Л.В.

NBA

Njujork izbacio Klivlend: Brunosn ima mjeru Mičela

Njujork Niksi su savladali Klivlend Kavalirse 106:95 i sa ukupnim rezultatom 4:1 u seriji, prošli u sljedeću rundu.

Klivlend je prije početka plejofa važio za bladog favorita, ali naletjeli si na zid, na tibdoovsku košarku, a Džejlen Brunosn je pokazao da ima mjeru Donovana Mičela.

Plej Niksa je i prošle sezone u drugoj konferenciji u duelu Daladasa i Jute (za koju je Mičel tada nastupao) izbacio Mičela i tako se pokazao kao "specijalista" za dokazanog šutera i višestukog Ol star igrača.

Brunson se na konferencije za medije nakon meča pojavio sa majicom na kojoj je bila slika bivšeg Ol star igrača Njujork Niksa Džona Starka kako zakucava.

Otac pleja Njujorka Rik Brunson, bio je član Niksa od 1999. do 2001. godine.

"Razmišljao sam o tome danas. Sjajan je osjećaj kad znate da vam je i otac igrao ovdje. Nije on bio nikad lider ekipe, ali je bio član onog tima koji je stigao do finala. Povezanost sa njim je pun krug u našoj familiji, to je stvarno nešto posebno, kazao je Brunson.

U ovom duelu je u prosjeku bilježio 24 poena i jedan je od najzaslužnijih za prolaz dalje, dok su u Dalasu svjesni kakvog igrača su "pustili" da ode.

Nevjerovatan je podatak da je ovo tek drugi put u posljednje 23 godine na Niksi nastavljaju ka drugoj rundi.

U ovoj zadnjoj utakmici ponovo se Džulijus Rendl uhvatio za članak pa je propustio dobar dio drugog poluvremena i očekuje ga sanacija, ali Kavalirsi nisu mogli ništa.

Iako na papiru Alen-Mobli izgleda kao bolja opcija na centru, u ovom meču zbirno su imali 10 poena i 11 skokova za porsjek od 35 minuta u ovoj utakmici i bez Rendla sa druge strane cijelo drugo poluvrijeme.

Kavsi su nadskočeni cijelu ovu seriju, a sinoč je to bilo 48:30 u korist Niksa.

Dominirao je Mičel Robinson sa druge strane sa 18 skokova od čega čak 11 ofanzivnih.

Mičel je dao 28 poena, ali očajni procenti 11/26 iz igre od čega tek 3/12 za tri poena.

Pored Brunsona, dobra rola Obija Topina koji je dobio mjesto Rendla u drugom poluvremenu i već u trećoj dionici je ubacio 12 poena.

"Ovo je tradicija Njujorka, ne kao tima, već kao grada. Imamo najbolje navijače na svijetu, najbolju arenu i najbolji grad iza nas. Kako su nas oni nosili tako smo mi igrali. Čvrsto, jako, pametno i što je najbitnije timski", kazao je Tom Tibodo, trener Niksa nakon prolaza.

U ostalim mečevima Memfis je uspio da preživi Los Anđeles Lejkerse i smanji zaostatak na 3:2, dok je Golden Stejt totalno preokrenuo seriju sa Sakramentom i sada vodi 3:2.