[ B92, Objavila: J.B.Č. ]

GRČKA

Požar kod Atine ponovo prijeti kućama

Šumski požar koji je izbio nedaleko od Atine prijeti domovima na istom području gdje je prošle godine požar odnio više od 100 života.

Vatrogasna služba je danas saopštila da tri aviona i dva helikoptera koji ispuštaju vodu, pomažu vatrogasnim ekipama pored luke Rafina.

Glavni put koji vodi do tog područja je zatvoren za dolazni saobraćaj.

Ta oblast je popularna među kupačima tokom ljeta, prenio je AP.

Prije godinu dana šumski požar zahvatio je područje Mati i druga obalska područja pri čemu su život izgubile 102 osobe, a uništeno je na hiljade kuća.

Današnjoj komemoraciji za žrtve iz tog područja prisustvovao je i novi grčki premijer Kirjakos Micotakis.