BORBA PROTIV TERORIZMA

U Jemenu ubijeno 12 pripadnika Al Kaide

Vojska koristila artiljeriju i avione prilikom napada, a među ubijenim je i Belidi Tavfik, brat jednog od Al Kaidinih vođa u provinciji Abjan.

Jemenska vojska ubila je 12 pripadnika Al Kaide u napadu na njihovo skrovište u planinskom, udaljenom južnom području Jemena, saopštio je jedan lokalni zvaničnik.

Vojska je koristila artiljeriju i avione prilikom napada na uporište Al Kaide u blizini Shaqree, oko 35 kilometara od Zinjibara, prijestonice provincije Abjan, rekao je neimenovani zvaničnik, prenosi AFP.

U sukobima od ponedjeljka ubijeno je najmanje 18 pobunjenika.

Među ubijenima je i Belidi Tavfik, brat jednog od Al Kaidinih vođa u toj provinciji.

Lider paravojne jedinice Luhiši Husein, koja podržava jemensku vojsku u borbi protiv mreže pobunjenika u južnom dijelu zemlje, rekao je da je operacija rezultirala "pogibijom više od 10 članova Al Kaide".

U sukobima od ponedjeljka ubijeno je najmanje 18 pobunjenika i 14 vojnika jemenske vojske.