Izvor: Sport klub [ Objavio: O.Z. ]

NA BOD DO BAJERNA

Borusija Dortmund preskočila Lajpcig

Borusija iz Dortmunda ostvarila je četvrtu pobjedu zaredom, pošto je u meču 25. kola Bundeslige pobijedila u gostima istoimeni tim iz Menhengladbaha sa 2:1.

Dvije ekipe bile su gotovo izjednačene u svim aspektima igre, s tim što je tim iz Dortmunda imao jedan šut više u okvir gola rivala.

Gosti su poveli već u osmom minutu igre. Gol je postigao Torgen Azar i to poslije asistencije Erlinga Holanda, njegove prve u Bundesligi.

Napadali su domaći u nastavku, ali do kraja poluvremena nijesu uspjeli da dođu do izjednačenja. Rezultat je poravnan u 50. minutu kada je Lars Stindl dobro reagovao poslije kornera.

Ekipa iz Dortmunda je igrala agresivnije u nastavku, pa je u 71. minutu ponovo došla do vođstva. Džejdon Sančo je namjestio loptu za Ašrafa Hakimija, koji ju je smjestio u gol. To je bio rezultat kojim je završen meč.

Dortmund je druga na tabeli, sa bodom manje i utakmicom više od Bajerna. Ekipa iz Menhenglabdaha je peta.