ZBOG OBILNIH KIŠA

U poplavama u Indoneziji poginulo 10 osoba

Najmanje deset lica je poginulo u klizištima i poplavama izazvanim obilnim kišama u centralnom dijelu Indonezije.

Do sada je devet tijela izvučeno iz blata i ruševina kuća, a jedno iz vode - izjavio je zvaničnik službe za vanredne situacije Sutopo Purvo Nugroho.

On je dodao da je oko 1.200 ljudi smješteno u privremena skloništa.Prema njegovim riječima, obilna kiša koja je zahvatila region tokom noći sa subote na nedjelju prouzrokovala je poplave i klizišta.

Blato i stijene slivaju se niz padine brda u sedam distrikta Manada, glavnog grada provincije Sjeverni Sulavezi, a više od 1.000 kuća je potopljeno kada se izlila rijeka - precizirao je Nugroho.

Spasilačke ekipe traže one koji su još zatrpani u blatu i kamenju.

Sezonske obilne padavine svake godine izazovu u Indoneziji desetine klizišta i poplava.