpadi penale kundër amfillohije Radoviq 

Lëvizja Malazeze, ia ka dorëzuar dje prokurorisë themelore të shtetit në Podgoricë, fletëpadinë penale kundër mitropolitit Amfillohije, për shkak të deklaratës dhën me 7 janar, gjatë liturgjiisë së Krishtlëlindjes para kishës së Ringjalljes së Krishtit, në Podgoticë, me ç’rast, ndërmjet tjerash kishën ortodokse malazeze e ka quajtur “autofekale”. Në fletëpadi precizohet se ajo dorëzohet kundër mitropolitit Amfillohije për shkak të “veprës penale të fyerjes së  autoritetit të popullit, të popujve pakicë dhe të bashkësive tjera nacionale, nga neni 169 të kodit penal të Malit të Zi dhe për shkak të veprës penale të nxitjes së urrejtjes nacionale, racore dhe fetare nga neni 370 i po këtij kodit”.

 

Radoviq, zgjedhet kryetar i Kuvendit të Budvës 

Krsto Radoviq, nga Mali i Zi Demokratik, është zgjedhur kryetar i Kuvendit të Budvës. Siç transmeton Portali i Radio televizionit të Budvës, me shumicën e votave të këshilltarëve, është konstatuar dorëheqja e kryetarit të deritashëm të Kuvendit komunal të Budvës, Gjorgjie Vujoviq. Me marrëveshjen e koalicionit është paraparë rotacioni pas mandatit dy vjeçarë në funksikonin e kryetarit të Komunës dhe të Kuvendit komunal kurse në këto funksione vendosen kandidatët nga Fronti demokratik dhe nga Demokratët. Radoviq, ka theksuar se e ka për nderë, kënaqësi dhe obligim që do të jetë kryetar i Kuvendit komunal të Budvës.

 

M.Kocijançiq;Nuk parashihet vazhdimi i dialogut në një të ardhme të afërt 

Dialogu ndërmjet presidentëve Hashim Thaçi e Aleksander Vuçiq, nuk parashihet të vazhdojë në një të ardhme të afërt. Një vendim se kur mund të vazhdojnë bisedimet, duhet të merret nga Kosova dhe Serbia.

Kështu ka thënë në një prononcim për Telegrafin, zëdhënësja e Komisionit Evropian, Maja Kocijançiq.

Kocijançiq është shprehur se dy shtetet duhet të angazhohen që dialogu në nivel të lartë, të vazhdojë në një afat sa më të shpejt kohor.

Sipas saj, vazhdimi i bisedimeve mes Prishtinës dhe Beogradit, ndërlidhet direkt me perspektivat evropiane të dy shteteve.

“Bashkimi Evropian pret që Serbia dhe Kosova të angazhohen sa më shpejtë në dialog, duke pasur parasysh lidhjen e drejtpërdrejtë ndërmjet normalizimit të marrëdhënieve dhe perspektivave konkrete, në aspiratat e tyre drejt BE-së”, ka thënë Kocijançiq.

Federica Mogherini e ka përsëritur edhe në takimin e 8 janarit urgjencën që kjo taksë të tërhiqet”, thuhet në përgjigjen e zëdhënëses së Komisionit Evropian.

Pikërisht për këto zhvillime, në Kosovë gjatë ditëve të ardhshme pritet të qëndrojë edhe Angelina Eichhorst, drejtoreshë e Shërbimit të Punëve të Jashtme në zyrën e Mogherinit.

Haradinaj, dënon ndalimin e N.Jakovleviq në Merdare nga autoritetett e Serbisë   

Kryeministri i Kosovës, Ramush Haradinaj ka dënuar ndalimin e Nebojsha Jakovleviqit në Merdare nga autoritetet e Serbisë.

Përmes një postimi në Facebook, ai e ka cilësuar këtë vendim si “papranueshëm dhe të dënueshëm”.

Jakovljeviq është këshilltar në Ministrinë e Punës dhe Mirëqenies Sociale në Qeverinë e Kosovës dhe pjesë e partisë Partia e Pavarur Liberale (SLS).

“Qeveria e Kosovës dënon ashpër këtë formë të presionit dhe kërcënimit nga ana e Serbisë për qytetarët e komunitetit serb të Kosovës. Ky veprim, nuk është i vetmi dhe as i izoluar, por është pjesë e një fushate të orkestruar të pushtetit serb, për ta kërcënuar drejtpërdrejt sigurinë e vendit tonë", ka thënë kryeministri i Kosovës.

 

Zgjidhja e kontestit të emrit mundëson të ardhme pozitive të vendit

Lideri i Partisë Popullore Evropiane (PPE), Manfred Weber, i cili është kandidatë për kryetar të Komisionit Evropian në zgjedhjet e ardhshme në BE, deklaroi se është e nevojshme zgjidhja e kontestit të emrit në mes Athinës dhe Shkupit. “Të gjithëve u është bërë e qartë se kontesti i emrit duhet të zgjidhet dhe Maqedonisë t’i mundësohet e ardhme pozitive ekonomike dhe evropiane, tha Weber, në intervistë për “Euroaktiv”. Sipas Weber, përgjegjësia për marrëveshjen, për finalizimin dhe zbatimin e saj është tek qeveritë e Athinës dhe Shkupit dhe për këtë është e nevojshme edhe mbështetja e opozitës. Eurodeputeti gjerman Elmar Brok nga unioni Kristian-demokratët (CDU) e kancelares Angela Merkel përsëriti se pret që Demokracia e Re ta pranojë marrëveshjen e Prepsës pas ratifikimit të saj në Kuvend. Ai theksoi se kjo çështje është e diskutueshme në Parlamentin Evropian dhe se Demokracia Evropiane është sqaruar se do ta respektojë ratifikimin e marrëveshjes kur do të vijë në pushtet./Telegrafi/

Mbylljes së Qeverisë në Wasington, nuk po i shihet fundi

Presidenti amerikan, Donald Trump është larguar të mërkurën nga takimi negociues me liderë kongresionalë, teksa janë bërë përpjekje për t’i dhënë fund mbylljes së pjesshme të Qeverisë amerikane që ka hyrë në ditën e 19-të.

Përmes një postimi në Twitter ai ka thënë se është larguar nga takimi duke iu thënë pjesëtarëve të tjerë “Tung - tung”.

Trump, më pas ka përshkruar takimin me senatorin demokrat, Chuck Schumer dhe kryesuesen e Dhomës së Përfaqësuesve, Nancy Pelosi. Presidenti amerikan tash e një kohë ka shfaqur mospajtimet e tij me demokratët dhe një pjesë të republikanëve, të cilët kundërshtojnë të financojnë projektin e tij për murin me Meksikën. Në takimin negociues që ka përfunduar ende pa nisur mirë, demokratët kanë shkuar në Shtëpi të Bardhë, duke i kërkuar Trumpit që të hapë Qeverinë. Trump, në anën tjetër, ka përsëritur thirrjet për të holla për murin, andaj republikanët dhe demokratët kanë përfunduar me qasje të ndryshme për takimin, mirëpo përfundimi ka qenë i njëjtë: mbyllja e Qeverisë nuk duket se ka fund.

 

Së paku 15 zyrtarë policorë janë vrarë nga sulmet e talibanëve në Afganistan

Të paktën 15 zyrtarë policorë afganë janë vrarë dhe 19 të tjerë janë plagosur në sulmet e talibanëve në dy provinca në Afganistan, kanë njoftuar zyrtarët më 10 janar. Të paktën tetë zyrtarë policorë janë vrarë në provincën Takhar, pasi sulmit të militantëve talibanë gjatë natës, ka thënë anëtari i Këshillit Provincial, Mawlawi Karamtullah.

Karamtullah ka thënë se 14 persona të tjerë po ashtu janë plagosur në një incident që ka ndodhur në Kavja Gar të Takharit.

Ndërkohë, shtatë zyrtarë policorë janë vrarë në provincën Baglan, pasi talibanët kanë sulmuar një pikë të tyre në orët e hershme të 10 janar, ka thënë anëtari i Këshillit të kësaj province, Zarif Zarif.

Të paktën pesë zyrtarë janë plagosur në këtë incident, ka shtuar Zarif. Talibanët ende nuk kanë komentuar këto sulme.

Militantët e këtij grupi kanë shtuar sulmet ndaj forcave të sigurisë dhe hapësirave qeveritare në muajt e fundit, derisa trupat afgane dhe ato amerikane kanë rritur operacionet kundër komandatëve të talibanëve.

Kim Jong -Un, merr përkrahjen e Kinës për një samit të dytë me Tramp

Pas një vizite të papritur në Kinë, lideri verikorean, Kim Jong-Un, është larguar me përkrahje nga ky shtet për mbajtjen e një samiti të dytë me presidentin amerikan, Donald Trump, kanë njoftuar mediat shtetërore.

Trump dhe Kim janë takuar për herë të parë në qershor të vitit të kaluar, mirëpo përparimi në çështjet e denuklearizimit ka ngecur.

Presidenti kinez, Xi Jinping ka thënë se shpreson që të dy liderët “të takohen me njëri-tjetrin”, meqë Kina është partneri kryesor për tregti në Korenë Veriore.  Ai ka thënë edhe se Kina është e gatshme të luajë “një rol pozitiv dhe konstruktiv”, me qëllim të sigurimit të paqes dhe denuklearizimit në Gadishullin Korean, ka raportuar Xinhua.

Phenjani dëshiron që Uashingtoni të heqë sanksionet që Kombet e Bashkuara kanë vënë në këtë shtet për shkak të programit bërthamor dhe atij për raketa.

Malta arrin marrëveshje me tetë vende të BE-së për migrantët

Malta ka arritur marrëveshje me tetë shtete të Bashkimit Evropian që të pranojë 49 migrantë që kanë qëndruar për javë të tëra në det.

Kryeministri i këtij shteti ka përmendur të ketë arritur pajtueshmëri me Gjermaninë, Francën, Portugalinë, Irlandën, Rumaninë, Luksemburgun, Holandën dhe Italinë.

Sipas paktit, 49 migrantë që kanë qëndruar nëpër anije të organizatave bamirëse tani mund të zbarkojnë në Maltë.

Kjo marrëveshje ka përcaktuar edhe fatin e 249 migrantëve të shpëtuar në këtë vend. Sipas raportimeve të mediave, situata veçse është përshkallëzuar nëpër anije për shkak të mungesave të ushqimit dhe ujit.

Gjatë fundjavës, Papa Françesku, u ka bërë thirrje liderëve evropianë që të tregojnë “solidaritet konkret” dhe t’iu ofrojnë migrantëve “port të sigurt”.

Nesër, mot i ndryshueshëm

Në viset kontinentale  mban mot i vranët dhe me reshje të dobëta të borës , kurse në Bregdet dhe viset jugore me reshje të shiut.

Frynë erë e dobët deri mesatare, vende - vende e fortë, nga drejtimet veriore.

Temperaturat: H. Novi 7 gradë, Budvë 5, Pogoricë e Tivar 4, Ulqin 2, Cetinë 0, Nikshiq, Plluzhinë, Shavnik e Beranë -1, Andrievicë -2 , Kollashin e Rozhaj -3, dhe në Zhablak -6 g.

Për nesër në viset jugore dhe qëndrore prashihet të mbajë mot kryesisht me diell, kruse në veri i vranët dhe gjatë paraditës me reshje të dobëta të borës. Do të fryjë erë mesatare , vende vende deri e fortë nga drejtimet e veriut. Temperatura e mëngjesit prej -10 deri në 3, kurse më e larta e ditës prej -7 deri në 9 g c.

]]>
Lajmet http://www.rtcg.me/shqip/lajmet/227026/lajmet-10012019.html
Lajmet 09.01.2019 http://www.rtcg.me/shqip/lajmet/226928/lajmet-09012019.html 09.01.2019 ]]> Borë edhe në Podgoricë, të gjitha shërbimet e qytetit në terren

Ekipet e ndërmarrjeve të kryeqytetit por edhe të qyteteve tjera në vend, prej mbrëmë në mesnatë janë në terren për të pastruar borën dhe kanë derdhur kripë të përzier me rërë në drejtimet kryesore rrugore, pastaj nëpër bulevarde dhe akset kryesore urbane, është kumtuar nga kryeqyteti. Ata poashtu kanë njoftuar se të gjitha kapacitetet ekzistuese në kryeqytet janë në funksion në mënyrë që të mos ketë probleme më të mëdha në funksionimin e komunikacionit. Ekipet e ndërmarrjeve të kryeqytetit kanë pastruar rrugët drejt institucioneve më të rëndësishme, kurse në prioritetet e tyre ishin Institucionet shëndetësore, pastaj ato parashkollore e të tjera, thuhet në kumtesë. Nga kryeqyteti njoftojnë se pastruesit e borës janë në terren, fillimisht në rrugët kryesore, e më pas edhe në drejtimet tjera përreth. Sot në mëngjes më së tepërmi borë ka rënë në Zhablak, 47 cm, kurse në Podgoricë sot në mëngjes ka pasur 7 cm borë. Në Kollashin 32 cm, në Plevle 28 dhe në Shavnik 26 cm borë. Trashësia e reshjeve të borës në Rozhajë sot në mëngjes ishte 23 cm, në Plavë 22, në Nikshiq 18, në Beranë 11 kurse edhe në qytetin më jugorë, në Ulqin në ora 7 të mëngjesit kishte 1 cm borë.

 

Mbyllet për komunikacion aeroporti në Podgoricë

Aeroporti në Podgoricë sot paradite ishte i mbyllur për komunikacion për shkak të reshjeve të borës. Ekipet e aeroporteve të Malit të Zi dhe të Ushtrisë gjatë natës dhe mëngjesit kanë pastruar pistën si dhe sipërfaqet manovruese, mirëpo reshjet e pandërprera gjatë paradites përsëri kanë krijuar vështirësi të cilat pengojnë komunikacion të sigurt, është kumtuar nga aviokompania. Siç theksohet, të gjitha ekipet akoma janë në terren dhe po bëjnë ç'është e mundur që komunikacioni të normalizohet sa më parë. Zëdhënësja e aeroportit Milica Babiq ka deklaruar për agjencinë Mina se fluturimi në linjën Beograd- Podgoricë, të cilin e realizon "Air Serbia", është drejtuar në aeroportin e Tivatit. Fluturimet tjera, siç ka sqaruar ajo, akoma janë në pritje.

 

Rrugët me lagështi dhe rrëshqitëse, në disa akse rrugore ndalohet komunikacioni për kamionët me peshë më të madhe se 5 tonë

Në Mal të Zi nga mëngjesi i sotëm komunikacioni po zhvillohet nëpër rrugë me lagështi dhe rrëshqitëse, kanë kumtuar nga Lidhja Automoto e Malit të Zi. Ata kanë tërhequr vërejtjen se përgjatë lumenjve dhe kalimit përgjatë maleve mund të ketë rrëshqitje të dheut ose gurëve. Ata kanë theksuar se në rrugët në pjesët qendrore dhe veriore janë të mbuluara me borë, vende vend e me ngrica, kurse është vështirësuar dukshmëria në rrugë. Pajisja dimërore është e obligueshme deri me 31 mars, në të gjitha akset rrugore ku ajo është shënuar me sinjalizim përkatës, pavarësisht kushteve të motit. Poashtu u është tërhequr vërejta vozitësve se pajisja dimërore është e obligueshme në të gjitha rrugët ku ekzistojnë kushte dimërore të motit, siç janë bora, akulli dhe ngricat. Përndryshe, Komunikacioni për të gjitha automjetet që bartin më shumë se 5 tonë është ndaluar në drejtimet rrugore Podgoricë- Cetinë, Nikshiq- Plluzhinë, Nikshiq- Shavnik dhe Nikshiq- Villusi, është kumtuar nga Lidhja Automoto e Malit të Zi. Për shkak të rikonstruimit të rrugës magjistrale, Ulqin- Krythë, komunikacioni në këtë aks rrugorë do të ndërpritet për të gjitha llojet e automjeteve prej orës 12 deri në ora 14,30 si dhe deri në ora 15,30 minuta.

 

Ndalohen vizitat të sëmurëve në Qendrën Klinike Spitalore të Malit të Zi

për shkak të numrit të madh të sëmurëve nga gripi në territorin e Malit të Zi, prej sot janë ndaluar vizitat të sëmurëve në Qendrën klinike në Podgoricë. Informacionet për gjendjen shëndetësore të pacientëve anëtarët e familjes së ngushtë mund ti marrin përmes telefonave të kësaj qendre klinike, në repartet përkatëse, çdo ditë prej orës 14 deri në orën 15. Ndalimi i vizitave do të jetë në fuqi deri te përmirësimi i gjendjes epidemiologjike, thuhet në kumtesë. Nga kjo Qendër janë lutur qytetarët për mirëkuptim dhe bashkëpunim që tu përmbahen këshillave nga Qendra Klinike, me qëllim të zvogëlimit të sëmurëve nga gripi.

 

Spitali i fëmijëve do të fitojë pediatret dhe anesteziologët

Instituti për sëmundjet e fëmijëve në katër muajt e ardhshëm do të këtë kuadrin e formuar plotësisht, ka deklaruar drejtori i këtij institucioni shëndetësorë, Sasha Radoviq dhe ka shtuar se, edhe pse kapacitetet hapësinore tani i përmbushin të gjitha nevojat, në perspektivë do të jetë Spitali i ri për fëmijë. Radoviq, i cili funksionin e drejtorit e ka marrë në muajin shtatorë të vitit të kaluar, ka thënë për agjencinë Mina se Instituti për sëmundjet e fëmijëve është Spital reprezentativ me traditë të gjatë dhe me koncepcion të mirë, dhe se ekziston rend i vërtetuar i cili me ardhjen e kujtdo nuk mund të ndryshojë. "Instituti për sëmundjet e fëmijëve është marrë në gjendje të mirë, me planifikim të mirë kadrovik në periudhën e kaluar, me ide se çka do të mund të bëhet në të ardhmen", ka thënë Radoviq dhe ka shtuar se është mirë që në një afat të caktuar të të ndërrohen njerëzit të cilët udhëheqin me Institucionet shëndetësore.

 

Do të bëjnë tre revizione të suksesit

Institucioni Revizor i Shtetit këtë vit do të bëjë tre revizione të suksesit në lëmin e mbrojtjes së mjedisit jetësorë, organizimit të lojërave të fatit dhe marrëdhënieve të punës, ka paralajmëruar anëtari i Senatit të këtij Institucioni, Branisllav Radulloviq. Ai në intervistën dhënë gazetës "Dan" ka njoftuar se kolegët e tij nga sektori V do të kryejnë revizionin kontrollues të ndërmarrjes publike, Ujësjellësi rajonal i bregdetit të Malit të Zi. Radulloviq ka rikujtuar që Senati i Institucionit Revizor të Shtetit në muajin dhjetorë ka miratuar planin vjetor të revizionit për këtë vit, i cili paraqet sekret afarist deri në momentin kur do të sjellët vendimi për kryerjen e revizionit dhe subjekti i kontrolluar të mos informohet për fillimin e tij.

 

Bojkoti i parlamentit ka dhënë rezultate politike

Asnjë aksion i opozitës nuk ka dhënë rezultat aq të mirë dhe te dobishëm politik sikur bojkotimi i Parlamentit, kanë vlerësuar nga Mali i Zi Demokratik dhe kanë theksuar se opozita në të gjitha fushat në atë periudhë ka arritur profit politik. Sekretari i përgjithshëm i Demokratëve, Boris Bogdanoviq ka folur për efektet e bojkotit të Kuvendit pas dy viteve dhe ka thënë se ky është deri tani i vetmi aksioni i opozitës të cilin pushteti nuk ka arritur ta zhvlerësojë. Opozita në Mal të Zi duhet të bashkëpunojë në mënyrë strategjike në baza parimore dhe të qarta, e jo në mënyrë stihike, sot për nesër, siç propozojnë kolegët nga Fronti Demokratik, ka deklaruar nënkryetari i Lëvizjes Qytetare URA, Millosh Konatar. Ai ka thënë se URA nuk do të marrë pjesë në simulimin e demokracisë dhe në shfaqje e cila nuk do të sjellë reforma të domosdoshme zgjedhore.

Prej mesnate, derivatet më lirë

Çmimi i të gjitha llojeve të derivateve në Mal të Zi nga mesnata do të jenë më të lira prej 4 deri në 6 cent, është njoftuar nga Ministria e ekonomisë. Kështu, një litër eurodizel dhe eurosuper 98 do të lirohen nga 5 cent, dhe do të kushtojnë 1,15 respektivisht 1,23 euro. Çmimi i eurosuper 95 nga mesnata do të jetë më i lirë 4 cent dhe do të kushtojë 1,2 euro.

 

Nëse na njeh Serbia, sot e heqim taksën

Kryeministri i Kosovë, Ramush Haradinaj, ka qëndruar sot në një vizitë pune tek ministri i Tregtisë dhe Industrisë, Endrit Shala. Pas takimit, të dy kanë mbajtur një konferencë për media, raporton lajmi.net. Aty Haradinaj ka folur edhe për mundësinë e heqjes së taksës, si dhe deklaratat e presidentit Thaçi lidhur me këtë. “Taksa është vendim i Qeverisë dhe është një vendim legjitim,për të cilin janë informuar të gjitha Qeveritë e vendeve tjera. Nëse na njeh Serbia sot e heqim”, ka thënë ai. Tutje, Haradinaj ka folur edhe për grevën e minatorëve të Trepçës për të cilën ka thënë se kërkesat e punëtorëve janë të drejta dhe se kjo punë do të rregullohet. “Trepca ka qenë peng i Kosovës dhe situatës politike. Mendoj që jemi afër ta zhbllokojmë komplet këtë peng. Mendoj që do ta gjejmë zgjidhjen bashkë sepse minatorët kanë të drejtë në kërkesat e tyre”, ka thënë ai.

 

Haradinaj takon shefat e grupeve parlamentare të koalicionit

Kryeministri i Kosovës, Ramush Haradinaj ka pritur sot në takim shefat e Grupeve Parlamentare të PDK-së, AAK-së dhe Nismës. Në një postim në Facebook, Haradinaj ka shkruar se në takim u diskutua për intensifikimin e angazhimeve të Qeverisë. "Përmbushja e agjendës legjislative për vitin 2019 është një nga prioritetet e Qeverisë dhe në këtë frymë, sot prita në takim shefat e grupeve parlamentare të partive të koalicionit qeverisës Memli Krasniqin nga PDK, Ahmet Isufin nga AAK dhe Bilall Sherifin nga Nisma", shkroi Haradinaj duke shtuar se Kosova ka nevojë për një dinamikë të re të bashkërendimit të punëve Qeveri – Kuvend dhe ky takim është në funksion të intensifikimit të angazhimeve për ta përmbyllur agjendën legjislative, pjesë e detyrimeve për integrim euro-atlantik, ka thënë kryeministri kosovar.

 

Para nisjes për në Hagë flasin të ftuarit e Speciales

Sabajdin Cena, ish-epror i UÇK-së në Zonën e Pashtrikut, është njoftuar dje se të hënën e ardhshme duhet të udhëtojë për në Hagë. Ndonëse ende nuk e di se çfarë statusi do ta ketë, ai thotë për se më shumë preferon të jetë i akuzuar sesa dëshmitar i Speciales. Edhe ish-kreu i Gjykatës Ushtarake të UÇK-së, Sokol Dobruna, ka folur për ftesën që i është bërë nga ky institucion i drejtësisë, shkruan gazeta “Zëri”. Sabajdin Cenajn, ish-epror i Ushtrisë Çlirimtare të Kosovës (UÇK) në Zonën e Pashtrikut, dje pasdite e kanë njoftuar nëpërmjet telefonit se të hënën e ardhshme, përkatësisht më 14 janar 2019, do të duhej të udhëtojë për në Hagë pas një ftese që ka marrë nga Gjykata Speciale. Pak ditë para nisjes për në Hagë Cena ka thënë për këtë të përditshme, se ende nuk e di nëse do të jetë i akuzuar ose dëshmitar i kësaj Gjykate.

Parlamenti do të fillojë debatin për ndryshimin e emrit

Ligjvënësit në Maqedoni filluan sot debatin në Parlament për ndryshimin e emrit që do t’i jepte fund mosmarrëveshjes me Greqinë. Kryeministri Zoran Zaev ka mbështetur ndryshimin e emrit të vendit në Republikën e Maqedonisë Veriore dhe po përpiqet për miratimin e propozimit në debatin e planifikuar për sot. Megjithatë ai nuk e ka shumicën prej 120 deputetëve të Parlamentit. Kjo do të thotë, se atij i duhen edhe votat e deputetëve të partisë opozitare VMRO-DPMNE për të kaluar propozimin. Kështu ndodhi edhe në nëntor kur filloi procesi i ndryshimit të emrit. Nëse parlamenti e voton ndryshimin e emrit, Greqia ka premtuar se do të ndalë bllokimin e përpjekjeve të Shkupit për anëtarësim në NATO dhe Bashkimin Evropian. Por, edhe nëse Maqedonia e voton propozimin, ai duhet të miratohet edhe nga parlamenti grek.

Acari përfshinë Evropën, 13 persona të vdekur

Vala e të ftohtit që ka përfshirë Evropën ka shkaktuar vdekjen e 13 njerëzve shumica e tyre të zënë nga ortekët në zonat malore. Qindra njerëz janë bllokuar në zona malore dhe shumë fluturime janë vonuar ose anuluar për shkak të erërave të forta. Në Norvegji, përpjekjet për të gjetur tre skijator që i zuri orteku, janë ndalur për shkak të borës së madhe. Policia rumune të martën gjeti trupin e një personi në një parking të qytetit jugor të Sllatinës, pasi gruaja e tij njoftoi se ai nuk u kthye në shtëpi nga puna një ditë më parë. Temperatura në Rumani ka rënë në minus 24 gradë celsius. Në pjesën jugore dhe lindore të Gjermanisë njerëzit janë duke u përgatitur për më shumë borë, ndërsa qyteti verior i banorëve të Hamburgut është duke u përgatitur për një valë të baticës së shkaktuara nga goditjet e erës, njoftoi agjencia gjermane e lajmeve DPA.

 

Pompeo realizon vizitë të papritur në Irak

Sekretari amerikan i Shtetit, Mike Pompeo ka vizituar Irakun më 9 janar, në një vizitë të papritur, me ç’rast është takuar me trupat amerikane dhe liderët irakianë, duke diskutuar me po ata planin e tërheqjes së trupave të Shteteve të Bashkuara nga Siria. Pompeo po ashtu ka paralajmëruar gjatë vizitës së tij se Irani vazhdon të jetë kërcënim për sigurinë në Lindje të Mesme. Vizita e tij ka ndodhur në ditën e dytë të turneut të tij në nëntë shtete arabe. Presidenti amerikan, Donald Trump ka deklaruar më 19 dhjetor të vitit të kaluar fitore kundër grupit militant, Shteti Islamik (IS) në Siri dhe ka bërë njoftimin e papritur për tërheqje të plotë të trupave prej vendit të shkatërruar nga lufta. Në këtë vend forcat amerikane kanë mbështetur sirianët arabë dhe ata kurdë në luftën kundër IS-it nga viti 2015. Siria ndërkohë është përballur me luftë shtatëvjeçare. Rusia dhe Irani kanë përkrahur presidentin sirian, Bashar al-Assad, ndërkohë që Shtetet e Bashkuara dhe Turqia kanë mbështetur palë të ndryshme kundër qeverisë.

 

Pa shenja kompromisi rreth rihapjes së qeverisë amerikane

Presidenti, Donald Trump dhe udhëheqësit demokrat të Kongresit, e bënë të qartë në paraqitjet e tyre të djeshme televizive, se ndërsa secila palë mbështet përpjekjet për sigurinë kufitare, mbeten ende shumë larg në qëndrimet rreth shkallës dhe kostos së atyre masave. Bllokada ka mbyllur një të katërtën e qeverisë federale që nga 22 dhjetori. Presidenti Trump tha në fjalimin e tij në zyrën ovale të Shtëpisë së Bardhë, se u takon demokratëve “të kalojnë ligjin për buxhetin dhe të rihapin qeverinë”. Ai tha se çështja mund të zgjidhet në një takim të shpejtë dhe se ka ftuar për bisedime udhëheqësit e Kongresit. Presidenti Trump tha në fjalimin e tij se mosngritja e murit po rrezikon amerikanët që të jenë viktima të dhunës në duart e atyre që po hyjnë në vend në rrugë të paligjshme dhe i rrezikon ata duke lejuar hyrjen e sasive të mëdha të narkotikëve të paligjshëm. Derisa bllokada vazhdon, rreth 800 mijë punonjës federal janë dërguar në shtëpi ose punojnë pa pagesë.

Edhe nesër mot i ndryshueshëm

Sot në Mal të Zi mbajti mot i vranët, në viset kontinentale dhe veriore me reshje të dobëta të borës, kurse në bregdet me reshje të shiut. Fryn erë e dobët e drejtimeve të ndryshme, në bregdet vende vende deri mesatare nga drejtimet verilindore. Temperaturat e shënuara në orën 13 ishin: në Herceg Novi e Tivar 6 gradë, Ulqin 2, Podgoricë 1, Cetinë -1, Nikshiq, Kollashin, Bijello Pole, Beranë e Plavë -2 dhe në Zhablak e Rozhajë -3 gradë.

Për nesër meteorologët paralajmërojnë se në viset jugore do të mbajë mot me vranësira të ndryshueshme, në bregdet me reshje të mundshme të shiut, kurse në viset tjera edhe me reshje të mundshme të skllotës dhe borës. Në veri kryesisht i vranët, kohë pas kohe me reshje të dobëta deri mesatare të borës. Do të fryjë erë mesatare deri e fortë nga drejtimet veriore dhe verilindore. Temperatura e mëngjesit do të jetë prej -8 deri në 4, kurse më e larta e ditës prej -5 deri në 8 gradë celsius.

]]>
Lajmet http://www.rtcg.me/shqip/lajmet/226928/lajmet-09012019.html
Lajmet 08.01.2019 http://www.rtcg.me/shqip/lajmet/226822/lajmet-08012019.html 08.01.2019 ]]> Ekonomia në vitin 2019 do të jetë në rritje

Ekonomia e Malit të Zi në vitin e kaluar definitivisht ka qenë në rritje dhe nuk ka shkaqe të dyshohet që edhe ky vitë të mos jetë i sukesshëm, nëse kemi parasysh projektet e shumta investuese dhe infrastrukturore, ka vlersuar ministrja e ekonomisë, Dragica Sekuliq."Vitin që kemi lënë pas mund ta karakterizojmë si vit në të cilin ekonomia ka shënuar rritjen. Këtë e tregon fakti se vetëm gjatë tre muajve të parë është shënuar rritje 4.8 për qind, kurse në tremujorin e katërt, ekonomia ka shënuar rritje 5% , gjë që e radhit në vendin e tretë të ekonomive në rritjen më të shpejtë në Evropë", ka theksuar Sekuliq. Ajo konsideron se shkallën e rritjes së ekonomisë e përcjell edhe politika e përgjegjshme e Qeverisë në pjesën që ka të bëjë me konsolidimin e financave publike dhe krijimin e kushteve për rritjen e investimeve kapitale shtetërore. "Kjo nuk do të ishte e mundur sikur të mos veprojnë në sistemin e sigurtë politikë, në ç'gjë dukëshëm ka kontribuar edhe anëtarësimi në NATO". Duke folur për porjektet energjetike në realizim, Sekuliq ka theksuar se pas vendosjes së kabllos nëndetare dhe lëshimit në përdorimin komercial, gjë që është paraparë kah gjysma e vitit, Mali i Zi do të jetë qendra enegjetike e rajonit, duke u lidhur me sistemin energjetik të Italisë dhe të Evropës Perëndimore. Ajo ka shtuar se centrali solar në Mal të Brisë do të jetë më i madh i këtij tipi në Evropë dhe se fjala është për investimin me vlerë prej rreth 178 milion euro.

Mali i Zi është vend udhëheqës kandidatë për anëtarësim në BE

Deputeti në Parlamentin evropian e raportues i deritashëm për Malin e Zi, Çarrs Tanok, ka deklaruar në intervistën dhënë gazetës "Pobjeda" se Mali i Zi ka kaluar një rrugë të gjatë informuese, por e presin akoma punë drejtë anëtarësimit në BE, gjë që siç vërteton, do të ndodh me siguri. "Kur në vitin 2009 më kanë zgjedhur raportues e kam pasur të qartë se të gjitha rezervat ose dyshimet lidhur me suksesin potencial të Malit të Zi të cilat shumë individë mes tyre edhe unë i kemi pasur për shkak të potencialit dhe resurseve relativisht të kufizuara të shtetit të ri të pavarur, me të drejtë kanë qenë të mohuara", ka theksuar Tanok. "Megjithatë, sot e shohim se Mali i Zi është vend i cili ka ekonomi të zhvilluar, ka koncezus të gjërë dhe të fortë për rregullimin kushtetutes si shtet i pavarur, është anëtarësuar në NATO dhe është ankoruar në strukturat perëndimore. Njëkohësisht Mali i Zi është vend udhëheqës kandidatë për anëtarësim në BE", ka theksuar Tanok.

Tejkalohet 1 miliardë euro nga turizmi dhe është hapur kapitulli 27

Ministri për zhvillim të qëndrueshëm dhe turizëm, Pavle Radulloviq, ka theksuar se viti 2018 do të kujtohet se të ardhurat nga turizmi e kanë tejkaluar 1 miliardë euro, por edhe për hapjen e kapitullit 27, si dhe të zgjidhjes më efikase të problemit shumë vjeçar të ndërtimeve pa leje. "Vitin 2018 e mbaj mend në bazë të rezultateve për të cilat jemi krenar dhe për premtimet të cilat i kemi plotësuar. Të ardhurat e parapara nga turizmi prej 1 miliardë euro i kemi tejkaluar vetëm gjatë 10 muajve të parë. Me projektet në mbrojtjen e mjedisit dhe me projektet të cilat e rrisin cilësin e jtesës së qytetarëve kemi merituar edhe hapjen e kaptiullit 27", ka theksuar Radulloviq. "Problemi shumë vjeçar i ndërtimeve pa leje tani ka një përspektivë që të ndalohet", ka theksuar Radulloviq në mesazhin e vitit të ri drejtuar qytetarëve.

Ivanoviq do të jetë këshilltar i presidentit për ekonomi

Kryetari i Këshillit parlamentar për turizëm, bujqësi, ekologji dhe planifikimin hapsinor, Petar Ivanoviq, ka vërtetuar se do të jetë këshilltar i presidentit të Malit të Zi, Millo Gjukanoviq. Ai me këtë rast ka theksuar se rrezikun më të madh e paraqesin mungesa e diturisë. "Lidhjet e pamjaftueshme me shkencën e jo borxhi publikë. Nuk konsideroj se Mali i Zi ka një shkallë të lartë të borxhit publikë, ka shumë vende të tjera në Evropë dhe në botë të cilat kanë borxhe shumë më të mëdha se sa Mali i Zi. Sipas të dhënave nga tremujori i parë i vitit të kaluar, 4 shtete të BE, Italia, Gjermania, Franca dhe Britania e Madhe kanë borxh publik mbi 9 mijë miliardë euro. Konsideroj se rreziku ekziston nëse borxhi shfrytëzohet për financimin e shpenzimeve, por nëse ai shfrytëzohet për investime, borxhi përmirsonë kushtet për zhvillim më të shpejtë dhe krijon vlera më të mëdha nga të cilat borxhi mund të kthehet", ka theksuar Ivanoviq.

 

Ministria e sportit do ta ndryshojë emrin

"Ministria e sportit gjatë këtij viti, pas miratimit të lirgjit të ri për të rinjët, edhe formalisht do ta ndryshojë emrin dhe do të quhet Ministria e sportit dhe e të rinjëve", ka kumtuar ministri, Nikolla Janoviq. Ai ka theksuar se Ministria, të rinjët i ka në integrim dhe se janë shumë aktiv në politikën rinore. Janoviq pret që ligji i ri për të rinjët, të cilin e ka miratuar Qeveria, para deputetëve do të gjendet në pranverë. Ai ka shtuar se ligji i ri sjell zgjidhje të reja, gjegjësisht shteti do të marr pjesë të drejtpërdrejt në bashkëfinancimin e interesave publike në fushën e politikës rinore. Ai ka thënë se në vitin e kaluar janë shënuar rezultate të mira në politikën rinore, gjegjësisht janë realizuar 86 projekte në të cilat kanë marr pjesë mbi 15 mijë të rinjë.

Përfundon takimi në Bruksel, deklarohen Ahmeti e Limaj

Ka përfunduar takimi në mes të delegacionit shtetëror të Kosovës dhe përfaqësueses së lartë të BE-së, Federica Mogherini, në Bruksel. Shpend Ahmeti ka thënë se delegacioni i Kosovës ka treguar qartë qëndrimet e Kosovës e që primare është njohja reciproke e të dy shteteve.“Ne prezantuam qëndrimet e delegacionit shtetërorë të Kosovës. I bëmë të qartë qëndrimin e delegacionit e që kush i parë është njohja reciproke e të dy shteteve. Mogherini na siguroi se është duke u punuar në atë drejtim. Ideja është që në gjysmën e parë të këtij viti të ketë orar më të ngjeshur për të afruar qëndrimet tona”, ka thënë bashkëdrejtuesi i Delegacionit të Kosovës.“Për këtë, po koordinhohemi me shtetet anëtare të BE-së. Në këtë aspekt, ka patur komunikim edhe me Washingtonin e Moskën. Në takim është biseduar edhe çështja e taksës. Qëndrimi i Serbisë për heqjen e taksës është përmendur përsëri, por edhe ne i treguam qëndrimet tona në këtë çështje” ka thënë Shpend Ahmeti. Për këtë pjesë ka folur edhe Limaj.“E bëmë të qartë që tashmë Kosova ka ekip, dhe jo individë. Ka ekip shtetëror. Ne e thamë edhe aty, duhet të hiqen arsyet pse ka ardhur taksa. Ka shumë kushte që Serbia duhet t’i plotësojë për ta tërhequr taksën. Kjo nuk është e njëanshme. Ne jemi në kushte të tilla që jetojmë me Serbinë. Ka qindra marrëveshje që Serbia nuk i ka respektuar. S’po flasim për këtë fushatën e egër kundër Kosovës. Edhe çështja e taksës në një marrëveshje gjithëpërfshirëse nuk do të ketë nevojë për taksë”, ka thënë ai.

Thaçi e shpallë vitin 2019 "viti i NATO-s në Kosovë"

Presidenti i Kosovës, Hashim Thaçi, e ka shpallur Vitin 2019 - "Vit të NATO-s në Kosovë", kanë njoftuar nga Presidenca e Kosovës."Në këtë vit shënohet 20 vjetori i intervenimit humanitar të NATO-s në Kosovë, intervenim ky që kishte ndodhur pas masakrave, spastrimit etnik dhe krimeve të forcave serbe mbi popullatën civile në Kosovë, si dhe pas dështimit të përpjekjeve diplomatike botërore për gjetjen e një zgjidhjeje paqësore për Kosovën. Më 24 mars 1999, forcat ajrore të NATO-s e kishin nisur fushatën e bombardimeve kundër caqeve të shtetit serb, që kishte zgjatur gjithsej 78 ditë, duke ndalur gjenocidin dhe sjellë lirinë për Kosovën. Populli i Kosovës do u jetë përjetësisht mirënjohës shteteve anëtare të NATO-s për mbështetjen e tyre".

