Beta [ Objavio: O.Z. ]

22. 09. 2019. 19:12   >>  19:12

HONG KONG

Demonstranti gazili kinesku zastavu

Prodemokratski protesti u HongKongu danas su još jednom bili obilježeni nasiljem kada su demonstranti gazili kinesku zastavu, uništili jednu stanicu podzemne i zapalili požar preko jedne široke ulice.

Današnji protesti počeli su mirno, demonstranti su ušli u jedan tržni centar, i tamo izveli novu akciju sklapanja origami ždralova koje su kačili na konstrukciju.

Neki su stavili kinesku zastavu na pod i na smjenu trčali preko nje prije nego što su je išarali i bacili u oblilžnju rijeku ispred tržnog centra.

Policija je protiv demonstranata upotrijebila suzavac.

Prodemokratski protesti u Honkongu koji su sada ušli u četvrti mjesec često prerastu u nasilje i vandalizam kasnije tokom dana i tokom noći.

Antivladini demonstranti imaju više zahtjeva uključujući pune demokratske izbore u tom poluautonomnom kineskom gradu.