L.V. [ Beta ]

30. 07. 2022. 15:35   >>  15:32

POGODIO IZ PENALA

Navijač Evertona koji je pomogao ukrajinskim izbjeglicama postigao gol

Navijač Evertona Pol Straton, koji je pomogao ukrajinskim izbjeglicama, izveo je penal u prijateljskoj utakmici engleskog kluba i Dinama iz Kijeva.

Straton (44) je u petak uveče ušao u igru pred kraj "utakmice za mir" na Gudison Parku. Straton je šutirao i pogodio sa "bijele tačke", ali se gol nije računao i utakmica je završena pobjedom Evertona 3:0.

Navijač Evertona je opštinski radnik u Liverpulu, a tokom rata u Ukrajini putovao je u Poljsku da isporuči pomoć izbjeglicama.

 

Prihod od prodaje ulaznica ići će humanitarnim organizacijama.

Ovo je bila prva "utakmica za mir" u Velikoj Britaniji. Dinamo iz Kijeva je od početka rata igrao slične utakmice u drugim evropskim zemljama.

Među navijačima je bilo 2.000 ukrajinskih izbjeglica koje su smještene u lokalnoj zajednici.