 

Dëshirojnë ta dobësojnë Serbinë, ky është synimi i tyre për Kosovën

Ministri i Punëve të Jashtme të Serbisë, Ivica Daçiq është ankuar se masat kundër Serbisë, si dhe retorika e shpenzuar që vjen nga regjioni në periudhën e fundit ka për synim dobësimin e Serbisë. Sipas tij, ky është presion i vazhdueshëm ndaj Serbisë për ta njohur Kosovën e ndoshta edhe ri definimin e Bosnjës e Hercegovinës, shkruan “Tanjug”, përcjell lajmi.net. “Ndoshta mendohet edhe për ndryshimin e Kushtetutës, marrëveshjes së Dejtonit”, deklaroi Daçiq për disa tendenca gjeopolitike të lidhura me të ardhmen e rajonit. “Dëshirojnë ta dobësojnë Serbinë, me synim kryesor që Kosova të jetë shtet i pavarur”, u shpreh ai.

Studentët sfidojnë të ftohtin grumbullohen para Kryeministrisë

Edhe pse më të paktë në numër, një grup studentësh janë grumbulluar sërish këtë të martë, për të vijuar para kryeministrisë protestën e tyre.Studentët pretendojnë se kryeministri Edi Rama ka plotësuar pjesërisht kërkesat e tyre, duke ngulmuar që të plotësohen të 8 pikat që ata parashtruan në fillimet e protestës. Ndërkohë që në Universitetet e rretheve pjesa më e madhe e studentëve janë kthyer në auditore, në Tiranë shumica e tyre ka zgjidhur një formë të re proteste, atë të bojkotit të mësimit, transmeton TCH.

 

Zyrtarët britanikë dhe evropianë po diskutojnë mundësinë e shtyrjes së Brexitit

Zyrtarët britanikë dhe evropianë po diskutojnë mundësinë e shtyrjes së procesit formal të daljes së Britanisë nga Bashkimi Evropian. Këto diskutime po zënë vend për shkakun se zyrtarët kanë frikë se një marrëveshje për Brexitin nuk do të mund të miratohet deri më 29 mars, raporton Daily Telegraph, duke cituar burime të paidentifikuara. Kryeministrja, Theresa May, ka përjashtuar në mënyrë të përsëritur vonimin e Brexit, megjithëse ajo ka paralajmëruar gjithashtu ligjvënësit britanik, se nëse ata, refuzojnë marrëveshjen e saj, atëherë Brexit mund të “dalë nga binarët” ose që Mbretëria e Bashkuar mund të largohet pa një marrëveshje. “Ne po e lëmë Bashkimin Evropian më 29 mars dhe nuk po shikojmë mundësinë e shtyrjes” ka thënë sekretari britanik për Brexitin, Stephen Barclay.

Bolton në Turqi, rreth planeve të SHBA-së në Siri

Këshilltari për siguri kombëtare i Shtëpisë së Bardhë, John Bolton, takoi në Ankara zyrtarë të lartë turq për të sqaruar disa çështje rreth synimeve të SHBA-së në Siri. Bolton bisedoi rreth dy orë me Ibrahim Kalin, këshilltar i lartë i presidentit të Turqisë, Recep Tayyip Erdogan. Një zëdhënës i Këshillit për Siguri Kombëtare në SHBA, Garrett Marquis, tha se dy palët kanë identifikuar çështje të tjera për dialog.

Bolton ka thënë më herët se do që të sigurojë garanci nga Turqia se ajo nuk do të sulmojë milicinë kurde në Siri, e cila është aleate e SHBA-së, në luftën kundër ekstremistëve të grupit Shteti Islamik.Ai ka thënë se ky është "kusht" për tërheqjen e planifikuar të trupave të SHBA-së nga Siria. Muajin e kaluar, njoftimi i presidentit të SHBA-së, Donald Trump, për tërheqje nga Siria ka shkaktuar shqetësim tek aleatët dhe ka çuar në dorëheqjen e sekretarit amerikan të Mbrojtjes, James Mattis. Zyrtarë amerikanë dhe të tjerë frikësohen se tërheqja e SHBA-së mund ta destabilizojë më tej Sirinë dhe të çojë në kërdi ndaj milicisë kurde që ka luftuar përkrah forcave amerikane.

 

Lideri verikorean nis vizitën në Kinë

Udhëheqësi i Koresë së Veriut, Kim Jong Un, arriti në Pekin me ftesë të presidentit të Kinës, Xi Jinping.

Kim do të qëndrojë atje deri më 10 janar, së bashku me gruan e tij, Ro Sol-ju, raportoi media shtetërore.Vizita vjen në kohën ku raportohet për mundësinë e një takimi të ri midis Kimit dhe presidentit të SHBA-së, Donald Trump. Dy liderët janë takuar për herë të parë në qershor të vitit të kaluar, në Singapor. Atëbotë, ata kanë thënë se synojnë denuklearizimin e plotë të Gadishullit Korean, por nuk kanë dhënë detaje se si dhe kur do të ndodhë procesi. Në fjalimin e tij të Vitit të Ri, Kim tha se është i përkushtuar për denuklearizimin, por paralajmëroi se ai do të ndryshojë drejtimin nëse sanksionet e SHBA-së mbeten në fuqi. Kina është aleatja më e afërt e Koresë së Veriut në rajon.

 

Fillojnë kundërshtimet për ndërtimin e bazës amerikane në Brazil

Ministri i mbrojtjes i Brazilit nuk sheh asnjë arsye për t'i lejuar Shtetet e Bashkuara të ndërtojnë një bazë ushtarake në vend. Në anën tjetër presidenti i Brazilit, Jair Bolsonaro, ka deklaruar se është i hapur ndaj një ideje të tillë. Gjenerali, Fernando Azevedo tha për edicionin e së martës të "Valor Economico" se çështja "është komplekse" dhe se ai ende nuk e kishte diskutuar atë me presidentin. Presidenti, Bolsonaro, i cili mori detyrën më 1 janar, tha në një intervistë televizive, se mund të jetë i gatshëm të lejojë një bazë amerikane në Brazil si një mënyrë për të kundërshtuar ndikimin rus në Venezuelë.

Një oficer i lartë i ushtrisë tha për Reuters se ushtria ishte kundër kësaj ideje.

 

Nesër mot i ndryshueshëm

Sot në Mal të Zi ka mbajtur mot i vranët dhe kryesisht i thatë. Frynë erë e dobët deri mesatare nga drejtime të ndryshme. Temperaturat: në Budvë 8 gradë, Podgoricë, Tivar e Herceg Novi 6, Ulqin 5, Nikshiq 1, Cetinë e Rozhajë 0, Bijello Pole, Plluzhin e Shavnik -2, Beranë, Plavë, Kollashin e Zhablak -4 dhe në Plevle -7 gradë.

Për nesër parashihet të mbajë mot kryesisht i vranët, në viset e ulta dhe bregdetare me reshje të shiut, kurse në viset tjera të vendit kryesisht me reshje të borës. Do të fryjë erë mesatare deri e fortë veriore dhe ver lindore. Temperatura e mëngjesit do të jetë prej -9 deri në 3, kurse më e larta e ditës prej -4 deri në 8 gradë celsius.

]]>
Lajmet http://www.rtcg.me/shqip/lajmet/226822/lajmet-08012019.html
Lajmet 07.01.2018 http://www.rtcg.me/shqip/lajmet/226727/lajmet-07012018.html 07.01.2018 ]]> Besimtarët ortodoks në Mal të Zi, kremtojnë festën e Krishtlindjes

Besimtarët ortodoks të cilët kremtojnë sipas kalendarit julian, festojnë Krishtëlindjen. Ndërkaq, dje simbolikisht shënuan natën e buzmit, e që sipas traditës paraqet ndezjen e këtij druri  në prag të festës së Krishtlindjes.

Natën e buzmit dhe Kritëlindjen e kremtojnë besimtarët me 6 janar  sipas kalindarit julian. Ndërkohë autoritete të shumta të jetës publike kulturore e politike i kanë përgëzuar besimtarët dhe klerikët në Mal të Zi, duke vlerësuar se njëra ndër festat më të gëzuara të besimit të krishtërë , lindja e Jezusit, është jo vetëm dëshmi e traditës së lashtë në këto hapësira, por edhe e villnetit qëllim mirë të harmonisë dhe dashurisë mes njerëzish të përkatësive të ndryshme nacionale , fetare dhe kulturore. Ndryshe, dje përfaqësuesit e Kishës Ortodokse Malazeze dhe të Kishës Ortodokse Serbe në Mal të Zi, në solemnittee të ndara , kanë realizuar ndezjen tradicionale të buzmit në praninë e besimtarëve dhe përfaqësuesve kishtar.    

D.Markoviq; Me rsepekt dhe pietet ndaj të parëve 

Malit të Zi bashkëkokohorë, i nevoiten  kujtimi dhe pieteti  ndaj të parëve të famshëm dhe ndaj vepres së tyre sepse në mungesën e këtij themeli dhe të udhërrfyesi nuk do të ekzistonte  as shteti i sotëm , por do të zhdukej emri i tij , ka theksuar kryeministri Dushko Markoviq. Ai, dje në Akademinë solemne me rastin e shënimit të 100 -vjetorit të “Kryengritjes së kërshendellave”,  në Cetinë, ka theksuar  se nga distanca kohore 100 vjeçare shihet  se çfarë pasojash ka lënë në qenien malazeze  përçarja  e thellë dhe konflikti. Ai, siç është kumtuar nga qeveria, ka kumtuar se në ditën e sotme para një shekulli ka filluar Kryengritja e  kërshëndellave. Markoviq,i ka ftuar historianët që ta studiojnë periudhën e para një shekulli duke vlerësuar se Malit të Zi të sotëm, i duhet e vërteta me qëllim që ti tejkalojmë përçarjet. Kjo e vërtetë, siç ka vlerësuar , Malit të Zi moderrn sot i nevoitet  më tepër se asnjë herë me parë. Ministri i mbrojtjes  Predrag Boshkoviq , ka tehskuar se ministria e mbrojtjes  dhe qeveria nuk i harrojnë herojt e kërshendellave, mbi shëmbujt e të cilëve rinia do të mësojnë respektin ndaj atdhedashurisë.

Janë siguruar rritje të pensioneve dhe të ardhurat stabile 

Qeveria e Malit të Zi, ka arritur që përmes zbatimit të konsolidimit fiskal  të sigurojë rritjen e pensioneve, stabilitetin e të ardhurave dhe të kompensimeve sociale, ka vlerësuar ministri i financave, Darko Radunoviq. Ai, ka theksuar se aktivitetet  e ministrisë së financave gjatë viteve të kaluara, kanë qenë të përqendruara në arritjen e qëndrueshmerisë të financave publike gjë që, siç ka theksuar, është supozim i rëndësishëm për rritjen e cilësisë së jetës të qytetarëve. Me zbatimin e konsolidimit fiskal, kemi arritur të sigurojmë rritjen e pensioneve, stabilitetin e të ardhurave dhe kontributeve sociale. E kemi rritur edhe buxhetin për bujqësi dhe për sipërmarrës. Kemi forcuar stabilitetin e buxhetit dhe i kemi avancuar gjasat për rejtingun më të mirë kreditorë të vendit, gjë që ndikon në realizimin e kushteve më të mira për kreditim si për qytetarët ashtu edhe për shtetin, ka theksuar Radunoviq.

Ministri, ka përkujtuar se është rritur buxheti për zhvillimin e infrastrukturës rrugore dhe të infrastrukturës tjetër, sidomos në pjesët veriore të Malit të Zi .

Vukotiq: Borxhi mund të nxisë zhvillimin

Çështja kryesore e çdo borxhi, sipas mendimit të dr. Veselin Vukotiq, është lidhja ndërmjet borxhit dhe të ardhurave i cili, nëse investohet në një biznes, jep prodhimtari. Derisa borxhi të konsiderohet në kontekstin e të ardhurave prodhuese, Vukotiq, konsideron se nuk mund të ketë ndikim negativ në zhvillim. Mbrëmë, në Univesristin “Donja Gorica”, është mbajtur disktuimi tradicional i Krishtilindjeve për ekonominë. Temë e debatit të 27-të me radhë, ka qenë  borxhi publikë dhe zhvillimi.

Mikëpritësi dhe themeluesi i debateve, dr. Veselin Vukotiq, ka përkujtuar se borxhi, respektivisht borxhi publikë, sipas shumë mendimeve është njëri ndër shkaqet e dështimit të ekonomisë shtetërore. Ai ka përkujtuar se pohimi që për ekonominë nacionale borxhi publikë prej 65% përbën kufirin e durueshmerisë , nuk është i vërtetë.

Lehtësime për kryerjen e shërbimeve për qytetarët 

Ministria e administratës publilke, i ka vazhduar gjatë vitit të kaluar aktivitetet të cilat do të sigurojnë që qytetarët shpejt, lehtë dhe pa pritje të marrin shërbimin më të mirë, ka vlerësuar ministrja e këtij dikastrerit, Suzana Pribilloviq. “Në vitin e kaluar e kemi filluar zbatimin e ligjit për administratën lokale dhe nëpunësit shtetëror të cilët duhet të sigurojnë që në administratën publike, të punojnë ekspertët dhe profesionistët”, ka theksuar  Pribilloviq, në video mesazhin e publikuar në tuiterin e qeverisë.

Ajo, ka përkujtuar se ka filluar edhe procesi i optimizimit. “Kemi përgatitur ligjin e ri për administratën shtetërore me të cilin kemi propozuar koncept të ri të një administrate moderrne me numër më të vogël të organeve i cili do të kushtojë dukshëm më pak, ka theksuar Pribilloviq.

D.Shevoviq; Vit i suksesshëm për arsimin në Mal të Zi

Viti i kaluar, ka qenë një vit i mbarë për arsimin gjatë të cilit kanë filluar ose janë përfunduar projekte investuese me vlerë të përgjithshme mbi 30 milion euro, ka deklaruar ministri i arsimit, Damir Shehoviq . “Për herë të parë nga Fondi për cilësi dhe talentë me nga 1000 euro, kemi shpërblyer 500 nxënsit dhe arsimtarët më të mirë me të cilët ne si shtet duhet të mburremi”, ka theksuar Shehoviq, në video mesazhin e publikuar në tuiterin e Qeverisë së Malit të Zi. Shehoviq, ka theksuar se ministria në vitin e kaluar të gjithë fëmijëve në çerdhe u kanë mundësuar mësimin falas të gjuhes angleze. Ai, ka shtuar se kjo ministri në vitin e kaluar  i ka filluar ose i ka përfunduar projektet investuese me vlerë të përgjithshme mbi 30 milion euro.

Këshilli të mos shndërrohet në mosmarrëveshje ndërpartiake

Këshilli për reformën e legjislturës zgjedhore dhe të legjislturës tjetër, nuk guxon të shndërrohet në mosmarrveshje ndërpartiake  dhe favorizimin e interesave partiake përmes modifikimit të rëndomt të legjislaturës zgjedhore, ka vlerësuar anëtari i këtij trupi zgjedhor, Gjorgjije Bllazhiq.

Ai, ka theksuar se formimi i Këshillit paraqet hap të domosdoshëm për ti hapur të gjitha çështjet kontestuese, jo vetëm të ligjit për zgjedhjen e këshilltarëve dhe të deputetëve, por edhe të shumë ligjeve tjera të cilët janë lidhur ngusht me segmente të caktuara të sistemit zgjedhor, ka theksuar Bllazhiq, për agjencinë Mina.

Ai, po ashtu ka theksuar se mospjesëmarrja e deputetëve të Frontit Demokratik dhe të një pjesë të opozitës, nuk do të reflektohet mirë në punën e këtij këshilli, duke shtuar se për këtë, partitë politike duhet të mendojnë akoma më mirë.

Thaçi, paralajmëron gatishmërinë për heqjen e taksës në importet serbe

Presidenti i Kosovës, Hashim Thaçi ka thënë se Kosova është e gatshme për heqjen e taksës në importet serbe, në rast se ekziston një rrugë e qartë drejt arritjes së marrëveshjes me Serbinë.

Në një postim në Facebook, Thaçi ka njoftuar se gjatë një bisede me gazetën The Washington Post, ai ka përmendur kërkesën që Shtetet e Bashkuara të marrin rol udhëheqës “në koordinimin e inputit ndërkombëtar për Marrëveshjen Paqësore finale që do të sjellë njohjen e Kosovës nga Serbia”. Qeveria e Kosovës ka njoftuar në nëntor të vitit 2018 për vënie të taksës 100 për qind në importet që vijnë nga Serbia dhe Bosnje Hercegovina në Kosovë.Përveç kësaj mase, në muajin dhjetor, autoritetet e Kosovës kanë vënë masën e njëjtë edhe për brendet ndërkombëtare që prodhohen në Serbi, duke fuqizuar këtë vendim nga 1 janari i këtij viti. Më 8 janar, ekipi negociator i Kosovës do të zhvillojë një takim në Bruksel për t’i informuar zyrtarët e Bashkimit Evropian mbi ecurinë e përgatitjeve në Kosovë për procesin e dialogut. 

EPIK, sqaron hapat kushtetues drejtë marrëveshjes me Serbinë

Instituti i Kosovës për Politika Evropiane (EPIK) theksoi sot se Kosova i takon sistemit të demokracive kushtetuese parlamentare, ku vetëm Kuvendi ka të drejtën për kontroll mbi negocimin dhe lidhjen e marrëveshjeve ndërkombëtare, ndërsa po ashtu tregoi hapat kushtetues deri tek arritja e marrëveshjes me Serbinë.

EPIK thekson se Kuvendit dhe askujt tjetër i takon që, në cilësinë e përfaqësuesit të sovranit, të marrë vendim lidhur me formatin e dialogut me Serbinë përmes një vendimi të detyrueshëm që themelon dhe mandaton një trupë me një shumicë të kualifikuar për dialogim me Serbinë me qëllim të zgjidhjes së mosmarrëveshjeve substanciale me këtë shtet dhe që kanë të bëjnë me çështjet nga neni 18.1 i Kushtetutës. Ata, po ashtu, pohojnë se çështja e pavarësisë së Kosovës dhe raportit të saj me të drejtën ndërkombëtare është konfirmuar edhe me vendimin e Gjykatës Ndërkombëtare të Drejtësisë, si organi më i lartë gjyqësor i bashkësisë ndërkombëtare, i cili ka legalizuar Deklaratën e Pavarësisë si normën bazike të Kushtetues tonë.

Në fund të procesit negociator, marrëveshja e negociuar duhet të ratifikohet në Kuvendin e Republikës së Kosovës me 80 vota të të gjithë deputetëve.

Putin, nderon me mirënjohje të lartë prsidentin Vuçiq

Presidenti rus Vladimir Putin ka nderuar presidentin serb, Aleksandar Vuçiq me dekoratën Alexander Nevsky për një kontribut të madh në zhvillimin e bashkëpunimit mes dy vendeve.

Presidenti rus Vladimir Putin nënshkroi një dekret për dhënien e dekoratës Alexander Nevsky për presidentin e Serbisë, Aleksandar Vuçiq për një kontribut të madh në zhvillimin e bashkëpunimit mes dy vendeve, njoftoi shërbimi për shtyp i Kremlinit.

“Kreu i shtetit rus nënshkroi një dekret duke shpërblyer presidentin serb Aleksandar Vuçiç me dekoratën e Alexander Nevskyt për një kontribut të madh personal në zhvillimin e bashkëpunimit shumëpalësh me Federatën Ruse”, thuhet në deklaratë, transmeton lajmi.net.

Vuçiq ka marrë një prej mirënjohjeve më të mëdha ruse që rrallë herë e marrin shtetasit e huaj. Vuçiq ka thënë se dekorata e bën të ndihet krenar.

Kandidati konsensual pas miratimit të ndryshimeve kushtetuese

Lidhja Social Demokrate e Maqedonisë (LSDM) dhe Bashkimi Demokratik për Integrim (BDI) ende nuk kanë biseduar për emrin e kandidatit konsensual për shef shteti për zgjedhjet presidenciale të vitit 2019, kështu ka deklaruar vet kryeministri Zoran Zaev

Sipas tij, debati për emrin e kandidatit konsensual do të hapet pasi të jenë votuar ndryshimet Kushtetuese në Kuvend. Seanca plenare në të cilën do të votohet për ndryshimet Kushtetuese është caktuar për më 9 janar.

Ndërkohë, që për këtë çështje tanimë në opinion janë liferuar disa emra si kandidat të mundshëm konsensual për zgjedhjet presidenciale të vitit 2019. Si emër më serioz për të qenë kandidat konsensual është ish-diplomati Denko Malevski për të cilin kohë më parë edhe vet lideri i BDI-së, Ali Ahmeti patë deklaruar se mund të jetë një zgjidhje e pranueshme për kandidat konsensual.

Ende pa marrëveshje për ti dhënë fund mbylljes së Qeverisë amerikane

As më 6 janar nuk është arritur ndonjë pikë kyçe në Uashington, teksa negociatorët kongresionalë dhe zyrtarët e administratës kanë bërë përpjekje për të arritur ndonjë marrëveshje, ashtu që t’i japin fund mbylljes së Qeverisë amerikane.

Presidenti amerikan, Donald Trump ka vazhduar të kërkojë 5.6 miliardë dollarë për murin që do të ndante Shtetet e Bashkuara me Meksikën.

Presidenti amerikan e ka arsyetuar këtë projekt si ndalesë për imigrimin ilegal dhe trafikimin e drogës.

Derisa mbyllja e Qeverisë ka hyrë në javën e tretë, udhëheqësja e Dhomës së Përfaqësuesve, Nancy Pelosi ka thënë se ajo synon të miratojë projektligje individuale për të hapur disa agjenci, duke nisur nga Departamenti i Thesarit.

Mirëpo pavarësisht miratimit të projektligjeve nga demokratët, ato patjetër duhet të miratohen edhe nga Senati i kontrolluar prej republikanëve.

Meqë pakënaqësitë për murin janë shpërfaqur edhe në mesin e disa republikanëve, Trump ka thënë se shpreson në zhvillimin e “bisedimeve serioze” më 7,8, dhe 9 janar, ndonëse ka treguar se nuk do të heqë dorë nga fondet për murin.

Shërbimi spanjoll shpëton 500 migrantë në Detin Mesdhe

Shërbimi spanjoll i shpëtimit në det thotë se ka shpëtuar 549 migrantë, të cilët po tentonin të kalonin Detin Mesdhe.

Ky shërbim tha se kanë kapur gjashtë anije të vogla që po bartnin në total 350 migrantë gjatë ditës së shtunë në Ngushticën e Gjibraltarit.

Ndërkaq, sot edhe 199 migrantë të tjerë janë shpëtuar nga pesë anije të ndryshme me të cilat po udhëtonin.

Agjencia për refugjatë e Kombeve të Bashkuara ka vlerësuar se 2,626 migrantë kanë humbur jetën, teksa kanë tentuar që ta kalojnë Detin Mesdhe në vitin 2018.

Agjencia për kufi e Bashkimit Evropian ka thënë se 57 mijë migrantë kanë arritur në Spanjë vitin e kaluar, dyfishi i shifrës së migrantëve që kishin hyrë paligjshëm në Spanjë gjatë vitit 2017.

Sulme ajrore në veri të Irakut

Turqia ka kryer sulme ajrore në veri të Irakut, ku ka “neutralizuar shtatë terroristë", ka njoftuar sot Ministria e Mbrojtjes së Turqisë.

Termi “terrorist” nga Ankaraja zakonisht përdoret për t’iu referuar anëtarëve të Partisë së Punëtorëve të Kurdistanit, një grup i cili është i ndaluar në Turqi dhe konsiderohet organizatë terroriste nga Bashkimi Evropian.

Sipas ministrisë turke, të vrarët në sulmet ajrore që u kryen gjatë ditës së shtunë, po planifikonin një sulm mbi një bazë ushtarake turke. Sulmet ajrore janë kryer në rajonin e Avasin-Basyan.

Turqia ka kryer sulme ajrore mbi caqe të ndryshme në veri të Irakut që prej mesit të dhjetorit të vitit 2018.

Nesër mot i ndryshueshëm

Sot, në jug dhe bregdet, ka mbajtur mot kryesisht me diell, kurse në veri i vranët dhe, vende -vende, me reshje të dobëta të borës. Frynë erë mesatare, kohë pas kohe e fortë veriore dhe veri lindore.

Temperaturat:

Budvë e Ulqin 6 gradë, Tivar, H. Novi 5 e Podgoricë 4, Cetinë , B. Pole e Nikshiq -2, Beranë -4,  Plevle, Andrievicë, Plluzhinë, Shavnik e Plavë -5, Kollashin e Rozhaj -7 dhe në Zhablak -11 g.

Për nesër, gjatë ditës, pritet vransim gradual i motit dhe në orët e vona të pasditës dhe gjatë natës, në viset kontinentale, me reshje të borës kurse në bregdet, me reshje të dobëta të shiut.

Do të fryjë erë mesatare, vende -vende, deri e fortë jugore dhe lindore. Temperatura e mëngjesit prej -17 deri në 0 kurse më e larta e ditës prej -5 deri në 7 g. C.

]]>
Lajmet http://www.rtcg.me/shqip/lajmet/226727/lajmet-07012018.html
Lajmet 04.01.2019 http://www.rtcg.me/shqip/lajmet/226483/lajmet-04012019.html 04.01.2019 ]]> Suficiti i paraparë është tregues i shërimit

Ministria e financave, sipas skenarit makro- ekonomik, ka paraparë deri në vitin 2021 shkallën reale kumulative të rritjes së prodhimtarisë të përgjithshme vendore në Mal të Zi, 7.7 %,  dhe me këtë rast për këtë vit është paraparë shkallë e rritjes në nivelin vendor 2.8 për qind, ka kumtuar Ministri i financave, Darko Radunoviq. Ai për agjencinë Mina Bussines ka deklaruar se me rastin e projektimit për këtë vit duhet pasur parasysh disa paralajmërime jo të volitshme të cilat kanë të bëjnë me ngjarjet globale ekonomike në të cilat nuk mund të ndikojë Mali i Zi. "Në rend të parë kam parasysh parashikimet e ngecjes në rritjen ekonomike  brenda BE si dhe në ekonominë e përgjithshme botërore, përmes stabilizimit të çmimeve të naftës së papërpunuar në tregun botëror dhe rritjen e kamatave", ka shtuar Radunoviq. Sipas fjalëve të tij, këto parametra për Malin e Zi janë të rëndësishëm sidomos në rastin e menaxhimit të borxheve në botën e jashtme, por edhe nga aspekti i raportit të mundshëm restriktiv ndaj investimeve. Ai ka shtuar se Qeveria në raport me shpenzimin rrjedhës buxhetor, në këtë vit planifikon të realizojë suficit të ardhurave në shumë prej 197 milion euro. Ai ka përkujtuar se në vitin e kaluar kjo formë e suficitit ka qenë në shumën prej 140 milion euro. Ai ka theksuar se gjithnjë është prezentë disbalanci në shkëmbimin e jashtëm tregtarë, edhe pse është shënuar rritje e eksportit 8.6%. Kur është fjala për huazimet e Malit të Zi në këtë vit, Radunoviq ka theksuar se huazimet do të kapin shumën e 370 milion euro.

 

Në mungesë të racionalizimeve nuk mund të ketë rritje të ardhurave

"Rritje të domosdoshme të ardhurave në Mal të Zi nuk mund të ketë në mungesë të racionalizimeve në sektorin publikë dhe të racionalizimeve në administratën e politizuar shtetërore", ka vlerësuar deputeti i pavarur Aleksandar Damjanoviq duke shtuar se përparim ekonomik nuk mund të ketë pa një konsensus të gjerë politikë. "Në mungesë të racionalizimeve në sektorin publik, të racionalizimeve në administratën e politizuar shtetërore, nuk mund të ketë as rritje të domosdoshme të rrogave as në sektorin publik dhe as në atë privat, kurse fakti se gjatë disa viteve të kaluara borxhi publik është rritur mbi 1 miliardë euro derisa rrogat mesatare janë rritur minimalisht mjafton që të gjithë të mendohemi në cilin drejtim shkon ekonomia malazeze", ka theksuar Damjanoviq për agjencinë Mina. Ai konsideron se hapa të mëdhenj përpara ekonomik dhe reforma të domosdoshme nuk mund të ndodhin në mungesën e konsensusit të gjerë politikë. 

Gjatë kësaj jave më pakë të pa punësuar

Në Mal të Zi gjatë kësaj jave ka rreth 41.45 mijë të pa punësuar ose 0.9 % me pak krahasuar me javën paraprake, tregojnë të dhënat e Entit për punësim. Shkalla e papunësisë, sipas raportit të Entit për punësim ka rënë nga 18 % në vitin e kaluar në 17. 89%. Shkalla më e lartë e papunësisë 32.7 % ishte shënuar në korrik të vitit 2000, kurse shkalla më e ulët ka qenë në gusht të vitit 2009, 10.1%. Enti për punësim në vitin e kaluar ka evidentuar 15.33 mijë të papunësuar, kurse gjithsejtë janë shpallur 29.32 mijë vende të lira të punës. 

Veselin Vujoviq laureat i Kartës “Ivan Crnojeviq”

Hendbollisti i njohur malazez e trajner i hendbollit,  Veselin Vujoviq, është fitues i Kartës "Ivan Crnojeviq", të cilët  kryebashkiaku i Cetinës e ndan me rastin e 4 janarit, ditës së themelimit të këtij qyteti. Në solemnitetin e organizuar me këtë rast, kryebashkiaku Aleksandar Kashqellan ka theksuar se themelimi i Cetinës nuk është vetëm festë e banorëve të Cetinës por festë e tërë Malit të Zi.  Ai ka shtuar se kjo ditë është e veçantë edhe për shkak se individëve të cilët kanë kontribuar në zhvillimin dhe promovimin e Cetinës u ndahet Karta "Ivan Crnojeviq", dhe sivjet këtyre fituesve u bashkangjitet Veselin Vujoviq, hendbollist dhe trajner i famshëm.

 

Veprojmë me shumë kujdes që Mali i Zi të jetë vend më i mirë për të jetuar

"Viti i kaluar ka qenë viti më i mirë prej themelimit të Socialdemokratëve, kurse shkak i rritjes konstante të kësaj partie ka qenë politika e qartë dhe dinjitoze", ka vlerësuar kryetari i kësaj partie, Ivan Brajoviq duke shtuar se maksimalisht do të mbetën të përkushtuar në realizimin e premtimeve dhënë qytetarëve të Malit të Zi. Ai në intervistën dhënë PR qendrës ka vlerësuar se viti 2018 në kuptimin politik për Socialdemokratët ka qenë viti më i suksesshëm deri tani. Ai ka theksuar se Socialdemokratët kanë treguar se kësaj partie, qytetarët mund ti besojnë, e cila, siç ka theksuar, nuk heq dorë nga synimet programore dhe se me kujdes vepron që Malin e Zi ta bëjnë një vend akoma më të mirë për jetën e të gjithë qytetarëve të tij. "Ata këtë e kanë hetuar andaj besimi në Socialdemokratët rritet çdo ditë e më tepër", konsideron Brajoviq. Duke folur për sfidat të cilat e presin Malin e Zi në vitin 2019, Brajoviq ka theksuar se forcimi ekonomik ka qenë detyrë parësore në vitet e mëparshme, por mbetet edhe parim për vitet e ardhshme.

 

Opozita  është më e përçarë se para bojkotit

Opozita e Malit të Zi sot është më e përçarë se para fillimit të bojkotimit të Parlamentit, ka vlerësuar Lëvizja qytetare- URA, duke theksuar se është koha që disa parti të jenë pjesë e historisë , sepse veprimtaria e tyre nuk kontribuon në ndryshimin e pushtetit. Anëtari i Këshillit kryesor të kësaj partie, Rade Millosheviq, ka folur për efektet e bojkotimit të Parlamentit pas më tepër se dy viteve. Ai ka shtuar se opozita ka përfituar nga bojkoti dhe për këtë ekzistojnë  tregues të mjaftueshëm. Sipas fjalëve të tij shembull është Partia Socialdemokratike dhe koalicioni i saj i pasuksesshëm në Podgoricë që të kalojë censusin dhe karshi tyre edhe dështimi i Frontit Demokratik i cili ka përjetuar rënie serioze të përkrahjes. 

Kryetarit të ri Budva i ka borxh 2.5 milion euro

Këshilltarit e Kuvendit komunal të Budvës kanë vërtetuar dorëheqjen e kryetarit të deritashëm të komunës, Dragan Krapoviq, nga Demokratët. Krapoviq ka theksuar se pozita dhe funksioni nuk janë gjëja më e rëndësishme por zhvillimi dhe progresi i Budvës. Krapoviq ka dhënë dorëheqje në pajtim me marrëveshjen e koalicionit të Demokratëve dhe Frontit Demokratik. Zgjedhjet e vitit 2016 kanë pasur mesazh të qartë se ndryshimet janë të domosdoshme dhe siç ka theksuar ai në këtë drejtim ka qenë plotësisht i përkushtuar. Në periudhën e kaluar dy vjeçare ka mbetur i pa zgjidhur një problem ndërmjet Demokratëve dhe Frontit Demokratik, i cili do të vijë në shprehje pasi që Ceroviq të marr postin e kryetarit të Budvës. Fjala është për borxhin e Komunës Budva më të vjetër se një decenie ndaj kompanisë "Carinvest"  e cila është pronë e kryetarit të ardhshëm Marko Bato Careviq. 

Fokusi do të jetë në çështjet socio ekonomike

"Mali i Zi Demokratik do të përqendrohet në situatën socio- ekonomike, situatë kjo e rëndë në të cilët gjendet shoqëria dhe do të ofrojë zgjidhje për daljen nga kriza", është vlerësuar gjatë takimit me anëtarët dhe simpatizantët e kësaj partie nga Tuzi. Në këtë takim, siç është kumtuar nga Demokratët, është hapur procedura brenda partiake e propozimit të kandidatëve për këshilltar në Kuvendin e Komunës së Tuzit për zgjedhjet të cilat do të mbahen në këtë komunë me 3 mars. Demokratët e Tuzit me formimin e Këshillave të shumtë vendor në territorin e kësaj komune e kanë rrumbullakuar formimin e infrastrukturës partiake, që ka për qëllim lidhje më të ngushta me votuesit, interesi i të cilëve është standardi më i lartë, e që është motiv i të gjithëve në Malin e Zi Demokratikë, thuhet në kumtesë. Në këtë takim është konstatuar edhe rritja konstante e përkrahjes të cilën Demokratët e kanë në Malësi. 

Veseli këmbëngul që s’ka shkëmbim territoresh

Kosova nuk ka pretendime për më tepër territor, por as nuk do të japë territor. Kështu është zotuar i pari i legjislativit të këtij vendi, Kadri Veseli. Thotë se vendit i nevojitet unitet për dialogun me Serbinë e që Presidenti ka rolin e tij kushtetues. Kritika ka adresuar për Bashkimin Evropian për mosliberalizimin e vizave për kosovarët, megjithatë thotë se BE mbetet partner i Kosovës në rrugën e saj perëndimore. Përgjegjësi politike ka kërkuar edhe nga dy partitë opozitare LDK e Vetëvendosje, duke thënë se nuk duhet të refuzojnë bashkëpunimin kur është në çështje interesi nacional. I pari i Kuvendit kosovar në një intervistë për fundvit për KosovaPress, ka ripërsëritur thirrjen për unitet, ndërsa ka ftuar Serbinë që të njohë shtetësinë e Kosovës.

 

Zgjedhjet e parakohshme nuk janë në interes të vendit

Kryeministri i Kosovës, Ramush Haradinaj, ka thënë se mbajtja e zgjedhjeve të parakohshme në këtë vit nuk është në interes të vendit. Në këtë intervistë dhënë për gazetën “Epoka e re”, ai ka thënë se viti 2019 nuk do të jetë i lehtë për Kosovën pasi do të përballet me procesin e dialogut me Serbinë dhe Gjykatën Speciale. Haradinaj ka thënë se partia të cilën e udhëheq, AAK-ja, kurrë nuk ka qenë më e fortë për zgjedhje të reja. “Si Aleancë besoj se kurrë punët më mirë për zgjedhje nuk i kemi pasur, por nuk e di sa është në interes të vendit shkuarja në zgjedhje të reja në proceset që është Kosova”, ka thënë Haradinaj. Haradinaj ka ftuar dy subjektet më të mëdha opozitare, LDK-në dhe Lëvizjen Vetëvendosje, që të bashkohen në procesin e dialogut, duke thënë se askush nuk duhet të frikësohet nga ky proces. Kryeministri ka folur edhe për raportet që Qeveria ka krijuar me PSD-në. Ai ka treguar se do të kishte dëshirë ta përfshinte këtë subjekt politik në Qeveri por, sipas tij, zyrtarët e PSD-së ia kanë bërë të qartë se në këtë mandat nuk do të përfshihen në Qeveri.

 

Të gjykuarit për krime lufte nuk do të gjykohen sërish

Të ftuarit e parë nga Gjykata Speciale javën e ardhshme do të udhëtojnë për në Hagë. Christopher Bennett, zëdhënës i Dhomave të Specializuara, ka thënë për gazetën e Prishtinës, “Zëri” se nëse i thirruri nga Gjykata refuzon të dëshmojë ai ose ajo mund të burgoset. Anton Nrecaj, njohës i çështjeve të drejtësisë, për “Zërin” ka thënë që të ftuarit e Speciales në këtë fazë janë ftuar vetëm për intervistë deri kur prokurori special ngrit aktakuzë ndaj tyre. “Të gjithë personat e ftuar për t’u intervistuar nga prokurori special në këtë fazë të hetimeve janë vetëm të ftuar për intervistë. Statusi i tyre mund të ndryshojë vetëm atëherë kur prokurori special ngrit aktakuzat ndaj ndonjërit nga të ftuarit, ata mund të jenë në cilësinë e të akuzuarve ose edhe të dëshmitarit. Në drejtësi është “parimi i prezumimit” të pafajësisë derisa nuk ka aktgjykim të formës së presë”, ka thënë ai.  Ai ka theksuar se personat të cilët tashmë janë akuzuar për krime lufte nuk mund të gjykohen përsëri. Kurse Rreze Hoxha, nga Grupi për Studime Juridike dhe Politike, duke e komentuar aktivizimin e Gjykatës Speciale ditëve të fundit ka thënë për “Zërin” që ftesat e para është dashur të specifikohen se për çfarë janë, pasi një gjë e tillë është e rregulluar me ligjin mbi të cilin vepron kjo gjykatë. Ajo ka potencuar se viti 2019 do të shënojë edhe rritjen e intensifikimit të punës së Gjykatës Speciale. 

Beogradi dhe Prishtina, larg kompromisit

Kryeministrja e Serbisë, Ana Bërnabiq, tha se nuk sheh asnjë shenjë të arritjes së kompromisit me Kosovën, porse ai duhet të arrihet "nëse Serbia dëshiron të anëtarësohet në Bashkimin Evropian".

