MEKSIKO

Uhapšen policajac odgovoran za 350 ubistava

Mario Nunjez, član jednog od najozloglašenijeg narko-kartela, bivši policajac i čovjek koji se tereti za više od 350 ubistava, uhapšen u meksičkoj državi Čivava.

„Za ovu osobu se vjeruje da je odgovorna za ubistvo više od 350 ljudi čija su tijela skrivana u 23 masovne grobnice“, rekao je portparol policije Eduardo Sančez.

Taj bivši policajac je prvo radio za Suarez Kartel, da bi se kasnije pridružio suparničkoj Sinaloa organizaciji, na čijem čelu je najtraženiji čovjek u Meksiku Joahin Gusman.

Policija Nunjeza sumnjiči za višestruka ubistva, otmice, porast nasilja i porast prodaje droge u Sjudad Huarezu, koji se graniči sa gradom El Paso u američkoj državi Teksas.

Nunjeza i Savezni sud u Teksasu tereti za šverc drogom, a meksičke vlasti su saopštile da bi i u SAD mogao biti osuđen na kaznu zatvora i do 40 godina, međutim Amerika još nije uputila zahtev da joj se Nunjez izruči.