[ Beta ]

PREMIJER LIGA

Liverpul se vratio na prvo mjesto, Arsenal siguran

Fudbaleri Liverpula pobijedili su danas na svom terenu Bornmut sa 3:0 u 26. kolu Premijer lige i tako se vratili na lidersko mjesto.

Liverpul je od početka utakmice bio znatno bolji rival, iako u prvih 20 minuta nije ozbiljnije priprijetio rivalu.

Vodeći gol za tim Jirgena Klopa postigao je Sadio Mane u 24. minutu poslije centaršuta Džejmsa Milnera sa desne strane.

Liverpul je samo 10 minuta kasnije povisio na 2:0, a ovaj put Endrju Robertson je dubinskom loptom pronašao Žoržinja Vajnalduma, koji je prelijepim lob udarcem savladao Artura Boruca.

Konačan rezultat na stadion Enfild postavljen je na samom početku drugog poluvremena, odnosno u 48. minutu poslije dobrog napada koji je nakon proigravanja petom Roberta Firmina završio Mohamed Salah.

Arsenal je u gostima sa 2:1 pobijedio posljednjeplasirani Hadersfild, a golove za trijumf londonskog tima postigli su Aleks Ivobi u 16. i Aleksandar Lakazet u 44. minutu.

Strijelac jedinog pogotka za Hadersfild bio je zapravo autogol Seada Kolašinca u 93. minutu.

Kardif je istim rezultatom kao i Arsenal pobijedio Sautempton, dok je Votford sa 1:0 pobijedio Everton. Kristal Palas i Vest Hem igrali su neriješeno 1:1.