Duke folur për mediat serbe, Bërnabiq tha se Beogradi dhe Prishtina janë gjithnjë e më larg arritjes së kompromisit, para së gjithash për shkak të taksës 100% që Kosova u ka vënë importeve nga Serbia, si dhe për shkak të formimit të ushtrisë së Kosovës. "Unë mendoj se ne po largohemi nga kompromisi", tha Bërnabiq. Por, ajo shtoi se konflikti i ngrirë me Prishtinën nënkupton që Serbia nuk mund të bëhet anëtare e BE-së. Bërnabiq tha se "çështja e Kosovës duhet të zgjidhet" dhe se zgjidhja është "arritja e një kompromisi që do të garantonte paqe, stabilitet dhe jetë më të mirë për serbët në Kosovë". Ajo tha se Serbia është në "pozitë të shkëlqyeshme" sepse kryenegociator i saj është presidenti i shtetit, Aleksandër Vuçiq, por shtoi se Qeveria e Serbisë do të ndihmojë aq sa mundet. Dialogu për normalizimin e marrëdhënieve midis Kosovës dhe Serbisë po ndërmjetësohet nga Bashkimi Evropian.

 

Bashkimi Evropian dhe liria e lëvizjes

Në Bashkimin Evropian po rriten presionet politike nga disa shtete anëtare për të rishikuar rregullat e lirisë së lëvizjes dhe për të filluar vendosjen e kufizimeve në mënyrë që të frenohet emigracioni, fenomen që ato e shohin si shkatërrimtar. Sfida e re nuk qëndron tek kriza e refugjatëve apo tek acarimi ndaj emigrantëve që lëvizin lehtësisht nëpër kontinent për të zgjedhur sipas dëshirës vendin se ku duan të banojnë. Ajo ka të bëjë me shqetësimin se migrimi ndërmjet vendeve të BE-së është duke shpopulluar më tej rajone dhe qytete me ekonomi të rrënuara, duke i dënuar ata me një të ardhme të zymtë dhe me braktisjen përgjithmonë. Muajin e kaluar, ish-kryeministri britanik, Tony Blair, shtoi zërin e tij në mbështetje të idesë se lëvizja e lirë duhet të rishikohet. Blair, i cili po bën fushatë për mbajtjen e një referendumi të dytë nëse Britania duhet të largohet nga BE-ja, tha se një rishikim i idesë mund ta ndihmojë Britaninë të mbetet në bllokun e Brukselit nën kushte të reja anëtarësimi. 

Bolton udhëton në Izrael dhe Turqi për diskutime rreth Sirisë

Këshilltari për siguri kombëtare i Shteteve të Bashkuara, John Bolton tha se do të udhëtojë në Izrael dhe Turqi, për të diskutuar tërheqjen e trupave amerikane nga Siria dhe mënyrën sesi Uashingtoni dhe aleatët do të trajtojnë “sjelljen malinje” të Iranit në rajon. Përmes një postimi në Twitter, Bolton gjithashtu tha se do të diskutojë edhe për mënyrën sesi të parandalohet “rishfaqja” e grupit militant, Shteti Islamik në rajon. Presidenti i Shteteve të Bashkuara, Donald Trump, më 19 dhjetor, befasoi ligjvënësit amerikan dhe shumë udhëheqës ushtarak kur paralajmëroi tërheqjen e 2 mijë trupave amerikane nga Siria, të cilët po ndihmojnë milicinë kurde në luftimin e militantëve të Shtetit Islamik. Trump gjithashtu siguroi Ankaranë se do të ketë një “zonë amortizuese” brenda Sirisë për të mbrojtur dhe ndihmuar interesat e saja. Ankaraja e konsideron milicinë kurde si pjesë të Partisë Punëtore të Kurdistanit dhe është zotuar se do ta shkatërrojë atë. Izraeli ka shprehur shqetësime se tërheqja e SHBA-ve nga Siria do t’ia mundësonte Iranit të konsolidojë prezencën aty si dhe do të paraqiste rrezik për sigurinë. 

Kriza e buxhetit dhe mbyllja e qeverisë mbledh Trumpin me krerët e Kongresit

Presidenti i SHBA-së, Donald Trump do të takojë sot krerët e Kongresit për të diskutuar kërkesën e tij për ndërtimin e murit në kufi me Meksikën. Takimi vjen në kohën kur qeveria amerikane është pjesërisht e mbyllur. Presidenti Trump po kërkon më shumë se 5 miliardë dollarë për ndërtimin e murit, ndërsa demokratët në Kongres kanë refuzuar të rrisin shpenzimet e kufirit përtej 1.3 miliardë dollarësh. Kjo ndalesë ka çuar në një mbyllje të pjesshme të qeverisë. Trump shkroi dje në Twitter “ndërtoni murin” përderisa Kongresistja e Kalifornisë, Nancy Pelosi, që u zgjodh sërish udhëheqëse e Dhomës së Përfaqësuesve në Shtetet e Bashkuara, tha se “ne nuk do ta ndërtojmë murin”. Dhoma e Përfaqësuesve e udhëhequr nga demokratët, votoi për rihapjen e qeverisë federale dhe për të financuar Departamentin e Sigurisë Kombëtare deri në muajin shkurt. Por, asnjëra nga masat e miratuara nga Dhoma e Përfaqësuesve nuk përfshinë 5 miliardë dollarët e kërkuar nga presidenti Donald Trump, për murin përgjatë kufirit jugor të Shteteve të Bashkuara, gjë që me siguri nuk do të miratohen në Senatin e kontrolluar nga republikanët dhe pothuajse me siguri do të përballen me veton e presidentit Trump. 

Nesër mot i ndryshueshëm

Në jug dhe bregdet sot mban mot me vranësira të ndryshueshme, kurse në veri kryesisht i vranët dhe vende vende me reshje të dobëta të borës. Fryn erë mesatare  vende vende e fortë veriore dhe veri lindore. Temperaturat në orën 13 u shënuan: në Kotorr e Ulqin 6 gradë, Tivar e Herceg Novi 4, Podgoricë 3, Cetinë -1, Bijello Pole -2, Nikshiq -3, Beranë -5, Plevle e Plavë -6, Rozhajë e Kollashin - 7 dhe në Zhablak -12 gradë. Për nesër  në viset qendrore dhe jugore parashihet të mbajë mot me vranësira të ndryshueshme dhe intervale me diell, kurse në veri kryesisht i vranët dhe në orët e pasdites dhe të mbrëmjes me reshje të përkohshme të borës. Do të fryjë erë e dobët deri mesatare, vende- vende deri e fortë nga drejtimet veriore. Temperatura e mëngjesit do të jetë prej -16 deri në -1, kurse më e larta e ditës prej -7 deri në 8 gradë celsius.

]]>
Lajmet http://www.rtcg.me/shqip/lajmet/226483/lajmet-04012019.html
Lajmet 03.01.2019 http://www.rtcg.me/shqip/lajmet/226376/lajmet-03012019.html 03.01.2019 ]]> Do të jetë ky vit i rrogave më të mëdha dhe standardit më të mirë

Kryeministri, Dushko Markoviq, ka rekomanduar se viti 2019 duhet t jetë vit i përmirsimit të standardit jetësor të të punësuarëve në sektorin privat dhe atë publikë. "Besoj se viti 2019 do të jetë vit i të ardhurave më të mëdha të të punësuarve jo vetëm në administratë por edhe në sektorin privatë dhe, gjithashtu, në vitin 2019 do të formojmë parakushtet për rritjen e pensioneve në Mal të Zi, ka deklaurar Markoviq, për gazetarët në Bjello Pole. Ai, gjithashtu ka theksuar se shteti do të bjë ç' është e mundur që të ndalojë ekonominë informale dhe rregullisht të paguhen tatimet dhe kontributet.

Markoviq, ka deklaurar se dy vitetet e kaluara qeveria i është kushtuar formimit të predispozitave për rritjen e shpejtë ekonomike dhe për vende të reja të punës. Markoviq, me ministrin e punëve të brendshme Mevludin Hoxhiq, dhe kryetarin e Komunës së Bjello Poles, Petar Smolloviq, ka vizituar në vendin Ravna Rijeka aksin e ri rrugor drejtë Bjellasicës, respektivisht qendrën e re të skijimit Smilaça, e pastaj zyrtarishtë ka hapur urën për këmbësorë Sutivan - Njegjovo në të cilën gurthemelin e ka vendosur para një viti.

Cetina është simbol i lirisë dhe shtetësisë së Malit të Zi

Cetina, duhet të ruaj të gjitha të mirat shpirtërore dhe materiale të cilat i kanë ruajtur gjeneratat e deritashme dhe me forcat unike shtetërore të vetqeverisjes lokale dhe të krejtë banorëve , Cetinës do ti vërtetohet statusi i qendrës turistike, ka deklaruar kryetari i Kuvendit të Malit të Zi, Ivan Brajoviq.

Ai, qytetarëve dhe udhëheqësisë së Cetinës, u ka uruar ditën e kësaj komune, 4 janarin. Cetina, është simbol i shtetësisë dhe lirisë së Malit të Zi, sepse me shekuj u ka rezistuar presioneve të shumta, të brendshme dhe të jashtme, të cilat i ka paguar me viktima që kanë dhënë jetën por megjithatë ka arritur të ruaj dinjitetin e vetë dhe dinjitetin malazez, përreth të cilit tubohemi edhe sot, ka deklaruar kreu i Kuvendit të Malit të Zi.

Ai, po ashtu ka theskuar se Cetina, ka qenë dhe ka mbetë qytet i historisë dhe traditës pa të cilën nuk mund të paramendohen e kaluara malazeze dhe evropiane.

Katniqin, e kritikojnë atë të cilët deri me tani e kanë përjetuar si hero

Prokuroria shtetërore, katër vitet e fundit, ka arritur rezultate të dukshme në luftën kundër korrupcionit dhe kriminalitetit të orgnaizuar, ka vlerësuar prokurori kryesor shtetëror, Ivica Stankoviq, duke potencuar se prokuroria tani, si insitutcion, është disa hapa përpara se kur ai e ka marrë këtë funksion. Në pyetjen se si e komenton akuzën e një pjesë të opozotës në llogari të Milivoje Katniq, dhe sa është i kënauqr me punën e tij dhe se a do ta propozonte përsëri për prokuror kryesor special, Stankoviq, është përgjigjur se gjithashtu kjo është pyetje legjitime nëse ai përsëri do të kandidohej për prokuror të lartë shtetëror. Stankoviq, ka deklaruar se Katniqin, sot, e kritikojnë ata të cilët deri dje e kan prezantuar si hero, shpëtimtarë, ka deklaruar Stankoviq, në intervistën për agtjencinë Mina.

Ai, ka deklaruar se në prokurorinë speciale shtetërore, si pjesë unike të prokurorisë shtetërore, më së miri flasin rezultatet të cilat, siç ka theksuar, nuk i ka arritur një numr i madh i prokurorëve special. Në pyetjen nëse moszgjidhja eventuale e prokurorit të lartë shtetëror dhe kryetarit të Gjyqit Suprem, të cilëve vitin e ardhshëm u skadon mandati do të ndikojë në situatën e përgjithshme në legjistacion, Stankoviq, është prëgjigjur se shpreson se të gjithë do të pajtohen se është e domosdoshme të sigurohet funksionimi i institucioneve sepse, në të kundërtën, do të sjellej në pyetje siguria juridike çka, siç beson ai, nuk është qëllim i askujt.

V.Medenica; Mali i Zi, ruan trashëgëminë e vetë juridike duke e pasuruar me të arriturat Evropiane

Mali i Zi, do të ruaj traditën e vetë të pasur juridike në esencën e saj të plotë dhe, gjithashtu, do ta pasurojë me trashigiminë juridike të UE, respektivisht me zbatimin e akteve ligjëdhënëse me të cilat dëshmohet qëllimi të cilin të gjitha vendet anëtare duhet t'i arrijnë, ka deklaruar kryetarja e Gjyqit suprem, Vesna Medenica.

Traditën juridike, sipas fjalëve të saj, Mali i Zi, do ta ruaj sepse ndan qëllimet e njëjta me të gjitha anëtaret e Unionit Evorpianë dhe, mu për këtë, është në proces të bashkëngjitjes. Medenica, në intervistën për gazetën Pobjeda, ka deklaruar se gjyqësori malazeze mund të lavdërohet me lidhshmërinë e të resë dhe pjekursë dhe se një sistem i tillë është adekuatë për nevojat aktuale të gjyqësisë. Sipas fjalëve të sajë, legjistlacioni malazezë është pjesëmarrës aktiv në procesin e bashkëngjitjes në UE dhe ka realizuar reformat të cilat godasin në qendër sistemin legjislativ.

Detyrë aktuale, siç ka theksuar ajo, brenda suazave të kërkesave, duhet të jetë përshtatja e kërkesave në kushtet tona , duke i mbetur besnik qëllimit për ç gjë edhe janë inicuar ndryshimet; të sigurohet pavarësia, përgjegjësisë dhe profesionaliteti i gjyqit dhe gjyqëtarëve. Siç ka deklaruar, Medencia, zbatimi i akteve juridike të UE, është shumë interesant në këtë moment në procesin e bashkëngjitjes së Malit të Zi.

Banka Qendrore, publikon raportin e ri të kompanive të bllokuara

Banka Qendrore, ka publikuar regjistrin e ri të ndërmarrjeve me llogari të bllokuara ku janë përfshiraë 442 kompani më shumë se në raportin e kaluar.

Në rregjistrin e ri, të cilin Banka Qendrore e Malit të Zi, në pajtim me ligjin për qarkullimin pagesor e publikon çdo muaj , ndodhen 17.94 mijë kompani nga evidenca e regjistrit qëndror të subjekteve afariste, të Drejtorisë tatimore dhe Bankës Qendrore të Malit të Zi.

Të dhënat e këtilla, Banka Qendrore e Malit të Zi, i publikon një herë në muaj në faqen e internetit, ditën e parë pasi që kalon muaji rrjedhës me mesataren e gjendjes në ditën e fundit të muajit të kaluar, sipas radhës të ndërmarrjeve dhe të afaristëve.

Medresa ka arsytuar ekzistimin

Medresa në Tuz, ka arsyetaur ekzistimin e vetë gjatë 10 viteve të punës, ndërsa paragjykimet që kanë ekzistuar fillimisht ndaj shkollës janë gjithnjë e më të dobëta, ka vlerësuar drejtori i këtin institucioni, Fuad Çekiq.

Ai, për agjencinë Mina, ka deklaruar se shkolla ka arsyetuar ekzistimin, respektivisht u ka mundësuar myslimanëve mësimin e islamit që i perket këtyre hapësirave, duke marr parasyshë prezencën prej pesë shekujve të islamit.

Nga ana tjetër, ai, konsideron se hapja e shkollës ka kontribuar në intencës së Malit të Zi modern që të pranojë islamin si pjesë përbërëse e trashëgimisë së përgjithshme kulturore dhe kështu, edhe faktikisht, ta dëshmojë orientimin multietmik dhe multifetarë.

Qendrimi i shtetit që nga themelimi i shkollës e deri më sot, shkon vijës afirmative të politikës, duke shtuar se nga themeli i i sajë, shkollën e kanë mbaruar 285 nxënës duke i tejkaluar kështu të gjitha.

Aktualisht shkolla numron 277 nxënës, theksoi 'ekiq, dhe sqaroi se një apo 2 për qind të nxensëve të medresës studimet i vazhdojnë në fakultetet e shkencave islame e që mjafton për nevojat e Bashkësisë Islame në Mal të Zi, pohoi ai.

J.Stoltenberg;NATO në mbështetje të dialogut

Sekretari i Përgjithshëm i NATO-s Jens Stoltenberg tha se i vjen keq për vendimin e Kuvendit të Kosovës për të miratuar një sërë ligjesh që bënë të mundur transformimin e Forcave të Sigurisë të Kosovës në Ushtrinë e Kosovës, pavarësisht paralajmërimeve nga NATO në këtë rast.

"Edhe pse në parim tranzicioni i FSK-së është çështje për të cilën duhet të vendosë Kosova, e kemi bërë të qartë se ky veprim vjen në një kohë të gabuar. Me ndryshimin e mandatit të FSK-së, Këshilli Veri-atlantik duhet të shqyrtojë nivelin e angazhimit të NATO-s me FSK-në. Të gjitha palët duhet të sigurojnë që ky vendim, i bërë në kohë të gabuar, nuk do të rrisë më tej tensionet në rajon. Të gjithë aktorët politikë në rajon duhet të përqendrohen në përparimin në reforma dhe në dialog. Kam biseduar me presidentin e Serbisë Aleksandar Vuçiq dhe kryeministrin e Kosovës Ramush Haradinaj dhe i kam informuar për diskutimin aktual midis anëtarëve të NATO-s ", tha Stoltenberg në një intervistë për CdM. Stoltenberg theksoi se është e rëndësishme të përmbahet nga çdo deklaratë apo veprim që mund të çojë në përshkallëzim.

B.Pacoli; Ekipi negociator në mbështetje të presidentit në dialog

Zëvendëskryeministri i Kosovës, njëherësh ministri i Punëve të Jashtme (MPJ), Behgjet Pacolli ka folur sot për temat aktuale në vend si dialogun Kosovë-Serbi, formimin e Ushtrisë së Kosovës njohjet, si dhe për Gjykatën Speciale. Pacolli në një deklaratë për Arbresh.info ka treguar për vështirësitë që Kosova është duke kaluar në procesin e njohjeve.

Ai tha se MPJ, nuk ka reshtur së punuari në procesin e njohjeve, mirëpo siç tha ai “bota është bërë e vështirë”.

“Bota është bërë e vështirë, kemi ndarje të theksuar gjeostrategjike në botë, dhe kjo nuk e lejon që njohjet të vijnë siç kanë ardhur përpara. Ju garantoj që s’jemi ndal asnjëherë. Kemi punuar dhe do të punojmë që Kosovë të ketë miqtë e vet. Jemi duke ecur me guxim përpara”.

Pacolli po ashtu foli edhe për formimin e Ushtrisë, ku tha se Ushtria e Kosovës është pjesë e aspiratave të shtetit të pavarur.

“Kemi marr vendim që të formojmë Ushtrinë. Edhe pse Ushtria kërkon kohë, disa vite. Ushtria është pjesë e aspiratave të shtetit të pavarur. E pamë dhe në BE që nuk është kundër kësaj…”

Ndërsa sa i përket Ekipit negociator, tha se ky Ekip do ta mbështesë presidentin, Hashim Thaçi në dialog.

Parlamenti të përfundoj procedurat deri më 15 shkurt

NATO pret që deri më 15 shkurt, Parlamenti i Maqedonisë dhe ai grek të përfundojnë procedurat rreth marrëveshjes së emrit nga Prespa.

Sipas Katimerinit, kjo është shkruar në letrën e Stoltenberg, duke thënë se Aleanca kërkon proces sa më të shpejtë.“Ekziston letër nga sekretari gjeneral i NATO-s, Jens Stoltenberg, ku kërkohet përfundim të të gjitha procedurave në dy vendet deri më 15 shkurt 2019”, thuhet në tekstin e Katimerinit. Faza e fundit e ratifikimit të Marrëveshjes së Prespës në terenin vendas fillon të mërkurën e ardhshme kur është caktuar seanca e Kuvendit me katër pika në rend dite – vërtetim i amandamenteve të propozuara kushtetuese, sjellja e tyre, shpallje e amandamenteve dhe miratimi i ligjit të propozuar kushtetues për zbatimin e tyre.

Tërmeti godet japoninë jugperendimore

Një tërmet i fuqisë 5 ballë sipas shkallës Rihter goditi sot Japoninë jugperëndimore, por nuk shkaktoi dëme material dhe cunami.

Agjencia meteorologjike e Japonisë tha se tërmeti goditi Fukuoka, Nagasaki dhe Kumamoto, në jugperëndim të Kushu Island, njofton AP. Dy centrale bërthamore punojnë rregullisht, por aeroporti i Kumamotos është mbyllur përkohësisht.Televizioni Kombëtar NHK ka paralajmëruar njerëzit të qëndrojnë të qetë dhe të kenë kujdes nga objektet në rënie nga raftet dhe tërmetet pasuese.Japonia është një nga zonat më të prekura nga tërmetet dhe cunami në botë.

 

Kongresi i 116-të i SHBA, nis punimet pas zgjedhjeve të nëntorit të kaluar

Kongresi i 116-të i Shteteve të Bashkuara nis punimet të enjten, pasi 535 anëtarët e tij të bëjnë zyrtarisht betimin.

Kongresi i ri do të bëjë histori me numër rekord të grave dhe me diversitet racor. Republikanët kanë më shumë vende në Senat, ndërsa demokratët marrin kontrollin e Dhomës së Përfaqësuesve. Zgjedhjet për Kongres janë mbajtur në nëntor. Ligjvënësit e rinj menjëherë do të përballen me zgjidhjen e bllokimit të shpenzimeve dhe të migracionit – çështje që kanë mbyllur pjesën më të madhe të qeverisë.

Përfaqësuesja e zgjedhur demokrate, Rashida Tlaib, do të bëjë betimin mbi Kuran. Tlaib dhe Ilhan Omar janë dy gratë e para myslimane që do të shërbejnë në Kongres.

 

Fillon gjykimi i të dyshuarve për vrasjen e gazetrait saudit Khashoggi

Në Riad të Arabisë Saudite nisi të enjten gjykimi i 11 individëve për vrasjen e gazetarit saudit, Jamal Khashoggi, raportoi media shtetërore.

Prokurorët kanë kërkuar dënimin me vdekje për pesë nga të pandehurit.

Kashoggi, kritik i Qeverisë saudite, i cili ka jetuar në SHBA, është vrarë pasi ka hyrë në konsullatën saudite në Stamboll, më 2 tetor.

Prokurorët kanë thënë se ai është vrarë nga një grup agjentësh që është dërguar në Stamboll për ta bindur atë që të kthehet në Arabinë Saudite.

Riadi e ka refuzuar kërkesën e Turqisë për të ekstraduar 18 të dyshuar për gjykim, përfshirë 15 agjentë të dyshuar, të cilët thuhet se kanë shkuar në Stamboll për të kryer vrasjen.

Media shtetërore raportoi se seanca e parë e gjyqit ka nisur dhe se të 11 të pandehurit dhe avokatët e tyre kanë qenë të pranishëm, por nuk dha informacione të tjera.

 

Anija kozmike kineze ka zbarkuar në anën e errët të hënës

Kina tha se ka zbarkuar me sukses një anije kozmike në anën e errët të Hënës.

Në orën 10:26, sipas kohës në Pekin, sonda Chang'e-4 ka prekur në destinacion, tha media shtetërore.

Sonda e telekomanduar ka dërguar instrumente për të analizuar gjeologjinë e rajonit, si dhe për të kryer eksperimente biologjike.

Zbarkimi shihet si një moment i rëndësishëm në eksplorimin e hapësirës.

Shtetet e Bashkuara kanë zbarkuar 12 njerëz në Hënë nga viti 1969 deri më 1972. Asnjë nga aterimet nuk është bërë në anën e errët të Hënës.

Ata kanë bërë fotografi të anës së largët, por askush nuk ka zbritur atje.

Shtetet e Bashkuara, India, Japonia dhe Rusia kanë po ashtu plane për të dërguar sonda në Hënë në të ardhmen e afërt.

 

Neser, mot shume i ftohte

Sot në Mal të Zi mban mot kryesisht i vranët dhe me borë të dobët në veri të vendit.

Frynë erë mesatare deri e fortë nga drejtimet e veriut.

Temperaturat në orën 13 u shenuan: H. Novi , Ulqin e Petrovac 7 grade, Podgoricë, Tivarë e Budvë 6, B. Pole e Cetinë -1, Nikshiq -2, Beranë , Andrievic, Plavë , Plluzhin e Shavnik -4, Plevle, Kollashin e Rozhaj -5 dhe në Zhablak -11 grade.

Për nesër, në pjesët qendrore dhe jugore parashihet të mbajë mot me vranësira të ndryshueshme dhe me periudha me diell por shumë i ftoftë.

Në veri do të mbajë mot kryesisht i vranët dhe shume i ftoftë, kohë pas kohe me borë të dobët. Do të frjyë erë mesatare deri e fortë, vendeve - vende shume e fortë nga drejtimi i veriut dhe veri lindjes. Tmperatura e mëngjesit prej -14 deri në 2, kuse më e larta e ditës prej -11 deri në 6 g. c.

]]>
Lajmet http://www.rtcg.me/shqip/lajmet/226376/lajmet-03012019.html
Lajmet 02.01.2019 http://www.rtcg.me/shqip/lajmet/226305/lajmet-02012019.html 02.01.2019 ]]> Darmanoviq - Mali i Zi është lider në rajon në procesin evropian dhe çdo gjë që bën e investon e bën me qedhim të paqës

Mali i Zi është lider në rajon në procesin evropian dhe çdo gjë që bën e investon e bën me qedhim të paqës në rajon dhe të mardhënjeve të mira fqinjësore , ka theksuar në intervistën për agjencinë ,,Anadolija,, ministri i punëvet të jashtme të Malit të Zi Srgjan Darmanoviq. Ai ka theksuar se sulmet e shpeshta verbale, të cilat në muajt e fundit nga zyrtarët serb i janë drejtuar Malit të Zi, vijnë nga individët të cilët Malin e Zi e konsiderojnë ,,Tokë dhe satelit të Serbisë,,. Darmanoviq thekson se Mali i Zi nuk është as njëra as tjetra, por e ndjek kursin personal në politikën nderkombëtare. Ai ka theksuar se Mali i Zi është i gatshëm ti mbydhë 6 kapitujt negociues. Duke analizuar vitin e kaluar në planin e politikës së jashtme, Darmanoviq ka theksuar se Mali i Zi është përqëndruar në agjendën evropiane. Të gjitha organet shtetërore në krye me qeverinë janë përkushtuar kësaj veprimtarie, mirëpo siç dihet, për zgjerimin evropian nevoitën dy partner. Nga njëra anë jemi ne ,të cilët mbajnë pergjegjësinë kryesaore për të treguar se jemi të gatshëm, kurëse nga ana tjetër është BE i cili duhet të demonstroj përkushtimin e vetë për zgjerim të mëtejm, ka theksua Darmanoviq.

Nuhoxhiq - rezulatetet të cilat ministria e punëve të brendshme dhe drejtoria e policisë i ka shënuar në fushën e sigurisë gjatë dy viteve të kaluara janë të mira

Rezulatetet të cilat ministria e punëve të brendshme dhe drejtoria e policisë i ka shënuar në fushën e sigurisë gjatë dy viteve të kaluara janë të mira, ka vlerësuar për televizionin ,,Nova M,, ministri i punëve të brendshme Mevludin Nuhoxhiq. Puna e kordinuar e drejtorisë së policisë, prokurorisë ,prokurorisë speciale dhe politika adekuate ndëshkimore, janë e vetmja rrugë e drejtë kur është fjala për kriminalitetin e organizuar, ka theksua Nuhoxhiq. Mali i Zi nuk është dhe nuk do të jetë port i qetë për kriminalitetin e organizuar dhe në truallin e Malit të Zi aktivitetet dhe veprimtaria e kriminalitetit të organizuar nuk do të gjejnë mbështetje, ka theksuar Nuhoxhiq. Përgjigje ndaj kriminalitetit të organizuar, ka threksuar ai është edhe bashkëpunimi i intensifikuar rajonal dhe ndërkombëtar policor.

Bllokimi i sistemit gjyqësor do të ishte katastrofike

Bllokimi i sistemit gjyqësor i cili do të pasonte si mungesë e moszgjedhjes të udhëheqësve më të lartë të gjyqësorit do të ishte katastrofike , sidomos në kontekstin e proceseve integruese evropiane të Malit të Zi, ka tërhequr vërejtjen lideri i partisë Liberale Andrija Popoviq. Mandati i prokurorit suprem të shtetit Ivica Stankoviq dhe kryetares së gjyqit suprem Vesna Medenica u skadon gjatë këtij viti dhe për zgjedhjen e pasardhësve të tyre nevoiten shumica e dy të tretave në parlament, respektivisht dy të pestat e deputetëve në rrethin e dytë të votimit.

THAÇI: DËSHTIMI I MARRËVESHJES KOSOVË-SERBI, KTHIM TRAGJIK PRAPA

Presidenti i Kosovës, Hashim Thaçi, ka thënë se e veçanta e vitit që po lëmë pas ka qenë krijimi i një momenti të ri ndërkombëtar për mbylljen e çështjeve të hapura në mes të shteteve të Ballkanit Perëndimor. Ai ka theksuar se kjo ka ndihmuar edhe në përshpejtimin e arritjes së një konsensusi të brendshëm në Kosovë. Thaçi ka thënë se edhe partitë opozitare duhet ta marrin rolin që u takon në procesin e dialogut me Serbinë pasi, sipas tij, është i rëndësishëm dhe historik për Kosovën. Në një intervistë dhënë për gazetën “Epoka e re”, presidenti ka bërë me dije se arritja e një marrëveshje paqësore me Serbinë që do ta sjellë anëtarësimin e Kosovës në Kombet e Bashkuara dhe njohjen nga Serbia është ambicia kryesore për vitin 2019. E veçanta e vitit 2018 është se është krijuar një momentum i ri ndërkombëtar, një shtytje që të mbyllen çështjet e hapura në mes të shteteve të Ballkanit Perëndimor. Këtë viti u arrit Marrëveshja e Prespës që pas dy dekadave solli zgjidhje për kontestin e emrit në mes të Maqedonisë dhe Greqisë. Tash vëmendja është te marrëveshja e paqes në mes të Kosovës dhe Serbisë. Kuvendi i Kosovës ka themeluar delegacionin shtetëror për dialogun në të cilin është përfaqësuar edhe një pjesë e opozitës si dhe shoqëria civile. Letra e Presidentit Trump është shumë inkurajuese dhe vë një konturë tjetër kohore për arritjen e marrëveshjes. Letra e bën të qartë se ka një momentum të ri dhe fton që ky momentum të shfrytëzohet dhe marrëveshja të arrihet në pranverë. Marrëveshja duhet të jetë e atillë që do t’i bëjë të gjitha palët që të ndihen fitimtare. Kjo në të njëjtën kohë përbën edhe pikën më sfiduese të marrëveshjes, ka theksua presidenti i Kosovës Hashim Thaçi.

LIMAJ: KA ARDHUR KOHA QË SERBIA TA NJOHË PAVARËSINË E KOSOVËS

Zëvendëskryeministri i Kosovës, Fatmir Limaj, ka dhënë një intervistë të gjatë për mediet serbe.Në këtë intervistë, numri dy i qeverisë së Kosovës ka folur për dialogun me Serbinë, taksën 100%, Gjykatën Speciale dhe tema tjera.Poashtu ka folur edhe për arsyet që çuan shqiptarët në formimin e UÇK-së dhe për presidentin e Serbisë, Aleksander Vuciq. Limaj ka thënë se është koha që Serbia të njohë pavarësinë e Kosovës. Limaj i cili është votuar nga Kuvendi i Kosovës si bashkëdrejtues i Delegacionit Shtetëror për Bisedime me Serbinë ka thënë se në fazën finale të dialogut pret të arrihet një marrëveshje përfundimtare me Serbinë.Në këtë intervistë për mediet serbe, kryetari i Nismës Socialdemokrate ka thënë se Kosova është shtet i pavarur, i njohur dhe pranuar nga më shumë se 100 vende të botës dhe nga të gjitha shtetet që rrethojnë Serbinë. Sipas, Limajt është koha që Serbia të bashkëjetojë me ketë realitet. “Për të gjithë është i njohur çka nënkupton për Kosovën dialogu me Serbinë dhe cili është synimi i Kosovës dhe atë e thashë edhe me lart. Arritja e një marrëveshjeje gjithëpërfshirëse obliguese për palët që çon në njohje reciproke, anëtarësimi i Kosovës në OKB dhe ky është pozicioni zyrtar i Republikës së Kosovës. Natyrisht në atë marrëveshje gjithëpërfshirëse do të ketë tema të veçanta që Kosova do t’i ngritë sikundër që edhe Beogradi mund të propozojë tema të veçanta për t’i trajtuar. Në anën tjetër, ende nuk kemi parë asnjë dokument apo propozim zyrtar nga Beogradi se si e sheh marrëveshjen përfundimtare”, ka thënë Limaj për ‘expres.net’.

Kina nuk e përjashton përdorimin e forcës për të rikthyer Tajvanin

Janë ashpërsuar deklaratat ndërmjet Kinës dhe Tajvanit, përderisa presidenti kinez nuk e ka mohuar përdorimin e forcës ndaj Tajvanit.

“Kina mban të drejtën për të përdorur forcën në mënyrë që ta vë nën kontrollin e saj Tajvanin, por do të përpiqet të arrijë një ‘ribashkim’ paqësor me ishullin e vetëqeverisur, i cili ka një të ardhme të ndritur nën sundimin kinez”, tha të mërkurën presidenti i Kinës, Xi Jinping. Tajvani është çështja me e ndjeshme për Kinën derisa e konsideron territorin e tij si të shenjtë. Presidenti Xi e ka rritur presionin mbi ishullin e Tajvanit që kur presidente e tij u bë Tsau Ing-Wen nga partia Progresiste Demokratike, që mbështet pavarësinë nga Kina. Xi bëri një të arritur të madhe personale, në atë që Partia Komuniste e quan “çështjen e Tajvanit” duke mbajtur një takim historik me ish- presidentin e Tajvanit Ma Ying- Jeou, në Singapor në fund të vitit 2016, pak kohë para se të zgjidhej presidenti i ri. Presidenti kinez foli të mërkurën në një ceremoni në 40-vjetorin e një deklarate kyçe për Tajvanin. Ai tha se “ribashkimi” duhet të bëhet sipas parimit në të cilin Kina e pranon Tajvanin si pjesë të saj. Shumica dërrmuese e popullsisë së Tajvanit janë të qartë se pavarësia e Tajvanit do të çonte në një "fatkeqësi të rëndë", tha Xi për një audiencë që përfshinte njerëz të biznesit të Tajvanit dhe zyrtarë të lartë të partisë.

 

Rreth 85 viktima nga përmbytjet në Filipine

Numri i viktimave nga rrëshqitjet e tokës dhe përmbytjet në Filipine ka arritur në 85 ndërsa 20 persona konsiderohen të zhdukur.

Ekipet e shpëtimin po vonojnë në mbërritjen te zonat e prekura nga vërshimet. Viktimat u vranë kryesisht kur shtëpitë e tyre u shembën nga rrëshqitjet e tokës, pas disa ditë me reshje shiu. Depresioni tropikal, i cili u dobësua përpara se të dilte nga Filipinet të dielën, solli shi të madh që shkaktoi rrëshqitje të dheut dhe përmbytjeve në rajonet Bicol dhe në lindje të Visayas. Zyrtarët vënë tre provincat “në gjendje të jashtëzakonshme” për t'u dhënë atyre qasje në fondet e emergjencës.

Gjashtë të vdekur në një aksident hekurudhor në Danimarkë

Gjashtë njerëz vdiqën dhe 16 të tjerë u plagosën në një aksident hekurudhor në një urë që lidh dy ishujt kryesorë të Danimarkës.

Zyrtarë të rrjetit të hekurudhave thanë se copat e një treni mallrash goditën një tren udhëtarësh gjatë një stuhie të rëndë, duke e detyruar atë të frenojë papritur në Urën Rripi i Madh. Shërbimet emergjente luftuan me motin e keq për të arritur vendin e ngjarjes. Treni i pasagjerëve kishte 134 njerëz në bord, përfshirë ekuipazhin. Treni po udhëtonte nga Odense në ishullin Funen drejt Kopenhagës në ishullin Zealand.

Udhëheqësit e Kongresit ftohen për takim në Shtëpinë e Bardhë

Presidenti i Shteteve të Bashkuara, Donald Trump, i ka ftuar udhëheqësit e të dyja dhomave të Kongresit për një takim në Shtëpinë e Bardhë. Trump po planifikon të bisedojë lidhur me sigurinë e kufijve, ngecjet e buxhetit si dhe mbylljen e pjeshme të qeverisë.

Siç bëhet e ditur, tetë kongresmenë do të marrin ftesën për takim nga Departamenti i Sigurisë Kombëtare, mirëpo nuk është bërë e ditur, nëse do të ketë negociata ndërmjet udhëheqësve të Kongresit dhe administratës për t’i dhënë fund mbylljes së qeverisë. Takimi vjen një ditë përpara se Kongresi i ri të mblidhet me një shumicë të demokratëve në Dhomën e Përfaqësuesve. Presidenti Trump po kërkon 5 miliardë dollarë për ndërtimin e murit me Meksikën, përderisa demokratët po refuzojnë të rrisin shpenzimet e kufirit në më shumë se 1.3 miliardë dollar. Ndalesa çoi në një mbyllje të pjesshme të qeverisë që filloi më 22 dhjetor. Demokratët kanë thënë se planifikojnë të kalojnë dy projektligje që synojnë financimin e qeverisë. Senati i kontrolluar nga republikanët kaloi një plan thuajse identik në dhjetor.

SHBA-ja përdorë gaz lotsjellës ndaj emigrantëve në kufi me Meksikën

Autoritetet e SHBA-së hodhën gaz lotsjellës në Meksikë gjatë orëve të para të vitit të ri për të larguar rreth 150 emigrantë që u përpoqën të shkelin gardhin kufitar në Tijuanë. Dogana dhe Mbrojtja Kufitare e SHBA-së, thanë në një deklaratë të martën më vonë, se gazi ishte përdorur për të shënjestruar hedhësit e gurëve po jo emigrantët që po përpiqeshin të kalonin kufirin, njofton AP. "Asnjë zyrtar i sigurisë nuk ka dëshmuar se ndonjë emigrant, duke përfshirë fëmijët, kanë përjetuar efektet e agjentëve kimikë, të cilët kishin në shënjestër hedhësit e gurëve që ishin më larg", thuhet në deklaratë. Mëgjithatë, një fotograf i agjencisë Associated Press, pa të paktën tre gazlotsjellës të hedhur në anën meksikane të kufirit, pranë plazhit të Tijuana, që prekën emigrantët, duke përfshirë gratë dhe fëmijët, si dhe gazetarët. AP shkruan se gurët u hodhën vetëm pasi agjentët e SHBA-së qëlluan me gaz lotsjellës. Agjencia tha se 25 emigrantë u arrestuan ndërsa të tjerët u zvarritën në Meksikë përmes një vrime nën gardh.

 

Nesër mot i ngjashëm me të sotmin

Sot në Mal të Zi mban mot kryesisht i vranët, në veri dhe viset e larta me reshje të borës, kurëse në jug vende vende me shi të dobët. Frynë erë mesatare deri e fortë veriore.Temperaturat: Budvë 9 gradë, Podgoricë, Tivar e H.Novi 8, Ulqin 7, Cetinë 2, Nikshiq 1, Pluzhinë 0, Beranë e Plavë -1, Plevle , Kollashin, Shavnik e Rozhajë -2 dhe në Zhablak - 6 gradë. Për nesër në viset qëndrore dhe jugore parashihet të mbajë mot me vransira të ndryshueshme dhe me intervale me diell, kurse në veri mot i vranët dhe me reshje të dobëta të borës. Do të fryjë e rë mesatare deri e fortë, vende vende shumë e fortë nga drejtimi i veriut. Temperatura e mëbgjesit prej - 9 deri në 5 kurëse më e larta e ditës prej - 9 deri në 7 gradë c.

