B.Bu. [ Glossy ]

ISTRAŽIVANJE

Za koliko se obnovi kosa? 

Kosa je skup dlaka na glavi čovjeka. Prema dosadašnjim istraživanjima, čovjek u prosjeku ima oko 100.000 dlaka na glavi.

Životni vijek kose varira od dvije do četiri godine tako da se sva kosa obnovi za šest godina. Smatra se da na svakih 15 minuta čovjek ostane bez jedne dlake u kosi. To je od 30 do 100 vlasi dnevno, što zavisi od broja vlasi u kosi i njene boje. Inače, vlasi nisu jednake debljine.

Kosa štiti glavu, samim tim i mozak od negativnih uticaja spolja kao što su zračenje sunca, vjetar, i slično. Ona ima i estetsku ulogu. Njena boja varira zbog odnosa pigmenata i kiseonika, pa ne mogu precizno da se odrede baš sve boje i nijanse. Naravno, postoji osnovna podjela na plavu, crnu, smeđu i riđu kosu. Svaka boja karakteristična je za svaki kontinent, kao i njen oblik. Tako je, na primjer, za afrički kontinent karakteristična gusta loknasta crna kosa, a za Evropu smeđa blago zatalasana kosa.

Najduža izmjerena vlas kose dugačka je 5,627 metara, a mjerenje je izvršeno 8. maja 2004. godine. Taj rekord, koji je postigla Kineskinja Ksi Kjuping, upisan je u Ginisovu knjigu.