[ Anadolija ]

TURKIŠ ERLAJNZ

Pješčana oluja prizemljila avion

Avion turske aviokompanije Turkiš Erlajnz, koji je saobraćao na relaciji Istanbul - Abu Dabi, prinudno je sletio na aerodrom u Dubaiju zbog žestoke pješčane oluje.

Avion tipa Erbas A330 sinoć je poletio iz Istanbula u 20 sati i 20 minuta, a slijetanje na aerodrom u Abu Dabiju bilo je planirano u 1 sat i 45 minuta iz ponoći.

No, zbog snažne pješčane oluje u Abu Dabiju, avion je preusmjeren na aerodrom u Dubaiju. 

Avion Turkiš Erlajnza prevozio je 132 putnika, koji će drumskim saobraćajem nastaviti put do Abu Dabija, a avion će biti vraćen u Istanbul. Abu Dabi je od Dubaija udaljen oko 145 kilometara.