VELIKA ČAST

Đoković ušao u Ginisovu knjigu rekorda

Najbolji teniser svijeta Novak Đoković ušao je u Ginisovu knjigu rekorda i to iz dva razloga.

Prvo zbog toga što je najviše osvajao Australijan open (ukupno pet puta), a drugo zbog najdužeg finala u istoriji ovog turnira, koje je igrao protiv Rafaela Nadala (pet sati i 33 minuta).

U novom izdanju Ginisove knjige, koja je biiti objavljena 10. septembra, osim Novaka Đokovića i Rafaela Nadala našli su se  i Frenk Lampard i Žoze Murinjo.

Lampard kao igrač koji je postigao makar jedan gol protiv najviše različitih klubova u Premijer ligi, dok je Murinjo upisan za najveći broj poena u sezoni Premijer lige, najviše titula osvojenih u različitim klubovima, kao najmlađi menadžer koji je došao do stotinu mečeva u Ligi šampiona i kao stručnjak sa najvećim brojem mečeva bez poraza na domaćem terenu.

Mjesto su osim njih zaslužili Kristijano Ronaldo i Luis Hamilton.