L.V.

13. 05. 2022. 13:02   >>  13:02

I DALJE LJUT NA BIVŠI TIM

Batler poručio Filadelfiji nakon izbacivanja: Tobajas Haris umjesto mene?

Košarkaš Majami Hita Džimi Batlet sinoć je imao sjajnu noć u trijumfu svoje ekipe nad Filadelfijom, i sa 32 poena je izbacio svoj bivši klub.

Popularni Džimi "Bakets" nije mogao da se suzdrži kada se meč završio pa je u prolazu pred kamerama izbacio "Tobajas Haris prije mene?".

 

Ovo je referenca na situaciju kada je i sam bio košarkaš Siksersa, al ga je tim iz Filadelfije odlučio pustiti i zadržati upravo Tobajasa Harisa.

Da stvar bude gora, Haris je potpisao jedan od najunosnijih ugovora u NBA ligi vrijedan 180 miliona dolara na pet godina.

Navijači Filadelfije su sigurno sa ovog aspekta još i više razočarane, jer je Batler skrajnut i na želju Bena Simonsa, koji je kasnije i sam napustio Filadelfiju.

Sve ovo Batler nije mogao da im zaboravi pa je zato i "izdušio" pred kamerama.

Ipak on je i dalje u sjajnim odnosima sa bivšim saigračem Džoel Embidom, koji je i sam kazao da mu nije jasno što su pustili takvog igrača.

 

"Srećan sam zbog njega. Neću sjedjeti ovdje i praviti se da ne bih želio da smo i dalje saigrači. Još ne znam zašto smo ga pustili. Volio bih da sam s njim išao u ove bitke, ali tako je kako je. Moramo nastaviti graditi i doći do svog cilja", rekao je Embid nakon meča.

 

"Rekao sam mu da ga volim i da sam ponosan na njega. Da, da, da, volio bih da sam još u njegovoj ekipi. Definitivno volim Majami Hit, i drago mi je što sam tu, ali imam toliko ljubavi i poštovanja prema Džoel Embid", dodao je Batler.