[ Beta ]

PREMIJER LIGA

Siti osvojio "Stamford bridž", De Brujne heroj

Fudbaleri Mančester sitija pobijedili su večeras u gostima Čelsi sa 1:0 u derbi utakmici sedmog kola engleske Premijer lige.

Jedini gol na utakmici postigao je Kevin de Brujne u 67. minutu.

Siti sada ima 19 bodova i današnjom pobjedom je zadržao diobu prvog mjesta u Premijer ligi sa gradskim rivalom Mančester junajtedom, dok je šampion Engleske, Čelsi, četvrti sa 13.

Prvo poluvrijeme utakmice na stadionu Stamford bridž nije donijelo mnogo uzbuđenja. Oba tima imala su po nekoliko solidnih situacija pred golom rivala, ali su mreže poslije prvih 45 minuta mirovale.

U drugom poluvremenu Siti je imao inicijativu i to je donijelo rezultat u 67. minutu. Gabrijel Žezus je s ivice šesnaesterca odigrao povratnu ka De Brujneu, koji je nakon kratkog driblinga snažno šutirao i savladao Tibu Kurtou.

Do kraja susreta gosti su mogli do još jednog gola, ali je Antonio Ridiger s gol linije u 85. minutu zaustavio snažan šut Žezusa sa oko 10 metara.