EVROPSKA HRVATSKA

Zbog marame ostala bez lične karte

Deset godina trajala je pravna bitka Điljseme Idrizi, muslimanke iz Crikvenice u Hrvatskoh, za ličnu kartu, odnosno fotografiju u njoj.

Naime, kao pripadnica islamske vjere za službeni dokument slikala se s maramom na glavi, ali takvu fotografiju policijski službenici nijesu željeli da joj prihvatie. Zato nije mogla izvaditi ni druge dokumente, zbog čega je, kako kaže, bila građanin drugog reda.

Fotografija žene s maramom može u ličnu kartu. Odlučio je tako Ustavni sud Hrvatske presudom u korist Điljseme Idrizi, muslimanke iz Crikvenice. Njoj je 2004. godine fotografija s maramom odbijena u zahtjevu za izdavanje lične karte, piše Dnevnik.hr.

"Smatramo da je ova presuda izuzetno značajna ne samo za našu stranku već i za cjelokupni pravni poredak Republike Hrvatske", kazala je njen advokat Ana Holjar.

Njenom klijentu povrijeđeno je Ustavom zagarantovano pravo na slobodu savjesti i vjeroispovijedi. Zbog toga je u Pravilniku o obrascima i evidenciji ličnih karata prije godinu dana dodata stavka koja se striktno odnosi na ovakve slučajeve.

Na fotografiji osobe koja iz vjerskih ili medicinskih razloga nosi pokrivalo za glavu moraju se vidjeti obrazi, čelo i brada.

Điljesema je stoga godinama bila bez lične karte. Nije mogla da putuje, niti da dođe do ostalih dokumenata. A drugdje su se u Hrvatskoj lične karte s takvim fotografijama bez problema izdavale. Jer je svako tumačio pravila na svoj način.

U Njemačkoj je, na primjer, dopušteno da muslimanke u vozačkoj dozvoli imaju sliku s maramom dok se u Italiji, barem kada je riječ o slikanju za lične dokumente, muslimanke s maramom mogu slikati jednako kao i časne sestre.