PROTIV KUKALOVE

Danka danas na pariskoj šljaci

Najbolja crnogorska teniserka, Danka Kovinić, danas će igrati protiv Čehinje Klare Kukalove u prvom kolu Rolan Garosa.

Kovinić je ove godine bez kvalifikacija došla do glavnog žrijeba Gren slema na šljaci. Rivalka u prvom kolu biće joj 33-godišnje Čehinja, 77. teniserka svijeta, koju je već savladala ove godine na turniru Trnavi sa 6:1, 6:4. Kasnije je osvojila trofej u Slovačkoj.

Prije toga igrali su 2013. i tada je Kukalova slavila 6:4, 6:3.

Danka će igrati na terenu broj 10 teniskog kompleksa u Bulonjskoj šumi. Prije njenog duela sa Kukolovom igraju se još tri meča na tom terenu. Prvi počinje u 11 sati, a nastup naše teniserke na Rolan Garosu planiran je za 16 sati i 30 minuta. 

Ako prođe u drugu rundu, Novljanka će imati teži posao, pošto će se sastati sa boljom iz duela Eženi Bušar - Kristina Mladenović.

Podsjetimo, Danka je igrala u Parizu i prošle godine, tada je stigla iz kvalifikacija, a ispala je od Kirsten Flipkens. Nadamo se da će ove godine napraviti korak više.