11. 12. 2019. 20:48   >>  23:08 1

LEKCIJA GALATASARAJU

Treća vezana pobjeda Budućnosti

Budućnost Voli je savladala Galatasaraj u "Morači" 94:78, upisala treću vezanu pobjedu u Evrokupu , ali je našem timu ostala samo teorija za plasman u TOP 16.

"Plavi" su od starta druge četvrtine preuzeli konce igre u svoje ruke, pa je na poluvremenu naš tim imao plus 15(55:40).

U nastavku su izabranici Petra Mijovića lako odbranili ubjedljivu prednost, do konačnih 94:78.

Trento je večeras savladao Arku u gostima 85:78 i sada ima pobjedu više i bolji međusobni skor od "plavih.

Ostala je još samo jedna mogućnost - da u posljednjem kolu Budućnost pobijedi Oldenburg u gostima, Trento izgubi od Unikahe na svom terenu, a Arka savlada Galatasaraj u gostima.

Hasan Martin je predvodio Budućnost do pobjede sa 24 poena i 10 skokova, Bamfort jedodao 16 poena, Danilo Nikolić je ubacio 12, Suad Šehović 11, a Nikola Ivanović 10.

Na drugoj strani najefikasniji je bio Zek Ogast sa 16 pogodaka.