]]>
Lajmet http://www.rtcg.me/shqip/lajmet/226305/lajmet-02012019.html
Lajmet 28.12.2018 http://www.rtcg.me/shqip/lajmet/225891/lajmet-28122018.html 28.12.2018 ]]> Parlamaneti në seancën e fundit për këtë vit për Ligjin për qetësinë publike

Parlamenti i Malit të Zi vazhdoi sot seancën e rregullt, përndryshe të fundit për këtë vit. Në rend të ditës të kësaj seance janë ndryshimet e ligjit për rendin dhe qetësin publike, sipas të cilave në të ardhmen nuk do të dënohen individët të cilët do të përdorin flamujt dhe simbole të shteteve të tjera. Para deputetëve gjenden edhe amandamentet e Qeverisë të cilat nënkuptojnë sanksione për të gjithë ata të cilët nuk e respektojnë himinin e shtetit por edhe për ata të cilët publikojnë në pano të ndryshëm, siç thekson pushteti ekzekutiv, përmbajtje të cilat i mohojnë faktet historike. Derisa koalicioni në pushtet i përshëndet amendamentet e propozuara, në opozitë vërtetojnë se disa dispozita nuk mund të zbatohen në praktikë. Ndryshimin e ligjit për rendin dhe qetësinë publike e ka kërkuar Genci Nimanbegu. Në ligjin aktual dispozitë kontestuese është ajo e cila parasheh dënime për individët të cilët do ti përdorin simbolet nacionale të shteteve tjera. Nga Qeveria e ka marr përkrahjen por edhe amendamente të cilat mes tjerash nënkuptojnë sankskione për të gjithë ata të cilët nuk e respektojnë himnin shtetit por edhe për ata të cilët në pano pubikojnë përmbajtje të cilat mashtrojnë ose i mohojnë faktet historike. Përndryshe Kuvendi i Malit të Zi ka miratuar dje ligjin për punët e brendshme. Kundër këtij ligji ishin deputetet e socialdemokratëve, kurse një deputet ishte i përmbajtur.

Duhet ti përkushtohemi luftës kundër ekonomisë informale

"Masat e nevojshme të kontrollit, jo vetëm në sektorin privat por edhe eliminimi i çdo parregullësie në shpenzimin e mjeteve shtetërore, do të jetë prioritet me të cilin do të merret Këshilli për sigurinë nacionale", është kumtuar pas mbledhjes së këtij trupi. Këshilli për sigurinë nacionale, të cilin e ka kryesuar kryetari i tij Dushko Markoviq, e ka mbajtur mbledhjen e 14-të në të cilën, përveç anëtarëve të Këshillit, kanë marr pjesë edhe Drejtori i drejtorisë së policisë dhe udhëheqësi i sektorit të policisë kriminalistike. Këshilli ka miratuar informatën për realizimin e aktiviteteve në luftën kundër kriminalitetit të rëndë dhe atij të organizuar të cilen e ka hartuar drejtoria e policisë dhe janë vlerësuar lartë rezultatet policore, të prokurorisë së shtetit dhe të segmenteve tjera në sistemin e sigurisë në luftën kundër kriminalitetit të organizuar dhe formave tjera të veprave të rënda kriminale. Është miratuar informata për qendrimin e Drejtorisë së policisë në fushën e luftës kundër tregëtisë me njerëz, ku janë shënuar rezultate të mira dhe disa lëndë janë procesuuar më tej. Këshilli ka kërkuar që kjo sferë të jetë në mesin e prioriteteve në punën e mëtejme të drejtorisë së policisë por edhe të prokuroris së shtetit.

Gjukanoviq, Brajoviq dhe Gvozdenoviq ftohen në mëngjesin e lutjeve

Presidenti i Malit të Zi Millo Gjukanoviq si dhe Kryetari dhe nënkryetari i Parlamentit, Ivan Brajoviq dhe Branimir Gvozdenoviq, i kanë marrë ftesat për mëngjesin e lutjev , i cili për të 67 herë organizohet në Uashington të enjten e parë të muajit shkurt, shkruan gazeta "Pobjeda". Ftesën e ka fituar edhe kryetari i Komunës së Herceg Novit, Stevan Katiq. Kjo është hera e parë që ftesën e merr një kryetar i Komunës nga Herceg Novi. Ftesa kanë marrë edhe disa përfaqësues të partive politike në nivelin shtetëror dhe, siç bëhet medie gazeta "Pobjeda", mes tjerëve ftesën e ka fituar edhe Marko Careviq nga Fronti Demokratik i cili do të duhej që deri në fund të vitit të marr funksionin e kryetarit të Komunës të Budvës nga kryetari aktual Dragan Krapoviq.

 

Qeveria të publikojë pozitën negocuese

Qeveria e Malit të Zi do të duhej të publikojë pozicionin negocues për kapitullin 27, mjedisi dhe ndryshimet klimatike, në mënyrë që në procesin e bisedimeve të përfshihen të gjithë të interesuarit, konsiderojnë në OJQ-në rajonale, "Parqet Dinarida". Përfaqësuesja e kësaj OJQ-je, Jelena Marojeviq- Galiq, ka theksuar se pas hapjes së Kapitullit 27, do të insistojë në implementimin e detyrimeve të marra nga Mali i Zi në pozitën negocuese si dhe ndaj detyrave konkrete dhe precize si dhe për afatet brenda të cilave duhet plotësuar këto detyra. Ajo konsideron se i tërë procesi i bisedimeve me BE është shansë për Malin e Zi që të arrijë standardet evropiane, mjedisin ta ngrisë në nivel më të lartë dhe në një farë mënyre ta arsyetojë në praktik epitetin e shtetit ekologjik.

 

Drejtoria e doganave ka grumbulluar 730 milion euro

Drejtoria e doganave prej me një janar deri me 10 dhjetor të këtij viti ka vjelë 730 milion euro duke rritur të ardhurat përreth 12.11 % ose 78.88 milion euro më tepër krahasuar me të njejtën periudhë të vitit 2017. Rritjen e të ardhurave krahasuar me periudhën e njejtë të vitit 2017 në drejtorinë tatimore e sqarojnë me grumbullimin më të mirë të TVSH, me rastin e importimit, në shumë prej rreth 485 milion euro që paraqet rritje 19.49 % ose 79.01 milion më tepër. Në bazë të akcizave janë vjelur 217.6 milion euro dhe siç theksojnë, ka qenë në nivelin e vitit të kaluar.

 

Rroga mesatare në nëntor ka qenë 512 euro

Rroga mesatare në muajin nëntor pa tatime dhe kontribute, sipas të dhënave të MONSTAT-it, ka qenë 512 euro ose 0.4 % më e lartë se në muajin tetor. Rroga bruto mesatare në nëntor ka qenë në nivel të njëjtë krahasuar me të njëjtin muaj të vitit të kaluar dhe ajo në nëntor ishte 769 euro. "Nëse kemi parasysh se çmimet konsumatore në nëntor janë rritur 0.2 % krahasuar me një muaj më parë del se të ardhurat neto reale në të njejtën periudhë janë rritur 0.2 për qind", thuhet në kumtesë. Rrogat mesatare pa tatime dhe kontribute në muajin nëntor krahasuar me muajin tetor janë rritur në sektorët e furnizimit me energji elektrike, shërbimet e vendosjes dhe të ushqimit, në veprimtarinë profesionale, shkencore dhe teknike dhe në disa sektor të tjerë. Ndërkaq rënie janë shënuar në sektorin financiar dhe të siguracioneve në xehetari, ndërtimtari, në shërbimet administrative dhe në shërbimet ndihmëse si dhe në bujqësi, pylltari, peshkim etj.

 

Viti 2019 duhet të jetë vit i marrëveshjes Kosovë-Serbi

Ambasadori i SHBA-së në Prishtinë, Philip Kosnett, ka thënë se viti 2019, do të jetë vit kur pritet që të ndodh marrëveshja finale Kosovë-Serbi. “Unë mendoj se viti 2019 duhet të jetë viti i një marrëveshjeje gjithëpërfshirëse.Nëse marrëdhënia mes Serbisë dhe Kosovës nuk përmirësohet, do të bëhet edhe më keq. Nuk ekziston mundësi e vërtetë për ta mbajtur status-quon”, ka thënë ambasadori amerikan. Ai thekson se vendi i tij dëshiron të shohë një “marrëveshje kreative dhe gjithëpërfshirëse midis dy vendeve”. Sipas tij kjo marrëveshje duhet të marrë parasysh edhe shqetësimet dhe sigurinë e serbëve në Kosovë dhe e cila nuk mund të shpërfillet. Ditë më parë presidenti i SHBA-së, Donald Trump, kishte dërguar dy letra në adresë të Hashim Thaçit dhe Aleksander Vuçiqit përmes të cilave kishte shprehur interesim për përfshirje të SHBA-së në dialogun Kosovë-Serbi. E njeriu që po përfolet se do të jetë ndërmjetësues është zv.ndihmësi i sekretarit të Shtetit, Mathew Palmer. Palmer ka një përvojë të gjatë në Ballkanin Perëndimor.

Thaçi dekreton ligjet për transformimin e FSK-së

Presidenti i Republikës së Kosovës, Hashim Thaçi, ka dekretuar sot tri ligjet që përcaktojnë procedurat e transformimit të Forcës së Sigurisë së Kosovës në ushtri. Në ditën e nënshkrimit të këtyre ligjeve, Thaçi ka uruar edhe një herë të gjithë pjesëtarët e FSK-së për këtë hap. “Si President i Republikës së Kosovës dhe Komandant Suprem i Ushtrisë së Kosovës, ju uroj juve, i nderuar komandant, gjithë ushtarët, oficerët, nënoficerët dhe popullin e Kosovës. I falënderoj mbështetësit ndërkombëtarë, SHBA-në dhe të gjitha shtetet e tjera aleate në këtë ditë të rëndësishme të zyrtarizimit të Ushtrisë së Kosovës”, ka thënë presidenti Thaçi. Tri projektligjet për FSK-në janë miratuar me shumicë votash nga Kuvendi i Kosovës më 14 dhjetor të këtij viti. Shtetet e Bashkuara të Amerikës kanë treguar mbështetje të fuqishme në këtë proces, derisa NATO-ja ka shprehur skepticizëm duke konsideruar se transformimi i FSK-së po ndodh në një “periudhë të papërshtatshme”.

Kriminelët nuk do ta marrin ligjin në dorë

"Nuk do të lejojmë që kriminelët të vendosin ligjin në Kosovë", kështu tha Kryeministri i Republikës së Kosovës, Ramush Haradinaj, pasi ka vizituar sot Drejtorinë e Përgjithshme të Policisë së Kosovës, për të shprehur ngushëllime për humbjen e kolegut të tyre, pjesëtarit të Policisë, Izet Demaj i cili humbi jetën dje në mbrojtje të qytetarëve dhe rendit, pas një plaçkitjeje në Istog.Haradinaj tha se dje ka qenë një ditë e ndjeshme dhe e dhimbshme për të gjithë Kosovën, që i ka prekur të gjithë qytetarët. Njëkohësisht, kryeministri kosovar e ka falënderuar drejtorin e Policisë për mënyrën se si dje e ka menaxhuar gjendjen dhe tha se nuk kanë zgjidhje tjetër përveç që të mos lejojnë që kriminelët të vendosin ligjin në Kosovë. Haradinaj po ashtu njoftoi se nesër, e shtunë, do të shpallet edhe ditë zie nga presidenti i Kosovës Hashim Thaçi dhe kësisoj, siç tha ai, kjo do të jetë një ditë kthese, pasi rënia e policit në detyrë do ta bëjë një ditë kthese për ligj.

 

Qeveria i vendos taksë edhe brendeve ndërkombëtare që vijnë nga Serbia

Qeveria e Kosovës ka vendosur sot edhe një masë shtesë ndaj Serbisë. Kësisoj, brendet ndërkombëtare me prejardhje nga Serbia e Bosnja të cilat deri më tani nuk paguanin taksë, nga sot do ta bëjnë një gjë të tillë raporton lajmi.net. Ky vendim është marrë sot në mbledhjen e Qeverisë, ndërkaq që këtë të ditur e ka bërë edhe minstri i Tregtisë, Endrit Shala. “Sot në mbledhjen e Qeverisë, me propozim timin edhe lista e 9 brendeve ndërkombëtare që kanë hyrë në Kosovë nga Serbia dhe Bosnja e Hercegovina pa masën 100 për qind, është eliminuar. Tashmë të gjitha produktet nga Serbia dhe Bosnja e Hercegovina do t’i nënshtrohen masës 100 për qind”, ka shkruar ai. Ndryshe, Kryekuvendari, Kadri Veseli ka thënë se taksa e vendosur për produktet nga Serbia dhe Bosnja, ka qenë vendim i një shteti të pavarur dhe sovran siç është Kosova. “Serbia duhet ta respektojë Kosovën, ashtu siç ne e respektojmë Serbinë. Serbia po shpreh urrejtje ndaj neve e jo respekt, e në këtë rast ne asgjë s’kemi bërë më shumë përpos një vendimi shtetëror, i cili nuk është i përjetshëm por as i përkohshëm si mendon dikush”, ka thënë Veseli.

 

Kryeministri Edi Rama ristrukturon Qeverinë

Kryeministri i Shqipërisë, Edi Rama ka shkarkuar shtatë ministra në Qeverinë e Shqipërisë duke i zëvendësuar ata me emërime të reja. “Të gjithë ata që kanë pesë vjet në kabinet do t’ia lënë vendin të tjerëve”, tha kryeministri, Edi Rama gjatë Asamblenë e Partisë Socialiste. Ministrja e Arsimit, Lindita Nikolla, është zëvendësuar nga Besa Shahini, që deri tani mbante postin e zëvendësministres. Ky shkarkim i Nikolla vjen pas më shumë se dy javësh të protestave të pandërprera të studentëve të universiteteve publike të Shqipërisë, të cilët kanë protestuar me kërkesa ekonomike dhe akademike.Ministrat tjerë të shkarkuar janë ministri i Financave, ministri i Jashtëm, ministrja e Kulturës, Ministri i Mbrojtjes, dhe disa tjerë. Në anën tjetër, kryeministri Rama ka bërë të ditur se deputeti i Partisë Socialiste Erion Braçe, do të jetë zëvendëskryeministri i ri i Qeverisë. Kryeministri ka falënderuar të gjithë ish ministrat për shërbimin e tyre në pesë vitet e fundit të qeverisjes. Kryetari i Partisë Demokratike në opozitë, Lulzim Basha e quajti ndryshimin e ministrave “tallje me shqiptarët”. “Pasi i ka braktisur dhe i ka nëpëkëmbur për pesë vite me radhë, Edi Rama ka bërë sot sjelljen më të papranueshme - talljen me shqiptarët, duke i trajtuar si njerëz të padenjë duke treguar se ai vendos kë të dojë dhe nuk ka kush ta ndalojë”, tha Basha.

Anija me emigrantë mbërrin në Spanjë pasi u refuzua nga Italia dhe Malta

Një anije spanjolle, në të cilën ishin mbi 300 emigrantë të shpëtuar në det, ka mbërritur në Spanjë, duke përfunduar një udhëtim disa ditor përgjatë Mesdheut Perendimor. Anija e drejtuar nga grupi jofitimprurës “Proaktiva open arms” mbërriti në portin spanjoll të Algericas të premtën. Anija i shpëtoi emigrantët në ujërat pranë Libisë, javën e kaluar, por iu desh të udhëtonte në Spanjë, pasi Malta e refuzoi atë të ndalet në brigjet e saj, ndërsa Italia dhe vendet e tjera refuzuan të ofronin ndihmë. Në qershor, Spanja hapi portet e saj edhe për një anije tjetër të ndihmës me mbi 600 emigrantë pasi Italia dhe Malta e kishin refuzuar të ndalojë në portet e tyre. Sipas agjencisë së refugjatëve të Kombeve te Bashkuata, mbi 2,200 emigrantë kanë vdekur duke u përpjekur të kalojnë Mesdheun përmes anijeve të ndryshme të trafikantëve.

Amerikanët fajësojnë Trumpin për mbyllje të Qeverisë

Amerikanët fajësojnë më shumë presidentin e Shteteve të Bashkuara, Donald Trump për mbylljen e pjesshme të Qeverisë amerikane në krahasim me demokratët e Kongresit, është thënë në të gjeturat e një sondazhi të realizuar nga Reuters dhe Ipsos. Bazuar në rezultatet e sondazhit, 47 për qind e personave të anektuar e mbajnë Trumpin përgjegjës derisa 33 për qind demokratët në Kongres. Pjesa tjetër e të anketuarve, përkatësisht 7 për qind e tyre kanë fajësuar republikanët në Kongres për mbylljen e Qeverisë. Mbyllja është nxitur nga kërkesa e Trumpit, e cila është kundërshtuar ashpër nga demokratët dhe nga disa republikanë të partisë së tij, që taksapaguesit të ofrojnë 5 miliardë dollarë për t’i ndihmuar në ndërtimin e murit që do të ndante Shtetet e Bashkuara me Meksikën. I gjithë projekti i murit është vlerësuar të kapë shifrën e 23 miliardë dollarëve. Bllokimi në Kongres për këtë çështje mund të rezultojë me vazhdim të mbylljes së Qeverisë deri në muajin janar.

Forcat qeveritare siriane rimarrin qytetin e Manbixhit

Forcat qeveritare siriane hynë në qytetin Manbixh për herë të parë në gjashtë vjetët e fundit, pasi një milici kurde i bëri thirrje Damaskut për të mbrojtur qytetin nga kërcënimi i një ofensive ushtarake turke. Forcat Demokratike Siriane të udhëhequra nga një milici kurde e mbështetur nga SHBA-të, morën qytetin e Manbixhit nga militantët e Shtetit Islamik më 2016. Turqia e sheh këtë formacion ushtarak të kurdëve si dorë e zgjatur Partisë së Punës Kurdistane e cila është e ndaluar në Turqi, si dhe është zotuar se do ta shkatërrojë atë. Vendim i Forcave Demokratike Siriane për të bashkëpunuar me Qeverinë siriane, vjen pasi Presidenti i Shteteve të Bashkuara, Donald Trump, më 12 dhjetor, vendosi të tërheqë të gjitha trupat amerikane nga Siria. Ushtria siriane tha të premten se flamuri sirian u ngrit në qytetin e Manbixhit dhe se do të garantojë sigurinë “për të gjithë qytetarët e Sirisë dhe të tjerët që janë të pranishëm në rajon”. Rusia e përshendeti këtë veprim. Zëdhënësi i Kremlinit, Dmitri Peskov tha se prania e trupave qeveritare do të “ndihmojë në stabilizimin e situatës”. Rusia është një mbështetëse kryesore e qeverisë siriane në luftën shtatëvjeçare, ndërsa Turqia ka mbështetur grupe rebele që luftojnë kundër forcave të presidentit Bashar al-Assad.

Edhe nesër mot pa ndryshime

Në Mal të Zi sot mbajti mot kryesisht i kthejellët, deri me vranësira të pakta kryesisht në veri. Frynë erë e dobët e drejtimeve të ndryshme.

Temperaturat: në Tivar 14 gradë, Ulqin e Budvë 13, Herceg Novi 12, Podgoricë 11, Nikshiq 10, Cetinë e Rozhaj 9, Zhablak 7, Kollashin e Beranë 4, Bijello Pole 2 dhe në Plevle 1 gradë.

Për nesër në jug dhe bregdet parashihet mot kryesisht i kthjellët, kurse në veri dhe viset e larta malore me vranësira të ndryshueshme por pa të reshura. Do të fryjë erë mesatare deri e fortë nga drejtimi i veriut dhe veri lindjes. Temperatura e mëngjesit do të jetë prej -5 deri në 6, kurse më e larta e ditës prej -2 deri në 15 gradë celisus.

]]>
Lajmet http://www.rtcg.me/shqip/lajmet/225891/lajmet-28122018.html
Lajmet 27.12.2018 http://www.rtcg.me/shqip/lajmet/225786/lajmet-27122018.html 27.12.2018 ]]> Çiklisti me inicialet H.D nga Ulqini ka humbur  sot jetën në fatkeqësin e komunikacionit

Çiklisti me inicialet H.D nga Ulqini, i lindur në vitin 1995 e ka humbur jetën sot në fatkeqësin e komunikacionit e cila ka ndodhur në qendër të Katerkollës, është kumtuar nga drejtoria e policisë.

Fatkeqësia ka ndodhur rreth orës 12 e 38 minuta kur çiklisti është përplasur me një autovetur të parkuar, është kumtuar nga drejtoria e policisë të Komunës së Ulqinit.

 

Deputetet  kanë përfunduar debatin për propozim ligjin për buxhetin e vitit të ardhshëm për të cilin do të deklarohen në një seancë tjetër

Deputetet e parlamentit të Malit të Zi e kanë përfunduar sot debatin për propozim ligjin për buxhetin e vitit të ardhshëm për të cilin do të deklarohen në një seancë tjetër. Deputetet gjatë dy ditëve të kaluara kanë debatuar për dokumentin më të rëndësishëm ekonomik në shtet si dhe për vendimin e qeverisë për huamarrjet e Malit të Zi në vitin e ardhshëm. Deputeti i Partisë Social Dmorkatike Ranko Krivokapiq ka theksuar se buxheti është tregues real se çka është politika në një shteti, respektivisht kujt duhet ndihmuar dhe kujt duhet ti merret.

Sipas fjalëve të tij nuk ekziston gjësend më luksoz seç janë jahtat, pronarët e të cilavet karburantet i paguajnë 57 cent kurse qytetarët e varfër malazezë ose francezë ato i paguajnë 1.2 euro me ç'rast duhet theksuar se Franca është shumë më e  pasur se Mali i Zi dhe pensioni i tyre minimal llogaritet me mijëra euro. Deputeti i Socal Demokrateve Boris Mugosha ka deklaruar se kjo parti do ta përkrah buxhetin e propozuar sepse është zhvillimor. Deputeti i PDS Tarzan Millosheviq ka theksuar se asnjë buxhet nuk është lehtë të koncipohet sepse duhet bërë ekulibim. Ministri i frinancave Darko Rdunoviq ka theksuar se qeveria ka arritur të sigurojë rritje reale që qytetarët ti hetojnë efektet e kësaj rritje , mirëpo jo në vëllimin total dhe jo në të gjitha elementet. Kjo nuk është e mjaftueshme dhe gjithësesi mund të bëhet edhe më tepër ka theksuar Radunoviq.

 

Opozita sado e llojllodhjshme ideologjike dhe politike të jetë , mund të gjejë gjuhë të përbashkët

Opozita sado e llojllodhjshme ideologjike dhe politike të jetë, mund të gjejë gjuhë të përbashkët në temën për krijimin e ambientit më të mirë përmes reformës së legjislaturës zgjedhore, ka vlerësuar Partia Social Demokratike dhe u bëjnë ftesë të gjitha partive që të jenë pjesë e këtij procesi.

Anëtari i kryesisë së kësaj partije Ivan Vujoviq ka deklaruar për agjencinë ,,MINA,, se opozita në këtë mënyrë do të mund të bëjnë presion më të fortë mbi PDS. Sipas fjalëve të tij Partia Social Demokratike në rrethanat e një opozite të shpërndarë ka vendos që të veprojë aktivisht në parlament. Në parlament, si edhe në forma të tjera çdo ditë tërheqim vërejtjen ndaj problemeve reale socio - ekonomike të qytetarëve dhe mosrespektimit të institucioneve të një shteti të robëruar, siç e përshkruan Bashkimi Evropianë. Megjithë atë, ka shtuar ai,PSD e shfrytëzon parlamentin si mënyrë që qytetarëve tua tërheq vëmendjen ndaj të gjitha këtyre proceseve dhe sa është në mundësinë e tyre ti shfrytëzojë mekanizmat kontrollues. Procesi aktual kryesor duhet të jetë krijimi i ambientit më të volitshëm zgjedhor përmes reformës së legjisalturës zgjedhore dhe të legjislaturës tjetër, kanë theksuar në Partinë Social Demokratike. .

 

Ushtarët nga Mali i Zi në Afganistan janë krenaria e shtetit

Ushtarët nga Mali i Zi në Afganistan janë jo vetëm krenaria e ushtrisë malazeze, por edhe krenaria e shtetit , ka vlerësuar ministri i mbrojtjes Predrag Boshkoviq. Boshkoviq dhe shefi i shtabit të përgjithsëm Dragutin Dakiq u janë drejtuar sot, përmes video linkut pjesëtarëve të kontigjentit të 9-të, të ushtrisë së Malit të Zi në misionin Resulute Support në Afganistan të cilët gjenden në bazën Marmal, është kumtuar nga ministria e mbrojtjes. Boshkoviq ka theksuar renomenë të cilën e gëzojnë ushtarët malazezë në këtë mision dhe në të gjitha misionet si dhe operacionet tjera në të cilat marrin pjesë. Sipas fjalëve të tij të gjitha informatat tregojnë se ushtarët malazezë janë shembull i mirë në misionin e sipër përmendur.

 

Komisioni revizor i shtetit është i vetmi institucion i cili mund të paraqes të dhënat lidhur me eksponatet e humbur në muze

Komisioni revizor i shtetit është i vetmi institucion i cili mund të paraqes të dhënat lidhur me eksponatet e humbura në muze, ka kumtuar ministri për kulturë Aleksandar Boganoviq.

Këshilli për arsim, shkencë, kulturë dhe sport ka zhvilluar sot seancën dëgjimore me ministrin Bogdanoviq në temën "mbrojtja e të mirave të patundshme kulturore në Mal të Zi " . Ai ka përkujtuar se me 10 dhjetor Ministria për kulturë e ka marrë raportin gjysmë vjeçar lidhur me revidimin e njësive muzeore.

 

Konkursi për zgjedhjen e kryetarit të Komisionit zgjedhor të shtetit do të përsëritet

Konkursi për zgjedhjen e kryetarit të Komisionit zgjedhor të shtetit do të përsëritet pasi që i vetmi kandidat Amer Shukurica nuk e ka fituar shumicën e nevojshme në mbledhjen e sotme të këshillit administrativ . Kryetari i Komisionit më parë nuk është zgjedhur as në seancën e shtatorit të parlamentit, pasi që asnjëri nga kandidatët nuk e kishte fituar shumicën e nevojshme. Në konkursin publikë atëherë kishin konkurruar Zharko Gjurishiq dhe Amer Shukurica. Kryetari i Këshillit administrativ Luigj Shkreli ka deklaruar sot për agjencinë ,,MINA,, se në konkursin e përsëritur është paraqitur vetëm Shukurica. Kemi vendosur që konkursin ta shpallim përsëri ka deklaruar Shkreli. Për ndryshe kandidati duhet të ketë përgatitje të lartë profesionale - jursit i diplomuar, së paku 10 vjetë përvoj pune në profesion dhe të ketë të drejtë vote. Për kryetar të Komisionit zgjedhor të shtetit nuk mund të konkuroj kandidati i cili ka qenë anëtar i organit drejtues të ndonjë partie politike gjatë tri vjetëve të kaluara.

 

Sinjali në HD do të startojë me 27 nëntor të vitit 2019

Sot ka qenë ditë historike për Radio televizionin e Malit të Zi. Sot është nënshkruar kontrata për fazën e dytë të digjitalizimit të servisit publikë nacional me vlerë 11.4 milion euro. Drejtori i përgjithshëm i RTMZ Bozhidar Shundiq ka theksuar se është dëshirë e të punësuarve dhe e menanxhmentit që emetimi i sinjalit HD të staratojë me 27 nëntor të vitit të ardhshëm kur RTMZ do të festojë jubileun e vetë të madhë, 75 vjetorin e Radios dhe 55 vjetorin e Televizonit të Malit të Zi.

Drejtori i përgjithshëm Bozhidar Shundiq ka nënshkruar sot me përfaqësuesit e kompanive malazeze ,,Çikom,, dhe ,,Sipa,, dhe me përfaqësuesit e kompanisë   ,,BFE,, nga Austria kontratën për digjitalizimin e servisit publikë nacional. Ky projekt do të kushtojë 11.4 milion euro dhe para menanxhmentit, siç ka theksuar Shundiq gjendet obligimi dhe nderi që kësaj gjenerate i ka takuar të jetë bartës i këtij projekti të rëndësishëm shtetëror. Përfaqësuesi i kompanisë austriake ,,BFE,, Peter Dinkell ka theksuar se RTMZ pas përfundimit të këtij projekti do të jetë në nivelin e ,,ORF,, të Austrisë dhe të ,,ZDF,, dhe ,,ARD,, të Gjermanisë.             

                                  

Thaçi: Me marrëveshjen, Kosova fiton njohjen nga Serbia dhe pesë vendet e BE-së

Presidenti i Kosovës, Hashim Thaçi thotë se Kosova është e gatshme për dialog me Serbinë dhe për arritjen e një marrëveshjeje, gjithëpërfshirëse dhe balancuese. Sipas presidentit Thaçi, marrëveshja eventuale me Serbinë, do të jetë në interes të paqes. Ai shprehu besimin e tij se një marrëveshje me Serbinë është e mundshme. “Ne do të punojmë shumë seriozisht si Kosovë, duke iu përgjigjur nevojës së vendit për fqinjësi të mirë, që në muajt në vijim të ndodh dialogu me Serbinë dhe të arrihet një marrëveshje gjithëpërfshirëse, ligjërisht obliguese, që Kosova ta fitojë njohjen nga Serbia dhe anëtarësim në OKB”, tha Thaçi gjatë konferencës të fundvitit. Sipas Thaçit, me arritjen e marrëveshjes, Kosova do të fitojë njohjen nga Serbia si dhe nga pesë vendet e Bashkimit Evropian, që deri më tani nuk e kanë njohur Kosovën.

Por, Thaçi përmendi edhe pasojat me të cilat do të përballet Kosova, nëse marrëveshja nuk arrihet. "Kosova e fiton njohjen nga Serbia, e fiton njohjen nga pesë vendet e Bashkimit Evropian – nëse arrihet marrëveshja dhe unë shpresoj që do të arrihet dhe besoj në këtë drejtim. E fiton njohjen globale sepse do të jetë pjesë e Organizatës së Kombeve të Bashkuara, do të bëhet pjesë e të gjitha organizatave ndërkombëtare dhe e fiton vendin e sigurt për NATO dhe BE". "Çka nëse nuk arrin marrëveshje me fajin e vet? E fiton një izolim të plotë ndërkombëtar, regres, papunësi edhe një gjendje që nuk e meritojnë qytetarët e Kosovës. Prandaj, asnjë lider i vendit nuk guxon që të mbajë peng të drejtën e qytetarëve të Kosovës dhe dëshirën e qytetarëve që të lëvizet sa më shpjet drejt së ardhmes evropiane", tha Thaçi. Presidenti Thaçi sërish përsëriti qëndrimin e tij se ai dëshiron që Lugina e Preshevës, Medvegjës dhe Bujanocit t’i bashkohen territorit të Kosovës.“Unë mbështes  plotësisht të drejtat kombëtare të Luginës së Preshevës, Medvegjës dhe Bujanocit. Në muajt në vijim shpresoj në zyrtarizimin e të drejtës së tyre për bashkëngjitje me Kosovën”, u shpreh Thaçi. Thaçi ftoi të gjithë t’i bashkohen procesit të dialogut me Serbinë që ndërmjetësohet nga Bashkimi Evropian dhe në fund të arrihet marrëveshja, e cila, sipas presidentit, ka mbështetjen e plotë të Shteteve të Bashkuara të Amerikës. “Pas letrës së presidentit (Donald) Trump gjithçka është e qartë. SHBA-ja ka mbështetje të plotë, një mbështetje që ka ardhur në mënyrë të drejtpërdrejtë nga njeriu numër një, njeriu më i fuqishëm në botë, presidenti i SHBA-së dhe se  nuk ka më dilemë a e mbështetë SHBA-ja këtë proces.

 

Haradinaj bën thirrje për unitet pas takimit me ambasadorët e QUINT-it

Përfaqësuesit e institucioneve të Kosovës, bashkë me kryesuesit e ekipit negocitor të dialogut me Serbinë, kanë zhvilluar sot një takim me ambasadorët e shteteve të QUINT-it, përkatësisht, Shteteve të Bashkuara, Francës, Gjermanisë, Italisë dhe Mbretërisë së Bashkuar. Zëvendëskryeministri i Kosovës, njëherësh bashkëkryesuesi i ekipit negociator, Fatmir Limaj, ka thënë se në takim me ambasadorët është shprehur gatishmëria e Kosovës për dialogun me Serbinë. “Ambasadorët shprehen përkrahje të plotë dhe natyrisht duan unitet dhe duan ta shohin Kosovën unike dhe mbështesin idetë tona dhe angazhimin tonë si çdo herë edhe kësaj radhe po e mbështesin Kosovën  dhe mbështesin një marrëveshje përfundimtare mes dy vendeve, marrëveshje e cila do të jetë obliguese për të dyja vendet”, është shprehur Limaj. Ndërkohë kryeministri i Kosovës, Ramush Haradinaj ka thënë përmes një postimi në Facebook se Kosova ka nevojë për unitet dhe për arritjen e një marrëveshjeje me Serbinë. “Kosova ka nevojë për unitet dhe unifikim të qëndrimeve të krejt spektrit politik në vend, me qëllim të arritjes së një marrëveshjeje, që është në përputhje të plotë me vullnetin politik të popullit të Kosovës, të shprehur më 17 Shkurt 2008 nga Parlamenti i Republikës së Kosovës”, është shprehur ai.

 

THAÇI: EKIPI NEGOCIATOR MË 8 JANAR NË BRUKSEL E UNË NË BREZOVICË

Presidenti i Kosovës, Hashim Thaçi, ka deklaruar se do të punojnë për arritjen e një marrëveshje të balancuar me shtetin e Serbisë dhe në interes të paqes dhe stabilitetit. Në takimin e fundit për këtë vit me gazetarë, Thaçi përsëriti se do t'i mbështesë të drejtat e shqiptarëve në Luginë, kurse, shtoi se ekipi negociator është pajtuar që më 8 janar të jenë në Bruksel, ndërsa, ai do të jetë për skijim në Brezovicë. "Ne do të punojmë shumë seriozisht duke iu përgjigjur nevojave të vendit, qytetarëve, shtetit për fqinjësi të mirë, që në muajt në vijim të arrihet marrëveshje gjithëpërfshirëse, që Kosova të fitojë njohjen nga Serbia me një marrëveshje të balancuar", ka thënë Thaçi. Delegacioni ka legjitimitetin qytetarë por do të ishte me interes të ketë përfshirje edhe më të gjerë.“Ekipi negociator do ta ketë përkrahjen time të plotë dhe se Kosova është gati për dialog”, tha ai. Ndërsa në çështjen e Gjykatës Speciale, Thaçi tha se Kosova nuk ka çfarë të fsheh.Kurse, sa i përket çështjes së ushtrisë, Thaçi ka ripërsëritur se gabimi i vetëm është që Kosova është vonuar për pesë vite në themelimin e saj. Ai shtoi se kësaj kohe shpeshherë është ndiher i vetmuar në kërkesën karshi ndërkombëtarëve.

 

Analistët, kundër zgjedhjeve të parakohshme në Maqedoni

Analistët në Maqedoni thonë se organizimi i zgjedhjeve të parakohshme parlamentare nuk është në interes as të partive politike në pushtet, të cilat presin të bëhen të dukshme rezultatet e politikave të Qeverise pasi të përfundojë procesi i zgjidhjes së kontestit me Greqinë për çështjen e emrit, e as në favor të opozitës maqedonase, e cila tani është më shumë se kurdoherë e përçarë. Ideja për organizimin e zgjedhjeve të parakohshme parlamentare është diskutuar në opinion si mundësi për të arritur censusin e nevojshëm për zgjedhjen e presidentit të shtetit prej 40 për qind, në rast se opozita në mënyrë të drejtpërdrejtë ose të fshehtë, bojkoton zgjedhjet si në rastin e referendumit për Marrëveshjen për emrin. Kryeministri i Maqedonisë, Zoran Zaev ka refuzuar dje të komentojë çështjen e censusit, duke theksuar se është i fokusuar në ndryshimet kushtetuese, të cilat, siç është shprehur ai, kanë peshën më të madhe, për momentin. “Besoj se pas festave dhe pas seancës që është caktuar më datë 9 janar, atëherë do të hapim këto tema dhe do të ju përgjigjemi këtyre pyetjeve. Por, përgjigja ime është se, besoj që 40 për qind e censuesit do të arrihet në këtë sfidë konkurruese mes më shumë kandidatëve, jo vetëm Qeveri dhe opozitë, ose majtistët dhe djathtistët”, është shprehur Zaev.

 

Rreth 43,000 njerëz mbeten pa punë për shkak të protestave në Francë

Në Francë, rreth 43,000 njerëz mbetën pa punë për shkak të protestave të “xhaketave të verdha” që filluan më 17 nëntor. Sipas Ministrisë së ekonomisë, shumë kompani kanë pësuar dëme të mëdha materiale për shkak të protestave të vazhdueshme. Dëmet që i janë shkaktuar shtetit vlerësohen të jenë rreth 28 milion euro. Gjatë protestës, 10 persona vdiqën dhe rreth 1,000 u plagosën ndërkaq u arrestuar rreth 4.340 njerëz. Protestat antiqeveritare të “xhaketave të verdha” kanë ndikuar më së shumti në rënien e nivelit të rritjes ekonomike si dhe mungesën e sigurisë së bizneseve. Lëvizja “xhaketat e verdha” mban emrin sipas xhaketave të sigurisë, të cilat duhet ti posedojnë të gjithë shoferët në Francë. Protestat filluan në mesin e nëntorit dhe u nxitën nga një rritje e tarifës për karburante.

 

Ushtria gjermane mund të rekrutojë "qytetarë të BE-së"

Shtatë vjet pasi Gjermania ka braktisur kërkesat e detyrueshme ndaj banorëve të saj për t’iu bashkuar ushtrisë, Inspektori i Përgjithshëm i ushtrisë së këtij shteti, Eberhard Zorn, ka thënë se është duke u shqyrtuar mundësia e punësimit të qytetarëve evropianë në pozitat e ekspertëve. Zorn ka thënë se forcat gjermane “duhet të shikojnë në të gjitha drejtimet në kohën kur ka mungesë të personelit të kualifikuar”, duke përmendur doktorët dhe specialistët e Teknologjisë Informative.

Forcat e armatosura të Gjermanisë ka vite që janë përballur me mungesë të investimeve. Prandaj ky shtet synon ta rrisë personelin ushtarak me 21,000 persona të tjerë deri në vitin 2025. Përveç tjerash, autoritetet kanë premtuar edhe rritjen e buxhetit për mbrojtje nga 1.2 për qind në 1.5 përqind të bruto-prodhimit të brendshëm (GDP) deri në vitin 2024. Ministrja gjermane e Mbrojtjes, Ursula von der Leyen ka thënë në një intervistë të sotme se ushtrisë gjermane i janë shtuar 6,500 trupa për dy vjet, derisa në shtatë vjetët e ardhshme pritet të ushtria gjermane të ketë 203,000 trupa. Ajo ka thënë se 12 për qind e personelit ushtarak tani përbëhet nga gratë dhe se vetëm këtë vit, një nga tre personat që kanë synuar të marrin pozita në ushtri ka qenë grua. Komisioneri parlamentar për forca të armatosura, Hans-Peter Bartels, ka thënë se rekrutimi i qytetarëve të BE-së “është pothuajse gjë normale” pasi shumë ushtarë veçse kanë dy shtetësi apo histori të imigrimit.

