OBRADOVIĆ U ZADRU

Nijesam zvijezda, partizan sam

Trener košarkaša Fenerbahčea Željko Obradović gostovao je s ekipom na turniru u Zadru, gdje je imao spreman odgovor na konstataciju novinara "Večernjeg lista" Dražena Brajdića da je zvijezda gdje god se pojavi.

"Nijesam ja zvijezda, ja sam partizan", odgovorio je legendarni stručnjak koji je Partizanu donio titulu prvaka Evrope 1992. kao trener, uz osvrt na nadimak Žoc.

"Kada je 1973. Kićanović kao član reprezentacije bivše SFRJ postao prvak Evrope, mi klinci jako smo se palili na košarku, jer je Kićan bio naš Čačanin. Šutirali smo do iznemoglosti, a kada bi lopta ušla "bez koske" mi bismo vikali "svaka cepa". Kako je meni to dosta dobro išlo jedan mi je prijatelj rekao da sam Željko Obradović Cepač, a to je vremenom preraslo u Žoc. Danas me tako zovu i jako volim taj nadimak", otkrio je Obradović.