147 MEČ

Mesi izjednačio Maskeranov rekord

Kapiten argentinske ekipe Lionel Mesi odigrao je svoj 147. meč u nacionalnom dresu čime se izjednačio sa Havijerom Maskeranom.

Njegova ekipa slavila je protiv Paragvaja minimalnim rezultatom, te se tom pobjedom pozicionirala na vodeću poziciju Kopa Amerike.

Jedini gol na meču postigao je Papu Gomez u 10. minutu igre. Maestralno je Di Marija proigrao igrača Sevilje koji je samo "bocnuo" loptu preko paragvajskog čuvara mreže.

Moglo je biti i više ali je autogol Žuniora Alonsa poništen zbog ofsajda.

U preostalim mečevima Peru je savladao Kolumbiju u gostima rezultatom 1:2, dok su Urugvajci stigli do prvog boda protiv Čilea (1:1).