L.V.

Bogavac dobar u rutinskoj pobjedi Sjeverne Karoline uz najbolji +/- u ekipi

Dok je David Mirković imao istorijsko veče, još jedan crnogorski košarkaš ostavio je sjajan utisak u NCAA ligi. Luka Bogavac i njegova Sjeverna Karolina upisali su ubjedljivu pobjedu u lokalnom derbiju protiv Sjeverne Karoline Central - 97:53.

Bogavac je za 25 minuta na parketu ubacio 13 poena, uz po dva skoka i asistencije, ali brojke ne pričaju cijelu priču. Ono što ga je izdvojilo od svih saigrača jeste najbolji „plus/minus“ učinak u ekipi – sa njim u igri, Tar Hilsi su bili čak +39 u odnosu na protivnika.

„Igra pametno i zrelo – što i jeste njegov najveći kvalitet. Koristan je čak i kada ne postiže poene, iako je u petak dodao i 13 poena“, zapisali su američki mediji koji prate Sjevernu Karolinu.

Popularni Tar Hilsi otvorili su sezonu sa četiri uzastopne pobjede i već sada pokazuju da bi i ove godine mogli igrati važnu ulogu u NCAA.