GRUPA C

Zenit i Monako podijelili bodove

Fudbaleri Zenita i Monako završili su susret u Sankt Peterburgu bez golova (0:0) u prvom večerašnjem duelu, meču grupe C Lige šampiona.

Rusi su imali ulogu favorita, koliko zbog domaćeg terena, toliko i zbog činjenice da u Monaku više ne igraju Hames Rodriguez i Radamel Falkao. 

Gosti su već u trećem minutu zaprijetili Zenitu preko Berbatova.

Pored te, u prvih 45 minuta zabilježena je još jedna šansa, kada je Okampos pokušao da matira domaćeg golmana, ali je Lodigin uz dosta muka loptu izbacio u korner. 

Nastavak meča donio je dosta trke i borbe, ali mreže se nijesu tresle.

Podsjetimo, oba tima su slavili u prvim kolima, pa je ova podjela bodova dobro došla i jednima i drugima.