 

Rusi: Një i vdekur dhe tre të plagosur nga shpërthimi i granatës

Mediat ruse raportojnë se një person e shpërtheu një granatë në qytetin Khabarovsk, duke vrarë vetën dhe plagosur tre persona të tjerë. Zyrtarët lokal kanë thënë se dyshohet se personi dëshironte të vidhte një zyre të një kompleksi magazinimi. Policia lokale njoftoi se hetuesit policor tashmë e kanë siguruar vendin ku ndodhi incidenti. Tani për tani nuk janë dhënë detaje të tjera.

 

Nesër mot i ngjashëm me të sotmin

Sot në Mal të Zi mban mot kryesisht i kthejllët dhe i thatë. Frynë erë e dobët deri mesatare nga drejtime të ndryshme.

          Temperaturat: Tivar 14, H. Novi , Ulqin e Budvë 13, Podgoricë 11, Cetinë 8, Nikshiq e Shavnik 7, Plavë 2 Kollashin 1, rozhaj 0, Beranë, Plevle e B. Pole -1, dhe në Zhablak -2 g.

    Edhe për nesër parashihet të mbajë  mot me vranësira të ndryshueshme dhe kryesisht të thatë. Do fryjë erë e dobët deri mesatare nga drejtime të ndryshme. Temperatura e mëngjesit prej -7 deri në 4, kurse më e larta e ditës prej 4 deri në 16 g. c.

]]>
Lajmet http://www.rtcg.me/shqip/lajmet/225786/lajmet-27122018.html
Lajmet 26.12.2018 http://www.rtcg.me/shqip/lajmet/225665/lajmet-26122018.html 26.12.2018 ]]> Kuvendi, shqyrton propzimligjin për rendin dhe qetësinë publike 

Kuvendi ka futur sot në rend të ditës propozim ligjin  për ndryshimet dhe plotësimet e ligjit për rendin dhe qetësinë publilke, të cilin e ka propozuar deputeti i koalicionit “Shqiptarët bashkë”,  Genc Nimanbegu.

Ai, ka propozuar që të shfuqizohet dispozita ligjore  e cila parasheh që qytetarët  të cilët në vendin publikë përdorin flamurin, stemën ose simbol tjetër të një shteti  të huaj, pa leje, të dënohet me të holla ose me burg. Për këtë kundërvajtje, për përsonat fizik është paraparë dënimi me të holla prej 100 deri në 500 euro, ose me 30 ditë burg. Në Mal të Zi, si vend turistik , thekson Nimanbegu, janë shpalosur dhjetra flamuj nga personat juridike dhe fizik si dhe i turistëve të cilët vizitojnë këtë shtet. Me zbatimin e këtij ligji, të gjithë ata do të duhej të jenë të dënuar. Pasi që kjo dispozitë është diskriminuese, atëherë ajo duhet shlyer, ka theksuar Nimanbegu. Kuvendi ka vendos që të fus në rend të ditës propozim vendimin e qeverisë për huamarrjen e Malit të Zi, në vitin e ardhshëm dhe propozimin e shumicës parlamentare për ndryshimet e ligjit për arsimimin e lartë.

Pas nesh mbetet një vit i suksesshëm, së bashku kundër ekonomisë informale

Nënkryetari i Qeverisë për politikën ekonomike dhe sistemin financiar, Millutin Simoviq, ka vlerësuar në takimin e sotëm me afaristët në Oden ekonomike të Malit të Zi, se viti që po kalon ka qenë vit i bisedimeve të hapura me afaristët. Rezultati i arritur i ekonomisë në këtë vit, është vërtetimi më i mirë se të gjithë së bashku gjendemi në rrugë të mbarë.

Rezultatet e tilla të cilat i realizon ekonomia malazeze janë, para së gjithash,  rezltat i afaristëve , minatorëve , të punësuarve në ndërtimtari, në sektorin turistik dhe energjetik, rezultat i përfaqësuesëve të bashkësisë vendore dhe të jashtme, investuesve dhe i administratës publike, ka theksuar Simoviq.

Ai, ka shtuar se qeveria dhe afaristët kanë punuar me përkushtim në një elementë të rëndësishëm; në përparimin e ambientit afaristë dhe se në këtë drejtim  janë realizuar aktivitete në modifikimin e disa akteve ligjore.

Duke folur për tregun jolegal, nënkryetari i Qeverisë, ka theksuar se çrrënjosja e ekonomisë informale dhe i konkurrencës jo lojale janë qëllimet tona të përbashkëta. Në këtë kontekst, Simoviq, u ka bërë ftesë afaristëve që të punojnë së bashku me Qeverinë dhe me komisionin për çrrënjosjen e ekonomisë informale.

Sakrifica e komitëve nuk ka qenë e kot

Presidenti i Malit të Zi Millo Gjukanoviq, ka theksuar se koha e ka treguar se sakrifica e komitëve malazezë nuk ka qenë e kotë dhe  se me zbulimin  e përmendores kushtuar atyre në Nikshiq, sot u japim mirënjohje për heroizmin e tyre antik. Gjukanoviq, në solemnitetin në Nikshiq, ka theksuar se sot zblojmë përmendoren e komitëve - luftëtarë, për lirinë e Malit të Zi, në kohën e okupimit Austro-hungarez, në Luftën e madhe dhe luftetarëve për mbrojtjen e dinjitetit shtetëror pas bashkëngjitjes me dhunë Serbisë, në vitin 1918.

Në ditët e fundit të luftës dhe të okupacionit, siç ka theksuar, çetat komite me ndihmën e popullit të organizuar në vitin 1918, e kanë çliruar, pothuajse, tërë Malin e Zi. Në atë kohë, Mali i Zi, i çliruar nënçmohet nga Serbia dhe nuk mbështetet nga aleatët. Ideali i bashkimit të popujve të sllavëve  të jugut, është shndërruar në katastrofën më të madhe nacionale për Malin e Zi.

Derisa, njëra palë ishte për bashkimin e pa kusht me Serbinë, pala tjetër ishte për një bashkim jugosllav i cili do të ruante nderin dhe emrin e Malit të Zi. Kyetari i Këshillit organizues, Sllobodan Bato Mirjaçiq, ka theksuar  se, sot, defintivisht është realizuar ideja e vjetër disa decenie.

 Për ndryshe, kjo përmendore  është vendosur në  “Sheshin Sava Kovaçeviq”, kurse ngritjen e saj e ka inicuar  Shoqata e Luftëtarëv të Luftës Naconal- Çllirimtare, të Nikshiqit.

Dialog intensiv mes dy vendeve fqinje

Dialogu politik ndërmjet Malit të Zi dhe Shqipërisë, është intensifikuar edhe në nivelin më të lartë, kurse dy shtetet, aleate në NATO, së bashku i kontribuojnë vlerave të Aleancës, ka theksuar kryeministri Dushko Markoviq. Siç është kumtuar nga Kabineti i tij, në takimin e kryeministrit Markoviq, me ambasadorin e Shqipërisë, Ridi Kurtezi, është vlerësuar se Mali i Zi dhe Shqipëria, zhvillojnë marrëdhënie të mira bilaterale, bashkëpunojnë mirë dhe ndërtojnë besim reciprok. Markoviq, ka theksuar se dialogu pollitik ësht intensifikuar edhe në nivelin më të lartë dhe se Mali i Zi dhe Shqipëria, si aleate në kuadër të NATO-s, së bashku u kontrbuojnë  vlerave të Aleancës, thuhet në kumtesë. Siç theksohet , bashkëbiseduesit e kanë vlerësuar pozitivisht rolin e popullit shqiptarë në Mal të Zi, i cili i iontribuon kohezionit të Malit të Zi dhe të ardhmes së tij dhe paraqet lidhje të fortë ndërmjet dy shteteve. Markoviq dhe Kurtezi, kanë biseduar edhe për nevojën e koordinimit të vazhdueshëm dhe komunikimit për çështjet e rëndësishme për të dyja shtetet, përfshir këtu edhe kujdesin për resurset e përbashkëta  dhe për potencialet dhe rëndësinë e ruajtjes së tyre.

Shtyhet debati lidhur me situatën në mjedisin jetësor të lumit Tara

Mbledhja e Këhillit parlamentarë për turizëm, bujqësi, ekologji dhe planifikimin hapsinor, në të cilën është dashtë të hvillohet dëgjimi konsultativ për situatën aktuale të segmentit të mjedisit jetësor të lumit Tara, sëhtë shtyrë. Sipas informatave jo zyrtare, mbledhja nuk do të mbahet gjatë këtij viti.

Në mbledhjen e Këshillit, kanë qenë të ftuar përfaqësuesit e Ministrisë të zhvillimit të qëndrueshëm dhe turizmit, bujqësisë dhe zhvillimit rural, si dhe përfaqësuesit e OJQ “Lëvizja ekologjike  Ozon”. Një grup i OJQ, me parë ia ka paraqitur këtij këshillit iniciativën për dëgjimin kontrollues të ministrit për zhvillim të qëndrueshëm dhe turizmit si dhe ministrit përë komunikacion dhe detari,Pavle Rdulloviq dhe Osman Nurkoviq, për shkak të , siç theksohet devastimin e Lumit Tara.

Policia gjatë viti 2018, ka konfiskuar 3.25 tonë lëndë narkotike

Policia e Malit të Zi ka sekuestruar gjatë këtij viti 3.25 tonë lëndë narkotike dhe janë regjistruar më pak vepra penale krahasuar me vitin paraprak, është kumtuar pas mbledhjes së kolegjiumit të Drejtorisë së policisë .

Ministri i punëve të brendshme, Mevlludin Nuhoxhiq, dhe drejtori i drejtorisë së policisë, Veselin Veloviq, kanë mbajtur sot kolegjiumin e rregullt të zgjeruar në kampin policor, në Zllaticë, në të cilin janë analizuar rezultatet e punës prej fillimit të vitit 2018.

Në kolegjium, është vlerësuar se situata e sigurisë në Mal të Zi, është stabile  dhe se rezultatet e punës i kanë kontribuar rritjes evidente të besimit të qytetarëve në polici. Nga drejtoria e policisë është kumtuar se, Nuhoxhiq dhe Veloviq, kanë vlerësuar se nëpunësit e drejtorisë së policisë gjatë këtij viti  në të gjitha segmentet kanë arritur rezultate të mira.

Është konstatuar se policia rrugore ka kontribuar dukshëm në përmirsimin e situatësë në këtë fushë sepse në Mal të Zi, gjatë këtij viti, krahasuar me vitin e mëparshëm, në komunikacion kanë pësuar rreth 27 për qind më pak.

Më tepër mjete në vitin 2019 do të thotë RTMZ më moderrn

Këshilli i RTMZ, në mbledhjen e sotme ka miratuar planin financiar për vitin 2019. Efektet e modelit të ri të financimit të servisit publik në veçanti do të vinë në shprehje gjatë vitit të ardhshem, duke pasur para sysh se RTCG do të disponojnë me 13 milion e 800 mijë euro mjete buxhetore, për veprimtari të rregullt, ka kumtuar në mbledhjen e Këshillit të RTMZ, ndihmësja e drejtorit të përgjithshëm, Valentina Shqekiq.

Drejtori i përgjithshëm i RTMZ, Bozhidar Shundiq, ka kumtuar se do të emetohet ajo të cilën do ta caktojn redaktorët e kësaj shtëpie mediatike. Drejtori i Televizvionit të Malit të Zi, Sllavko Gjurgjiq, ka deklaruar se gjatë 6 muajve të fundit në punën e televizionit vërehet përparim i dukshëm. Drejtori i Radios së Malit të Zi, Radojica Bullatoviq, ka theksuar se ky medium ka për qëllim të fus programin e natës dhe do të zgjatet emetimi i programit të mëngjesit. Kryetari i Këshillit, Ivan Jovetiq, ka kumtuar se  plani programor i radios është i shkëlqyer dhe se për vitin 2019, plani është tejet i mirë në kuptimin teknik.

Ekipi negociator, më 8 janar në Bruksel

Udhëheqësit më të lartë të institucioneve të Kosovës dhe ekipi negociator për dialog me Serbinë, kanë zhvilluar takimin e parë të përbashkët për t’i diskutuar hapat e ardhshëm në kuadër të fazës finale të bisedimeve në Bruksel, që po lehtësohen nga Bashkimi Evropian.

Takimi ishte thirrur nga kryetari i Kuvendit të Kosovës, Kadri Veseli. Aty kanë marrë pjesë edhe presidenti Hashim Thaçi dhe kryeministri Ramush Haradinaj si dhe bashkëkryesuesit e ekipit negociator, Fatmir Limaj e Shpend Ahmeti.

Pas takimit është bërë e ditur se ekipi shtetëror i Kosovës më 8 janar të vitit 2019, është i ftuar për një takim në Bruksel.

H.Thaçi; BE, udhëheq dialogun me Serbinë

Presidenti i Kosovës, Hashim Thaçi, ka thënë se Bashkimi Evropian është ai që e udhëheqë dialogun me Serbinë, por situata në Kosovë dhe rajon pas letrës së presidentit të SHBA-së, Donald Trump, është ndryshe.

Thaçi pas takimit të mbajtur të mërkurën, të cilin e kishte ftuar kryetari i Kuvendit të Kosovës, Kadri Veseli, ka ftuar edhe njëherë LDK-në dhe lëvizjen Vetëvendosje, që të bëhen pjesë e procesit të dialogut.

“Procesi është i udhëhequr nga Bashkimi Evropian, por mendoj që edhe Kosova dhe rajoni është ndryshe pas letrës së presidentit Trump, i cili ka kërkuar që t’i marrim përgjegjësitë edhe ne si Kosovë. Jam i bindur që aty ku do të jetë këshilla e SHBA-së do të jetë edhe vendimi i institucioneve të shtetit të Kosovës, që ky proces të përmbyllet në përputhshmëri me aspiratën e Kosovës për NATO dhe BE”, ka thënë ai.

Rreth 330 mijë shqiptarë, kanë marr nënshtetësinë e një vendi të BE

Prej vitit 2002, rreth 330 mijë shqiptarë që jetojnë jashtë kanë marrë nënshtetësinë e një vendi anëtarë të Bashkimit Europian.

Greqia dhe Italia janë dy vendet që kanë dhënë numrin më të lartë të nënshtetësive për emigrantët shqiptarë. Prej 2002 rreth 150 mijë shqiptarë kanë marrë nënshtetësinë greke dhe rreth 148 mijë kanë marrë nënshtetësinë italiane.

Vendi i tretë për sa i përket lëshimit të nënshtetësive është Mbretëria e Bashkuar, ku prej 2002 janë dhënë rreth 11 mijë të tilla, sipas Monitor.

Nënshtetësinë gjermane e kanë marrë 5700 shqiptarë. Të dhëna nga Eurostat tregojnë se në 2017 numri i shqiptarëve që jetojnë atje u përgjysmua nga 74 mijë në 49 mijë. Pjesa më e madhe e tyre kanë qenë azilkërkues të cilëve iu është refuzuar kërkesa për azil dhe janë riatdhesuar në Shqipëri. Më pas, në numrin e nënshtetësive të lëshuara ishte Belgjika me 5000 aplikime.

Franca lëshoi rreth 3400 nënshtetësi për këtë periudhë.

Në total janë rreth 1.6 milionë individë që jetojnë jashtë territorit të Shqipërisë, sipas të dhënave të Diasporës, një publikim i ri i INSTAT.

Tramp, iniston në krijimin e fondeve si kusht për hapjen e qeverisë

Presidenti amerikan, Donald Trump ka thënë të martën se mbyllja e pjesshme e Qeverisë amerikane do të vazhdojë derisa të plotësohet kërkesa e tij rreth fondeve për ndërtimin e murit mes Shteteve të Bashkuara dhe Meksikës.

Qeveria amerikane është mbyllur përkohësisht të shtunën dhe ende nuk ka ndonjë shenjë të përpjekjeve për ta hapur atë, për shkak të mospajtimeve në fondet e kërkuara nga presidenti Trump për murin me Meksikën.

“Nuk mund ta them se kur do të hapet sërish Qeveria”, ka thënë Trump duke foluar në një video konferencë me trupat amerikane që shërbejnë jashtë SHBA-së.

Tërmeti i shkallës 4.8, ka goditur mongjesin e sotëm Sicilinë

Një tërmet i shkallës 4.8 ka goditur Sicilinë, afër malit vullkanik më aktiv në Evropë, Etna, duke plagosur të paktën dy persona, kanë raportuar mediat italiane.

Disa ndërtesa është raportuar të jenë dëmtuar, në atë që është cilësuar si një prej dhjetëra lëkundjeve, prej kur Etna është aktivizuar të hënën.

Hiri vullkanik ka mbuluar fshatrat e afërta teksa fluturimet prej dhe nga aeroporti i Katanias janë ndalur përkohësisht.

Disa persona që kanë qenë në zonat malore janë udhëzuar që të largohen menjëherë nga ato pjesë.

Tërmeti ka ndodhur në orën 2:19 të mëngjesit të së mërkurës afër komunës, Viagrande.

Mediat italiane kanë raportuar për panik në mesin e banorëve, shumica e të cilëve kanë qëndruar nëpër rrugë.

IS, merr përgjegjësinë për sulmin në Tripoli

Grupi militant, Shteti Islamik (IS) ka pretenduar të jetë përgjegjës për sulmin në ministrinë e Jashtme të Libisë në Tripoli, që ka rezultuar me tre persona të vdekur dhe të paktën 20 të tjerë të plagosur.

Sulmi i 25 dhjetorit në ndërtesën e ministrisë ka nisur pas shpërthimit të një makine-bombë si dhe sulmeve me armë zjarri nga tre persona të tjerë.

Dy prej tyre kanë hyrë në ndërtesë dhe kanë kryer sulme vetëvrasëse derisa personi i tretë është vrarë nga rojet e sigurimit.

Misioni Mbështetës i Kombeve të Bashkuara në Libi (UNSMIL) ka dënuar sulmin dhe ka theksuar nevojën e “parandalimit të grupeve terroriste, ashtu që të mos kthejnë tokën e Libisë në zonë për kryerjen e krimeve të tyre”.

Ushtria ruse testoi armën e re supersonike

Kremlini njoftoi se ushtria ruse ka testuar me sukses një armë të re supersonike.

Presidenti, Vladimir Putin mbikëqyri nisjen e testit nga dhoma e kontrollit të Ministrisë së Mbrojtjes.

Kremlini bëri të ditur se arma ka goditur me sukses një objektiv të caktuar 6 mijë kilometra larg vendit të nisjes.

Presidenti Putin e quajti armën e re “Avangard” duke thënë se ajo nuk mund të zbulohet gjatë fluturimit. Arma është në mesin e koleksionit të armëve bërthamore të cilat ai i prezentoi në muajin mars.

Putini tha se “Avangardi” posedon një gamë ndërkontinentale, dhe mund të fluturojë 20 herë më shumë se shpejtësia e zërit.

Nesër, mot kryesisht i kthjellët

Sot në Mal të Zi, ka mbajtur mot me vranësira të ndryshueshme por i thatë. Frynë erë e dobët deri mesatare , vende vende deri e fortë nga drejtimet e veriut .

Temperaturat: Tivar, H. Novi, Budvë, Kotorr e Ulqin 11 gradë, Podgoricë 10, Cetinë 5, Nikshiq 4, Plluzhinë 3, Shavnik 2, Beranë, B. Pole, Plavë e Plevle 1, Kollashin e Rozhaj 0 dhe në Zhablak -4 g.

Për nesër, në viset jugore, parashihet të mbajë mot kryesisht i kthjellët kurse, në veri, me vranësira të ndryshueshme dhe intervale me diell.

Do të fryjë erë e dobët deri mesatare, kryesisht, nga drejtimet veriore.

Temperatura e mëngjesit prej -10 deri në 4, kurse më e larta e ditës prej 0 deri në 14 g. C.

]]>
Lajmet http://www.rtcg.me/shqip/lajmet/225665/lajmet-26122018.html
Lajmet 25.12.2018 http://www.rtcg.me/shqip/lajmet/225548/lajmet-25122018.html 25.12.2018 ]]> Krerët shtetërorë të Malit të Zi urojnë me rastin e festë sës Kërshëndellave

Besimtarët katolik sot kremtojnë Festën e Krishtlindjeve, e cila ndryshe njihet edhe si ditëlindja e Krishtit.  Presidenti i Malit të Zi Millo Gjukanoviq ua ka uruar kërshëndellat arqipeshkvit të Tivarit Rrok Gjonlleshaj, ipeshkvit të Kotorrit Ilia Janiq dhe të gjithë qyetetarëve të fesë katolike në Malit të Zi me dëshirë që këto festa ti kalojnë në paqe, dashuri e mirëqenje, me familje dhe miqët e vetë. Edhe kryeministri Dushko Markoviq  u ka uruar Krishtëlindjen të gjithë klerikëve  të kishës katolike në Mal të Zi si dhe pjesëtarëve të konfesionit katolik. Ai ka theksuar se Mali i Zi është i vendosur me forcimin e dialogut për të gjitha çështjet të rëndësishme, përfshirë këtu edhe ato fetare të cilat do të sjellin një kohezion më të lartë shoqëror. Kryetari i Kuvendit Ivan Brajoviq me rastin e Krishtëlindjes në urimin dërguar arqipeshkvit të Tivarit Rrok Gjonlleshaj, Ipeshkvit të kotorrit Ilia Janiq dhe të gjithë besimtarëve katolikë ka theksuar se duke respektuar llojllojshmerinë tonë Mali i Zi dhe qytetarët e tij do të krijojnë kushte edhe më të mira për të gjithë banorët. Edhe ministri për të drejtat e njeriut dhe pakicave Mehmed Zenka u ka uruar festën e Krishtlindjes qytetarëve të cilët këtë festë e kremtojnë sipas kalendarit gregorian duke u dëshiruar shëndet, paqë dhe fat familjarë. Urime me rastin e festës së Kërshendalleva besimtarëve të besimit katolik u kanë uruar edhe kreretë e partive politike shqiptare, partive politike parlamentare në Mal të Zi si dhe kryetarët e komunave Ulqin dhe Tuz. Në Mesazhin e Krishtlindjes, kryeipeshkvi i Tivarit, imzot Rrok Gjonlleshaj me tjerash pohon se “dëftim i mrrekullueshëm i Krishtlindjes, të përshkojë deri në fund zemrën dhe jetën tonë të përditshme. Para Foshnjës së Betlehemi, nuk mund të themi kurrë se Hyji është larg prej nesh, ai i tregon njeriut dashurinë e tij të pakufishme. Dhe kur e kërkojmë, mos të harrojmë se vendi i parë  ku Ai banon – jemi ne”.  Me rastin e kërshendallve, edhe Redaksia në shqip e radios së Malit të Zi uron  gëzuar festën e Krishtlindjes. Paqa, dashuria, shëndeti e lumturia mbizotërofshin në familjet tuaja. Kërshendellat le të na përkujtojnë se jemi njerëz dhe duhet të jetojmë në bashkëjetesë, harmoni e mirëqenie dhe të jemi sa më afër pa dallime. Gëzuar dhe për shumë mot.

Papa Françesku bën thirrje për paqe në Siri dhe Jemen

Papa Françesku e ka shfrytëzuar mesazhin e tij për Krishtlindje për t’i bërë thirrje botës që të mënjanohen “interesat partiake” dhe të gjendet një zgjidhje për konfliktet në Siri, Jemen dhe vende tjera. Papa i ka bërë këto komente para dhjetëra mijëra personave në Sheshin Shën Pjetri në Vatikan. “Dëshira ime për Krishtlindje është që të ketë vllazëri. Vllazëri në mes të individëve të secilit komb dhe kulturë. Vllazëri mes njerëzve me ide dhe besime të ndryshme”, ka thënë ai. Përveç tjerash, ai ka bërë thirrje për paqe në Siri, Jemen, Afrikë, Gadishullin Korean, Ukrainë, Venezuelë dhe Nikaragua. Papa ka thënë edhe se shpreson në arritjen e një pajtueshmërie në mes të izraelitëve dhe palestinezëve. Ai ka thënë se shpreson që armëpushimi në Jemen do t’i japë fund luftës shkatërruese që ka lënë më shumë se 10,000 persona të vdekur nga viti 2015. Papa po ashtu ka bërë thirrje për një zgjidhje paqësore për Sirinë, pasi konflikti në këtë vend ka lënë të vdekur më shumë se 400,000 persona dhe ka detyruar miliona tjerë të zhvendosen nga shtëpitë e tyre nga viti 2011.

Evropa të mos e shikojë si rrezik popullin tim

Ipeshkvi i Ipeshkvisë së Kosovës, Imzot Dodë Gjergji, në mesazhin e tij për festën e Krishtlindjes, iu ka bërë thirrje popujve të Evropës të mos e shikojnë popullin e tij si rrezik, por si trashëgimi kulturore dhe shpirtërore të qytetërimit të vet. Ipeshkvi Dodë Gjergji, fton “popujt e rajonit që të mos thurin plane për të ardhmen duke na përjashtuar shqiptarët, por të përpiqen se bashku, të arrijmë paqen, të ardhmen ma të mirë dhe integrimin në familjen europiane”. Ipeshkvi i Kosovës i bën thirrje edhe popullit shqiptar që në asnjë rast, të mos e ndalë rrugëtimin e tij drejt së ardhmës, së bashku me popujt e Evropës dhe rajonit. "Ne, sot shpresojmë në drejtësi dhe barazi,në mesin e popujve. Mbi gjitha, popujt e Evropës, nuk duhet ta shohin popullin tim si rrezik, por si trashëgimi kulturore dhe shpirtërore të qytetërimit të vet” thuhet në mesazhin e Ipeshkvit të Ipeshkvisë së Kosovës, Dodë Gjergji. 

Senca e fundit në këtë vit do të fillojë nesër

Seanca e fundit e Parlamentit të Malit të Zi në këtë vit do të fillojë nesër dhe tema kryesore janë propozim ligji i buxhetit shtetëror për vitin e ardhshëm dhe ndryshimet e ligjit për punë të brendshme. Në rend të ditës janë ndryshimet e ligjit për të huajt, pastaj për mbrojtjen ndërkombëtare dhe ekonomike të huajve dhe për financimin e administratave lokale. Deputetet do të deklarohen për propozimet e planeve financiare së bashku me planet e punës për vitin 2019 të trupave të pavarur rregullator. Në rend të ditës të seancës së tetë të rregullt do të jenë edhe zgjedhjet dhe emërimet.

Të eliminohet korrupsioni, të forcohet sundimi i ligjit

Mali i Zi ka arsye të jetë krenar me të arriturat e veta në planin e integrimeve evropiane, por edhe për anëtarësimin në NATO, ka theksuar ambasadorja e SHBA në Podgoricë, Xhuli Rajzing Rajnke, në intervistën dhënë TVMZ. Ajo ka theksuar se SHBA duan ta përkrahin Malin e Zi edhe në reformat e ardhshme. Si sfida kryesore ambasadorja Rajnke ka theksuar forcimin e sundimit të ligjit, eliminimin e korrupsionit si dhe rezultatet në fushën e lirisë së mediave. "E përgëzoj Malin e Zi për hapjen e 32 prej 33 kapitujve në bisedimet në BE. Mendoj se kjo është dëshmi se Mali i Zi është i përkushtuar për BE  kurse SHBA  do ti përkrahin këto përpjekje", ka theksuar ajo. "Konsideroj se BE i ka identifikuar hapat e ardhshëm. Këto janë ballafaqimi me korrupsionin dhe eliminimin e tij, nëse është e mundur, forcimin e sundimit të ligjit dhe përfundimisht  ekziston dëshira që të vërehen rezultatet në fushën e lirisë së mediave. Mendoj se kjo është një fushë e rëndësishme", ka theksuar ambasadorja e SHBA. Mesazhi i saj është  se Mali i Zi dhe SHBA janë shtete mike, partner dhe aleatë. "Shpresoj se veprimtaria gjatë mandatit tim do të jetë në favor të kësaj dhe se këtë do ta demonstrojnë përmes akcioneve tona". 

Në QK të MZ aksceleratori i ri për radioterapi

Kryeministri i Malit të Zi Dushko Markoviq ka lëshuar sot në punë në Qendrën Klinike të Malit të Zi (QK e MZ) akceleratorin e ri linear me vlerë 2.6 milion euro i cili do të avancojë shërimin e pacientëve të cilëve u duhet radioterapija. Markoviq ka theksuar se Qeveria u është përkushtuar politikave të cilat duhet të sigurojnë se mbrojtja shëndetësore e pacientëve të jetë në nivelin e mbrojtjes shëndetësore e cila u afrohet qytetarëve në shtetet e zhvilluara evropiane. Duke theksuar se akceleratori i ri do të përparojë shërimin e pacientëve të cilëve u nevojitet radioterapija, Markoviq ka theksuar ky aparat dhe aparati ekzistues nga viti 2010 do tu sigurojnë pacientëve shërimin brenda afatit 30 ditorë. Ai ka paralajmëruar se Qeveria ka planifikuar edhe blerjen e një akcelaratorit linear në vitin e ardhshëm. Markoviq ka përkujtuar se Qeveria në vitin e kaluar për blerjen e paisjeve medicinale ka ndarë rreth 12 milion euro prej të cilave, për Qendrën Klinike janë caktuar gati 7 milion euro. Ai po ashtu ka theksuar se gjatë tetë viteve të kaluara shteti ka siguruar që 48 mijë qytetarë të shërohen jashtë Malit të Zi për ç'gjë janë ndarë 76.5 milion euro.

Gjukanoviq do të hap përmendoren e komitëve malazez

Presidenti i Malit të Zi Millo Gjukanoviq do të hap nesër në sheshin "Sava Kovaçeviq" në Nikshiq përmendoren kushtuar të gjithë komitëve malazez prej vitit 1916 deri në vitin 1929 të cilët kanë luftuar për të drejtë, nderë dhe lirinë e Malit të Zi. Në solemnitet do të flas edhe kryetari i Shoqatës së luftëtarëve të LNÇ-së të Nikshiqit, Sllobodan Mirjaçiq. Përveç Gjukanoviqit, përmendorën solemnisht do ta zbulojë edhe kryetari i Komunës së Nikshiqit, Veselin Grboviq. Kjo përmendore është vepër e skulptorit akademik Sreten Millatoviq dhe është kombinim i gurit të bardhë autokton nga Nikshiqi dhe i qelqit. 

Servisit publik më së tepërmit i besojnë 22.5 për qind të qytetarëve

Në Mal të Zi, 22.5 % të qytetarëve më së tepërmi i besojnë servisit publik, ka treguar sondazhi më i ri të cilin për nevojat e RTMZ e ka realizuar, "Ipsos Strategik marketing". Hulumtimi i opinionit publik është realizuar prej nëntorit deri me 9 dhjetor në mostrën prej 1018 të anketuarëve. Përfaqësuesi i Ipsos-it, Vllado Raiçeviq ka theksuar se një e katërta e të anketuarve i ka hetuar ndryshimet në servisin publik, kurse 85 % prej tyre konsiderojnë se këto ndryshime janë cilësore. Drejtori i përgjithshëm i RTMZ Bozhidar Shundiq ka theksuar se të dhënat e sondazhit janë tejet të rëndësishme për servisin publik  nacional. Ai po ashtu ka theksuar se janë identifikuar mangësitë në program  dhe se ky sondazh ka treguar se servisi publik tani gjendet në drejtim të duhur.

Nuk ka ardhmëri të Kosovës pa pajtimin e serbëve e shqiptarëve

Presidenti i Serbisë, Aleksandar Vuçiq, deklaroi se nuk ka të ardhme të Kosovës pa një marrëveshje të sinqertë ndërmjet serbëve dhe shqiptarëve. Ai në një intervistë për gazetën "Jedinstvo" me seli në Mitrovicën e Veriut, tha se në bisedimet me shqiptarët detyrë e tij është të përpiqet të gjejë një kompromis. Vuçiq, tha se situata e serbëve në Kosovë po përkeqësohet, sepse Prishtina sipas gjitha gjasave deri në vitin e ri nuk do ta heq tarifën për mallrat serbe. Duke folur për letrën që e ka dërguar presidenti i SHBA-së, Donald Trump, Vuçiq tha se përmes saj, presidenti Trump, ka shfaqur dëshirën që problemi mes Prishtinës dhe Beogradit të zgjidhet. Sipas tij, presidenti amerikan, për herë të parë ka përmendur se po shikohet drejt një zgjidhje kompromisi. Vuçiq tha se e vetmja pjesë në letër për të cilën ai mendon se nuk është e vertetë, është pjesa ku thuhet se Prishtina dhe Beogradi janë afër një marrëveshje.

S’ka dialog pa heqjen e taksës nga Prishtina 

Kryeministrja e Serbisë, Ana Bërnabiq, ka thënë se Beogradi është i gatshëm të vazhdojë dialogun me Prishtinën, atëherë kur taksa të hiqet. Siç thotë ajo, kjo taksë e ka kthyer të gjithë rajonin 50 hapa prapa. Në një intervistë për Televizionin Publik të Serbisë, Bërnabiq, ka thënë se, “ne kemi nevojë për paqe dhe stabilitet. Parakushti për çdo përparim ekonomik është paqja dhe stabiliteti rajonal”. Shefja e qeverisë serbe thotë se pajtohet me deklaratën e ministrit të Jashtëm, Ivica Daçiq që KFOR-i duhet të na japë një manual “çfarë mund, ose çka nuk mund të bëjnë”, përcjell Telegrafi. Kur është fjala për letrën që presidenti Donald Trump, u dërgoi presidentit Hashim Thaçi dhe atij serb Aleksandar Vuçiq, Bërnabiq thotë se është e befasuar. “Letra është një thirrje për Prishtinën për të ndaluar provokimet. Siç tha presidenti, ne nuk do të kthehet në dialog, deri sa taksa është në fuqi”, tha Bërnabiq. 

Haradinaj thotë se taksa ndaj Serbisë do të vazhdojë

Kreu i Qeverisë së Kosovës, Ramush Haradinaj thotë se taksa ndaj produkteve serbe nuk do të largohet. Haradinaj, i është drejtuar kryeministres serbe, Ana Brnabiq, duke thënë se përderisa Serbia vazhdon të veprojë kundër Kosovës, taksa prej 100% ndaj produkteve serbe nuk do të largohet. Hardinaj ka theksuar se Brnabiq pa “marre” i kishe bërë thirrje Shqipërisë ta rishqyrtojë njohjen për Kosovën nëpërmjet një letre dërguar Serbisë, në një përpjekje për të shkaktuar përçarje mes Kosovës e Serbisë, transmeton Klan Kosova. “Sa i përket taksës është e drejtë e jona dhe e mbrojmë sigurinë tonë. Kryeministrja e Serbisë, Bërnabiq vazhdon me letra për qeveri të ndryshme dhe nuk i ka ardhë marrë të ja dërgojë një letër edhe kryeministrit të Shqipërisë, Edi Rama, për ta kërkuar tërheqjen e njohjes”, ka thënë Haradinaj. Haradinaj ka përsëritur disa herë se nuk do të tërheqë tarifën ndaj mallrave serbe dhe të Bosnjës derisa të ndodhë njohja e Kosovës. Heqjen e tarifës e kanë kërkuar zyrtarë të lartë të Bashkimit Evropian si dhe Serbia e cila ka vendosur të mos vazhdojë dialogun me Kosovën derisa të shfuqizohet kjo masë nga ana e autoriteteve në Prishtinë.

Pacolli mbështet Qeverinë për vazhdimin e masave ndaj Serbisë

Ministri i punëve të Jashtme të Kosovës Behxhet Pacolli u shpreh në mbështetje të vendimit të Qeverisë për masat, derisa Serbia vazhdon të urrejë Kosovën dhe popullin e saj. Reagimi i Pacollit ka ardhur pasi Kryeministri Ramush Haradinaj gjatë ditës së sotme e ka quajtur të turpshme kërkesën e Kryeministres serbe, Ana Brnabic drejtuar kryeministrit shqiptar Edi Rama, për tërheqjen e njohjes të Kosovës.

Dialogu dinamizohet në fillimvit

Fillimi i vitit që vjen pritet të karakterizohet me një dinamizëm të dukshëm të procesit të negociatave Kosovë – Serbi. Njohësit e çështjeve politike vlerësojnë se në fazën finale të bisedimeve mund të ketë përfshirje edhe të shteteve të fuqishme të botës, përkatësisht të SHBA-së dhe të Rusisë, shkruan sot gazeta “Zëri”. Kanë kaluar gati dy muaj prejse dy kryenegociatorët e dialogut mes dy vendeve, presidenti i Kosovës Hashim Thaçi dhe ai i Serbisë Aleksandar Vuçiq, nuk kanë zhvilluar takim në kuadër të fazës finale të këtij procesi. Pavarësisht kësaj, pala kosovare tashmë ka formuar ekipin negociator për dialog, të përbërë nga drejtues të partive të koalicionit qeverisës, të partisë opozitare PSD-së dhe nga përfaqësues të shoqërisë civile. Mirëpo pala serbe po vazhdon të këmbëngulë se nuk do ta vazhdojë këtë proces nëse nuk ka heqje të taksës 100% të vendosur ndaj produkteve serbe. Por pavarësisht këtyre, njohësit e këtij procesi vlerësojnë se javët në vijim, respektivisht fillimi i vitit që vjen, do të karakterizohet me një dinamizim të dukshëm të procesit të negociatave Kosovë – Serbi.

Presidentët Trump, Erdogan koordinojnë tërheqjen e trupave amerikane nga Siria

Presidenti amerikan, Donald Trump thotë se Turqia do të eliminojë pjesën e mbetur të Shtetit Islamik në Siri, pasi ushtria amerikane të tërheqë trupat e saj. Në një mesazh të Twitter,  Trump tha se Presidenti turk Recep Tayyip Erdogan "më ka pohuar me forcë se do të çrrënjosë atë që ka mbetur nga ISIS në Siri... ai është një njeri që mund ta bëjë këtë dhe përveç kësaj, Turqia është fare pranë”. "Trupat tona po kthehen në shtëpi!”, shtoi Trump. Më herët  Trump tha se dy udhëheqësit diskutuan për planin e tij të tërheqjes, në një telefonatë “të gjatë dhe produktive”.  Zyra e presidentit turk Erdogan, tha përmes një deklarate se ai dhe Trump kishin rënë dakord për të "siguruar koordinimin mes zyrtarëve ushtarakë, diplomatë dhe të tjerë të dy vendeve për të shmangur një hendek të mundshëm pushteti, që mund të pasonte shfrytëzimin e rastit pas tërheqjes dhe fazes së tranzicionit në Siri”.  Presidenti Trump ka deklaruar se Shteti Islamik është mposhtur dhe thotë se është koha që anëtarë të tjerë të koalicionit anti-islanmik të kontribuojnë në spastrimin e pjesëve të mbetura të tij. Por vendimi i tij për ikur nga Siria ka ngjallur reagime negative në Uashington, edhe brenda administratës së tij.

