N.R.

POSTIGAO ČETIRI GOLA

Nestvarna noć za Kola Palmera

Čelsi je deklasirao Everton 6:0 u 33. kolu Premijer lige, Kol Palmer postigao je čak četiri gola.

Prvi već u 13. minutu za 1:0 na asistenciju Džeksona. Samo tri minuta kasnije novi pogodak - opet Palmer za 2:0.

Het-trik je kompletirao u 29. minutu novim golom za 3:0.

Do kraja prvog poluvremena još jednom se zatresla mreža Evertona, ovoga puta je pogodio Džekson u 44. minutu.

Interesantna scena u 64. minutu kada je dosuđen penal za Čelsi, četvorica igrača su se otimala oko lopte ko će izvesti najstrožiju kaznu - učinio je to Palmer za 5:0. 

Posljednji gol na meču postigao je mladi Gilhrist u 90. minutu za konačnih 6:0. 

Palmer je stigao do svog 20. gola čime se izjednačio sa Erlingom Halandom na vrhu liste strijelaca sa 20 golova, a ima i čak devet asistencija.

Mladi Englez je postao i prvi igrač koji je uspio da bude strijelac na sedam uzastopnih utakmica na "Stamford Bridžu".