Objavio: S.V.

DRUGI PORAZ ŠAMPIONA

Milan iznenadio Juve, evrogol Lokatelija

Fudbaleri Milana savladali su Juventus na "San Siru" 1:0, u velikom derbiju devetog kola Serije A.

Trenutak odluke na “San Siru“ dogodio se u 65. Minutu – Suso je usposlio Lokatelija, koji je poslao projektil pod prečku i Đanluiđi Bufon je bio nemoćan.

Lokateliju je ovo drugi pogodak u dresu Milana, a prethodni je postigao protiv Sasuola.

Juventus je do kraja silovito napadao, a najbolju priliku imao je u nadoknadi. Sami Kedira je šutirao sa dvadesetak metara, ali je Donaruma krajnjim naporom odbranio i tako sačuvao pobjedu Milanu

Juventusu je u prvom poluvremenu poništen gol Miralema Pjanića, i to zbog ofsajda.

Milan se ovom pobjedom približio Juventusu na samo dva boda zaostatka.

U prvom meču devetog kola, Sampdorija je u gradskom derbiju savadala Đenovu 2:1.