PREMIJER LIGA

Preokret Totenhema

Totenhem je nakon preokreta pobijedio Stouk na izuzetno teškom gostovanju 2:1. Trijumf „sparsima“ omogućava nastavak borbe za mjesto u Ligi šampiona.

Stouk je poveo već u trećem minutu utakmice. Gol je postigao Nzonzi, na asistenciju Adama.

Ipak, Totenhem se brzo vratio u igru. Već u 20. minutu gosti su izjednačili preko Dempsija.

Na startu drugog poluvremena, Stouk ostaje sa desetoricom, jer je  Adam dobio drugi žuti karton.

Totenhem je tek pred kraj utakmice iskoristio igračku prednost. Veliku pobjedu Totenhemu je donio Adebajor, pogotkom u 83. minutu utakmice.

Totenhem će se tako naći na četvrtoj poziciji sa 69 bodova, dva boda više od Arsenala ali i utakmicom više.