N.R.

VIDEO Konte i Lautaro ušli u žestok sukob

Napoli je na stadionu „Diego Armando Maradona“ savladao Inter sa 3:1 u utakmici koja će se dugo pamtiti po spornim odlukama i sitnim sukobima na terenu.

Najviše bure izazvao je jedanaesterac dosuđen u korist domaćih, koji je mnogima djelovao krajnje sumnjivo. Nakon toga, nervoza se prelila na teren – posebno u redovima Intera, čiji su fudbaleri u prvom dijelu promašili nekoliko velikih prilika.

Drugo poluvrijeme obilježile su čarke među igračima, ali i burne reakcije trenera. U centru pažnje našli su se Antonio Konte i Lautaro Martinez, nekadašnji saradnici iz Intera, čiji je sukob zapalio atmosferu.

„Uplašen si sad, da, up*škićeš se od straha!“, viknuo je Lautaro prema svom bivšem treneru.

Konte mu nije ostao dužan: „Idi, daj gol, sm*će jedno!“

Njihova rasprava samo je pojačala uvjerenje da odnosi između njih dvojice nikada nijesu bili idilični, ni u danima zajedničkih uspjeha u Milanu.