MASTERS U RIMU

Češko polufinale: Pliškova protiv Vondrušove

Češke teniserke Karolina Pliškova i Marketa Vondrušova plasirale su se danas u polufinale turnira u Rimu.

Pliškova je napravila još jedan korak ka obrani titulu u Rimu, pošto je u četvrfinalu pobijedila Belgijanku Elis Mertens sa 6:3, 3:6, 6:0 poslije dva sata i 11 minuta igre.

Ranije danas, Vondrušova je lako savladala Ukrajinku Elinu Svitolinu sa 6:3, 6:0.

Bila je ovo prva pobjeda 21-godišnje Čehinje nad nekom igračicom iz Top 10 poslije više od godinu dana. Takođe, Vondrušova se plasirala u svoje prvo polufinale od polufinala prošlogodišnjeg Rolan Garosa.

U drugom polufinalu sastaće se Rumunka Simona Halep i Garbinje Mugurusa iz Španije.