[ ofktitograd.me ]

19. 11. 2019. 17:48   >>  17:43 0

IDE UTAKMICU PO UTAKMICU

Govedarica: Moramo vratiti pobjednički mentalitet

Novi šef stručnog štaba OFK Titograda Zoran Govedarica rekao je da se nakon samo četiri osvojena boda u sedam mečeva, ne smije govoriti o ciljevima.

“Moramo samo razmišljati o utakmicama koje predstoje. Raditi utakmicu po utakmicu i vratiti ekipi pobjednički mentalitet, što sam siguran da ima i što je pokazala na početku sezone, kada je imala dobre rezultate. Nijesam mađioničar, da mogu promijeniti stvari odjednom, ali uz vrijedan rad, uz vjeru i igrače i sebe, siguran sam da ćemo na kraju poboljšati stvari”, poručio je Govedarica nakon prvog treninga na kojem je vodio “romantičare”.

Titograd će u subotu gostovati Budućnosti u 16. kolu Telekom 1.CFL, što će biti i debitantski nastup novog trenera.