SVE GOTOVO ZA POLA SATA

Lacio "lak zalogaj" za Juve

Od derbija Juventusa i Lacija nije bilo ništa, pošto je "Stara dama" za pola sata završila posao i lako slavila 2:0. Šampion je sada na plus 15 u odnosu na večerašnjeg rivala i jedino je ostalo da se vidi koliko će kola prije kraja Juve matematički ovjeriti titulu.

Juve je sa dva gola u prvih pola sata završio posao. Strijelci su bili Karlos Tevez i Leonardo Bonući.  

Prvo je Tevez realizovao asistenciju Vidala, a potom je Pirlo izbacio Bonućija koji je istrčao kontru i u maniru golgetera savladao Marketija.

Gosti su u nastavku meča imali inicijativu, dobru šansu je imao Kandreva koji je šutirao iz slobodnjaka,, ali je Bufon uz pomoć prečke spriječio pogodak. 

Lacio je meč završio meč sa desetoricom, jer je minut prije kraja Danilo Kataldi udario Teveza i dobio direktan crveni karton.

U premijernom meču kola Sampdorija i Ćezena su igrali bez golova.