EVROLIGA

Danston MVP trećeg kola

Brajant Danston, košarkaš Olimpijakosa, ponio je titulu MVP-a, odnosno najkorisnijeg igrača 3. kola Evrolige, dok je Žofri Lovernj iz Partizana prvi skakač.

Danston je u pobjedi prvaka Evrope protiv Bajerna (88:83) imao 19 poena, osam skokova i tri blokade, sa ukupnim indeksom korisnosti 33.

Andres Noćioni iz Laboral Kuće i Darjus Lavrinovič iz Budiveljnika, zauzimaju drugo, odnosno treće mjesto sa indeksom 31. Lavrinovič je protiv “crno-bijelih“  upisao 22 poena, osam skokova, dvije blokade i isto toliko asistencija.

Džo Ingles iz Makabija je četvrti (30), a Mirotić iz Real Madrida sa indeksom 28 zauzima petu poziciju.

Najbolji poenter kola je Nikos Papas iz Panatinaikosa, koji je ubacio 24 poena u pobjedi grčkog tima nad Crvenom Zvezdom Telekom, dok je Omar Kuk najbolji asistent.

Pored Papasa na listi najboljih košgetera nalaze se još Bogdanović koji je dao 23 poena,  koliko i Pocius i Kejsi Džejkobsen, dok je Lavrinović postigao 22.