Turqia "e vendosur" për të depërtuar në Siri sa më parë që është e mundur

Turqia është e vendosur për të kaluar në lindje të Lumit Eufrat në veri në Sirisë, sa më parë që është e mundur, ka thënë ministri i Jashtëm turk, Mevlut Çavushoglu më 25 dhjetor, një ditë pasi Ankaraja ka dërguar trupa shtesë në kufi me Sirinë. “Nëse Turqia ka thënë se do të hyjë në Siri, ashtu do të jetë”, ka thënë Çavushoglu para gazetarëve. “Ne planifikojmë të hyjmë në zonën e Lumit Eufrat sa më parë që është e mundur”. Turqia ka thënë më herët gjatë këtij muaji se do të nisë një operacion të ri ushtarak në këtë zonë. Javën e kaluar, presidenti amerikan, Donald Trump ka njoftuar për tërheqje të trupave amerikane nga Siria, prandaj Turqia ka shtyrë fushatën derisa të përfundojë tërheqja e plotë e trupave të Shteteve të Bashkuara.

Së paku 43 të vrarë nga sulmi i militantëve në Kabul

Zyrtarët afgan thanë se së paku 43 persona janë vrarë pasi militantët sulmuan zyrat qeveritare në pjesën lindore të kryeqytetit Kabul. Militantët luftuan për orë të tëra me policinë. Ata fillimisht sulmuan hyrjen e kompleksit përmes një vetëvrasësi me bombë. Zëdhënësi i Ministrisë së Brendshme Nasrat Rahimi tha se rreth 350 punëtorë u shpëtuan pas një beteje tetë-orëshe me militantët. Ai tha se tre persona të armatosur u vranë nga forcat e sigurisë. Shefi Ekzekutiv, Abdullah Abdullah, fajësoi talibanët, duke thënë se "sjellja e tyre është një turp për vetë nocionin e paqes", duke iu referuar përpjekjeve të fundit për të negociuar me grupin militant. Presidenti, Ashraf Ghani, dënoi sulmin dhe vlerësoi forcat e sigurisë për "eliminimin e terroristëve". Askush ende nuk e ka marrë përgjegjësinë për sulmin, megjithëse për incidente të ngjashme në të kaluarën janë fajësuar në militantët talibanë apo shteti islamik (IS).

Nesër mot i ndryshueshëm

Sot në Mal të Zi mbajti mot kryesisht  me diell, kurse në veri me reshje të dobëta të borës. Frynë erë mesatare deri e fortë nga drejtimet veriore.

Temperaturat në orën 14 u shënuan: në Budvë 11 gradë, Ulqin e Herceg Novi 10, Tivar 9, Pogoricë 7, Cetinë 4, Nikshiq 2, Bijello Pole e Beranë 1, Plevle  -1, Kollashin e Rozhaj -2 dhe në Zhablak -7 gradë.

Për nesër në viset qëndrore dhe jugore parashihet të mbajë mot kryesisht me diell, kurse në veri i vranët dhe vende vende me reshje të dobëta të borës. Do të fryjë erë mesatare deri e fortë nga drejtimet e veriut. Temperatura e mëngjesit  do të jetë prej -7 deri në 5, kurse më e larta e ditës prej -3 deri në 13 gradë celsius.

]]>
Lajmet http://www.rtcg.me/shqip/lajmet/225548/lajmet-25122018.html
Lajmet 24.12.2018 http://www.rtcg.me/shqip/lajmet/225428/lajmet-24122018.html 24.12.2018 ]]> Presidenti i Malit të Zi Millo Gjukanoviq ua ka uruar kërshëndellat arqipeshkvit të Tivarit Rrok Gjonllesha ipeshkvit të Kortorrit Ilia Janiq dhe të gjithë qyetetarëve të fesë katolike në Malit të Zi

Presidenti i Malit të Zi Millo Gjukanoviq ua ka uruar kërshëndellat arqipeshkvit të Tivarit Rrok Gjonlleshaj, ipeshkvit të Kotorrit Ilia Janiq dhe të gjithë qyetetarëve të fesë katolike në Malit të Zi me dëshirë që këto festa ti kalojnë në paqë, dashuri e mirëqenje, me familje dhe miqët e vetë. Me arsye jemi krenar  për harmoninë shumë etnike dhe shumë konfensionale në Mal të Zi dhe në këtë drejtim gëzojmë urimet e botës së zhvilluar bashkëkohore , thuhet në urimin e presidentit Gjukanoviq. Edhe kryeministri Dushko Markoviq  u ka uruar Krishtëlindjen të gjithë klerikëve  të kishës katolike në Mal të Zi si dhe pjesëtarëve të konferesionit katolik. Ai ka theksuar se Mali i Zi është i vendosur me forcimin e dialogut për të gjitha çështjet të rëndësishme, përfshirë këtu edhe ato fetare të cilat do të sjellin një kohezion më të lartë shoqëror. Kryetari i Kuvendit Ivan Brajkoviq me rastin e Krishtëlindjes në urimin dërguar arqipeshkvit të Tivarit Rrok Gjonlleshaj, Ipeshkvit të Tivarit Ilia Janiq dhe të gjithë besimtarëve katolikë ka theksuar se duke respektuar llojllojshmerinë tonë Mali i Zi dhe qytetarët e tij do të krijojnë kushte edhe më të mira për të gjithë banorët. Edhe ministri për të drejtat e njeriut dhe pakicave Mehmed Zenka u ka uruar festën e Krishtlindjes qytetarëve të cilët këtë festë e kremtojnë sipas kalendarit gregorian duke u dëshiruar shëndet, paqë dhe fat familjarë. Ai urimin u ka dërëguar arqipeshkvit të Tivarit Rrok Gjonlleshaj, ipeshkvit të Kotorrit Ilija Janiq dhe të gjithë qytetarëve të konfesionit katolik.

Sot mbahet mbledhja e kolegiumit

Sot do të mbahet mbledhja e kolegiumit për bisedimet mbi asocimin e Malit të Zi me BE të cilën e kryeson kryeministri Dushko Markovbiq. Siç është paralajmëruar, anëtarët e kolegiumit  do të shqyrtojnë situatën aktuale dhe dinamikën e obligimeve në kapitujt 23 dhe 24 si dhe realizimin e aktiviteteve drejtë arritjes së gatishmerisë për mbylljen e 6 kapitujve tjrë negocues. Temë e takimit do të jetë edhe realizimi i obligimeve që dalin nga programi i asocimit të Malit të Zi me BE në vitin 2018 dhe përgatitja e programit të asocimit për peridudhën 2019-2020.

Vukoviq - Udhëheqja e kryeqytetit do të bëjë ç'është e mundur që të përkah aktivitetet e rregullta të diasporës

Udhëheqja e kryeqytetit do të bëjë ç'është e mundur që të përkah aktivitetet e rregullta të diasporës me qëllim të zhvillimit të Gucisë, Plavës dhe Malit të Zi në tërësi, ka theksuar kryebashkiaku Ivan Vukoviq në mbrëmjen e 12 tradicionale të donatorëve "fodnacioni Gucia"  e cila është mbajtur në Nju Jork. Ai ka kumtuar se është privilegjë dhe detyrë që të jeshë në krye të kryqytetit të shtetit në të cilin jerëzit që jetojnë shumë largë tij dhe janë të ndryshëm sa i përket identitetit fetarë dhe kombëtarë  por e duan shumë dhe  ka shtuar se për këtë është krenar. Vukoviq ka shtuar gjithashtu se kryeqyteti do të jetë partner i qeverisë së Malit të Zi në planin e realizimit të projekteve kapitale, në radhë të parë në përfundimin e rrugës e cila defintivisht  do ta lidhë Podgoricën me Gucinë gjë që e kanë ëndërruar gjenerata të tëra. Pres që brenda një viti të kemi një lidhje cilësore rrugore ndërmjet Gucisë dhe kryeqytetit të Malit të Zi, ka theksuar mes tjerash Vukoviq.

Instituti për media ka prezantuar sot video fushatën

Instituti për media ka prezantuar sot video fushatën, me të cilën, gjatë dy muajve të ardhshëm do të promovojë kodeksin e gazetarëve dhe do ti informojë qytetarët për të drejtën e tyre që të kërkojnë gazetari etike. Autori  i fushatës viziuele  e cila përbëhet nga 7 klipe është regjisori i njohur Danillo Marunoviq. Fushatën të cilën e kemi filluar sot u është dedikuar qytetarëve me qëllim që ata të shohin se çfarë gazetarie kërkojnë nga ne , ka theksuar Olivera Nikoliq ushrues e detyrës së drejtorit të Institutit për media të Malit të Zi. Ajo ka theksuar se për këtë fushatë kanë zgjedhur disa nene të kodeksit të gazetarëve tek të cilët janë vërejtur mangësi  dhe sfida dhe se bëhen shkelje të tyre

Në të gjitha shtëpit e shëndetit prej fillimit të vitit të ardhshëm do të futen analizat laboraorike elektronike

Në të gjitha shtëpit e shëndetit prej fillimit të vitit të ardhshëm do të futen analizat laboraorike elektronike Kjo do të thotë se edhe rezultatet automatikisht do të dërgohen në karton shëndetësor tek mjeku i zgjedhur por edhe pacientit drejtë për drejtë i cili do të mund ti shoh në telefonin celularë ose në kompjuter. Nga fondi për sigurimin shëdnetësor kanë deklaruar për  ,,Vjesti ,, se deri tani përveç laboratorit të shtëpisë së shëndetit në Podgoricë janë futur në sistem  edhe laboratorët e shtëpive të shëndetit në Danillovgrad, Budevë , Tivat Ulqin, Rozhajë, Kollashin e Andrievicë. Shtëpia e shëndetit në Plavë do të futet në sistem me 26 dhjetor ndërsa shtëpia e shëndetit në Mojkovc me 28 dhjetor.

Qeveria miraton Projektligjin për dialogun me Serbinë

Qeveria e Kosovës ka miratuar sot Projektligjin për detyrat, përgjegjësitë dhe kompetencat e Delegacionit Shtetëror të Republikës së Kosovës në procesin e dialogut me Republikën e Serbisë. Kryeministri i Kosovës, Ramush Haradinaj, tha se ky Projektligj në një afat të shkurtër do t’i dërgohet Kuvendit për shqyrtimin dhe miratim.“Me anë të ligjit do të përcaktohet hierarkia institucionale dhe procedura vendimmarrëse në procesin e dialogut me Republikën e Serbisë”, tha Haradinaj gjatë mbledhjes së Qeverisë së Kosovës.“Po ashtu, ligji rregullon funksionimin e Delegacionit Shtetëror të Republikës së Kosovës për Dialogun me Serbinë duke përcaktuar strukturën organizative, veprimtarinë, kompetencat dhe përgjegjësitë e Delegacionit Shtetëror. Mes tjerash, ligji definon qartë edhe ndërlidhjen që Delegacioni Shtetëror mbanë me institucionet tjera kushtetuese të Republikës së Kosovës”, tha Haradinaj.

AMBASADA E SHBA-SË: OPOZITA TË PËRFSHIHET NË DIALOG

Ambasada e SHBA-së në Prishtinë po u kërkon dy partive opozitare, LDK-së dhe LVV-së, të përfshihen në dialogun me Serbinë.Kjo përfaqësi diplomatike e shtetit më të fuqishëm në botë ka deklaruar për gazetën “Zëri” se nuk është koha që opozita të qëndrojë anash këtij procesi e as të krijojë pengesa drejt zgjidhjes gjithëpërfshirëse, shkruan kjo gazetë.Shtetet e Bashkuara të Amerikës (SHBA) po u kërkojnë dy partive opozitare, LDK-së dhe LVV-së, që të përfshihen në procesin e dialogut me Serbinë, duke theksuar se nuk është koha të qëndrohet anash procesit e as për të krijuar pengesa në zgjidhjen gjithëpërfshirëse. Në një përgjigje për gazetën zyrtarë të Ambasadës së SHBA-së në Prishtinë thuhet se janë të inkurajuar që të shohin angazhim më të gjerë politik lidhur me dialogun me Serbinë. Siç thotë presidenti Trump në letrën e tij, “Kosova duhet të shfrytëzojë këtë moment unik dhe të flasë me një zë të unifikuar”, thuhet në përgjigjen e tyre për këtë të përditshme.Ndër të tjera në këtë përgjigje theksohet se nuk është koha që të krijohen pengesa për dialogun me Serbinë. “Tani nuk është koha për të qëndruar anash e as për të krijuar pengesa ndaj zgjidhjes gjithëpërfshirëse”, thuhet më tutje aty.Përndryshe, Kuvendi i Kosovës ditë më parë ka votuar një rezolutë për dialogun me Serbinë, përmes së cilës caktohet edhe ekipi shtetëror për dialogun e të cilin do ta bashkëdrejtojnë kreu i PSD-së, Shpend Ahmeti dhe ai i Nismës, Fatmir Limaj.

Reynders- Liberalizimi i vizave për Kosovën aktualisht nuk është në rend dite

Ministri i Punëve të Jashtme i Belgjikës, Didier Reynders ka komentuar se kur mund të ndodhë votimi për liberalizimin e vizave për Kosovën. Ai iu përgjigj interesimit të deputetes belge, Gwenaëlle Grovonius duke thënë se: “Aktualisht nuk është në rend dite asnjë votim në nivel të Këshillit pasi që asnjë shumicë e kualifikuar vendesh ende nuk e ka sqaruar tërësisht këtë çështje. Gjasat që ky votim të ndodhë para vitit 2019 janë shumë të vogla”, ka thënë ai, transmeton lajmi.net. Reynders ka folur edhe për qëndrimin e Belgjikës lidhur me liberalizimin e vizave për qytetarët e Kosovës. “Belgjika tashmë në forume të ndryshme e ka mbështetur politikisht liberalizimin e vizave për Kosovën pasi, nga njëra anë, fjala është për shtetin e fundit të Ballkanit pa të drejtë lëvizjeje të lirë, e nga ana tjetër liberalizimi është objektiv i rëndësishëm për këtë vend e popullin e tij, por duke mos harruar se ky objektiv është po ashtu edhe pjesë e kuadrit të përgjithshëm të politikës evropiane në Ballkan. Kjo me kushtin që të përmbushen kriteret e përcaktuara me udhërrëfyesin ”, përfundoi ai.

Xhafer Tahiri,  ekipi negociator për dialogun me Serbinë nuk ka legjitimitet

Anëtari i Këshillit të Përgjithshëm të Lidhjes Demokratike të Kosovës (LDK), njëherësh kryetar i Komunës së Vushtrrisë, Xhafer Tahiri, ka vlerësuar se ekipi negociator për dialogun me Serbinë nuk ka legjitimitet dhe mbështetje qytetare.Në këtë intervistë dhënë për gazetën “Epoka e re”, ai ka thënë se ky ekip nuk ka kapacitet për t’i sjellë Kosovës marrëveshje të dobishme. Tahiri ka theksuar se partitë aktuale nuk kanë mandat dhe legjitimitet demokratik për ta përfunduar me sukses procesin e dialogut. Ai ka thënë se për t’u arritur një zë unik karshi dialogut siç po kërkon ShBA-ja,partitë politike duhet të kthehen te sovrani për ta marrë mbështetjen e qytetarëve. Tahiri ka theksuar se pa LDK-në nuk mund të merren vendime të mëdha për Kosovën. Në këtë intervistë, Tahiri ka folur edhe për qeverisjen e tij në Komunën e Vushtrrisë. Ai ka vlerësuar se ka qenë një vit i mirë për qytetin e Vushtrrisë, me lajme të rëndësishme sa i përket zhvillimit ekonomik, por edhe me një investim të shtuar në arsim, shëndetësi dhe infrastrukturë.

VIDEO-PRESIDENTI THAÇI PROPOZON RRITJEN E PAGAVE PËR USHTARËT E FSK-S

Presidenti i Republikës së Kosovës, Hashim Thaçi, tha se për ushtrinë e Kosovës ka një unanimitet të plotë në Kosovë. “Tani kemi themeluar ushtrinë e Kosovës, tani të gjithë jemi për ushtrinë e Kosovës dhe për këtë ka një unanimitet të plotë në Kosovë, të zhvillimit të saj, të punës së mbar të saj, të realizimit të qëllimit dhe të misionit të saj. Unë si president i Kosovës dhe komandant suprem i FSK-së, kam vendosur t'i propozoj qeverisë së Kosovës, rritjen e pagave për Ushtarët e FSK-së”, tha  Presidenti i Republikës së Kosovës, Hashim Thaçi pas drekës që pati me ushtarët e Forcës së Sigurisë së Kosovës, raporton RTK live. Sipas tij me rritjen e pagave ushtarët e FSK-së do të kenë arritje dhe jetë më të mirë. “Unë shpresoj që qeveria të rritë pagat në mënyrë solide. Të gjithë duhet të jemi mobilizuar për këtë”, tha ai.

TË KRISHTERËT SHËNOJNË FESTËN E KRISHTLINDJEVE

Besimtarët e krishterë, sot kremtojnë Festën e Krishtlindjeve, e cila ndryshe njihet edhe si ditëlindja e Krishtit. Për nder të kësaj feste, Ipeshkvia e Kosovës organizon aktivitetet e përhershme.  Në Katedralen “Shën Nënë Tereza”, në ora 18:00 bëhet pritja solemne, ndërsa në ora 23:30 mbahet Koncerti i Krishtlindjeve nga fëmijët e Famullisë së Prishtinës dhe nga ora 24:00 fillon mesha solemne. Mesha dhe ceremoni festive do të ketë edhe në Ditën e Krishtlindjeve, më 25 dhjetor. Krishtlindjet janë një nga kremtet më të rëndësishme në kalendarin festave të krishtera. Rëndësia e ditës së Krishtlindjes nisi të rritet dalëngadalë pas kurorëzimit të Karlit të Madh në vitin 800, ditën e Krishtlindjes. 

“Nënshkruhet” urdhri për tërheqjen e trupave amerikane nga Siria

Pentagoni ka thënë se është nënshkruar urdhri për tërheqjen e trupave amerikane nga Siria, pas njoftimit të presidentit amerikan, Donald Trump më 19 dhjetor për tërheqje të plotë, kanë raportuar mediat amerikane. “Urdhri ekzekutiv për Sirinë është nënshkruar”, është cituar të ketë thënë dje një zëdhënës i ushtrisë amerikane, ka raportuar agjencia e lajmeve, AP. CNN ndërkohë ka thënë se një zyrtar i Mbrojtjes ka konfirmuar se urdhri është nënshkruar dhe është cituar të ketë thënë se Sekretari amerikan i Mbrojtjes, nëshkuarje tashmë, James Mattis ka vënë nënshkrimin në këtë urdhër. Presidenti Trump ka deklaruar më 19 dhjetor fitore kundër grupit militant, Shteti Islamik (IS) në Siri dhe ka bërë njoftimin e papritur për tërheqje të plotë të trupave prej vendit të shkatërruar nga lufta. Trump ka pranuar kritika nga ligjëvënësit demokratë si dhe ata republikanë, duke përfshirë edhe ish-liderë qeveritarë dhe aleatë ndërkombëtarë, për atë që është cilësuar si tërheqje e parakohshme e forcave amerikane nga Siria. Në këtë vend forcat amerikane kanë mbështetur sirianët arabë dhe ata kurdë në luftën kundër IS-it nga viti 2015. Shumë kundërshtarë kanë thënë se tërheqja e shpejtë e trupave të SHBA-së, do të përbënte tradhti për aleatët kurdë, të cilët mund të rrezikohen nga forcat turke. Kjo pasi Ankaraja akuzon kurdët në Siri se kanë lidhje me Lëvizjen kurde që realizon kryengritje në Turqi. Madje për disa kritikë, tërheqja amerikane mund të konsiderohet edhe fitore për Iranin dhe Rusinë që janë aktive në këtë shtet. Ndërkohë disa nga aleatët më të ngushtë të Trumpit kanë tentuar edhe publikisht ta bindin presidentin amerikan për të tërhequr vendimin e tij për Sirinë.

Rritet numri i viktimave nga cunami në Indonezi

Numri i viktimave nga cunami në Indonezi ka arritur në 373 përderisa 1400 persona janë plagosur, ka njoftuar Agjencia Kombëtare për fatkeqësi natyrore. Punëtorët e shpëtimin po kërkojnë për të mbijetuarit, pasi 128 prej tyre ende po mungojnë pas cunamit që goditi Sumatrën jugore dhe Javën perendimore, të shtunën. Zëdhënësi i agjencisë, Sutopo Purëo Nugroho tha se “dyshohet se disa viktima janë ende nën rrënojat e ndërtesave të shkatërruara nga cunami”. Presidenti i Indonezisë, Joko Widodo, urdhëroi agjencitë qeveritare të reagonin shpejt pasi qindra shtëpi, hotele dhe ndërtesa tjera u goditën nga vala masive. Më shumë se 11 mijë e 600 njerëz u zhvendosën nga cunami, për të cilin ekspertët thonë se mund të jetë shkaktuar nga rrëshqitjet e dheut pas shpërthimeve të vullkanit malor në Anak Krakatau në ngushticën Sunda misi Javar dhe Sumatras. Përpjekjet e shpëtimit pritet të zgjasin të paktën një javë, thanë zyrtarët.

]]>
Lajmet http://www.rtcg.me/shqip/lajmet/225428/lajmet-24122018.html
Lajmet 21.12.2018 http://www.rtcg.me/shqip/lajmet/225138/lajmet-21122018.html 21.12.2018 ]]> Vit i rritjes dinamike ekonomike

Kryeministri i Malit të Zi, Dushko Markoviq, ka vlerësuar se viti 2018 ka qenë vit i afirmimit të fuqishëm ndërkombëtarë të Malit të Zi, i zhvillimit dinamik ekonomik, vit i stabilizimit dhe i rrethanave të përgjithëshme shoqërore. Markoviq, në pritjen tradicionale të Vitit të Ri për përfaqësuesit e lartë të pushtetit ligjëdhënës, ekzekutiv dhe gjyqësorë, pastaj të jetës politike, afariste, kulturore dhe publike dhe të korit diplomatik, ka theksuar se Mali i Zi si anëtar fuqiplotë i NATO-s edhe gjatë këtij viti e ka vërtetuar aftësinë që me partnerët të marrë përgjegjësinë duke i kontribuar paqës dhe stabilitetit. Kryeministri ka theksuar se sot më heret është publikuar e dhëna se ekonomia malazeze në 4 mujorin e tretë është rritur 5 për qind. Kjo është shkalla e tretë më e lartë e rritjes ekonomike në Evropë, ka theksuar kryeministri. Qeveria, pohon Markoviq, ka shënuar rezultate impresive. "Janë realizuar 200 milion euro të ardhura më tepër se në vitin 2017, është përgjysmuar deficiti, janë ndarë dukshëm më tepër mjete për arsim, shëndetësi, shkencë dhe bujqësi", ka theksuar Markoviq.

Bujqësia shans për viznes të sukesshëm

Rezultatet në fushën e bujqësisë janë vërtetim se në këtë sektor gjithnjë e më tepër identifikohet shansi afarist dhe mundësia e biznesit të sukesshëm, ka vlerësuar nënkryetari i Qeverisë e Ministër i bujqësisë, Millutin Simoviq. Simoviq këtë e ka theksuar në hapjen e panairit të V-të të Vitit të Ri, të prodhimeve vendore. Simoviq ka theksuar se rezultatet e arritura i vërtetojnë edhe ngjarjet e tilla me të cilat promovohen prodhuesit vendor dhe prodhimet e tyre, siç është panairi në Nikshiq, dhe i cili çdo vit e më tepër tubon ekspozues të shumtë. Nënkryetari i Qeverisë është shprehur i kënaqur edhe me rastin që prodhuesve tu drejtohet në Nikshiq, sepse ky, siç ka theksuar, është qytet i punëtorve të mirë, ndërmarrësve të përgjegjshëm dhe qytet i administratës së përgjegjëshme lokale. Ai pjesëmarrsëve të panairit u ka uruar realizimin e qëllimeve, që në panair të kenë prezantim të sukesshëm, që blerësit të identifikojnë prodhimet autoktone, të sigurta dhe cilësore. Në periudhën e ardhshme, siç ka theksuar, do të vazhdojë praktika e punës së përbashkët e partneritetit në teren.

 

Seanca e fundit me 26 dhjetor

Seanca e fundit e Parlamentit në këtë vit do të fillojë me 26 dhjetor, kurse tema kryesore janë Propozim ligji i buxhetit të Malit të Zi për vitin e ardhshëm dhe ndryshimet e Ligjit për punë të brendshme. Në rend të ditës janë ndryshimet e ligjit për të huajt, mbrojtjen ndërkombëtare dhe të përkohshme të huajve dhe ligji për finansimin e administratave lokale. Deputetët do të deklarohen për propozimet e planeve financiare me planet e punës për vitin 2019, për trupat e pavarur rregullator - të Agjencisë rregullator për energjetikë, Komisionin për tregun e kapitalit dhe për Agjencinë për komunikime elektronike dhe veprimtarinë postare etj. Në rend të ditës të seancës së VIII-të të rregullt do të jenë edhe zgjedhjet dhe emërimet.

Do ta vazhdojmë punën edhe pa pjesëmarrjen e të gjitha partive

Kryetari i Këshillit për reformën e mëtejme zgjedhore dhe të legjislaturës tjetër, Branimir Gvozdenoviq, i ka ftuar të gjitha partitë parlamentare që të marrin pjesë aktive dhe konstruktive në punën e këtij trupi. Ai ka theksuar se edhe nëse të gjitha partitë nuk i përgjigjen ftesë së tij, Këshilli do të vazhdojë punën. Gvozdenoviq ka theksuar se duhet vazhduar dialogu në Këshillë, sepse ky trup punues ka një planë ambicioz të punës të rëndësishme për rrugën e mëtejme evropiane të Malit të Zi. Ai i ka ftuar të gjitha partitë parlamentare për pjesëmarrje aktive dhe konstruktive në punën e Këshillit dhe të fokusohen në detyrat e tijë mjaft të rëndësishme. Nëse nuk përgjigjen të gjitha partitë parlamentare ne, si pjesëmarrës të përgjegjshëm në skenën politike dhe duke parë interesin e Malit të Zi dhe të gjithë qytetarëve, ne do të vazhdojmë punën, ka theksuar Gvozdenoviq. Ai ka shtuar se janë zgjedhur anëtarët e Sekretaritat të Këshillit me të cilët ka zhvilluar bisedimet në javën e kaluar.

 

Nënshkrhet Memorandumi për bashkëpunim midis ASH dhe LDSH

Sot në Tuz, u nënshkrua marrëveshja e koalicionit mes dy subjekteve politike nacionale, Alternativës Shqiptare (ASH) dhe Lidhjes Demokratike Shqiptare (LDSH), të cilat marrëveshjen e tillë e kishin paralajmëruar. Marrëveshjen e nënshkruan kryetarët e këtyre dy partive politike, Nikë Gjeloshaj (ASH) dhe Nikollë Camaj (LDSH). Ata, me këtë rast, duke u shprehur të kënaqur për marrëveshjen e arritur, paralajmëruan se koalicioni do të mbaj emrin- Forumi Shqiptar, që do të unifikojë veprimtarinë politike shqiptare, siç pohuan ata, së pari në Tuz, e pastaj edhe në nivel të shtetit të Malit të Zi. Memorandumi i nënshkruar për bashkëpunim, mbetet i hapur edhe për parti e subjekte tjera, por në bazë të interesit të paraqitur fillimisht, u arrit marrëvedhja që në këtë bashkëveprim, të hyjnë Alternativa Shqiptare dhe Lidhja Demokratike Shqiptare. Në pyetjen tonë se a kishte bisedime paraprake tre-palëshe apo më tepër për formimin e një koalicioni më të gjerë parazgjedhor për zgjedhjet e ardhshme vendore në komunën e Tuzit që do të mbahen më 3 mars, përfaqësuesit e koalicionit të sapoformuar, pohuan se kanë pas bisedime edhe me UDSH, por ende janë në pritje të qendrimit zyrtar të organeve partiake. Të rikujtojmë se me Memorandumin e nënshkruar, është paraparë që programi politik i Forumit Shqiptar, të jetë unifikim i programeve të partive nacionale, pjesë e këtij Forumit, me një strategji afatgjate dhe objektiva të mirë-përcaktuara, që kanë qëllim zvogëlimin e numrit të subjekteve shqiptare.

Përgatiti, Gjokë Dukaj, gazetar i RTMZ

 

Do të vazhdojë përkrahja për kapacitetet mbrojtëse e malazeze

SHBA do të vazhdojnë të përkrahin zhvillimin e mëtejmë të kapaciteteve mbrojtese të Malit të Zi, ka theksuar ambasadorja e sapoemëruar amerikane në Mal të Zi, Xhudi Rajzing Rajnke. Ministri i mbrojtjes Predrag Boshkoviq është takuar sot me ambasadoren Rajnke e cila qëndroi për vizitë në Ministrinë e mbrojtjes. Boshkoviq i ka uruar ambasadores mandat të suksesshëm në Mal të Zi, duke shprehur besimin se bashkëpunimi i mirë ndërmjet Ministrisë së mbrojtjes dhe ambasadës së SHBA do të vazhdojë zhvillimin në kënaqësi të dyanëshme. Boshkoviq është falenderuar në përkrahjen e vazhdueshme të SHBA ndaj Ministrisë së mbrojtjes të Malit të Zi në procesin e integrimeve euroatlantike. Rajnke, siç theksohet, ka shprehur kënaqësinë me bashkëpunimin aktual në nivelin e mbrojtjes ndërmjet dy vendeve duke theksuar gatishmërinë dhe përkushtimin se ky bashkëpunim do të përparohet edhe më tepër. Ajo ka shprehur kënaqësinë edhe për fatin se Mali i Zi është lider rajonal në fushën e integrimeve evropiane dhe euroatlantike dhe është shprehur se pret që Mali i Zi të vazhdojë realizmin adekuat të reformave të cilat parashihen me agjendën e BE.

 

Zgjerimi është në interes të Malit të Zi dhe në BE

Mali i Zi do të vazhdojë që me përkushtim të punojë në zbatimin e reformave me qëllim që në vitin e ardhshëm të hap edhe kapitullin e fundit negociues dhe të ketë rastin që përkohësisht disa prej kapitujve ti mbyll, ka theksuar bashkëbiseduesi kryesor Aleksandar Dërleviq. Ai ka biseduar me ambasadoren e Estonisë, Kristi Karellson, e cila ka theksuar se procesi i asocimit në BE është në interes të shtetit dhe të zhvillimit të tij, gjë që vërehet qartë në shembullin e Estonisë e cila i është bashkangjitur familjes evropiane në vitin 2004. Ajo i ka përshëndetur rezultatet e Malit të Zi në bisedime me BE duke shtuar se ky shtet në këtë proces përparon më shpejt nga vendet tjera të rajonit. Dërleviq ka prezantuar rezultatet duke theksuar se Mali i Zi në periudhën e ardhshme do të vazhdojë të punojë me përkushtim në zbatimin e reformave me qëllim që në vitin 2019 të hap edhe Kapitullin e fundit negociues dhe do të jetë në gjendje që përkohësisht ti mbyll disa kapituj. "Mali i Zi do të vazhdojë me plotësimin e detyrimeve të veta me qëllim të arritjes së cilësisë evropiane të jetës, kurse presim që BE të vazhdojë me përkrahje të njëjtë dhe partneritet ndaj Malit të Zi", ka theksuar ai.

 

Forcimi i bashkëpunimit në fushën e e-administratës dhe sajber sigurisë

Prioritetet e Ministrisë së adminisratës publike do të jetë organizata e re e administratës shtetërore, optimizimi i numrit të punësuarve dhe aktivtetet në digjitalizimin e shërbimeve publike, ka paralajmëruar Ministrija, Suzana Pribilloviq. Edhe ajo ka prit sot ambasadoren e sapo emëruar të Estonisë në Mal të Zi, Kristi Karellson, me të cilën ka biseduar për intensifikimin e bashkëpunimit nga fusha e e-administratës dhe sajber sigurisë. Pribilloviq ka njoftuar ambasadoren me aktivitetet në planin e reformimit të administratës publike gjatë dy viteve të kaluara me fokus të veçantë në rezultatet e administratës publike. Gjatë bisedimeve është vlerësuar se ekziston hapësirë e mjaftueshme për bashkëpunimin ndërmjet dy vendeve dhe për shkëmbimin e praktikave më të mira me qëllim të përparimit dhe forcimit të kapaciteteve për zbatimin e reformës së administratës publike.

 

Përkrahje Ekipit operativ për luftën kundër tregëtisë me njerëz

Kryeprokurori i shtetit Ivica Stankoviq dhe drejtori i drejtorisë së policisë, Veselin Veloviq presin se Ekipi operativ do të shënojë rezultate efikase në identifikimin e rasteve të tregëtisë me njerëz dhe së bashku me ta, veprat penale dhe procesuimin e tyre të sukseshëm. Stankoviq dhe Veloviq janë takuar sot me anëtarët e Ekipit operativ për luftën kundër tregëtisë me qeniet njerëzore të cilin e udhëheq shefja e prokururisë së lartë shtetërore në Podgoricë, Vesna Joviqeviq. Stankoviq dhe Veloviq e kanë vërtetuar bashkëpunimin cilësorë që zhvillohet ndërmjet Porkurorisë dhe Policisë në zbulimin dhe shëndritjen e formave më të rënda të kriminalitetit. Ata i kanë dhën përkrahje të plotë punës së Ekipit operativ për luftën kundër tregëtisë me njerëz. Këtë Ekip operativ e kanë themeluar Stankoviq dhe Veloviq në fillim të këtij muaji, kurse atë e udhëheq Prokurori dhe përbëhet nga përfaqësues të Ministrisë për Punë të Brendshme, të Drejtorisë së policisë, të Prokurorisë dhe të Ministrisë së drejtësisë.

Më tepër të papunësuar të moshësmbi 50 vjeçare

Në evidencën e Entit për punësim në fund të këtij viti gjenden 41.84 mijë të papunësuar prej të cilëve më tepër se gjysma janë gra, por është rritur edhe numri i personave të moshës mbi 50 vjeçare, ka kumtuar Drejtori i këtij institucioni, Sulo Mustafiq. Ai ka theksuar se në evidencën e Entit janë 10 mijë më pak të papunësuar krahasuar me vitin e kaluar, kurse shkalla e papunësisë është zbritur nga 22.09 për qind sa ishte në vitin e kaluar, në 18.03 për qind. Më tepër se gjysma janë të gjinisë femërore, respektivisht 58.49 për qind. "Është ulur pjesëmarrja e të rinjve deri në moshen 25 vjeçtare, por është rritur pjesëmarrja e të moshuarve mbi 50 vjeç", ka theksuar Mustafiq në konferencën vjetore për gazetarët. Ai ka shtuar se pa punë janë 8.83 mijë persona me shkollim të lartë në mesin e të cilëve 286 specialistë dhe magjistra dhe 15 doktora të shkencave.

 

Për bashkëfinancimin e 50 projekteve ndahen mbi 852 mijë euro

Ministrja e administratës publike, Suzana Pribilloviq ka nënshkruar sot me përfaqësuesit e OJQ-ve konratat për bashkëfinancimin e projekteve të UE për këtë vit, vlera e të cilave është mbi 852 mijë euro. Ministria e administratës publike, siç kanë theksuar, në bazë të konkursit publik për ndarjen e mjeteve për bashkëfinancimin e projekteve dhe programeve të OJQ-ve, të përkrahur nga Fondet e BE për këtë vit, ka përkrahur 50 projekte- programe, të cilat OJQ-të i realizojnë në fusha të ndryshme me interes publik në shumë të përgjithshme prej mbi 852 mijë eurosh. Në konkurs ishin paraqitur 71 OJQ. Pribilloviq ka theksuar se Qeveria e Malit të Zi i konsideron OJQ-të si partner të rëndësishëm në realizimin e reformave sfiduese në rrugën drejtë BE.

 

Çdo i katërti gazetarë ka qenë i përballuar me presione

Në Mal të Zi çdo i katërti gazetarë gjatë ushtrimit të detyrës ka qenë i përballur me presione ose shantazhe që të punojë ndryshe nga ajo që mendon se është e drejtë, kurse tri të katertet e tyre nuk kanë qenë të ballfaquar me këto presione, tregon sondazhi i agjencisë "Damar". Hulumtimi me titull ,"Perceptimi i qytetarëve dhe i gazetarëve", për mediat në Mal të Zi, ka treguar se pothuaj çdo i dyti i anketuar, i cili ka qenë i përballur me presione ose santazhe, është përgjigjur se këto presione kanë ardhur nga ata për të cilët kanë raportuar, kruse çdo i pesti i anketuar është përballur me presione nga redaktorët ose nga qendrat ekonomike dhe politike të forcës. Në sondazh i cili është zhvilluar në qershor kanë marr pjesë 1 mijë qytetarë të Malit të Zi të moshës mbi 18 vjeçare dhe 136 gazetarë - redaktorë në 11 redaksi të mediave të shkruara, elektronike dhe internet.

 

Aksident i tmerrshëm në Nish, 5 të vdekur e 26 të plagosur

Pesë të vdekur, mes tyre një fëmijë, dhe 26 të plagosur, është bilanci i një aksidenti të rëndë që ka ndodhur paraditen e së premtes në afërsi të qytetit të Nishit, në Serbi. Mediat serbe shkruajnë se aksidenti ka ndodhur në vendkalimin hekurdhor të Nishit, ku një autobus është përplasur me trenin. Të lënduarit janë marrë nga ekipi i Shërbimit të Emergjencave dhe janë transportuar deri në Qendrën Spitalore Klinike në Nish, ndërsa në radhët e tyre raportohet të jenë edhe disa fëmijë. Si pasojë e përplasjes me trenin, autobusi është ndarë në dy pjesë.

BE duhet t’i realizojë premtimet për Ballkanin përendimor

Komisionari për Zgjerim dhe Fqinjësi të Mirë i BE-së, Johannes Hahn ka përmendur vitin 2025 si shumë të rëndësishëm për kredibilitetin e perspektivës evropiane të Ballkanit Perëndimor. Integrimi i Ballkanit Perëndimor në BE është e vetmja mënyrë që paqja të mbizotërojë në regjion, ka thënë Komisionari për Zgjerim dhe Fqinjësi të BE-së, Johannes Hahn. “Duhet të promovojnë bashkëpunimin ekonomik dhe mbizotërimin e ligjit në Ballkanin Perëndimor në mënyrë që shtetet e atij regjioni të arrijnë në nivelin e BE-së dhe të ketë perspektivë reale për anëtarësim”, deklaroi Hahn gjatë një interviste me një të përditshme gjermane. Ai shtoi se nuk mund të përmendet një datë konkrete por viti 2025 është shumë i rëndësishëm për kredibilitetin e perspektivës evropiane të Ballkanit Perëndimor. Hahn theksoi se “Viti 2030 do të ishte shumë larg që shtetet kandidate të motivohen dhe përshpejtojnë përpjekjet e tyre”, megjithatë ai ka theksuar se një gjë është e qartë e ajo është ekzistimi i të drejtës ligjore dhe luftës kundër korrupsionit në Ballkan, transmeton lajmi.net. “Viti 2025 është ambicioz, por jo edhe synim jo real për integrim në BE të shteteve që kanë arritur më së tepërmi në këtë rrugë. Kjo do të thotë se bisedimet duhet të përfundohen deri më 2023. Po ashtu, bëhet fjalë për kredibilitetin e BE-së. Kur shtetet kandidate i përmbushin kërkesat e tyre, edhe ne duhet t’i përmbushim premtimet tona”, përfundoi ai.

