S.V.

Prvi trijumf u Svjetskom kupu: Brenštajner slavio u veleslalomu u SAD

Austrijski skijaš Štefan Brenštajner bio je najbrži u večerašnjem veleslalomu, trci Svjetskog kupa voženoj u Koper Mauntinu u Koloradu.

Brenštajner je pobijedio u vremenu 1:13,27 minuta i ostvario prvi trijumf u karijeri u Svjetskom kupu.

On je slavio ispred Norvežanina Henrika Kristofersena sa 0,95 sekundi zaostatka.

Hrvatski skijaš Filip Zubčić bio je trećeplasirani sa sekundom zaostatka.

Favorit za pobjedu, Švajcarac Mark Odermat nije završio prvu vožnju, pošto je izgubio kontrolu , u trenucima dok je imao najbolje vrijeme na stazi. To je prvi put od prošlog decembra da nije završio veleslalomsku trku.

U generalnom plasmanu Svjetskog kupa vodi Odermat sa 200 bodova, Švarc je drugi sa 166, a treći je Kristofersen sa 158 bodova.