Najbolji golman

Bufon vodi na listi najboljih

Golman Juventusa Đanluiđi Bufon u ovom trenutku vodi u izboru za najboljeg golmana XXI vijeka u izboru Instituta za fudbalsku istoriju i statistiku (IFFHS).

Bufon poslije 12 godina u ovom vijeku ima samo bod prednosti u odnosu na Španca Ikera Kasiljasa, poslije glasanja za 2012. godinu.

Zanimljivo je da je do sada golman madridskog Reala jedan put više izglasan za najboljeg golmana na svijetu prethodnih godina, ali bi na kraju ove godine mogao da bude na vrhu samo ako se nađe dva mjesta ispred Điđija.

Bufon na čelu ima 218 bodova, a Kasiljas 217, a njima dvojici je od aktivnih golmana najbliži Petr Čeh iz Čelsija sa 172. bodova. Iza slijede Edvin van der Sar i Oliver Kan, koji su već nekoliko godina u penziji.