S.V.

Radunovićev FCSB slavio u Holandiji, Žiru heroj Lila

FCSB i Lil upisali su pobjede na startu Lige Evrope - tim našeg reprezentativca Rista Radunovića je savladao Go Ahed Igle u gostima 1:0, dok je francuski klub pobijedio Bran 2:1 na svom terenu.

FCSB je do tri boda u Holandiji stigao pogotkom Mikuleskua u 13. minutu.

Radunović je na poluvremenu zamijenio Kikija.

FCSB u narednom kolu dočekuje Jang Bojs, dok Go Ahed Igls gostuje Panatinaikosu.

U Francuskoj sva tri gola viđena su u nastavku. Lil je poveo preko Igamane u 54. minutu, da bi Norvežani izjednačili na isteku sata igre golom Magneusena.

U finišu je na scenu stupio Žiru, koji je pogodio u 80. minutu i doni tri boda Lilu.

Legendarni napadač je ušao u igru u 67. minutu umjesto strijelca prvog pogotka.

U sljedećem kolu Lil gostuje Romi, a Bran dočekuje Utreht.