LDK kundër ekipit negociator në dialogun me Serbinë, kërkon zgjedhje te reja

Shefi i Grupit Parlamentar në partinë Lidhja Demokratike e Kosovës, Avdullah Hoti, ka thënë sot në një konferencë për media se LDK nuk e pranon ftesën e Kryetarit të Kuvendit të Kosovës, Kadri Veseli njëherësh kryetarit të Partisë Demokratike të Kosovës, që LDK-ja të bëhet pjesë e grupit negociator në dialogun me Serbinë. Ai ka thënë se koalicioni qeveritar po mundohet “të arnohet” me votat e një partie politike opozitare. Me këtë ai i është referuar Partisë Sociademokrate, e cila sipas tij “votat i ka fituar nga një parti tjetër opozitare”. Përveç tjerash, ai ka thënë se legjitimiteti nuk fitohet me tryeza politike dhe se ftesa e Veselit është përpjekje për të fituar legjitimitetin e munguar të koalicionit mes partive qeverisëse, Partia Demokratike e Kosovës, Aleanca për Ardhmërinë e Kosovës, NISMA. Kryetari i Kuvendit të Kosovës Kadri Veseli, ka ftuar në një takim të përbashkët presidentin e Kosovës, Hashim Thaçi, kryeministrin e Kosovës, Ramush Haradinaj, ekipin negociator, si dhe përfaqësuesit e grupeve parlamentare nga partitë opozitare që nuk janë përfshirë në ekip, Lidhjen Demokratike të Kosovës dhe Lëvizjen Vetëvendosje. Hoti ka thënë se koalicioni qeveritar, duhet të pranojë se nuk ka fuqi politike për ta udhëhequr institucionet e një vendi. Sipas tij zgjidhja e duhur në këtë kohë është që të gjithë të takohen dhe të flasin për caktimin e një date për zgjedhjet e reja.

Nga e hëna nis peticioni për bashkimin e Mitrovicës

Kryetari i Mitrovicës, Agim Bahtiri, është duke mbajtur një tryezë të përbashkët me qytetarë me ç’rast do të iniciohen procedurat e peticionit për bashkimin e qytetit. Para qytetarëve, Bahtiri ka bërë thirrje që peticioni për bashkimin e Mitrovicës të përkrahet. “Sot ju kam ftuar që mbi bazën e demokracisë dhe funksionalizimit të vendit të bëjmë një peticion për të shfuqizuar vendimin e marrë nga Ministria e Administrimit të Pushtetit Lokal dhe të mundësojmë bashkimin e Mitrovicës”. Në ndërkohë, kryesuesi i Kuvendit Komunal të Mitrovicës, Jeton Ujkani ka bërë po ashtu thirrje që ky peticion të gjejë mbështetje. Edhe përfaqësuesit e fshatrave të Mitrovicës prezent në këtë tryezë u deklaruan pro përkrahjes së peticionit për bashkimin e qytetit. Peticionin për bashkimin e Mitrovicës do të nisë së nënshkruari nga dita e hënë.

Komandanti i NATO-s mbështet transformimin e FSK-së

Komandanti i Forcave të përbashkëta të NATO-s në Napoli, admiral James Foggo, gjatë takimit të djeshëm me ambasadorin e SHBA-së në Kosovë, Philip Kossnet, konfirmoi mbështetjen për Forcën e Sigurisë së Kosovës, njoftoi Ambasada amerikane në Kosovë. “Ambasadori Kosnet u takua me komandantin e forcave të përbashkëta të NATO-s në Napoli, admiralin James Foggo. Admirali konfirmoi mbështetjen e SHBA-së për FSK-në”, thuhet në njoftimin e postuar në Facebook nga ana e Ambasadës. Shtetet e Bashkuara e kanë mbështetur veprimin e Prishtinës për transformimin e Forcës së Sigurisë së Kosovës, përmes miratimit të ligjeve më 14 dhjetor. Kundër transformimit të FSK-së, ishte deklaruar sekretari i përgjithshëm i NATO-s, Jens Stoltenberg, ndërkaq Serbia pati thirrur mbledhje urgjente të Këshillit të Sigurimit.

 

Përmbyllet protesta e studentëve për sivjet

Studentët në Shqipëri kanë përmbyllur protestat e tyre për vitin 2018, për t’i vazhduar ato në janar të vitit të ardhshëm. Ky vendim i tyre vjen pasi që nga e hëna hapet zyrtarisht pushimi i festave të fundvitit në të gjitha Universitetet e Shqipërisë. Studentët janë zotuar që do t’i vazhdojnë këto protesta deri në plotësimin e kërkesave të tyre ekonomike dhe akademike drejtuar qeverisë dhe institucioneve arsimore të vendit. Prej më shumë se 2 javësh studentët kanë bojkotuar mësimin duke marshuar në sheshet dhe bulevardet e Tiranës por edhe në qytetet e tjera të mëdha të vendit. Qeveria e Shipërisë vazhdimisht ka bërë përpjekje për të hapur dialog me studentët, megjithëse ata refuzojnë dialogun dhe thonë se kushtet e tyre nuk janë për bisedime por vetëm plotësim, se protestat e tyre nuk kanë përfaqësi dhe se askush nuk mund të flasë në emër të protestës. Studentët i kanë 8 kërkesa për të lehtësuar studimet e tyre, që kanë të bëjnë me ulje të tarifave, përmirësim të cilësisë së arsimit dhe të kushteve të konvikteve ku ata jetojnë, pajisjen me kartën e studentit për lehtësira ekonomike dhe përfaqësimin e tyre në borde drejtuese e vendimmarrëse të universiteteve. Tarifat e shkollimit në universitetin shtetëror të Shqipërisë konsiderohen të jenë ndër më të lartat në rajon dhe Evropë, sa i përket shkollimit publik.

Kongresi miraton buxhetin vjetor të SHBA

Dhoma e Përfaqësuesve në Shtetet e Bashkuara të Amerikës, e miratoi buxhetin që përfshinë edhe fondet për ndërtimin e murit në kufi me Meksikën, kërkesë kjo e presidentit Donald Trump, mirëpo projektligji duket se nuk ka gjasa të kalojë në Senat, duke rritur rrezikun e mbylljes së qeverisë. Ligji i miratuar përshin fondin prej 5.7 miliardë dollarësh për ndërtimin e murin në kufirin me Meksikën. Përfaqësuesit demokrat kundërshtojnë fuqishëm ndërtimin e murit, dhe u zotuan se do të hedhin poshtë çdo projektligj në Senat, që e përfshin atë fond. Edhe pse demokratët përbëjnë pakicën në Senat, megjithatë kanë mjaft vota për të mposhtur ligjin. Presidenti Trump ka thënë se do të nënshkruajë vetëm një projekt-ligj që përfshin fonde për muret kufitare. Republikanët shtuan një paketë ndihme prej gati 8 miliard dollarë për stuhinë bregdetare dhe punën e rindërtimit të zjarreve në Kaliforni me shpresën për të fituar disa vota të demokratëve në Senat. Nëse Senati dhe Trump nuk mund të bien dakord për një buxhet deri në afatin e mesnatës më 21 dhjetor, kjo do të rezultojë në një mbyllje të pjesshme të qeverisë së SHBA.

 

SHBA "do të tërheqë 7,000 trupa" nga Afganistani

Administrata e presidentit amerikan, Donald Trump është duke planifikuar tërheqjen e mijëra trupave nga Afganistani, kanë raportuar mediat amerikane. Në disa raportime, duke u cituar zyrtarë anonimë është thënë se rreth 7000 trupa, apo më shumë se gjysma e prezencës ushtarake amerikane në këtë shtet, do të kthehen në shtëpi brenda disa muajve. Këto raportime kanë ardhur vetëm një ditë pasi presidenti Trump ka njoftuar për tërheqjen e trupave amerikane nga Siria. Një ditë më parë, Jim Mattis ka njoftuar se ka dhënë dorëheqje nga pozita e Sekretarit amerikan të Mbrojtjes. Raportimet për zvogëlim të konsiderueshëm të numrit të trupave kanë qarkulluar edhe të enjten, mirëpo ato nuk janë konfirmuar nga zyrtarët amerikanë për Mbrojtje. Analistët kanë paralajmëruar se një tërheqje e tillë mund të ketë ndikim “shkatërrues” dhe mund t’iu krijojë talibanëve idenë e fitores propaganduese.

 

Nesër mot kryesisht i thatë

Sot në Mal të Zi ka mbajtur mot kryesisht i vranët dhe vende vende me reshje të dobëta të shiut. Frynë erë e dobët nga drejtime të ndryshme.

Temperaturat në orën 14 u shënuan: në Tivar 16 gradë, Budvë 14, Ulqin e Herceg Novi 12, Podgoricë 11, Cetinë e Plavë 7, Kollashin, Bijello Pole, Beranë e Rozhaj 5, Nikshiq 4, Shavnik 3 dhe në Plevle e Zhablak 2 gradë.

Për nesër parashihet të mbajë mot kryesisht i vranët por i thatë. Do të fryjë erë e dobët deri mesatare nga drejtime të ndryshme. Temperatura e mëngjesit do të jetë prej -1 deri në 9, kurse më e larta e ditës prej 3 deri në 14 gradë celsius.

]]>
Lajmet http://www.rtcg.me/shqip/lajmet/225138/lajmet-21122018.html
Lajmet 20.12.2018 http://www.rtcg.me/shqip/lajmet/225006/lajmet-20122018.html 20.12.2018 ]]> Përkrahje për integrimin e mëtejmë të Malit të Zi

Ambasadorja e SHBA në Podgoricë, Xhudi Rajzing Rajnke, ka paralajmëruar si prioritet i mandatit të sajë do të jetë përkrahja amerikane për integrimin e mëtejmë  të Malit të  Zi në intitucionet amerikane. Siç është kumtuar nga ambasada amerikane, Rajzing Rajnke ia ka dorëzuar sot në Cetinë letrat kredenciale presidentit të Malit të Zi, Millo Gjukanoviq. Ajo gjatë takimit me presidentin ka vlerësuar lartë përkushtin e Malit të Zi për liri dhe demokraci, gjë që është forcuar me pranimin e Malit të Zi në NATO. Ajo ka përshëndetur bashkëpunimin e vazhdueshëm të Malit të Zi në SHBA si aleatë i rëndësishëm. Ajo po ashtu ka theksuar se do të punojë në zgjerimin e mundësive ndërmjet Malit të Zi dhe SHBA përmes bashkëpunimit në zhdukjen e korruspionit, rritjen e tregëtisë dhe joshjen e investimeve amerikane.

Mali i Zi  aleat i besueshëm i NATO-s

Mali i Zi i ka realizuar me sukes të gjitha oblgimet e veta dhe ka vërtetuar  se cështë Aleatë i besueshëm i NATO-s, është vlerësuar në mbledhjen e sotme të Këshillit për NATO, të ciln e ka kryesuar kryeministri Dushko Markoviq. Këshilli për NATO ka shqyrtuar disa dokumenta dhe ka konstatuar se Mali i Zi me anëtarëasimin dhe me  plotësimin me kohë dhe cilësor të detyrimeve në kuadër të Aleancës, ka vlertetuar se është partner  i përgjegjshëm, gjë që është  vërejtur nga të gjitha vendet tjera aleate. Në kuadër të shqyrtimit të realizimit të projekteve politike të Malit të Zi në NATO në vitin 2018, ky Këshill ka konstatuar se edhe profilimi i sukesshëm i vendit tonë në Aleancë është i rëndësishëm për procesin  e antëarësimit të Malit të Zi në BE, thuhet në kumtesë. Këshilli ka shqyrtuar raportin për presidencën një vjeçare të Malit të Zi me Kartën Amerikano- adriatike A- 5. Është konkluduar se përmes  organizmit të 17 takimeve  në nivel të lartë dhe në nivelin punues, Mali i Zi edhe në këtë mënyrë është treguar si Aleatë i përgjegjshëm i cili është i gatshëm të kontribuojë në politikat e NATO-s , stabilitetit të rajonit dhe promovimit të vlerave euroatlantike në Ballkanin perëndimor. Këshilli ka shqyrtuar edhe raportin për realizimin e planit aksionar për forcimin e sistemit nacional të përgjigjes ndaj krizave  dhe është theksuar nevoja e përparimit të kornizës normative me qëllim të definimit dhe pozicionimit të Qëndrës së veçantë nacionale për menaxhimin me krizat.

Përkushtim  në forcimin e kapaciteteve mbrojtëse

Mali i Zi do të mbetet i përkushtuar në përforcimin e kapaciteteve mbrojtëse dhe kontributit aktiv  në sistemin kolektiv të sigurisë, ka theksuar Ministri i mbrojtjes Predrag Boshkoviq. Ai është takuar me të deleguarin e sapoemëruar të mbrojtjes së Turqisë, Sakir Cumhur Somer,  dhe me të deleguarin në largim, Memhud Orbak Kilinxh, i cili këtë detyrë e ka ushtruar prej shtatorit të vitit të kaluar. Siç është kumtuar nga Ministria e mbrojtjes, Boshkoviq ka theksuar së është i kënaqur me bashkëpunimin bilateral të realizuar  gjatë këtij viti dhe ka shtuar se pret se bashkëpunimi po kaqë i sukesshëm do të vazhdojë edhe në të ardhmen. Ai ka përkujtuar se takimet në nivelin më të lartë kanë kontribuar në përparimin e bashkëpunimit ndërmjet Malit të Zi dhe Turqisë në fushën e mbrojtjes, duke theksuar rëndësinë e nënshkrimit të marrëveshjes ndërqeveritare për sigurimin e uniformave për nevojat e Ministrisë për periudhën 5 vjeçare. Boshkoviq i ka njoftuar bashkëbiseduesit me progresin në implementimin e qëllimeve të  aftësive, si dhe me prioritetet në sektorin mbrojtës, duke theksuar se Mali i Zi është i vendosur në forcimin e kapaciteteve mbrojtëse dhe në kontributin aktiv për sistemin kolektiv të sigurisë. Somer ka theksuar se Turqia do të vazhdojë të jetë aleatë i besueshëm i Ministrisë së mbrojtjes dhe i Ushtrisë së Malit të Zi dhe do të kontribojë në përparimin e bashkëpunimit nga fusha e sigurisë.

Mali i Zi edhe zyrtarisht pjesë e misionit në Letoni

Mali i Zi prej sot është edhe zyrtarisht pjesë e misionit të NATO-s në Letoni; prej sot flamuri i Malit të Zi valvitet në kampin Adaxhi.Tetë pjestarë të Ushtrisë së Malit të Zi janë dërguar në misionin e quajtur "Prani e ndarë e përforcuar". Siç është kumtuar nga Ministria e mbrojtjes, ushtarët malazezë janë të vendosur në kuadër të togut skaut të forcave të armatosura sllovene. Grupin shumë nacional luftarak në Letoni me seli në Adaxhi e kryeson Kanadaja. Në kuadër të grupit i cili numron rreth 1400 ushtarë gjenden pjesëtarët e forcave të armatosura nga Shqipëria, Republika e Çekisë, Italia,  Polonia, Sllovakia, Sllovenia dhe nga Spanja, thuhet në kumtesë. Angazhimi i pjesëtarëve të Ushtrisë së Malit të Zi do të realizohet në principin e rotacionit në periudhën 6 mujore.

Miratohet plani i mbikqyrjes parlamentare  për vitin 2019

Këshilli parlamentarë për sigurinë dhe mbrojtje ka miratuar sot planin e mbikqyrjes parlamentare për vitin e ardhshëm. Ligji për mbikqyrjen parlamentare nga fusha e mbrojtjes dhe sigurisë parasheh që mbikqyrja parlamentare të realizohet rregullisht sipas planit vjetor të cilin e sjell ky grup deri në fund të vitit kalendarik  për vitin e ardhshëm. Anëtarët e Këshillit pas analizimit të aktiviteteve të realizuara gjatë vitit rrjedhës, kanë konstatuar se edhe në periudhën e ardhshme  me vëmendje dhe përkushtim të plotë do të punojnë në vazhdimësi në realizimin e mbikqyrjes parlamentare ndaj sektorit të mbrojtjes dhe sigurisë.

Bisedojmë për fazen e katërt të projektit "1000+"

Në Ministrinë për zhvillim të qëndrueshëm dhe turizëm në kuadër të projektit,1000+, sot janë ndarë 110 vauçer për qyetatërt nga lista e pritjes. Ministri për zhvillim të qëndrueshëm dhe turizëm, Pavle Radulloviq, i ka dërzuar 45 vauçer për të punusuarit në sektorin publik, 34 çifteve të ri bashkëshortor  deri në 35 vjeçar dhe 31 vauçer për shfrytëzuesit tjerë. Ministri ka theksuar se ky është njëri ndër projektet më të sukesshëm dhe ka paralajmëruar se në vazhdim janë bisedimet me banka dhe kompani ndërtimore, kur është fjala për fazën e katërt të projektit "1000+".  Ai poashtu u ka bërë apel bankave që ti përshtepjtojnë procedurat në mënyrë që vauçerët ti marrin qytetarët të cilët akoma gjenden në listën e pritjes. Përmes dy fazave paraprake në kuadër të fazës së tretë të projektit,  janë ndarë gjithsejtë 360 vauçer. Radulloviq ka kumtuar se gjithësej  përmes dy fazave të kaluara të projektit, 809 familje respektivisht 2148 qytetarë të Malit të Zi e kanë zgjidhur çështjen banesore.

Vendimi përfundimtarë për të ardhurat minimale kah fundi i shkurtit

Ka përëfunduar mbledhja e Këshillit social në të cilën është diskutuar për rritjen e të ardhurave minimale. Është konkluduar që deri në mbledhjen e ardhshme të hartohet analiza e cila do të tregojë se është e domosdoshme rritja e të ardhurave minimale. Pas propozimit të Këshillit social, Qeveria duhet të sjellë vendimin përfundimtarë. Kah fundi i shkurtit do të mbahet mbledhja e dytë në të cilën do të duhej të sillet vendimi përfundimtar, u ka deklaruar gazetarëve pas mbledhjes, Sekretari i përgjithshëm i Lidhjes së sindikatave të Malit të Zi, Dushko Zarubica. Ministri për punë dhe çështje sociale Kemall Purishiq ka theksuar se është e domosdoshme që deri në mbledhjen e dytë të punohet një analizë e duhur.

Qeveria në funksion të ekipit negociator për dialogun

Kryeministri i Kosovës, Ramush Haradinaj, ka takuar sot bashkëkryesuesit e Ekipit Negociator të votuar në Kuvend, me qëllim të koordinimit të veprimeve dhe afateve për procesin e dialogut.

Sipas të parit të ekzekutivit, qeveria e Kosovës ka ndërtuar një ekip dinamik të ekspertëve që ka përgatitur materien gjithëpërfshirëse, të gjallë, të hapur për debat, me qëllim që procesi i dialogut mes dy shteteve të jetë transparent. Në një postim në Facebook, Haradinaj ka shkruar se është zotuar që qeveria të jetë në funksion të plotë të ekipit negociator, dhe se mund të llogaris tërësisht në ekspertizën që e posedojnë të gjitha mekanizmat dhe sektorët e shtetit. Ndryshe, javën e kaluar është votuar në Kuvend rezoluta e propozuar nga PSD për dialogun, por është kundërshtuar nga LDK dhe VV. Ditë më parë, presidenti amerikan Donald Trump, i ka shkruar një letër presidentit të Kosovës, Hashim Thaçi, ku mes tjerash bën thirrje për unifikim të faktorit politik dhe arritjen e një marrëveshje përfundimtare me Serbinë.

Letrat e Trumpit për Thaçin dhe Vuçiqin, reagon BE

BE-ja ka komentuar letrat e presidentit të Shteteve të Bashkuara të Amerikës, Donald Trump për presidentin e Kosovës, Hashim Thaçi dhe kreun e Serbisë, Aleksandar Vuçiq.

Letrat e presidentit të Shteteve të Bashkuara të Amerikës, Donald Trump për presidentin e Kosovës, Hashim Thaçi dhe kreun e Serbisë, Aleksandar Vuçiq, Bashkimi Evropian i sheh si shenjë e mbështetjes për dialogun mes Beogradit dhe Prishtinës. “Ne ato letra i shohim si sinjal i mbështetjes nga SHBA për dialogun që zhvillohet nën udhëheqjen e BE-së”, deklaroi zëdhënësja e BE-së, Maja Kocijançiq, gjatë një konference për media, transmeton lajmi.net. Dialogu mes Beogradit dhe Prishtinës udhëhiqet nga presidentët Thaçi dhe Vuçiq nën mbikqyrjen e përfaqësueses së lartë të BE-së, Federica Mogherini, por tani Kocijançiq ka thënë se edhe SHBA-të janë “partner i rëndësishëm” në këtë process.

Ajo po ashtu ka theksuar se BE ka “parametra të qartë” sa i përket zgjidhjes së mundshme në dialogun mes Beogradit dhe Prishtinës, përcjell lajmi.net. “Puna është duke vazhduar drejt një marrëveshjeje për normalizimin e raporteve. Kjo do të sillte një zgjidhje të qëndrueshme për tema të hapura që duhet të bazohet mbi të drejtën ndërkombëtare, në përputhje me zakonet e BE-së dhe e pranueshme nga të gjitha shtetet anëtare”, theksoi Kocijançiq. Në komisionin evropian kanë shtuar se çështja e dialogut mes Prishtinës dhe Beogradit ka qenë edhe temë e bisedave të presidentit Jean-Claude Juncker me kryeministren e Serbisë, Ana Bërnabiq. Juncker ka mbështetur vazhdimin e dialogut si dhe integrimin e mëtutjeshëm regjional të Ballkanit Perëndimor. 

Nuk është shteti që dua ta shoh në BE

Raportuesja për Kosovën në Parlamentin Evropian, Tanja Fajon ka kritikuar Serbinë pas sulmeve ndaj atyre që mendojnë ndryshe dhe zërave kritik ndaj Qeverisë.Ajo për “Radio Evropa e Lirë” ka thënë se “Kjo nuk është Serbia që dua ta shoh në Bashkimin Evropian (EU)”. Ajo ka thënë se e kritikon Serbinë sepse dëshiron ta sheh më mirë, transmeton lajmi.net.“Nuk e mendoj vetëm unë por edhe shumë kolegë nga institucionet evropiane që shumë qartë i përcjellin këto porosi. Ekziston një dallim i madh mes asaj që Serbia ka realizuar në lidhje me reformat në rrugën drejt Bashkimit Evropian për dallim nga realiteti në atë shtet”, theksoi ajo. Fajon ka thënë se Serbia duhet të ketë më shumë hapësirë për mendime kritike. “Porosia për Qeverinë është që duhet të krijojnë kushte më të mira për respektimin e demokracisë dhe kjo është arsyeja pse njerëzit dëshirojnë të jetojnë të lirë”, vazhdoi ajo.“Qytetarët duhet të kenë ndjenjën se qeveritarët brengosen për ta. Bindja ime nga koktaktet me njerëzit në Serbi është se nuk ekziston kjo. Këto janë tema të vështira dhe të ndijshme”, u shpreh Fajon.

Ligji për amnisti është sjellur shumë herët

Ligji selektiv për amnisti i cili do të përfshijë pjesën më të madhe të të akuzuarve të ngjarjeve të “27 Prillit”, u votua në Kuvendin e Maqedonisë, por shumë shpejt do të duhet të implementohet. Mirpo është e paqartë se se cilët të akuzuar saktësisht përfshinë ky ligj. Sipas ligjit të votuar secili i akuzuar në afat kohor prej pesë ditësh nga dita e hyrjes në fuqi, do të duhet të dorëzojnë kërkesa individuale deri tek Gjykata për tu amnistuar. Gjykata i sjell vendimet pesë ditë pas pranimit të kërkesave, mirëpo paraprakisht mendim duhet të japë Prokurorja Vilma Ruskovska. Gjykatësja Dobrila Kacarska e cila e udhëheq këtë procedurë gjyqësore, theksoi se ligji ka shumë paqartësi.“Ligj të tillë më herët nuk kemi pasur. Sipas meje asnjë fakt nuk është i vërtetuar, deri sa nuk vërtetohet në praktikë, mirpo për këtë duhet plotësisht të përfundojë procedura. Në këtë fazë nuk është dashur të hartohet një ligj i tillë dhe mendoj se është sjellur parakohe”, ka thënë Kacarska.

Vazhdojnë protestat e studentëve shqiptarë në Tetovë

Për tri ditë me radhë në Tetovë janë duke protestuar studentët e Universiteteve me mësim në gjuhën shqipe. Ka dështuar sot takimi ndërmjet studentëve dhe prorektorit të Universitetit të Tetovës, siç ishte paralajmëruar për shkak se studentët kanë refuzuar kërkesën e prorektorit të UT-së, Arbër Çeliku, të takohet vetëm me nga një përfaqësues të fakulteteve. Studentët kanë këmbëngulë të gjithë të jenë të pranishëm në amfiteatrin e universitetit, ashtu siç u ishte premtuar dje. Prorektori i Universitetit të Tetovës, Arbër Çeliku, gjithashtu ka kërkuar që në këtë takim mos jenë të pranishme mediat, gjë të cilën nuk e kanë pranuar studentët.Studentët shqiptarë i kanë dorëzuar Ministrisë së Arsimit dhe rektorëve të universiteteve shqiptare ultimatum prej shtatë ditësh për realizmin e kërkesave të tyre, siç është: ngritja e cilësisë së arsimit të lartë, çlirimi i universiteteve nga influenca e politikës, luftën kundër korrupsionit uljen e taksave për pagesa etj. duke theksuar se nuk do të ndalen protestat derisa të realizohen kërkesat e tyre.

Shqipëria dëboi ambasadorin iranian, reagon Teherani

Dëbimi i ambasadorit të Iranit në Tiranë, Gholamhossein Mohammadnia ka sjellë reagimin zyrtar të Teheranit. Deri më tani ka vetëm një deklaratë të zëdhënësit të Ministrisë së Punëve të Jashtme të Iranit, Bahram Ghasemi. Në emër të qeverisë së Teheranit, ai fajëson Shtetet e Bashkuara të Amerikës dhe Izraelit për dëbimin e dy diplomatëve iranianë nga Shqipëria. Ata dhe vende të tjera, sipas Teheranit zyrtar, kanë punuar për të dëmtuar marrëdhëniet e Iranit me vendet europiane, transmeton TCH.Agjencia zyrtare e lajmeve IRNA citoi zëdhënësin e Ministrisë së Jashtme iraniane, Bahram Ghasemi që thotë se Irani ka respektuar gjithmonë marrëdhëniet e përzemërta me Shqipërinë duke respektuar të gjitha rregullat e këtij vendi europian bazuar në parimet e politikës së jashtme të Iranit.Përgjigjja vjen për akuzën shqiptare se dy diplomatët iranianë kishin kryer aktivitet në kundërshtim me statusin e tyre diplomatik. Sipas Ministrisë së Jashtme të Iranit, Shqipëria është bërë një viktimë e rastësishme e Shteteve të Bashkuara të Amerikës, Izraelit dhe disa grupeve terroriste. Ai thotë se SHBA dhe Izraeli po punojnë për të shkatërruar marrëdhëniet mes Iranit dhe vendeve evropiane dhe se Shqipëria nuk duhet të lejojë të tjerët të diktojnë marrëdhëniet e saj me Teheranin.

Izraeli do të rrisë sulmet në Siri kundër forcave të lidhura me Iranin

Izraeli do të përshkallëzojë luftën ndaj forcave të lidhura me Iranin në Siri, pasi Shtetet e Bashkuara vendosën të tërheqin trupat nga Siria, tha sot kryeministri i Izraelit, Benjamin Netanyahu.

“Ne do të vazhdojmë të veprojmë në mënyrë edhe më agresive kundër përpjekjeve të Iranit për t’u vendosur në Siri” tha Netanyahu në një deklaratë, raporton Reuters.“Ne nuk do t’i zvogëlojmë përpjekjet tona, do t’i intensifikojmë ato dhe e di që ne këtë e bëjmë me mbështetjen e plotë të Shteteve të Bashkuara” shtoi më tutje Netanyahu. Presidenti i Shteteve të Bashkuara, Donald Trump, konfirmoi përmes një videoje të postuar në Twitter se të gjitha trupat amerikane po tërhiqen nga Siria.Trump tha se trupat tërhiqen pasi grupi militant Shteti Islamik është "mposhtur". Pentagoni tha se po kalon në një "fazë tjetër të fushatës", por nuk dha detaje.

Koreja e Veriut nxjerr kushte për denuklearizim

Koreja e Veriut tha se nuk do të heqë dorë nga armët e veta bërthamore, nëse Shtetet e Bashkuara nuk e largojnë kërcënimin e tyre bërthamor. Deklarata e transmetuar nga agjencia verikoreane e lajmeve KCNA vjen në kohën e bllokimit të negociatave midis Uashingtonit dhe Koresë së Veriut për procesin e denuklearizimit dhe heqjen e sanksioneve ndërkombëtare ndaj Phenjanit.Udhëheqësi i Koresë së Veriut, Kim Jong Un, dhe presidenti i Shtetetve të Bashkuara, Donald Trump, janë takuar më 12 qershor në Singapor, ku kanë thënë se synojnë denuklearizimin e plotë të Gadishullit Korean, por nuk kanë dhënë detaje se si dhe kur do të ndodhë procesi. Negociatat midis palëve kanë ngecur që nga takimi Trump-Kim. Uashingtoni do që Phenjani të japë llogari të qartë për objektet bërthamore dhe raketore që do të inspektohen dhe çmontohen me një marrëveshje potenciale. Koreja e Veriut këmbëngul që fillimisht t'i hiqen sanksionet.

Nesër mot i ndryshueshëm

Sot në Mal të Zi ka mbajtur mot kryesisht i vranët. Frynë erë e dobët deri mesatare nga drejtimet e ndryshme. Temperaturat: Tivar 14, Ulqin 12, Podgoricë e H. Novi 10, Cetinë e Rozhajë 6, Nikshiq e Plavë 5, Kollashin, B. Pole e Plluzhinë 4, Zhablak 3, Shavnik e Beranë 2, dhe në Plevle 1 gradë.

Për nesër parashihet të mbajë mot kryesisht i vranët dhe në orët e paraditës vende vende me reshje të dobëta. Do të fryjë erë e dobët deri mesatare jugore dhe lindore. Temperatura e mëngjesit do të jetë prej -3 deri në 9, kurse më e larta e ditës prej 2 deri në 14 gradë celsius.

]]>
Lajmet http://www.rtcg.me/shqip/lajmet/225006/lajmet-20122018.html
Lajmet 19.12.2018 http://www.rtcg.me/shqip/lajmet/224889/lajmet-19122018.html 19.12.2018 ]]> Gjukanoviq është takuar me Mogerienin në Bruksel

Presidenti i Malit të Zi Millo Gjukanoviq ka zhvilluar një bisede të gjatë në Bruksel me përfaqësuesen e lartë për politikë të jashtme dhe sigurisë të BE, Federika Mogerini, për proceset aktuale në Ballkanin Perëndimor. Pas urimeve për progresin që e ka shënuar Mali i Zi në procesin bashkëbisedues, fokusi ishte i përqëndruar në proceset aktuale në Ballkanin Perëndimor, është kumtuar nga shërbimi për informim i presidentit të Malit të Zi. Më pas Federika Mogerini ka organizuar drekë pune me liderët e rajonit të Ballkanit Perëndimor. Përveç presidentit Gjukanoviq në drekë marrin pjesë presidenti i Serbisë Aleksander Vuçiq, presidenti i Kosovës Hashim Thaçi, kryeministri i Maqedonis Zoran Zaev dhe kryetari i Këshillit të ministrave të BH, Deniz Zvizdiq. Në drekën punuese ka marr pjesë edhe komisari për zgjërim Johanes Han.

Sot kryqyteti i Malit të Zi Podgorica shënon 19 dhjetorin ditën e çlirimit.

Me këtë rast sot është mbajtur seanca solemne e kuvendit të kryeqytetit dhe janë organizuar tubime dhe manifestime të tjera të rastit. Presidenti i Malit të Zi Millo Gjukanoviq ua ka uruar 19 dhjetorin Ditën e kryqytetit, udhëheqjes, qytetarëve të Podgoricës dhe pjesëmarrësve të seancës solemne, me dëshirat më të mira për punë të mëtejme të suksesshme. Sipas fjalëve të tij, "këtë 19 dhjetor Podgorica e shënon në vitin e jubileve të cilët përkujtojnë datat e famshe nga lufta antifashte jugosllave në të cilat Mali i Zi ka ngritur lartë flamurin e lirisë dhe me viktima të shumta e ka kthyer dinjitetin e vet nacional dhe shtetëror". "Podgorica, siç i ka hije qendrës afariste, ekonomike dhe qendrës së zhvillimit shoqëror e pret këtë ditë më e motivuar dhe më e sigurtë se asnjë herë më parë në suksesin e progresit të vetë evropian", ka theksuar kryetari i Parlamentit Ivan Brajoviq me rastin e 19 dhjetorit Ditës së kryeqytetit. Përmendorja e Josip Broz Titos është vendosur dje në Podgoricë në bulevardin e Shën Petrit të Cetinës, e cila sot është zbuluar në solemnitetin  kur edhe u shënua dita e çllirimit të Podgoricës. Kryeministri Dushko Markoviq dhe kryebashkiaku i kryeqytetit Ivan Vukoviq kanë vlerësuar se Podgorica mesiguri do të ketë ekspansion zhvillimor dhe cilësi më të lartë të jetës së banorëve në ç gjë do të kontribuojnë se paku 200 milion euro gjatë 4 viteve të ardhshme. Me rastin e 19 dhjetorit kryebashkiaku Vukoviq dhe kryetari i Kuvendit të Podgoricës Gjorgje Suhih kanë vendosur kurorë në përmendorën e Partizanit luftetarë në Podgoricë. Kurorë sivjet kanë vendosur edhe delegacionet nga Sarajeva dhe Shkupi.

Zbulohet përmendorja e Josip Broz Tito në Podgoricë

Përmendorja e Josip Broz Titos është zbuluar sot në ditën e shënimit të çlirimit të kryeqytetit,  në bulevardin e Shën Petrit të Cetinës në Podgoricë. Përemendoren e kanë zbuluar kryebashkiaku i kryeqytetit Ivan Vukoviq dhe ministri i mbrojtjes Predrag Boshkoviq. Vendimi që Titos ti ngritet përmendorja është sjellur në Kuvendin e kryeqytetit me propozimin e kryebashkiakut Vukoviq. Në arsyetim theksoht se iniciativa për ngritjen e e perëmendores për Josip Broz Tito , nuk është jugonostalgjia, por dëshmi se Mali i Zi i mbetet besnik orientimit antifashist.

D.Markoviq- historia dhe kultura e Malit të Zi janë vlera të vërtetuara

Historia dhe kultura e Malit të Zi janë vlera të vërtetuara, kurse zhvillimi, harmonia qytetare dhe dialogu e krijojnë identietin  e një shteti bashkëkohor  në forcimin dhe promovimin e të cilit duhet të veprojnë të gjitha segmentet e shoqërisë. Këtë e kanë vlerësuar  kryeministri Dushko Markoviq dhe anëtarët e kryesisë  të Akademisë së shkencave dhe të arteve të Malit të Zi. Sipas fjalëve të kryeministrit, Mali i Zi nuk është shtet i kombeve  por i qytetarëve. Në një shtet të tillë janë të rrezikshme dhe të pa pranueshme të gjithë nacionalizmat. Ai gjatë takimit në Akademin e shkencave dhe të arteve ka theksuar se dialogun shoqëror e konsideron si të mundshëm dhe të preferuar për çdo temë, me përjeshatim të temës mbi shtetin dhe shtetësinë e Malit të Zi. Kryetari i Akademisë së shkencave dhe të arteve, akademiku Dragan K. Vukçeviq ka vlerësuar  se qëllimi i veprimtarisë së sinkronizuar të gjithë segmenteve shoqërore  duhet të jetë Mali i Zi të cilin e duam në të ardhmen.

Parlamenti i Malit të Zi miratoi strategjinë për sigurinë nacionale

Parlamenti i Malit të Zi e ka miratura strategjinë për sigurinë nacionale e cila, siç është kumtuar,  si dokument kryesor nga kjo fushë në tërësi është i harmonizuar me strategjinë e NATO-s.  Ministri i mbrojtjes Predrag Boshkoviq ka theksuar se shkak kryesor i ndryshimeve të dokumentit kyç strategjik ka qenë anëtarësimi i Malit të Zi në NATO me 5 qershor të vitit të kaluar me ç rast edhe korniza e sigurisë ndryshon dukshëm nga sistemi individual i sigurisë drejtë atij kolektiv. Qëllimi i strategjisë është vendosja e suazave sistematike për realizimin e interesave  të sigurisë të Malit të Zi dhe me të vërtetohen udhëzimet kryesore për definimin e politikave të sigurisë nacioanle, ka theksuar në Parlament ministri Boshkoviq. Strategjia shqyrton rrethanat e sigurisë, sfidat, dallimet dhe kërcënimet si dhe reagimin e shtetit në situata të tilla, kanë theksuar Boshkoviq.

PSD- Opozita  duhet të fokusohet në reformën e legjislaturës zgjedhore

Opozita  duhet të fokusohet në reformën e legjislaturës zgjedhore dhe të legjislaturës tjetër,  sado që të jetë e llojllojshme, mund ti definojë kushtet e përbashkëta  për zgjedhje të lira dhe të ndershme, konsideron Partia Socialdemokratike. Kjo parti, siç theksohet, i mbetet besnike  sigurimit të gjitha kushteve të domosdoshme për mbajtjen e zgjedhjeve të lira dhe demokratike, si parakusht kryesor për demokratizimin e shoqërisë në përgjithësi. Nga këto shkaqe kemi pranuar edhe pjesëmarrjen në grupin punues për ndryshimin e legjislaturës zgjedhore, me qëllim të qartë që të sigurohen kushtet  që zgjedhjet e ardhshme të mbahen me legjistlacion të ri përmes sigurimit të mekanizmave garantues për zbatimin e marrëveshjes, kanë theksuar në PSD. Ata kanë shtuar se këtë qëndrim e kanë përkrahur edhe përfaqësuesit e BE, të cilët kanë bërë presion vendimtar  mbi PDS që ta pranojë dialogun në këtë temë. Andaj konsiderojmë se në këtë moment opozita duhet të fokusohet në reformën e sistemit zgjedhor dhe të legjistlacionit tjetër.

