[ R.B. ]

27. 01. 2022. 13:47   >>  13:48

LGBT FORUM PROGRES

"Nasilje ne smije biti privatna stvar"

Tim LGBT Forum Progresa oštro je osudio novi slučaj femicida u Baru i pozivao nadležne institucije da pristupe ovom i ostalim slučajevima nasilja u porodici sa najvećom mogućom pažnjom i da krenu primjenjivati oštru kaznenu politiku.

Iz Foruma Progres ističu da, prema podacima Uprave policije, nasilje u porodici ni u 2022. godini ne jenjava, pa je tokom januara prijavljeno čak 23 slučaja.

"Rodno zasnovano nasilje i dalje predstavlja ozbiljan društveni problem sa kojim se suočava svaka treća žena u Crnoj Gori, a najekstremniji oblik nasilja – femicid, sve više postaje dio zabrinjavajućeg trenda", navodi se. 

Poručuju i da nasilje nije i nikada ne smije biti privatna stvar.

"Crna Gora mora postati društvo koje ima nultu stopu tolerancije na sve oblike nasilja. Nestabilna politička i društvena situacija, kao i COVID pandemija ne doprinose smanjenju stope femicida i porodičnog nasilja, već suprotno - pospješuju ga. Apelujemo na sve društvene aktere, da svu pažnju posvete suzbijanju nasilja i preventivnom djelovanju protiv femicida jer SAMO ŽIVOT NEMA ALTERNATIVU - sve ostalo ima", zaključuju iz LGBT Forum Progresa.