NAKON POVREDE

Merkel Njemačkom upravlja od kuće

Njemačka kancelarka Angela Merkel će raditi od kuće, pošto je povrijedila karlicu dok je skijala u Švajcarskoj. Doktori su joj savjetvali mirovanje sljedeće tri nedjelje.

Merkelin portparol Stefan Sajbert je rekao u ponedjeljak da je njemačka kancelarka prvo mislila da je riječ samo o modrici na karlici, koju je zadobila dok je skijala.

Kasnije su doktori utvrdili da se ipak radi o lakšem prelomu.

Portparol je rekao da će Merkelova morati da otkaže brojne susrete, poput najavljene posjete Varšavi i Berlinu. Merkelova će nastaviti da se bavi državnim poslovima, i radiće od kuće dok se oporavlja.

On je dodao da se povreda desila "pri maloj brzini", ali nije znao da kaže da li je bila uključena druga osoba.