SERIA A

Palermo i Bolonja podijelili bodove

U prvom meču nedjeljnog programa 32. kola Serije A, Palermo je, kod kuće, odigrao neriješeno sa Bolonjom 1:1, i tako ostao unutar opasne zone.

Palermo nije iskoristio domaći teren i priliku da se izjednači sa Sijenom koja se nalazi van zone ispadanja.

Domaćin je odlično otvorio meč, Josip Iličić je pogodio već u 5. minutu, nakon asistencije Mikolija. Na izjednačenje Bolonje nije se dugo čeakalo. Već u 17. minutu izjednačio je Gabijadini.

Iako je Palermo imao inicijativu, mreže su mirovale do kraja meča.

Palermo je i dalje na 18. poziciji u italijanskom prvenstvu sa 28 bodova, dok je Bolonja na 12. mjestu sa 38 bodova.

Danas, u 15 sati, su na programu još šest utakmica Serije A, dok će sjutra, u večernjem terminu, Lacio ugostiti Juventus.