DEMOS-i do të marr pjesë në të gjitha tubimet opozitare

DEMOS-i do të marr pjesë në të gjitha tubimet opozitare të cilat parimisht çojnë drejtë realizimit të interesit të vërtet të qytetarëve dhe drejtë prosperitetit shtetëror, por edhe do të vazhdojë punën në Këshillin për reformën e legjislaturës zgjedhore, kanë kumtuar nga kjo parti politike. Siç kanë theksuar, DEMOS do të vazhdojë të përpiqet  për ndërtimin e një opozite të mirëfilltë si alternativë demokratike të pushtetit aktual. Nga këto arsye, kanë theksuar ata, DEMOS do të marr pjesë në çdo tubim opozitarë të cilat çojnë drejtë realizimit të interesave të vërteta të qytetarëve dhe prosperitetit shoqëror.

J. Erakoviq - Qendra klinike e Malit të Zi disponon me paisjet më bashkëkohore medicinale

Qendra klinike e Malit të Zi disponon me paisjet më bashkëkohore medicinale dhe në të gjitha sferat futen procedura të reja për diagnozë dhe terapi, kurse aktivitetet e ardhshme të këtij institucioni do të jenë të orientuara drejtë edukimit dhe aftësimit të mjekëve në qendrat më të njohura evropiane dhe botërore. Këtë e ka deklaruar drejtori i Qendrës klinike Jevto Erakoviq, në Akademin solemne me rastin e shënimit të ditës të këtij institucioni. Qendra klinike, siç ka theksuar ai, është institucion referent i nivelit terciar i mbrojtjes shëndetësore në Mal të Zi në të cilin në vit shtrohen rreth 40 mijë pacient, kurse në poliklinik ofrohen mbi 1.6 milion shërbime shëndetësore. Çdo vit kryejnë mbi 12 mijë operacione, mbi 3 mijë lindje dhe mbi 10 mijë dializa, ka theksuar Erakoviq.

Thaçi, tha se në javët dhe muajt në vazhdim do të gjendet zgjidhja për një marrëveshje përfundimtare mes Kosovës dhe Serbisë

Në një deklaratë për media, në Bruksel, ku po merr pjesë në takimin e udhëheqësve të Ballkanit Perendimorë me zyrtarë të BE-së, presidenti Thaçi tha se letra e Presidentit Donald Trump, drejtuar atij, konfirmon qëndrimin se SHBA-të, do të qëndrojnë pranë Kosovës dhe do ta përkrahin atë në këtë fazë të arritjes së marrëveshjes përfundimtare me Serbinë.” Mesazhet e presidentit Trump duhet lexuar drejt dhe kuptuar mirë. Nuk kemi aleat më të mirë sesa SHBA-të, nuk e di kush duhet të flasë për Kosovën nëse nuk flasin SHBA-të. Gjithë ata që kanë qenë dëshmitarë të negociatave në Bruksel, e dinë se SHBA-të, janë shumë të përfshira në procesin e arritjes së marrëveshjes historike. Javët dhe muajt e ardhshëm do të gjendet zgjidhja për marrëveshjen përfundimtare mes Kosovës dhe Serbisë” tha Thaçi.Mirëpo presidenti Thaçi tha se pala kosovare nuk guxon ta humb këtë moment të angazhimit ndërkombëtar për Kosovën, pasi në të kundërten çmimi që do ta paguante do të ishte shumë i lartë.“Këtë angazhim të gjithanshëm ndërkombëtar të SHBA-ve dhe BE-së nuk guxojmë ta humbim apo të lëshojmë të kalojë sepse mund të paguajmë çmim të lartë të mosinteresimit ndërkombëtar” deklaroi Thaçi. Takimi në Bruksel i udhëheqësve të vendeve të Ballkanit Perendimor mbahet me ftesë të Shefes për Politikë të Jashtme dhe Siguri e Bashkimit Evropian, Federica Mogherini. Në takim, do të diskutohet për situatën në rajon, arritjet gjatë vitit 2018 si dhe planet për vitin e ardhshëm, ka njoftuar Shërbimi i Jashtëm i Bashkimit Evropian.

SHEFI I NATO-S DHE HARADINAJ BISEDOJNË NË TELEFON PËR

USHTRINË

Kryeministri i Kosovës Ramush Haradinaj ka zhvilluar një bisedë telefonike me Sekretarin e Përgjithshëm të NATO-s Jens Stoltenberg, pas miratimit të Kuvendit të Kosovës për transformimin e FSK-së në ushtri.Kështu është bërë e ditur në një komunikatë për media,  të lëshuar nga NATO.Sipas komunikatës, thuhet se Stoltenberg i ka konfirmuar Haradinajt se Këshilli Veri-Atlantik ka zhvilluar një diskutim fillestar rreth ligjeve të miratuara për transformimin e FSK-së. “Sekretari i Përgjithshëm e njoftoi z. Haradinaj se, ndërsa mandati iFSK-së po evoluon, Këshilli Veri-Atlantik do të rishqyrtojë nivelin e angazhimit të NATO-s me FSK-në në vitin e ardhshëm”, thuhet në komunikatë. Më tutje theksohet se NATO do të vazhdojë me misionin e saj të KFOR-it për të siguruar ambient të sigurt në Kosovë.“KFOR-i operon në bazë të mandatit të OKB-së dhe nuk do të preket nga ligjet mbi tranzicionin e FSK-së”, theksohet t’i ketë thënë Stoltenberg-Haradinajt.

VESELI NUK TËRHIQET NGA TAKSA, AKUZON BE- në PËR NJËANSHMËRI

Kryetari i kuvendit të Kosovës, Kadri Veseli ka thënë sot në një konferencë me gazetarë se Ballkani është më i sigurt nga 14 dhjetori me krijimin e Ushtrisë së Kosovës dhe për këtë ka falënderuar Shtetet e Bashkuara të Amerikës.Javën që shkoi në Kuvendin e Kosovës morëm dy vendime të mëdha: miratuam ligjet për transformimin e FSK-së në Ushtri dhe krijuam Delegacionin Shtetëror për Dialog, shtoi Veseli. Të dy këto vendime pasqyrojnë përkushtimin tonë konkret për paqen, stabilitetin dhe fqinjësinë e mirë në Rajonin tonë. Falënderojmë Shtetet e Bashkuara të Amerikës, dhe vendet tjera anëtare të NATO-s, që mbështetën vendimin tonë për Ushtrinë. Nga 14 dhjetori, Ballkani është më i sigurt dhe më afër përmbushjes së aspiratës euro-atlantike. Votimi i Delegacionit për Dialogun – afirmon qartë përkushtimin e Kosovës për mirëkuptim dhe marrëveshje. Kemi pritur vlerësim pozitiv nga BE për këtë, së paku për korrektësi. Serbia, gjithë kohën, ka bërë obstruksione në zbatimin e marrëveshjeve të arritura deri më tash në Dialog. Thirrjet e Serbisë për heqjen e taksës dhe përsëritja e tyre nga BE-ja, pa i bërë thirrje edhe Serbisë që të heqë dorë nga qasja e saj bllokuese, po i shqetësojnë me të drejtë qytetarët e Kosovës. Ata kërkojnë që sovraniteti e dinjiteti i shtetit tonë të mbrohet e respektohet dhe institucionet tona shtetërore pikërisht këtë po e bëjnë. Izolimi i qytetarëve të Kosovës pa lëvizje të lirë vetëm sa e rëndon më shumë këtë situatë.Kosova është shtet i pavarur dhe sovran. Bashkimi Evropian nuk mundet që Kosovën ta shikojë nga perspektiva integruese e Serbisë.Rruga e Kosovës për në Bruksel nuk kalon, as nuk ka për të kaluar përmes Beogradit.Serbia duhet ta kuptojë se Kosova është shtet i pavarur dhe është e detyruar të jetojë me këtë fakt në shekujt që do të vijnë,theksoi pos tjerash kryeparlamentari Kadri Veseli.

Ideja e Brexitit pa marrëveshje "tmerron" bizneset në Britani

Bizneset britanike kanë kritikuar politikanët se janë fokusuar në garë të brendshme në vend se të përgatiten për Brexit, duke paralajmëruar se nuk ka kohë të mjaftueshme për largim të Britanisë së Madhe nga Bashkimi Evropian pa pakt. Në një deklaratë të përbashkët, Dhomat për Tregti të Britanisë dhe institucionet tjera biznesore kanë thënë se “mungesa e përparimit në Uestminster nënkupton se rreziku për Brexit pa marrëveshje është duke u rritur”. Qeveria britanike ka njoftuar dje se u ka dërguar letra 140,000 bizneseve, duke iu bërë thirrje për të shpejtuar planet e tyre duke u bazuar në mundësinë e Brexitit pa pakt. Mbretëria e Bashkuar pritet të largohet nga Bashkimi Evropian më 29 mars, si rezultat i mbajtjes së një referendumi në vitin 2016. Britania dhe BE-ja tashmë janë pajtuar për një marrëveshje rreth Brexitit, mirëpo ajo duhet të miratohet në Parlamentin britanik në mënyrë që të jetë e zbatueshme. Kyeministrja britanike, Theresa May ka shtyrë votimin e 11 dhjetorit në këtë parlament deri në muajin janar, pasi ka qenë e qartë se plani i saj do të refuzohej.

SHBA propozon shitjen e sistemeve raketore Patriot në Turqi

      Departamenti amerikan i Shtetit ka thënë se Shtetet e Bashkuara kanë propozuar shitjen e sistemeve raketore Patriot në Turqi, në vlerë të 3.5 miliardë dollarëve.Kongresi është thënë të jetë njoftuar për këtë propozim që ka për qëllim rritjen e kapaciteteve raketore dhe atyre ajrore të Ankarasë. Departamaneti amerikan ka thënë se kjo marrëveshje “do të kontribuojë në politikën e jashtme dhe sigurinë kombëtare të Shteteve të Bashkuara, duke përmirësuar sigurinë e një aleati kyç të NATO-s, që lufton kundër terrorizmit”. Ky propozim ka ardhur pasi Turqia ka njoftuar se do të blejë sisteme raketore S-400 nga Rusia. Uashingtoni është ankuar pas këtij veprimi, duke thënë se sistemet ruse nuk janë të përshtatshme për armët e përdorura nga aleatët e NATO-s. I pyetur për propozimin amerikan, zëdhënësi i Kremlinit, Dmitry Peskov ka thënë më 19 dhjetor se kontrata e Rusisë për të furnizuar Ankaranë me sisteme raketore S-400 do të zbatohet pavarësisht vendimit të Turqisë për sistemet raktore Patriot.

Për nesër parashihet mot me vranësira të ndryshueshme dhe intervale me diell

Sot në Mal të Zi ka mbajtur mot kryesisht i kthejllët. Frynë erë e dobët deri mesatare, vende vende deri e fortë veriore dhe lindore.

Temperaturat: Budvë 14, H. Novi 13, Tivar 12, Ulqin e Podgoricë 10, Nikshiq e Cetinë 6, B.Pole e Shavnik 4, Plevle 3, Plavë e Beranë 2, Rozhaj 1, Zhablak -1 dhe në Kollashin -2 g.

       Për nesër para dite parashihet të mbajë mot me vranësira të ndryshueshme dhe intervale me diell, kurse në orët e pasditës dhe në orët e mbrëmjes vende vende me te reshura. Do të fryjë erë e dobët deri mesatare nga drejtimet e jugut. Temperatura e mëngjesit prej -11 deri në 6, kurse më e larta e ditës prej 0 deri në 14 g. c.

]]>
Lajmet http://www.rtcg.me/shqip/lajmet/224889/lajmet-19122018.html
Lajmet 18.12.2018 http://www.rtcg.me/shqip/lajmet/224774/lajmet-18122018.html 18.12.2018 ]]> Ballkani stabil dhe i sigurtë është prioritetet

"Ballkani stabil dhe i sigurt është prioritet i vendeve anëtare dhe vezhguese të kartës Amerikano- adriatike, kurse integrimet evropiane dhe euroatlantike janë të rëndësishme  për arritjen e këtij qëllimi", ka theksuar Ministri i punëve të jashtme, Sërgjan Darmanoviq. Ai në konferencën për gazetarët pas takimit të shefave të diplomacive të A 5 në Podgoricë, ka theksuar se gjatë presidencës me Kartën Amerikano- adriatike, Mali i Zi ka qenë i përkushtuar promovimit të aspiratave evropiane të shteteve të rajonit dhe ndihmës aktive në realizimin e reformave dhe në plotësimin e kriteriumeve për anëtarësimin e tyre në NATO. Darmanoviq ka theksuar se Karta Amerikano- adriatike është njeri ndër mekanizmat më të mirë rajonal për bashkëpunim në fushën e sigurisë dhe integrimeve dhe, siç ka theksuar, në këtë ka qenë i fokusuar Mali i Zi gjatë presidencës. Ministri për punë të jashtme dhe punët evropiane të Shqipërisë, e cila nga Mali i Zi e merr presidencën me A 5, Ditmir Bushati, ka theksuar se është vendimtare që të ruhen tre principe të Kartës Amerikano- adriatike. Siç ka theksuar ai, "angazhimi i SHBA në rajon është me rëndësi për sigurinë e Evropës juglindore, por është e nevojshme edhe të vazhdohet bashkëpunimi në rajon nga fusha e sigurisë dhe të krijohen mënyra të reja të bashkëpunimit". Bushati ka shtuar se gjatë presidencës së Malit të Zi me Kartën Amerikano- adriatike janë vërejtur ndryshime pozitive.

 

Rreth 66 për qindë të banorëve e përkrah anëtarësimin në BE

Gati  66 % të banorëve e përkrahin anëtarësimin e Malit të Zi në BE, kurse një e treta e të anketuarve konsideron se shteti do të anëtarësohet në BE deri në vitin 2025, tregojnë rezultatet e hulumtimit të opinionit publik lidhur me informimin e qytetarëve për integrimet evropiane. Hulumtimi i opinionit publik, informimi i qytetarëve për integrimet evropiane dhe për procesin e asocimit të Malit të Zi në BE, është prezantuar sot dhe sipas të dhënave 67.4 % e të anketuarve  ka mëndim pozitiv për BE. Olivera Komar nga Agjencia "DeFakto", e cila e ka realizuar këtë sondazh, ka theksuar se për qytetarët asociacionet kryesore pozitive për këtë bashkësi janë standardi i lartë, liria e udhëtimit dhe mundësia e punësimit. Shefi i delegacionit të BE në Mal të Zi, Aivo Orav, ka theksuar se përkrahja e BE është në rritje dhe se tani është rreth 70 %. "Anëtarësimi i ofron grupacionet e ndryshme në Mal të Zi. Kjo është me rëndësi për të gjitha subjektet  relevante në shtet dhe mesazh se është me rëndësi që shoqëria të asociohet në BE sepse një gjë e tillë i bashkon", ka theksuar Orav. Bashkëbiseduesi kryesor me BE, Aleksandar Drleviq, ka vlerësuar se sondazhi ka vërtetuar trendin pozitiv stabil  i cili tash disa vjetë ekziston kur është fjala për qendrimin e qytetarëve në raport me integrimet evropiane të Malit të Zi. "Rezulatet e hulumtimit do ti përdorim për definimin e udhëzimeve se si te veprohet më tej kur është fjala për informimin dhe përfshirjen e banorëve në procesin e integrimit evropian", ka theksuar Drleviq.

Në Kuvend për korrupsion dhe integrimet në UE

"Lufta kundër korrupsionit, konfiskimi afatgjatë i pasurisë dhe liria e mediave, janë fusha në të cilat organet kompetente do ta intensifikojnë punën me qëllim të progresit më të shpejtë në rrugën evropiane", ka deklaruar në Parlament bashkëbiseduesi kryesor Aleksandar Drleviq. Nga Partia Demokratike e Socialistëve vlerësojnë se ekziston hapësirë për përmirësime, mirëpo liria e medias është në nivel. Në opozitë kërkojnë rezultate konkrete sepse nga pozitat udhëheqëse në rrugën evropiane theksojnë se së shpejti mund të jemi të fundit. "Këtë vit Mali i Zi i ka hapur dy kapituj, në gjashtë muajt e parë i ka plotësuar mbi 70 % të punës së palnifikuar në fushën e sundimit të ligjit", ka theksuar kryenegociatori Drleviq duke shtuar se cilat do të jenë prioritetet në periudhën e ardhshme. Deputetët, për raportin gjysëmvjeçarë mbi aktivitetet në rrugën evropiane do të deklarohen me një rast tjetër.

 

Këshilli jep pëlqimin për buxhetin e vitit të ardhëshëm

Këshilli parlamentar për ekonomi, buxhet dhe financa i ka propozuar sot Kuvendit që ta miratojë propozim ligjin për buxhetin e vitit të ardhëshëm, i cili, sipas fjalëve të Ministrit të financave, Darko Radunoviq, është i qendrueshëm deri ne detajin e fundit. Radunoviq ka theksuar se me ligjin e propozuar është paraparë që shuma e përgjithshme e të hyrave dhe të dalave, të jetë 2,38 miliardë euro. Ai ka theksuar se buxheti për vitin e ardhshëm është rezultat i vazhdimit të zbatimit të masave të konsolidimit fiskal drejtuar rritjes së ardhurave buxhetore dhe optimizimit e shpenzimeve të buxhetit me qëllim të sigurimit të uljes së deficitit buxhetor dhe me qëllim të krijimit të kushteve për uljen graduale të borxhit publik. 

Gjukanoviq uron ditën e kryqytetit

Presidenti i Malit të Zi Millo Gjukanoviq ua ka uruar 19 dhjetorin Ditën e kryqytetit, udhëheqjes, qytetarëve të Podgoricës dhe pjesëmarrësve të seancës solemne, me dëshirat më të mira për punë të mëtejme të suksesshme. Sipas fjalëve të tij, "këtë 19 dhjetor Podgorica e shënon në vitin e jubileve të cilët përkujtojnë datat e famshe nga lufta antifashte jugosllave në të cilat Mali i Zi ka ngritur lartë flamurin e lirisë dhe me viktima të shumta e ka kthyer dinjitetin e vet nacional dhe shtetëror". "Podgorica, siç i ka hije qendrës afariste, ekonomike dhe qendrës së zhvillimit shoqëror e pret këtë ditë më e motivuar dhe më e sigurtë se asnjë herë më parë në suksein e progresit të vetë evropian", ka theksuar kryetari i Parlamentit Ivan Brajoviq me rastin e 19 dhjetorit Ditës së kryeqytetit. Përmendorja e Josip Broz Titos është vendosur sot në Podgoricë në bulevardin e Shën Petrit të Cetinës. Përmendorja do të zbulohet në solemnitetin e nesërm kur edhe shënohet dita e çllirimit të Podgoricës. 

Rreth 200 milion euro për jetë më të mirë të banorëve të Podgoricës

Podgorica në periudhën e ardhshme me siguri do të ketë një ekspansion zhvillimorë në ç'gjë do të kontribuojnë investimet prej së paku 200 milion euro gjatë 4 vjetëve të ardhshme, gjë që do të sigurojë cilësinë më të mirë të jetës së banorëve, kanë vlerësuar gjatë takimit te kryeministrit Dushko Markoviq dhe udhëheqjes së kryeqytetit në krye me kryebashkiakun Ivan Vukoviq. Markoviq ka uruar ditën e kryeqytetit  qytetarëve dhe udhëheqjes lokale duke  shtuar se Podgorica përcjell zhvillimin në nivelin shtetëror. Siç është kumtuar nga Qeveria, gjatë takimit vemëndje e veçantë u është kushtuar projekteve me vlerë disa dhjetra milion euro, të cilat para së gjithash kanë të bëjnë me infrastukturën rrugore dhe komunale, si parakusht kryesor për zhvillim. Kryebashkiaku në fillim ka informuar për projeketet që kanë të bëjnë me unazën rreth qytetit dhe ka shprehur besimin se gjatë viteve të ardhshme do të fillohet ndërtimi i kolektorit për pastrimun e ujrave të zeza, por ka theksuar edhe projektet  siç janë centrali solar dhe prodhimi i energjisë elektrike nga gasi bio. Pozitivisht janë vlerësuar edhe investimet e Qeverisë në objektet shkollore siç janë kopshtet, shkollat etj. Markoviq ka folur edhe për ligjin e ri për financimin e administratave lokale, miratimi i të cilit pritet në Parlamentin e shtetit dhe do të mundësojë që për komunat të ndahen 14 milion më tepër. Një pjesë e këtyre të hollave i është dedikuar edhe kryeqytetit.

 

Resurset e ujrave të Malit të Zi dhe të Shqipërisë janë interes reciprok

Ruajtja e resurseve ujore ndërkufitare, harmonizimi me standardet e BE, implementimi i konventës për ujrat si dhe zhvillimi i modelit më të mirë menaxhues, përmes dialogut në bazë të argumenteve të arritura nga analizat shkencore dhe profesionale të situatës ekzistuese dhe të skenarëve të ardhshëm  të zhvillimit të paraparë, janë qëllimet kryesore të Komisionit të sapoformuar të ekonomisë së ujrave të Malit të Zi për bashkëpunim me Shqipërinë. Komisioni i ekonomisë së ujrave është trup teknik i cili do të punojë në analizën dhe propozimin e zgjidhjeve më të mira të mundshme për avancimin e menaxhimit ndërkufitar të ujrave sipërfaqësore dhe nëntokësore të Malit të Zi dhe Shqipërisë. "Formimi i Komisioneve bilaterale  të ekonomisë së ujrave është obligim  që del nga marrëveshja korrnizë për marrëdhëniet në ekonominë e ujrave ndërmjet Malit të Zi dhe Shqipërisë të mbajtur në 3 korrik të vitit 2018 në Shkodër", thuhet në kumtesën e Ministrisë së bujqësisë dhe të zhvillimit rural, pas takimit të komisionit për ekonomin e ujrave në Podgoricë. 

MPB fiton edhe 8 milion euro

Ministria e punëve të brendshme (MPB) e Malit të Zi ka fituar transaksionin variabil të përkrahjes buxhetore të BE për realizimin e strategjisë për menaxhimin e intergruar të kufirit në shumë maksimale prej 8 milion euro. "Falë angazhimeve dhe rezultateve të arritura jemi shteti i parë në rajon i cili pas këstit të parë fiks i ka plotësuar të gjitha kushtet  për fitimin e variabilës nga programi i përkrahjes buxhetore të UE në shumë të plotë", thuhet në kumtesë. Përmes këtij programi Ministrisë së punëve të brendshme në muajin dhjetor të vitit 2016 i është paguar kësta e parë fikse në shumë prej 8 milion euro. 

Info- dita me rastin e ftesë së dytë në kuadër të IPA

Zyra për inegrimet evropiane e Qeverisë së Malit të Zi dhe Drejtoria për integrimet evropiane të Bosnjë Hercegovinës, me përkrahjen e Sekretariatit të përbashkët teknik, do të organizojë nesër  infro- ditën me rastin e  shpalljes së ftesës së dytë në kuadër të IPA Programit të bashkëpunimit ndërkufitarë të Bosnjë Hercegovinës dhe Malit të Zi për periudhën 2014- 2020. Nga Sekretariati i përgjitshëm i Qeverisë është kumtuar se programi financohet nga instrumentet e përkrahjes të UE, "IPA 2,  2014- 2020" me një buxhet prej rreth 8.4 milion euro prej të cilave  përmes ftesës së dytë do të ndahen më tepër se 4.3 milion euro. Takimin, siç është paralajmëruar, do ta hapin zëvendësja e kryenegociatorit, koordinatorja nacionale për IPA-n, Ivana Glishoviq - Gjuroviq  dhe përfaqësuesja e delegacionit të BE në Bosnjë Hercegovinë, Edbera Bikoviq.  

Afati për legalizim të zgjatet deri me 2020

Nga Asociacioni i Komunave të Malit të Zi kanë kërkuar që afati për dorëzimin e kërkesave për legalizimin e objekteve të ndërtuara pa leje të zgjatet deri në miratimin e planit të rregullimit të përgjithshëm hapsinorë, i cili pritet në vitin 2020. Meqë synimi përfundimtar i legalizimit është të rregullohet gjendja në hapësirë, i vlerësojmë të arsyeshme kërkesat e qytetarëve për zgjatjen e afatit për legalizim, thanë për gazetën “Pobjeda” nga ky Asociacion. Shtohet se propozimi për zgjatjen e afatit ka të bëjë vetëm me objektet të cilët ndodhen në orto – foto inçizim, e jo në objektet që eventualisht u ndërtuan më vonë. 

Aktakuza kundër Ivanoviq dhe Obradoviq dorëzohet në gjyqin e lartë

Prokuroria special e shtetit e ka dorëzuar në Gjyqin e lartë në Podgoricë aktakuzën e plotësuar  kundër ish drejtorëve të Telekomit, Oleg Obradoviq dhe Miodrag Ivanoviq. Siç është kumtuar nga Gjyqi i lartë, Obradoviq dhe Ivanoviq akuzohen për shpërdorimin e pozitës zyrtare. Më parë Gjyqi i lartë ia kishte kthyer Prokurorisë speciale të shtetit aktakuzën për plotësim dhe hetime. Dy ish udhëheqës të Telekomit malazez, Oleg Obradoviq, si kryetar i Këshillit të drejtorëve të Telekomit të Malit të Zi dhe Miodrag Ivanoviq, si drejtor ekzekutiv i MONET-it, janë akuzuar se kompaninë, pas privatizimit dhe pas shitjes hungarezëve, e kanë dëmtuar atë për 2.3 milion euro. Obradoviq dhe Ivanoviq  akuzohen se e kanë shpërdorur pozitën në afarizmin ekonomik, duke përfituar 2.3 milion euro në favor të kompanisë "Rawleijgh Trading" nga Londra, në bazë të kontratës fiktive për shërbime konsultuese të hulumtimit të tregut të telekomunikimeve në Evropën Juglindore. 

BPB  e brendshme 46 % e mesatares evropiane

Bruto Prodhimtaria e Brendshme (BDP) për kokë të banorit sipas standardeve të fuqisë blerëse në Mal të Zi në vitin e kaluar ka qenë 46 % e mesatares në BE, ka kumtuar MONSTAT-i. Nga kjo organizatë kanë theksuar se nga vendet anëtare të BE, Bruto Prodhimtarinë e Brendshme më të lartë për një banorë në bazë të standardit të fuqisë blerëse  është shënuar në Luksenburg, niveli i të cilës është dy herë e gjysmë më i lartë mbi mesataren e BE dhe është 253 %  e mesatares evropiane. "Nga vendet e rajonit, Kroacia e ka Bruto Prodhimtarinë e Brendshme më të lartë dhe ajo është 62 % e mesatares  evropiane kurse Mali i Zi gjendet në vendin e dytë në nivelin e 46 % të kësaj mesatareje", thuhet në kumtesë. Maqedonia dhe Serbia  janë në nivelin e 36 % të mesatares evropiane, Bosnjë Hercegovina në nivelin e 32 %, kurse Shqipëria në nivelin e 30 % të mesatares evropiane. 

Seancë mbi vendimin për krijimin e ushtrisë së Kosovës

Këshilli i Sigurimit i Kombeve të Bashkuara është mbledhur me kërkesë të Serbisë, për të diskutuar mbi vendimin e parlamentit të Kosovës për shndërrimin e Forcës së Sigurisë në ushtri të Kosovës. Vendimi, i cili u mbështet nga Shtetet e Bashkuara, Britania dhe Gjermania, ngjalli kundërshtimin e NATO-s dhe të Bashkimit Evropian, që vlerësuan se nuk ishte koha e përshtatshme për një gjë të tillë. Presidenti serb, Aleskandër Vuçiq, shprehu indinjatën mbi votimin e parlamentit të Kosovës, duke e quajtur veprim që rrezikon qëndrueshmërinë e gjithë rajonit. Në Beograd më parë, ai kishte sulmuar ashpër Shtetet e Bashkuara për mbështetjen e ushtrisë së Kosovës. Vuçiq tha se formimin e Ushtrisë e sheh si veprim në kundërshtim me rezolutën 1244 të Këshillit të Sigurimit të Kombeve të Bashkuara, madje sipas tij edhe në kundërshtim me kushtetutën e tyre, që Serbia nuk e njeh. Nga ana tjetër presidenti i Kosovës, Hashim Thaçi, tha se ushtria e Kosovës do të jetë kontribuuese e qëndrueshmërisë në rajon dhe se vendimi për ushtrinë është i pakthyeshëm. "Ky hap nuk është mesazh kundër askujt. Ushtria e Kosovës nuk është dhe s’do të jetë kërcënim ndaj askujt. Është dhe do të mbetet profesionale e shumetnike", tha Thaçi. Ai theksoi se themelimi i ushtrisë nuk është për të dyfishuar misionin e NATO-s në Kosovë, i cili do të vazhdojë të kujdeset për sigurinë që nga hyrja e tij në Kosovë në vitin 1999, për t'u dhënë fund mizorive të forcave serbe në Kosovë.

 

Pas përballjes në New York, Thaçi e Vuçiq nesër takohen me Mogherinin

Pas mbledhjes së jashtëzakonshme të Këshillit të Sigurimit të OKB-së, presidenti i Kosovës, Hashim Thaçi dhe ai i Serbisë, Aleksandër Vuçiq do të jenë bashkë në një takim, ku janë të ftuar edhe krerët më të lartë të Ballkanit Perëndimor, të thirrur nga Zyrtarja e Lartë e BE-së, Federica Mogherini. Takimi në Bruksel do të jetë i një formati të veçantë, ku perveç Thaçit e Vuçiqit të pranishëm do të jenë edhe udhehëqesit e Malit të Zi, Shqipërisë, Maqedonisë dhe Bosnjës. Takimi do të mbahet nesër ne Bruksel në të cilin synohet diskutimi për uljen e tensioneve në mes të Kosovës dhe Serbisë, pas zhvillimeve të fundit. 

Ushtria e drejtë sovrane e Kosovës

Shtetet antare të Bashkimit Evropian i kanë bërë thirrje autoriteteve në Prishtinë, që procesi i transformimit të Forcës së Sigurisë së Kosovës, të jetë një proces transparent dhe gjithëpërfshirës. Përmes një deklarate të përbashkët, shtetet e BE-së, në Këshillin e Sigurimit, Franca, Gjermania, Italia, Holanda, Polonia, Suedia dhe Mbretëria e Bashkuar, kanë thënë se nisja e transformimit të FSK-së, përmes miratimit të tri ligjeve nga Kuvendi i Kosovës më 14 dhjetor, është një “e drejtë sovrane” e Kosovës. Kuvendi i Kosovës më 14 dhjetor miratoi tri ligje, të cilat thuhet se do t’i japin kapacitete ushtarake Forcës së Sigurisë së Kosovës. Transformimi i FSK-së pritet të zgjasë disa vite. Po ashtu, këto shtete të Këshillit kërkojnë nga Prishtina dhe Beogradi që të shfaqin përmbajtje “dhe të ulin tensionet si dhe të krijojnë kushte për rinisjen sa më shpejt të dialogut që ndërmjetësohet nga Përfaqësuesja e Lartë e BE-së”. Dialogu ndërmjet Kosovës dhe Serbisë, që ndërmjetësohet nga Bashkimi Evropian, ka nisur më 2011. BE-ja kërkon nga të dyja palët që në fund të procesit të arrijnë një marrëveshje për normalizimin e marrëdhënieve, e cila veç tjerash, thuhet se do t’ua hapte rrugën drejt integrimeve evropiane të dyja shteteve. 

Zyrtarët e lartë të BE-së i shkruajnë Haradinajt për zhgënjimin e tyre me tarifën

Përfaqësuesit e lartë të Bashkimit Evropian kanë vazhduar komunikimin përmes letrave me kryeministrin e Kosovës, Ramush Haradinaj. BE po i kërkon kryeministrit të Kosovës që të shfuqizojë masën e tarifës 100 për qind që u është vendosur prodhimeve me origjinë nga Serbia dhe Bosnjë e Hercegovina. Përfaqësuesja e Lartë e Bashkimit Evropian, Federica Mogherini, komisionarja për Tregti e BE-së, Cecilia Malmstrom, dhe komisionari për Zgjerim i BE-së, Johannes Hahn, përmes një letre i kanë shprehur kryeministrit të Kosovës, Ramush Haradinaj, zhgënjim e tyre për shkak të mbajtjes në fuqi të taksës 100 për qind ndaj prodhimeve të Serbisë dhe Bosnjë e Hercegovinës. Letra vjen si përgjigje ndaj një shkrese që Haradinaj u kishte dërguar zyrtarëve të BE-së, më 15 dhjetor, në të cilën ai nuk e ka pranuar kërkesën për tërheqje të taksës. Tre zyrtarët evropianë po ashtu thanë se nuk pajtohen me deklaratat e Haradinajt se dialogu mes Kosovës dhe Serbisë ka ngecur.

 

Tarifa nuk hiqet pavarësisht kush është kryeministër i Kosovës

Kryeministri i Kosovës, Ramush Haradinaj, deklaroi se tarifa ndaj mallrave të Serbisë dhe Bosnje Hercegovinës, nuk do të hiqet deri në njohjen e pavarësisë së Kosovës. Pas mbledhjes së sotme të qeverisë, Haradinaj tha se ky qëndrim do të mbetet i pandryshuar pavarësisht se kush është kryeministër apo ministër i Tregtisë. “Tarifa nuk do të hiqet, ai vendim do të konsolidohet si qëndrim i Kosovës pavarësisht kush është kryeministër, deri në njohjen e Kosovës ky vendim nuk ndryshon” tha Haradinaj. Qeveria e Kosovës i ka dy kërkesa për BE-në, që sipas Haradinajt, janë normalizimi i dialogut pasi "vlerësojmë se procesi ka dalur nga kontrolli" si dhe liberalizimi i vizave për Kosovën. Megjithatë, Haradinaj tha se, liberalizimi i vizave nuk ndërlidhet me vendosjen e tarifës ndaj mallrave serbe dhe të Bosnjës. Përndryshe, Kryetari i Kuvendit të Kosovës, Kadri Veseli sot nënshkroi Ligjet për transofrimin e FSK-së në Ushtri. Përmes një postimi në Facebook, ai tha se ky ishte njëri nga nënshkrimet më të mira dhe më të vlefshme. 

Prishtina e dëshiron Amerikën në dialog

Ministri i Jashtëm serb, Ivica Daçiq ka thënë se sjellja e kryeministrit të Kosovës Ramush Haradinaj në Bruksel sugjeron që shqiptarët nuk duan një vazhdim të dialogut, as që duan një kompromis. “Ata duan të sjellin situatën në një fazë të re në të cilën ata nuk do të flasin më Mogherinin, sepse ata janë të pakënaqur me Brukselin dhe po kërkojnë që Shtetet e Bashkuara të përfshihen në dialog”, raporton KlanKosova. Duke theksuar se takimi i Haradinajt me përfaqësuesin e BE-së, Federica Mogherini që u mbajt dje në Bruksel, i cili sipas tij ishte i pakëndshëm që as një konferencë e përbashkët shtypi nuk u mbajt, Daçiq, tha se Mogherini qartë kishte arritur në përfundimin se ata nuk kishin asgjë për të folur me gazetarët. Takimi i djeshëm në Bruksel mes delegacionit të Qeverisë së Kosovës të kryesuar nga kryeministri Ramush Haradinaj dhe kryediplomates evropiane, Federica Mogherini është përcjellë me tensione për shkak të taksës prej 100 për qind të vendosur ndaj produkteve me origjinë nga Serbia.  

Zv/sekretari amerikan i shtetit, Sullivan, viziton Maqedoninë

Zëvendëssekretari amerikan i shtetit, John Sullivan, po qëndron në Maqedoni në kuadër të vizitës së tij në disa shtete të rajonit. Diplomati i lartë amerikan në Shkup do të pritet nga kryeministri Zoran Zaev, ministri i Punëve të Jashtme, Nikolla Dimitrov, kryetari i Kuvendit, Talat Xhaferi dhe zyrtarë të tjerë. Në këto takime, siç bëhet e ditur, do të bisedohet për zhvillimet politike dhe të sigurisë në Maqedoni dhe rajon, marrëveshjen për emrin me Greqinë, nevojën e zbatimit të reformave dhe çështje të tjera. 

Qeveria britanike po përgatitet për një Brexit pa marrëveshje

Kabineti i kryeministres britanike, Theresa May, po merr në konsideratë përshpejtimin e përgatitjeve për daljen e vendit nga Bashkimi Evropian, pa një marrëveshje. Pritet që kabineti qeveritar të ndajë fonde në vlerë prej 2.2 miliardë euro për të zbutur një kaos të mundshëm ekonomik. Ministri për komunitetin dhe Pushtetin Lokal, James Brokenstein, i tha BBC-së, se qeveria ka kohë që e kupton mundësinë e daljes nga BE-ja pa një marrëveshje, por që tani është përgatitur për një Brexit kaotik. Rreth 100 ditë përpara se Britania të largohet nga BE-ja, mbetet e paqartë nëse kjo do të bëhet me ose pa marrëveshje, e cila mund të kishte pasoja në ekonominë e vendit.

 

Mos fajësoni emigrantët për problemet tuaja

Papa Françesku dënoi udhëheqësit nacionalistë të cilët fajësojnë emigrantët për problemet në vendet e tyre, pasi, siç tha, janë vetë ata që po nxisin mosbesimet në shoqëri përmes fitimeve të pandershme dhe politikave ksenofobike dhe raciste. Papa i cili iu doli në mbrojtje emigrantëve gjatë gjithë papatit të tij, i bëri këto komente në mesazhin e tij për Ditën Botërore të Paqës të Kishës Katolike. Letra iu dërgohet krerëve të shteteve dhe qeverive si dhe organizatave ndërkombëtare. Mesazhi i Papës vjen në kohën kur emigracioni është një nga çështjet më të diskutueshme në vende të ndryshme si Shtetet e Bashkuara, Italia, Gjermania dhe Hungaria. Papa Françesku shprehet se është i trishtuar se ky mosbesim gjendet “gjithashtu në nivelin politik, në qëndrimet e refuzimit dhe format e nacionalizmit të cilat po vënë në pikëpyetje vëllazërinë, për të cilën bota jonë e globalizuar ka aq shumë nevojë”.

 

Edhe nesër mot kryeisht i thatë

Në jug dhe bregdet të Malit të Zi sot mbajti mot kryeisht i kthjellët deri me vransira të pakta, në veri me vransira të ndryshueshme deri krejt i vranët, por kryeisht i thatë. Frynë erë mesatare deri e fortë, vende vende shumë e fortë nga drejtimet e veriut dhe verilindjes. Temperaturat në orën 14 u shënuan: në Budvë 15 gradë, Herceg Novi 13, Tivar 12, Podgoricë 10, Ulqin 8, Cetinë 6, Nikshiq 4, Bijello Pole 0, Beranë -1, Plavë e Rozhajë -2, Kollashin -3 dhe në Zhablak -5 gradë.

Për nesër parashihet të mbajë mot kryesisht me diell dhe i thatë. Do të fryjë erë e dobët deri mesatare nga drejtime të ndryshme.

Temperatura e mëngjesit do të jetë prej -10 deri në 5 kurse më e larta e ditës prej 0 deri në 14 gradë celsius.

 

]]>
Lajmet http://www.rtcg.me/shqip/lajmet/224774/lajmet-18122018.html